연쇄살인마 – 유영철 韓國最有名的連環殺人狂魔 – 柳永哲 (2003) #571
부산 신혼부부 실종사건 釜山新婚夫婦失蹤事件 (2016) #716
韓國懸案/奇怪案件 (2)
#571書生大人•2019年1月27日 13:51:14
연쇄살인마 – 유영철 韓國最有名的連環殺人狂魔 – 柳永哲
柳永哲於2003年9月至2004年7月，接近一年時間內奪去了二十人的生命。（聲稱係二十一人，但後來證實是二十人）
檢測一個人是否psychopath，需要透過一個叫PCL-R的測試，柳永哲在測試中獲38分（滿分40分，25分或以上就會被判定為psychopath）。
補充一點，即使在PCL-R試獲得超過25分，並不等於就是殺人犯或是罪犯。
柳永哲於1970年4月18日於全羅北道高敞郡出生，有兩個哥哥及一個孖生妹妹（異卵雙胞胎），妹妹在一年後才作出生登記。生母被父親拋棄後迎娶了繼母入門，加上當時生活困難，曾經有想過殺掉柳永哲（呢度唔肯定係老豆定繼母想殺佢）。
柳永哲家最大的問題不只是窮困，而是酗酒後會對他拳打腳踢的父親。
從六歲起，柳永哲一直在繼母及兄長膝下長大。他的父親及繼母每晚都會對他暴力相向。
而讓他搬去和母親一起住，加上可以重新入學的是Charles-François Daubigny（畫家）。他於九歲再次入讀小學，而小學、初中及高中都是在首爾孔德洞一帶度過。
https://na.cx/i/wvAHLxT.png
柳永哲的畫作
初中一年級時，他的父親離世，兄弟被接回與生母及他一起生活。
柳永哲初中時期正常度過，直至考藝術高中後落榜而深受挫折（我諗起希特拉）。其後入讀工業高中，但因為不適應而主動退學。
他的孖生妹妹於高中三年內，次次考頭十名，畢業後加入了大企業工作。
當時鄰居（D三姑六婆）都說“柳永哲讀書差到連高中也考不到，但妹妹讀書十分厲害＂、“想不到雙胞胎會有著這樣完全相反的人生＂由那時開始，他漸漸走向犯罪的路途上。
2003年9月11號，柳永哲從全州監獄出獄13日後，在首爾江南新沙洞殺害了一對（名譽）教授夫婦。
#573書生大人•2019年1月27日 14:01:35
補充返一點，喺開始殺人前，柳永哲已經多次因偷野而坐監
#577泥菩薩爆缸•2019年1月27日 14:34:24
想睇下啲破到案既case
呢個真
睇咗咁多懸案真係幾sad
#578合翻埋把口先•2019年1月27日 14:39:08
見到大家講voice同signal，唔知有冇人有睇過套叫隧道
我覺得依套都拍得好好睇
#583日出不眠•2019年1月27日 15:24:29
幾時會講世越號，一直等緊好想睇呢單史上政府應對最荒謬既船難
#586電工•2019年1月27日 15:31:13
梨泰院有冇多D keyword?
