청주 물탱크실 주부 살인 사건 清州水缸主婦被殺案 (2002) #63
개구리 소년 실종 사건 青蛙少年失蹤案 (1991) #339
韓國懸案/奇怪案件
#63書生大人•2019年1月25日 00:32:42
청주 물탱크실 주부 살인 사건：清州水缸主婦被殺案
2002年6月28號，在忠清北道清州市一棟獨立屋的天台上放置水缸的房間內發現已失蹤23日的43歲主婦姜氏的屍體。
6月5號下午5點，姜氏的兒子（當時正就讀高中一年級）放學回家後，發現家中大廳異常混亂。
梳化移出了原來的位置、飯桌的椅子倒下、電話線被拔掉、洗衣機內仍有衣物，廚房內殘留著晚飯的材料、小菜等等。
平常姜氏是個十分整潔的人，屋內種種現象都不符合她的行事作風。
於是姜氏的兒子等待就讀初中三年級的妹妹回家後一起尋找母親的去向。
二人找了一整晚卻無所獲，於是只能靜靜在家中等待母親回來，可是卻沒有任何消息。
因此，二人於6月6號報稱母親姜氏失蹤，卻一直未獲警方正視。
#64書生大人•2019年1月25日 00:37:08
接下來的內容主要從2011年8月20號播出的그것이 알고싶다（上文提及韓國專門探討奇怪案件的節目）裡整理出。
1. 姜氏失蹤時間為2002年6月5號，下午3點半到5點中間。
2. 梳化本來在壁櫃前方，但兒子回家後發現梳化被移出，與本來的位置有一段距離，而且壁櫃門被打開。餐桌椅子倒下、電話線被拔、洗衣機內尚有衣物、廚房有幾樣小菜，顯然正在準備晚餐時消失的。
被無視的證據1-2
警方雖受理案件，但並沒有進屋調查。姜氏的家人認定姜氏肯定是遇到危險（正常喇下話！屋企個情況咁樣然後個人唔見咗喎！），於是再請求警方調查，但警方認定姜氏只是離家出走，沒有理會家中所留下的任何證據。
3. 2002年6月5號（姜氏失蹤當日），下午5點22分，在距離姜氏住所20分鐘外的銀行內，有人用姜氏的提款卡提款。然後到下午5點33分，巴士隧道的提款機又有人用姜氏的提款卡提款。2002年6月7號，上午11點20分又有人用姜氏的卡再次提款。數次提款後，合共約有一千萬韓圜被提出。而CCTV拍攝到第一次提款的畫面，是一名陌生男子（年約二十至三十）進行提款的。
姜氏丈夫“我在1991年6月25日遇到交通意外，其後約5年時間一直在醫院度過。在這段期間，我妻子從來沒有離開過我身邊，甚至把當時的房子賣掉，搬到醫院附近，就是為了方便陪伴及照顧我。＂
姜氏與丈夫及兒女的感情很好，三人對於她的細心照顧亦非常感激，許多身邊的親友都可以證實。而且姜氏從來沒有試過在不通知任何人的情況下離開家中，亦是為什麼家人直覺姜氏是遇到不測。
姜氏丈夫“存摺及提款卡是家庭戶口，以我的名義登記。我向銀行查詢後發現存摺內有一千萬被提出。我妻子是個用一百元也要思前想後的人，而且這筆錢是用我身體換來的（應該係交通意外既賠償之類），除非到非用不可的情況，不然絕對不會隨意動用。＂
姜氏失蹤當日，丈夫已發現戶口有被提取現金，於是立即向警方報案。
警察一直主張姜氏是主動離家出走，更說現在許多已婚女性有婚外情，可能提款去風流快活，又叫姜氏丈夫不用擔心，姜氏玩幾日就應該會回來。
#66書生大人•2019年1月25日 00:39:26
https://na.cx/i/ZVbWuAA.png
姜氏丈夫不安地又向銀行查詢，結果從6月5日下午5時22分開始至6月7日中午12點有多次提款記錄，每次提七十萬。
姜氏丈夫與家人查看過CCTV後，因為發現是陌生男子提款，於是再把證據給予警方，希望他們能正視案件展開調查。
可是警方回答“有可能是她要與這個男人風流快活所以提款吧？所以你看這張照片，是個年輕的男朋友。＂
姜氏丈夫反駁妻子已是四十歲中的女性，怎會與個年輕人偷情。後來警察又改口說可能姜氏是找人做跑腿提款（因為不想被CCTV拍到）。
後來警方有解釋因為這單案之前有許多主婦的確是偷情後離家出走，所以他們剛接到姜氏失蹤時以為是同一類案件。
結果是姜氏家人自己把CCTV拍到的男性印在海報上到處貼，希望可以找到線索，因為警察仍然不願意調查案件。
呢單仲有好長，今日出住咁多先