google “梨泰院” 淨係得講飲講食
#588Sylphzzz•2019年1月27日 15:32:30
梨泰院懸案咪搵到
梨泰院地方名黎梗係搵唔到
#589Sylphzzz•2019年1月27日 15:39:57
都差唔多十年前睇
唔太記得案情
但係受害人個樣仲係有dd印象留左係到
屋企依家無人唔夠膽google比你
大概係受害人比人殺左之後
將佢遺體改造
胸部切走左內臟唔見左果d
同埋個嘴界開到好似小丑咁
可能有錯
等其他記得既巴打補充
#591書生大人•2019年1月27日 15:47:02
/個奇案節目搵過專家做射擊測試，反而話唔係槍傷
因為頭骨既窿穿咗單一邊（話如果槍傷會穿過埋另一邊頭骨），同埋個窿既size都唔似係槍傷
有無機會係鈍物撞擊或者槍柄造成？/
佢地測試咗好多樣野，有d傷口似係鉗造成（有d好細既傷口），有d似係槌仔兩邊唔同既頭造成
但都係確認唔到兇手係搵乜野係咁打佢地個頭
#596滄笙踏歌•2019年1月27日 16:35:09
五個青蛙少年呢單，電影講埋個屠夫九成係兇手，
因為熟識地形、屠殺手法相同、打結手法相同，但證據不足捉唔到
#597書生大人•2019年1月27日 16:36:26
從此案開始到2004年7月，他在首爾各處奪去了20人的生命，受害人由富有的老人到上門按摩師都有。
在遊走於殺人遊戲以前，他曾犯下多次盜竊、勒索等罪行。例如以偽造的警察證件去勒索一些從事不受法律保護職業的人（例如上門按摩師等）
在開始殺人後，他曾因盜竊再被捉入警局。由於怕被搜出偽造的警察證件而被揭發是連環殺人犯，所以從警局二樓跳下來逃走。
犯下殺人罪以前的他，曾多次被拘留。他聲稱自己與一個牧師結緣，信奉了宗教，甚至乎當時他會隨身戴著十字架。他希望可獲從輕發落，結果卻被判十年徒刑，在此以後變為反宗教人士。
後來他犯下的殺人案中，不少受害者是居於教會附近，很有可能是與他反宗教有關。
2003年到2004年的殺人案件如下：
1. 2003年9月24號
首爾江南區新沙洞
S女子大學名譽教授李某（72歲）及其夫人（67歲）被鈍器所傷而死
2. 2003年10月9號
鍾路區舊基洞
潛入停車場管理員高某（60歲，男）的家中，把其夫人（58歲）、母親（82歲）及兒子（35歲，肢體殘障）以鈍器猛擊34次
3. 2003年10月16號
江南區三成洞兩層住宅
潛入單棟住宅後把崔某（70歲）及其夫人（69歲）以鈍器殺害
4. 2003年11月18號
鍾路區惠化洞兩層住宅
潛入單棟住宅後把金某（87歲，男）及其家務助理裴氏（53歲，女）以鈍器殺害，為了銷毀證據而縱火。現場還有金某初生的曾孫，他用被包圍著嬰兒，剛好在他窒息死前離開了案發現場，所以金某的曾孫勉強撿回一條命。（唔知係咪有心放過BB）
5. 2004年3月
麻浦區老姑山洞商住兩用大廈
柳永哲在自宅內殺害了按摩小姐金某（25歲）
6. 2004年4月14號
中區黃鶴洞
在市集以自己的BESTA貨VAN吸引檔主巖氏（44歲，男），然後將其殺害
7. 2004年4月至7月
麻浦區老姑山洞商住兩用大廈
以電話召妓女或按摩師上門，然後把她們殺害，合共11人
#598嘿等我變身先.•2019年1月27日 16:42:45
最恐怖都係活顯帝國教單野
最衰個節目腰斬左 睇到最高潮位就冇左
#599書生大人•2019年1月27日 16:46:20
/五個青蛙少年呢單，電影講埋個屠夫九成係兇手，
因為熟識地形、屠殺手法相同、打結手法相同，但證據不足捉唔到 /
唔敢睇套戲，驚係咁喊
#606煙三文魚•2019年1月27日 18:14:40
好多serial killer童年俾人虐待導致人格有問題
其實都係可憐人 當然佢地係仆街
最慘都係無辜嘅受害者
#607Nonstyle•2019年1月27日 18:34:32
/好多serial killer童年俾人虐待導致人格有問題
其實都係可憐人 當然佢地係仆街
最慘都係無辜嘅受害者 /
佢地都唔想做仆街
根本元兇就係果班父母虐待狂
亂咁打自己個仔
唔識教咪撚生啦
#610書生大人•2019年1月27日 19:16:54
地攤檔主巖氏身受20處刀傷而死，屍體被裝在汽油桶內再被帶到月尾島埋藏，而作案時用到的貨車亦被他焚毀，證據消失了。