#67白雲城主葉孤城•2019年1月25日 00:41:40
原來韓國同日本d警察一樣都係咁垃圾
#68澤尻英龍華•2019年1月25日 00:42:11
奇案通常都係差佬嘅無能造成
#69書生大人•2019年1月25日 00:48:03
/原來韓國同日本d警察一樣都係咁垃圾 /
睇到我反哂白眼
咁多證據都唔查，餐飯煮到一半，洗衫又洗到一半都話人去私奔
#70書生大人•2019年1月25日 00:48:45
/奇案通常都係差佬嘅無能造成 /
佢地係錯過哂所有證據，真係好痴線，幫個犯兜埋咁
#71PHilOphoBIA•2019年1月25日 00:49:16
/咁多證據都唔查，餐飯煮到一半，洗衫又洗到一半都話人去私奔 /
咁都講得出係咪智力有問題
#72TomHolland•2019年1月25日 00:57:50
留名
韓國好撚多邪教咁
#74書生大人•2019年1月25日 01:09:07
/韓國好撚多邪教咁 /
本身都多耶撚
#84彭于晏真人•2019年1月25日 01:38:37
第一單咁個測謊機用途係咩 證明到講大話又告唔入
#98新福狗•2019年1月25日 02:45:39
第一單我估最合理係想賣條女去歐洲做雞
點知事敗就殺左條女
只係點解咁都查唔死佢，明明最後接觸死者
鎖定佢再叫市民一齊報料，應該好多搵到條屍
or 有人證明案發地方
#100佳節眾人一對對•2019年1月25日 03:25:20
我覺得第一單條仔唔係咁簡單
可能唔係第一次
#105宇宙第一美人•2019年1月25日 03:52:32
/留名等睇世越號/
韓國邪教真係好撚癲，記得有段記錄片啲家長跪哂係碼頭地下問啲搜救人員點解唔去救班學生，架船好似沉到一半定點，啲搜救人員好似撞邪咁郁都唔郁 望住自己嘅仔女係對面架船到無人去救佢地係到等死真係好心痛
#114薄餅•2019年1月25日 05:10:52
痴撚級，第三單案警察無能到一個點，想知韓國警察係咪出名廢
#126金秦享•2019年1月25日 08:17:48
留名，會唔會講下青蛙少年？
#128投奔初夏•2019年1月25日 08:21:14
/韓國邪教真係好撚癲，記得有段記錄片啲家長跪哂係碼頭地下問啲搜救人員點解唔去救班學生，架船好似沉到一半定點，啲搜救人員好似撞邪咁郁都唔郁 望住自己嘅仔女係對面架船到無人去救佢地係到等死真係好心痛 /
https://www.hk01.com/熱爆話題/132228/世越號-謊言-書中避用這個詞語-翻譯細心不讓罹難者父母難過
#130投奔初夏•2019年1月25日 08:23:02
/牙醫就牙醫啦 /
https://zh.wikipedia.org/wiki/%E5%8F%A3%E8%85%94%E8%A1%9B%E7%94%9F%E5%B8%AB
#134嘉恒白月光•2019年1月25日 08:35:35
第一單係2013年 科技真係唔夠知道佢嗰四十幾公里車揸咗去邊咩？唔講以為2003年⋯⋯
#139撚貓貓撚•2019年1月25日 08:51:10
韓國啲警察係真係好廢
又係啲爛仔
可能依家有好啲
但做唔到野破唔到案唔出奇
#152九月完結前叫醒我•2019年1月25日 09:59:21
韓國警察唔係廢
係包庇權高人士 成班都可以無良心100%跟上頭order做野
#153生夢醉死•2019年1月25日 10:05:09
華城殺人事件果單都轟動 唔知個兇手依家瓜左未
#155賭本一舖清•2019年1月25日 10:14:38
啲奇案咪就係警賊無能，唔做野畀時間犯人消滅晒啲證據，乜都查唔到就變奇案
#160書生大人•2019年1月25日 10:27:48
/牙醫就牙醫啦 /
我特登寫個英文喺後面，就係因為唔係牙醫呀
Dentist have a degree and then attend 4 years of dental school where as dental hygienist only need a two year associate degree in dental hygiene.