巖氏平常因地攤管制問題常出入警局，所以一眼就認出柳永哲的警察證是假的，亦因此加劇柳永哲要殺他的想法。
巖氏為四兄弟中的長男，案發後家庭變得支離破碎。七個月後，巖氏的弟弟（排行第二）因受到太大打擊而自殺身亡。八個月後，家中最小的弟弟同樣以自殺方式結束生命。最後剩下排行第三的弟弟也曾試圖自殺，九死一生後一直接受精神科治療。
巖氏的妻子到現場參與案件重組時，看到一臉泰然自若的柳永哲，頓時哭得呼天搶地。結果她與孩子們一起過著銷聲匿跡的生活，亦與巖氏的弟弟們中斷聯絡。
警方調查多名受害者身份後，發現柳永哲主要針對打扮看起來像風塵女子的人，強姦後殺害，但實際上當中也有人並非從事色情事業。（我諗有d按摩師真係純按摩師嚟）
另外，受害者都是不太具反擊能力的弱者，包括女性、殘疾人士及老人等等。
柳永哲透過殺人來獲得快樂，而且專門選擇看起來好欺負的對像下手。加上柳永哲身高約170CM左右，無法輕易對付一般成年男性。（唔計肢體殘障既高某，殺巖氏係因為被佢踢爆而惱羞成怒）
初期殺人主要是潛入人家中再以鈍器動手，後期主要以電話聯絡按摩師等等的女性到自己家中，把她們殺害後再毀容。
因為之前犯案時曾被CCTV拍下他的身影，從帽到鞋子種類都羅列在通緝令上，也是為什麼後期他轉變為較消極的犯案手法。
他把妓女叫到自己住所，再搶去她們的金錢、用她們的電話發訊息給該色情場所老闆（龜公）“我已找到真愛，不會再做這行。＂，製造好不在場證據後，再用槌子等把她們殺死。
能成功逮捕柳永哲的功臣可說是一班皮條客，他們發現許多消失的小姐在失蹤前都是接到一個特定的電話號碼。幾個皮條客商討過後，特別注意該號碼。
柳永哲一般不會使用同一個電話號碼打去同一間色情場所，但他並不知道這些電話號碼最終都會被同一間場所收集。（以為係小店，原來係大集團）
2004年7月15日，柳永哲被捕。警察最初只以為他是一般犯人，直至問及“你用電話叫的按摩師現在是什麼情況？＂。
那時他回答“西南部的連環殺人犯，正是我＂
在警方未完全搞清楚發生什麼事時，他先主動提出告訴警方藏屍的地點，然後趁亂逃離警局，11個小時後在永登浦站再次被抓住。
#613書生大人•2019年1月27日 19:32:58
/呢到唔明，唔用同一個號碼點比人認到？/
定係用同一個號碼但打比唔同馬夫？
只會用同一個號碼打去同一個地方一次
佢用同一個號碼打過去幾個色情場所，但原來呢d電話號碼會被一間大d既公司收集，所以佢地就知道有問題
#615一個人好撚悶•2019年1月27日 20:20:25
/佢用同一個號碼打過去幾個色情場所，但原來呢d電話號碼會被一間大d既公司收集，所以佢地就知道有問題/
姐係類似幾間雞竇都係某間「公司」睇場，所以佢換電話但每一個電話打幾間雞竇都會比人發現？
#616蔡芯媽媽•2019年1月27日 20:26:08
除左電話，可能係認埋地址同把聲？
#617書生大人•2019年1月27日 20:47:56
/姐係類似幾間雞竇都係某間「公司」睇場，所以佢換電話但每一個電話打幾間雞竇都會比人發現？/
係呀，佢可能以為雞竇係獨立經營，所以自以為好小心咁冇重複打去同一個雞竇，但呢堆雞竇所收到既電話資料都會交俾一間公司
另外，三個月內有十一個小姐都係出去做完生意之後就冇返嚟，咁樣都好奇怪啦
唔排除幾個馬夫本身係有聯絡，大家傾開計覺得奇怪而再查
#620書生大人•2019年1月27日 21:23:32
/另外，三個月內有十一個小姐都係出去做完生意之後就冇返嚟，咁樣都好奇怪啦/
講錯樣野，十一個死者入面應該係有妓女同按摩師，唔淨係得妓女，自 唔好意思
#623返工等放工la•2019年1月27日 22:45:16
睇黎好多國家d警察都好撚hea
有冇邊個國家係比較高效率
#624黑絲小花貓•2019年1月27日 22:52:52
南韓「3母子性侵事件」可唔可以講下
好似上完節目之後又無左件事
#629藍眼白瓏•2019年1月28日 00:10:59
/另外，三個月內有十一個小姐都係出去做完生意之後就冇返嚟，咁樣都好奇怪啦/
3個月殺左11個先有人覺得有唔妥反應都好慢下
#637書生大人•2019年1月28日 01:34:04