Dentists come in after to diagnose any problems, examine x-rays, repair teeth, prescribe medicine, perform procedures like root canals, fillings for cavities, dental crowns and much more. Dentists are able to provide more skilled treatment whereas dental hygienists provide more general teeth care.
#161膝頭哥食辣椒醬•2019年1月25日 10:29:26
會唔會講臼齒爸爸
當初真係睇到呆左
仲有ss501邪教事件都係咁痴線
#162書生大人•2019年1月25日 10:30:14
/第一單係2013年 科技真係唔夠知道佢嗰四十幾公里車揸咗去邊咩？唔講以為2003年⋯⋯/
明明佢地多cctv，但居然冇話影到架車都好奇怪
#163書生大人•2019年1月25日 10:30:59
/講下五個青蛙失蹤少年事件
呢單都好奇怪/
呢單都會搵下，又係睇到好心寒
#164書生大人•2019年1月25日 10:32:42
/第一單咁個測謊機用途係咩 證明到講大話又告唔入/
我睇完都r撚哂頭，用完但告唔入，得個知字呀？知佢係兇手咁
#165尚書令•2019年1月25日 10:32:57
可能好多案都同政府高層/企業高層有關 好似之前個PO講個日本小天使案
#166你太強了,埼玉…•2019年1月25日 10:33:02
/第一單咁個測謊機用途係咩 證明到講大話又告唔入/
我諗測謊淨係chok到啲人唔覺意自爆啲嘢再搵證據查？
因為冇確實證據冇得定罪？
#167書生大人•2019年1月25日 10:36:17
/第一單我估最合理係想賣條女去歐洲做雞
點知事敗就殺左條女
只係點解咁都查唔死佢，明明最後接觸死者
鎖定佢再叫市民一齊報料，應該好多搵到條屍
or 有人證明案發地方/
我都覺得似係最初想賣咗佢，唔係點會話去美國，因為一去美國佢個身世實穿煲
雖然話韓國地方大，但沿住架車既行駛痕跡嚟查，又係咪真係搵唔到呢？唔知係警察做d唔做d定點
#168書生大人•2019年1月25日 10:38:00
/痴撚級，第三單案警察無能到一個點，想知韓國警察係咪出名廢 /
好黑暗就真
佢地好多野都係包庇有權有勢嗰班人，包括新聞嗰d都係
#169書生大人•2019年1月25日 10:38:57
/韓國警察唔係廢
係包庇權高人士 成班都可以無良心100%跟上頭order做野/
同埋嗰d「尊重」長輩既文化
#170嘉恒白月光•2019年1月25日 10:39:06
/第一單係2013年 科技真係唔夠知道佢嗰四十幾公里車揸咗去邊咩？唔講以為2003年⋯⋯
明明佢地多cctv，但居然冇話影到架車都好奇怪/
睇咗你post呢幾個 我都覺得只係警察無盡全力（除咗老婦人死喺屋企嗰單）
#171書生大人•2019年1月25日 10:40:33
/我諗測謊淨係chok到啲人唔覺意自爆啲嘢再搵證據查？
因為冇確實證據冇得定罪？/
應該係啦
可能冇估到條仔把口咁密，撬極都唔開口
#175賭本一舖清•2019年1月25日 10:54:26
/我睇完都r撚哂頭，用完但告唔入，得個知字呀？知佢係兇手咁 /
測謊機其實冇咩用，測完係判斷唔到佢點解要講大話，最後都係要實質證據先指控到佢
#179飛越東南亞•2019年1月25日 11:07:48
記得以前係WIKI睇過單拐子佬案件 話有埋人像素描同錄音
咁都拉唔到人 會唔會係泡菜警察太廢
#180我愛sakura•2019年1月25日 11:09:25
/記得以前係WIKI睇過單拐子佬案件 話有埋人像素描同錄音
咁都拉唔到人 會唔會係泡菜警察太廢 /
我知你講邊單, 仲要拍埋戲, 最後有播番果條友打比佪細路老豆老母既錄音出黎
聽到打冷震
#181徒步撚•2019年1月25日 11:10:18
對華城連環殺人案有興趣嘅巴打可以睇下殺人回憶呢套戲，嗰陣韓國根本就係一個極落後嘅地方警察唔識做警察而且科學鑒證剛剛萌芽，警察唔識得保留證據,基本上都綜合左點解韓國戰後咁多奇案
https://na.cx/i/AjTqrqw.png
#182藍可盈老公•2019年1月25日 11:13:42
/奇案通常都係差佬嘅無能造成
佢地係錯過哂所有證據，真係好痴線，幫個犯兜埋咁/
因為事主一家都唔係上流社會人士，警察唔想浪費人力物力幫你查，查到呢單案又唔會有職升既，你話佢係三星會長老婆就全國警察幫你查啦
而且「多一事不如少一事」呢種意識形態由古代中國儒家文化圈一直影響到依家既東亞洲
#187飛越東南亞•2019年1月25日 11:18:31
/對華城連環殺人案有興趣嘅巴打可以睇下殺人回憶呢套戲，嗰陣韓國根本就係一個極落後嘅地方警察唔識做警察而且科學鑒證剛剛萌芽，警察唔識得保留證據,基本上都綜合左點解韓國戰後咁多奇案/
強國90年代有單白銀市連環姦殺 又係一直拉唔到人 大約一兩年前靠對比DNA破左
如果現代泡菜警察肯做 華城呢單可能有啲希望
#190自己肯就範•2019年1月25日 11:34:43
懸乜鳩嘢案。泡菜收兇手錢放生嘅多。
#191憤世連登仔•2019年1月25日 11:38:31
無論經濟點發展都好 劣質基因都係改變唔到
#195風吹過羅斯福路•2019年1月25日 11:46:52
/強國90年代有單白銀市連環姦殺 又係一直拉唔到人 大約一兩年前靠對比DNA破左
如果現代泡菜警察肯做 華城呢單可能有啲希望/
好似係有班大陸連登仔係網上討論單案，慢慢聚埋好多大學生、刑警專家在上面討論，仲要整理得好詳細
咁岩當地又換咗個堅持要查舊案的廳長就好快破咗
#199鳩影人•2019年1月25日 11:54:08
/留名 個男朋友好有可疑 /
/似係啦，可能係李房年終於知佢從頭到尾講大話，所以嘈起上黎，個男一怒之下就殺咗佢
但其實我都有諗過會唔會本身個男嘅目的係賣咗李房年？如果唔係個大話吹到咁大，又話去美國又點，一定兜唔返嫁喎/
我覺得可能有賣過佢去做雞, 因為有話的士去過夜場, 酒店ETC
可能條女反抗唔聽話等等 最尾先賣佢單
#205Glockenspiel•2019年1月25日 12:02:52
/第一單咁個測謊機用途係咩 證明到講大話又告唔入
我睇完都r撚哂頭，用完但告唔入，得個知字呀？知佢係兇手咁 /
測謊唔係100％準確 有機會受到你情緒影響 可以當reference 但唔係證供
#206連登陳奕迅•2019年1月25日 12:04:04
留名做連登偵探
btw 最可怕係 睇到好多都係年代好近 特別係第2單case 呢個年代仲存在密室殺人 真係好痴線
#208我愛sakura•2019年1月25日 12:07:31