柳永哲在調查中屢屢行使緘默權，直至警務官親自負責調查後，這時他才承認與四宗殺人案有關。
https://na.cx/i/tsYVpZb.png
案件調查初期他說自己殺害了26人，但後來他本人又否認，而且亦沒有找到其他證據，警方認為他說話的可信性不高，最後判斷受害者為20人。
另外，搜查現場後發現當中有幾具遺體缺少了一部分內臟，追問後他才坦白道有食過人。
及後在8月13號，被拘留中的柳永哲對於殺害20人的指控認罪（除了里門洞殺人案外）。
2005年6月9號，柳永哲被判處死刑，現在仍然處於囚禁階段。
2014年11月，柳永哲被發現於獄中偷偷給監獄看守人員錢，讓他偷運日本漫畫、成人寫真及黃色小說等。
柳永哲有一個兒子，與大家想像PSYCHOPATH會有暴力傾向之類的印象不同，他非常疼愛兒子。
調查里門洞女性殺人案件時，他為了討好、籠絡警察，甚至作虛假陳述，只為了讓警察在兒子大學入學時可多加幫忙。
在獄中與記者通信時，他也常稱讚自己的兒子。被殺的受害者中，沒有10-19歲這個年齡層的人，很有可能是受到兒子的影響。
但2000年（成為連環殺人犯前），他曾因強姦未成年少女而被判三年徒刑。
以下為柳永哲與記者的其中一部分通信內容：
“對我而言，最可怕的瞬間並非被切割的頭顱在毛巾架上掉下來，也不是沒有頭顱的軀幹向我撲上來，而是接到兒子打來問我感冒康復了沒有的電話，那是對我來說最可怕的。＂
柳永哲的前妻黃某曾在訪問中談及“以柳永哲妻子身份生活的那段期間可說是無比可怕。＂
但讓人意外的是柳永哲從來沒有對她施加過暴力。
補充多少少：
柳永哲於1991年結婚，前妻（職業為按摩師）於2002年提出離婚。及後雖然有遇到新的對象，但對方介意他案底纍纍兼且離過婚。（解釋返點解佢殺咗咁多女人）
#639書生大人•2019年1月28日 01:58:18
有關柳永哲既部分暫時係咁多，我攰啦
#647容易襯衫丫嘛•2019年1月28日 03:31:07
竟然冇打過老婆
又順攤離婚？
咁個老婆話好可怕係因為咩？
#650老伊•2019年1月28日 03:47:58
可能係佢成長背景無咩家庭溫暖 所以先想對老婆同個仔好啲
但前妻做按摩師 佢又殺咁多按摩師
#663書生大人•2019年1月28日 12:26:50
應該係因為窮同埋柳永哲成日坐監呀，佢殺人以前曾經衰過14次偷野，勒索，係咁入去坐
所以佢前妻先提出離婚
就係因為佢前妻係按摩師，所以佢特別針對按摩師，覺得被佢前妻拋棄，冇人要佢
計返佢老婆02年提出離婚訴訟，佢03年就開始殺人
可能覺得自己都無人無物，咪更加憎個社會
#668快來拿裝甲包•2019年1月28日 12:45:01
多謝樓主翻譯
睇到最新果篇諗起之前睇過嘅文：
[翻譯] Reddit-LNM 穿黃色雨衣的男人
https://www.ptt.cc/bbs/marvel/M.1482410602.A.ACC.html
請問文中條友係咪就係兇手？
#671女子月巴•2019年1月28日 12:51:09
/可能覺得自己都無人無物，咪更加憎個社會/
睇到呢段有啲心up，對外係個窮兇極惡既殺人狂魔，但返到屋企就係個好爸爸好丈夫，就算前妻拋棄佢佢都冇殺個前妻但走去殺啲唔關事既人，好矛盾
#678書生大人•2019年1月28日 14:56:13
都稱唔上係好老公，係咁衰偷野坐監，不過佢對屋企人係比我地想像中好
#692Sylphzzz•2019年1月28日 18:44:22
/睇到呢段有啲心up，對外係個窮兇極惡既殺人狂魔，但返到屋企就係個好爸爸好丈夫，就算前妻拋棄佢佢都冇殺個前妻但走去殺啲唔關事既人，好矛盾/
唔係好老公啦
結左婚仲衰性罪行比人捉左前妻先頂佢唔順同佢離婚
佢本身仲諗住殺前妻
唔殺只係因為個仔所以放過左前妻
#693做愛做全套•2019年1月28日 19:16:51
開始明白點解韓國d犯罪電影咁好睇
有咁多真人真事改編同參考
#695書生大人•2019年1月28日 19:44:13
今日有野做，要好夜先開到新一單case
新一單會講釜山夫婦失蹤案
#697yura子瑜•2019年1月28日 20:13:55
上wiki搵柳永哲佢仲未死？
唔係一早判左死刑咩
定係未有人update wiki?