/記得以前係WIKI睇過單拐子佬案件 話有埋人像素描同錄音
咁都拉唔到人 會唔會係泡菜警察太廢 /
/我知你講邊單, 仲要拍埋戲, 最後有播番果條友打比佪細路老豆老母既錄音出黎
聽到打冷震 /
/呢單係咩黎架？想搵黎睇下/
https://zh.wikipedia.org/wiki/%E6%9D%8E%E4%BA%A8%E6%B5%A9%E8%AA%98%E6%8B%90%E6%AE%BA%E5%AE%B3%E4%BA%8B%E4%BB%B6
#212書生大人•2019年1月25日 12:10:23
/最可怕係 睇到好多都係年代好近 特別係第2單case 呢個年代仲存在密室殺人 真係好痴線 /
仲要佢地棟大廈又咩新科技保安系統，但咁樣都影唔到，個犯真係計劃得好周全咁
#214壁花•2019年1月25日 12:11:45
會唔會講下釜山夫婦失縱案
呢單都好耐人尋味
#218書生大人•2019年1月25日 12:31:06
/會唔會講下釜山夫婦失縱案/
呢單我都聽人講過，又係好奇怪，嗰時睇到起雞皮
#219三和紅姐•2019年1月25日 12:33:42
《遺留案件SS501的SOS》活顯帝國教
#220臨止水•2019年1月25日 12:38:57
/強國90年代有單白銀市連環姦殺 又係一直拉唔到人 大約一兩年前靠對比DNA破左
如果現代泡菜警察肯做 華城呢單可能有啲希望/
蒐集DNA唔係咁簡單
係香港人先咁賤被強制採集指紋
係好多民主同法治既國家呢兩樣野都受法律保護係個人私隱
要上庭作證既話要合法向法院申請搜查令得黎既先可以作檢控用
係贏國當然可以強制驗
係南韓都唔係咁易
#222屙華田•2019年1月25日 13:00:06
/強國90年代有單白銀市連環姦殺 又係一直拉唔到人 大約一兩年前靠對比DNA破左
如果現代泡菜警察肯做 華城呢單可能有啲希望/
當年好似都有做DNA鑑定
咁我想知當年同而家嘅分別係咩
純學術研究 想知
#231書生大人•2019年1月25日 13:45:04
4. 姜氏失蹤的時間內，其丈夫有不在場證據。
5. 2002年6月28日，姜氏已腐壞的屍體被發現在自家天台的水缸房間內。
從姜氏失蹤到發現屍體期間，只有其家人到處發傳單，警方並沒有進行實際的調查工作。
而發現屍體的原因，是因為姜氏屋內發生奇怪的情況。
姜氏失蹤期間，家中開始傳出陣陣腐壞的惡臭味，屋前的走廊甚至出現蛆蟲。
6月28日，姜氏兒子沿著惡臭追查，打算找出臭味源頭，最後在天台放置水缸的房間外停下。蛆蟲在房間內不斷湧出，讓他確信門後正正是惡臭的源頭。
兒子小心翼翼打開門，眼前是母親姜氏腐壞的屍身。
https://na.cx/i/BAvsFB5.png
姜氏女兒“當時警方一直主張母親是離家出走。但發現母親（的屍體）當日，我仍然記得我上學的情境……上學、放學的路上我一直在想，寧願媽媽是真的有婚外情而逃走。即使隔著很遠的距離，最少知道她活著就好了，但……＂
姜氏丈夫“當時我正在十字路口，看著轉換的交通燈，這時接到兒子的電話，一邊喊著說找到母親……找到母親的屍體，自己找到的……＂
#232藍眼白瓏•2019年1月25日 13:47:11
/當年好似都有做DNA鑑定
咁我想知當年同而家嘅分別係咩
純學術研究 想知 /
十幾年前d科技真係同依家差好遠架
唔好話有左DNA資料庫
淨係證物上面搜集已經勁左好多 以前可能同一塊片驗唔到既野 依家科技先驗到出黎
btw 近年外國多左好多懸案係靠個DNA資料庫破案
而個DNA資料庫點解咁勁係因為依家好興玩寄條毛寄啖口水俾幾舊水驗DNA尋根搵自己祖先
跟住入哂電腦就俾警察match到你d DNA原來同邊單case d疑犯有關
#238連登陳奕迅•2019年1月25日 13:57:40
睇唔明張圖係咩黎
黃色一大舊野
#241淫劍揮•2019年1月25日 14:10:52
黃色係水缸
條屍sip 左係個gap 度
#253下月•2019年1月25日 14:59:17
好撚慘，個仔望住自己呀媽腐爛嘅屍sip住左企喺度
#254咪又係得啖笑•2019年1月25日 15:00:08
/韓國邪教真係好撚癲，記得有段記錄片啲家長跪哂係碼頭地下問啲搜救人員點解唔去救班學生，架船好似沉到一半定點，啲搜救人員好似撞邪咁郁都唔郁 望住自己嘅仔女係對面架船到無人去救佢地係到等死真係好心痛 /
直頭痴撚咗線，就算佢哋咁冇人性，都應該知道咁會有冇後果
#255飛越東南亞•2019年1月25日 15:03:47
姜氏果單完全係差佬問題
#256金知妍•2019年1月25日 15:04:08
/直頭痴撚咗線，就算佢哋咁冇人性，都應該知道咁會有冇後果 /
其實我得係青瓦台落左order要咁做
同埋佢地個階級文化短時間內都唔會有改善
#259叮叮叮叮叮咚•2019年1月25日 15:15:59
屌
個仔寧願呀媽係婚外情呢樣野真係好Sad
#265梁青爭茹•2019年1月25日 15:50:22
/係贏國當然可以強制驗
係南韓都唔係咁易/
大陸都唔係有採集齊指紋，白銀個單好似係因為個兇手某個親戚因為犯案入獄跟住被採集指紋dna嗰啲定係唔知參加啲乜dna檢測，總之被發覺佐dna相似性先扯到上兇手身上。
#270臨止水•2019年1月25日 16:30:17
/大陸都唔係有採集齊指紋，白銀個單好似係因為個兇手某個親戚因為犯案入獄跟住被採集指紋dna嗰啲定係唔知參加啲乜dna檢測，總之被發覺佐dna相似性先扯到上兇手身上。/
因為兇手唔係白銀市戶口到在住 先冇被排查
討論區傾係有當年經手單案既刑警比左公安資料出黎
講到明「警察投入了巨大的人力物力獲取了白銀地區幾乎所有成年男性的血樣和指紋」
#273月がきれい。•2019年1月25日 16:35:28
/韓國好撚多邪教咁
其實日本同韓國背景都接近/
係 日本都勁多邪教
啲咩耶和華的見證人，奧姆真理教
仲有好多人自創教系，話自己係神的使者
日本有好多兇殺案都係黎過信仰控制人之後殺左佢 好cls
#276港大地盤佬•2019年1月25日 17:08:39
唔係好明
姐係條屍一直係天台
定係兇手之後又襯住無人放返上天台？
#277今口啦八婆•2019年1月25日 17:21:36
好sad
搵左阿媽咁耐原來一直係自己附近仲死埋
#279Billy•2019年1月25日 17:33:41
自己搵到老母，慘
#280霸王硬上肛•2019年1月25日 17:52:54
/世越號嗰啲重恐怖/
岩岩用左少少時間研究呢單野
睇完真係好心寒
#286書生大人•2019年1月25日 18:39:38
發現屍體後，姜氏兒子受到很大的衝擊，無力地癱坐在地上低聲啜泣。
그것이 알고싶다的節目製作組邀請催眠專家替兒子進行催眠，但催眠過程的在講述到發現姜氏屍體當下就無法進行下去。
科學搜查隊的專家認為姜氏的兒子受到太大刺激，引致心理上出現防禦機制，因此一開始無法成功進行催眠。