#699YouWereBeautiful•2019年1月28日 20:47:21
係唔係判咗但未處刑？ 無記錯好似有得咁 之前沙林毒氣班友隔咗幾廿年先處
利申：唔清楚
#700書生大人•2019年1月28日 20:58:47
判咗死刑但未處死（截至上年年尾都未死，而家唔知）
好似好多都唔係即刻處死
#707TomHolland•2019年1月28日 22:54:18
google過韓國由1997年開始已經冇執行過死刑
表面上好似仲有死刑 但係其實同廢除咗死刑已經冇分別
所以柳永哲應該唔會處死
#711blu-ray•2019年1月28日 23:58:38
我見好多地方都係好多年後先執行死刑
應該係唔想殺錯人等人有得翻案？
不過韓國咁多年都無執行過應該都係當無左死刑變終身就算
#716書生大人•2019年1月29日 01:59:40
부산 신혼부부 실종사건 釜山新婚夫婦失蹤事件
全氏夫婦（二人同年生）是一對於2015年11月共諧連理的新婚夫婦。
六個月後，2016年5月27號晚上10點，妻子崔氏在附近的超市購物後回家。丈夫全氏於5個小時後，即28號凌晨3點下班後回家。
二人回家的身影都被CCTV拍下。
至29號，妻子崔氏的同事見她一直未上班，於是打電話給她。而接的電話的並不是崔氏，而是其丈夫全氏。他說妻子崔氏在短時間內無法上班。
（補充個詳細d既版本，同事之前收到崔氏短訊話暫時返唔到工，之後覺得文字上既語氣好奇怪，唔似係崔氏自己打既，於是打俾佢，但已經熄咗機。
之後收到全氏既聯絡，佢就諗住send message俾佢，點知全氏主動打過去，話崔氏食完藥聽唔到電話（佢之前有抑鬱症）之後再話佢食藥咁應該之後一段時間都返唔到工）
全氏的父親（其實都係姓全 ）打算寄一些保健食品給兒子，於是打電話給他，但電話未被接通。父親覺得奇怪，於是直接去兒子的公司，卻得知兒子從28號下班後就沒有上過班。
由於一直聯絡不上二人，家人於31號報警。警方接案後翻查CCTV記錄，詭異的是從28號起，二人的身影就沒有再出現過。
警方搜查過大廈內部、停車場、出入口，甚至附近的交通客運站、火車站等等，都沒有發現二人的身影。
電梯必定有CCTV，既然兩人沒有被電梯的CCTV拍下，唯一可能就是行樓梯離開。可是，在電梯沒有故障的情況下，住在十五樓的二人為什麼要選擇行樓梯呢？
而且，即使二人下了樓梯，仍然需要通過大門出入口，但出入口同樣是有CCTV的，除非他們從CCTV拍不到的盲點位置離去。
由此可推斷他們必定不是以正常的方式離開大廈，而是有計劃地消失。
又或是其他人有預謀地製造他們的失蹤。
#717書生大人•2019年1月29日 02:03:23
接下來是對他們失蹤的三個假設：
1. 到底他們是不是潛水？
全氏夫婦與其他夫婦不同的地方是，丈夫全氏以前有一個暗戀對象（有D話係初戀，不過佢地暗戀都計初戀）尹氏。所以丈夫全氏、妻子崔氏及尹氏三人是有感情瓜葛，全氏夫妻與尹氏是不和的關係。而夫妻二人亦收過尹氏的恐嚇電話，所以二人有機會為了迴避尹氏而潛水。
呢PART補充兩點：丈夫全氏的熟人說全氏另外有一部電話，專用來與尹氏聯絡，二人會通幾個小時電話，因此妻子崔氏患上過抑鬱症。