後來在節目組耐心等待及說服下，再次替姜氏兒子進行催眠，終於有所發現。
-姜氏當時身穿T-shirt、短褲及圍裙。
-姜氏披頭散髮，由於腐壞情況嚴重，無法確認實際情況。
姜氏兒子在母親失蹤當天已經把家中內外地方仔細查找過，包括天台放置水缸的房間，當時是沒有任何發現。
如果兇手是後來才把屍體棄置到這裡，但姜氏失蹤後，家人一直致力尋找她的去向，這時把屍體放回姜氏家中，無疑是個非常危險的舉動。
節目製作組找來與姜氏身型差不多的女性作實驗，如果姜氏的屍體被放在水缸及牆中間的位置（姐係上面POST過嗰幅圖咁），從外面把門打開查看是看不見有人藏在該位置的。
從牆上留下的腐壞液體來看，屍體首先被放到水缸及牆中間的位置，隨著腐壞情況日漸嚴重，屍體產生的液體更多，有如潤滑劑一樣讓屍體倒下到旁邊較空曠的位置。
#288書生大人•2019年1月25日 18:44:43
與一般強盜殺人案不同的地方正是發現屍體的地方。一般強盜殺人案的屍體會直接被棄於現場內，兇手以金錢為目的，當然希望盡快拿到錢後逃走。
如果目的單純是殺人的話，應該要把屍體藏到更隱蔽的地方，藏在水缸附近遲早會被發現。
大部分租客都知道天台水缸房間的位置，於是警方調查了所有租客，甚至找了幾個與CCTV（第一次提款個畫面）中的男人較相似的作詳細調查，但都有不在場證明。
6. 與姜氏屍體一併被發現的隨身物品當中，只有提款卡及手提電話消失了。
7. 失蹤當日有幾次以屋企電話查詢戶口餘額的記錄。另外，報稱失蹤後兩日內，追查到姜氏的手提電話在清州市各處移動的蹤跡。
8. 屋內玄關沒有強行入侵痕跡。
9. 案發當日，沒有任何鄰居聽到呼救、爭吵的聲音。
發現屍體後，警方開始懷疑是姜氏的丈夫殺害妻子。
之前警方主張是姜氏的情人提取合共一千萬的現金。到發現屍體後，警方再主張是姜氏的丈夫請人去提款，製造假像。
同樣地，之前警方以姜氏電話在市內到處移動的蹤跡為由，判斷她是離家出走。到發現屍體後，再主張是姜氏丈夫指命同黨拿著電話製造姜氏仍在生的假像。
（屌，你講撚哂啦 ）
針對玄關沒有被入侵的痕跡及鄰居沒有聽到爭吵聲音這兩樣情報，讓警方確信案件為熟人作為，而最有可能的兇手就是姜氏丈夫。
#290於是長大了以後•2019年1月25日 18:50:07
黑警有乜資料就9up一堆嘢出黎
唔會再查新嘢
務求令自己唔洗做咁多
姜氏個家人真係好慘
#292書生大人•2019年1月25日 18:53:54
警方認為姜氏丈夫把姜氏帶到外面然後殺害，為了影響搜查方向，故意把屍體移動到水缸附近。丈夫本人或他的同黨故意提取現金以轉移兒女的視線及拖延案件搜查。
前文提及過姜氏丈夫在91年遇過交通意外，意外後他失去了左臂、其中一隻腳因傷連走路都有困難，是個被判定為一級肢體殘障的人。當時姜氏體重為54KG，要一個行動不便的人殺完人再走到天台藏屍實在是十分困難。
平時忙著照顧家人的姜氏沒有太多娛樂，主要樂趣來自網上的聊天室，她加入了一個成員都是屬豬的群組（韓國好興搵同年既人傾計，覺得同年唔洗講敬語之類係朋友，傾計舒服D）。
最後出現在該聊天室的身影正是失蹤當日，她提到要預備兒子的飯盒，然後離開了聊天室。（所以上文確定失蹤時間係由3點半開始）
案發時間為下午3點30分至約5點左右（兒子放學回家），當中一個半小時，姜氏的丈夫都有不在場證據，但並沒有讓警察放下對他的疑心。
其後警方集中向姜氏的丈夫作調查，家人亦因為警方而受到鄰舍的異樣目光，為此搬了6次屋。