而且尹氏在結婚後與全氏仍保持不正當關係，一個月後和丈夫離婚，之後她一直怨恨全氏。
可是在沒有他人幫助下，二人很難這樣長時間地對外斷絕聯絡（沒有提款、電話記錄），也是這個說法較站不住腳的原因。
2. 是不是丈夫把妻子殺掉？
與妻子崔氏事前沒有任何異樣不同，從丈夫全氏失蹤前所發的短信來看，他大概知道自己將會有一至兩個月的時間潛水，加上他與尹氏又有不正常的關係。
補充一點：全氏的同事說全氏與他交代一段時間不能上班時的聲音狀態很差，像幾天沒有睡好的人的聲音般。全氏說自己有事要解決，解決好才可以上班，到時候再告訴他什麼事。
另外夫家對於二人失蹤的態度比起娘家泰然得多。
警察在現場搜查時發現，屋內並沒有打鬥或血液痕跡，CCTV也沒有拍下疑似移動屍體的畫面。
3. 會不會二人是被綁架？
雖然CCTV沒有拍到可疑的人，但同樣沒有拍到他們主動離開，所以也不能排除他們被人潛入家中後以其他方式帶走。
#718書生大人•2019年1月29日 02:06:45
另外，再補充幾個疑點：
1. 二人沒有巨額保險，也沒有債務問題。
2. 兩家人對事件的態度分別：案發後妻子崔氏的家人一直有尋找女兒，但丈夫全氏的家人反而是搬家了，這樣舉動也是十分奇怪。
奇案節目有訪問過夫家的人，全氏的母親說“我對此一無所知，只是想著他們會不會在某處過得很好。＂
父親則說“媳婦曾經說過想去什麼地方，也許是去了那裡。我要保護我的兒子。＂然後拒絕訪問。（呢句野都好怪，點睇都似佢係知個仔喺邊咁）
3. 尹氏夫婦的舉動
丈夫全氏曾經的暗戀對象尹氏，其後與其他男人結婚（嫁去挪威）。在全氏夫婦失蹤前曾回國（5月14號回國），在他們失蹤後又出國（6月7號出發到挪威）。
而且在回國的期間，尹氏只使用現金。（ 好似特務咁）
2017年3月，國際刑警組織申請發出紅色通緝令。同年8月在挪威拘捕尹氏。（但話佢拒絕返韓國，同埋喺挪威請咗律師，所以應該一直仲留喺挪威）
而奇案節目追查時，發現尹氏夫婦已搬離原來的住處。後來節目找到尹氏的老公，他嚴正拒絕接受訪問。
呢單完啦
#722書生大人•2019年1月29日 02:43:53
/第一點好亂，睇唔明/
因為老公全氏本身同初戀尹氏糾纏不清，尹氏自從離咗婚之後就成日發癲搵全氏兩公婆，又恐嚇佢地咁
所以有d人覺得全氏兩公婆會唔會係為咗避佢而潛水
老婆崔氏同老公初戀尹氏關係就一定差，但老公同初戀既關係就好難講，如果老公頂唔順佢咁煩既話，可能都真係會潛水避佢
但如果老公其實真係仲鍾意初戀既話，咁個老婆就
#723搞唔掂唯•2019年1月29日 02:43:57
華城連環殺人案都真係非本土人都好多電影電視劇都搵呢單野做借鏡
#724神偷奶媽•2019年1月29日 03:39:39
釜山夫婦呢單野 咁快就完左 聽講佢地消失左果陣 間屋係好乾淨好整齊 完全係無人搞過咁 好似仲話剩係唔見左本passport？
#728山風小築•2019年1月29日 08:24:30
尹氏究竟係咩身份？國際刑警要發紅色通輯令追捕佢
#72910b•2019年1月29日 08:32:03
咁就完咗 又係冇答案
#732英倫風 •2019年1月29日 08:41:08
/尹氏究竟係咩身份？國際刑警要發紅色通輯令追捕佢 /
係唔係三個都係特工黎
#739笑你老母瀨屎呀•2019年1月29日 11:17:42
齋睇覺得老公全氏係同尹氏私底下可能有嘢（傾幾個鐘電話）而老婆崔氏可能唔鍾意 所以兩個夾計殺左佢/男既殺？
之後好後悔咁衝動殺左佢 男嘅搬走女嘅再嫁人冇再一齊？
#743樹熊小姐•2019年1月29日 12:07:07
樓上有人話佢地間屋只係唔見咗passport
有冇可能轉咗身分出國 如果係特務
#744書生大人•2019年1月29日 12:16:41
/釜山夫婦呢單野 咁快就完左 聽講佢地消失左果陣 間屋係好乾淨好整齊 完全係無人搞過咁 好似仲話剩係唔見左本passport？/
啱啱再搵咗少少資料，間屋係乾淨，冇人入侵過既痕跡，但護照、notebook、一半既底衫褲、幾件夏天衫都消失咗。
不過因為冇查到出境記鍛，唔排除係有人特登拎走護照扮出國製造假象。
老婆本身嗰晚咪買完餸返去，但d餸係就咁放咗喺枱面，冇執過。
而且佢地有隻狗，身邊既人話老婆崔氏好錫隻狗，警方搜佢地間屋嗰時，隻狗已經幾日冇野食。
#745書生大人•2019年1月29日 12:20:19
/尹氏究竟係咩身份？國際刑警要發紅色通輯令追捕佢 /
點睇都覺得尹氏好鬼咁
因為佢行蹤太可疑，所以被韓國警方列為最有力既嫌疑犯。國際警方要出通緝令係因為佢一直唔合作，逃避調查，所以最後咪要出動通緝令
#748書生大人•2019年1月29日 12:25:59
/齋睇覺得老公全氏係同尹氏私底下可能有嘢（傾幾個鐘電話）而老婆崔氏可能唔鍾意 所以兩個夾計殺左佢/男既殺？
之後好後悔咁衝動殺左佢 男嘅搬走女嘅再嫁人冇再一齊？ /
但從全部證據睇，老婆崔氏都係唔知情（買過餸呀、屋企人既反應呀）
尹氏係結咗兩次婚（第一次結完好快離咗之後發癲搵全氏夫婦，第二次就係嫁咗去挪威）
#750書生大人•2019年1月29日 12:27:59
/樓上有人話佢地間屋只係唔見咗passport
有冇可能轉咗身分出國 如果係特務/
我有諗過會唔會個老公同初戀真係特工，而老婆知道咗之後被人滅口，我諗特工呢d要避cctv都唔係難事
#751Ralion•2019年1月29日 12:41:29
/啱啱再搵咗少少資料，間屋係乾淨，冇人入侵過既痕跡，但護照、notebook、一半既底衫褲、幾件夏天衫都消失咗。
不過因為冇查到出境記鍛，唔排除係有人特登拎走護照扮出國製造假象。
老婆本身嗰晚咪買完餸返去，但d餸係就咁放咗喺枱面，冇執過。
而且佢地有隻狗，身邊既人話老婆崔氏好錫隻狗，警方搜佢地間屋嗰時，隻狗已經幾日冇野食。/
好奇怪
點解會知道一半既底衫褲、幾件夏天衫都消失咗
就算我自己，都唔知自己衣櫃放左幾多件衫啦，幾多件洗左未收返，何況唔係當事人
#752書生大人•2019年1月29日 12:47:35
/好奇怪
點解會知道一半既底衫褲、幾件夏天衫都消失咗
就算我自己，都唔知自己衣櫃放左幾多件衫啦，幾多件洗左未收返，何況唔係當事人/
呢個真係答你唔到，唔知佢地點得出呢個結論
1 Comment