隨著時間流逝，當初調查的警官要不調往了其他地方，要不已退休，不再被針對的同時，換來的是中止調查。
直到調查案件的節目預備拍攝此案時（2011年），為此已忍了多年的家人向警方提出要拿回2002年提交的證據（CCTV嗰個），警察回答“不知道那樣的東西還在不在。＂（痴撚線 ）
後來姜氏家人及節目製作組共同的請求下，終於重新拿回該證據，CCTV所拍得的男子，明顯與姜氏丈夫是完全不一的人，但警方一直沒有承認錯誤。（死都要話佢有同黨 ）
直到2011年，姜氏的女兒在網站上發起簽名運動，希望可以重新調查母親的案件。後來因為上了上述提及的節目，警方同意重新展開調查。（睇到呢度唔好咁開心住）
調查的重點方向又放到熟人身上，因為並沒有任何確實的證據，加上案件已是九年前發生，調查亦有困難。
然後……就係咁樣完咗
一路譯一路覺得好嬲，成單野都痴線
其實個作案手法已經好粗疏（尤其對比上一單密室殺人案），如果一開始肯查既話好大機會會拉到人
#293書生大人•2019年1月25日 18:57:43
/有冇link../
我係用naver 就咁search既，你可以copy個韓文標題去search，好多blog講呢d
#294書生大人•2019年1月25日 19:02:15
/唔係好明
姐係條屍一直係天台
定係兇手之後又襯住無人放返上天台？/
根據個節目案件重演，好大機會一開始就被兇手攝咗喺幅牆同水缸中間（因為幅牆係有腐屍既液體殘留），因為就咁打開門，唔特登行入去既話，嗰度係死角位，睇唔到既
個仔搵得咁心急，可能打開望咗眼見冇人就去第二度搵（我諗佢當時未必諗到阿媽已經死咗，所以諗唔到嗰個位夠攝條屍入去 ）
#295GoFlex•2019年1月25日 19:08:37
會唔會係個仔做
#297書生大人•2019年1月25日 19:11:40
個仔五點先放學返到去，之後個妹就返嚟同佢一齊搵阿媽，時間上應該唔許可
加上5:22分已經有人拎張卡去㩒錢，個仔應該冇咁易搵到同黨喺咁短時間內殺人藏屍掛
#306特技人•2019年1月25日 19:51:19
好睇 支持 留名
但建議樓主唔好譯華城/青蛙少年/李亨浩好出名個啲
其實已經有好多人譯過同有好多source
留返時間譯啲香港無人乜知既懸案
#309白兔糖•2019年1月25日 20:21:50
最近都有個台灣youtuber都有拍片講下啲韓國奇案
利申非打手
#317神偷奶媽•2019年1月25日 21:20:08
/最近都有個台灣youtuber都有拍片講下啲韓國奇案/
佢都有講釜山夫婦失蹤事件 但無結尾 好吊人癮
#318BB你估下•2019年1月25日 21:24:34
/第一單係2013年 科技真係唔夠知道佢嗰四十幾公里車揸咗去邊咩？唔講以為2003年⋯⋯
明明佢地多cctv，但居然冇話影到架車都好奇怪/
有人係背後用錢塞住你把口
死都唔應你有見過架車架啦
#324書生大人•2019年1月25日 22:49:49
預告定下單係青蛙少年，冇咁快post到，我睇得好慢
#328三酸中辣多酸•2019年1月25日 23:48:38
睇到好嬲
韓國警察真係on9
完全係無心查案
#329Snapple•2019年1月25日 23:59:30
都係科技落後，警察懶惰既成因
#330我想入big4•2019年1月26日 00:08:24
D警察純粹懶定包庇緊人
有人失蹤，好多疑點
死都話人離家出走
#335薄餅•2019年1月26日 00:38:32
睇得多呢d post成日都會覺得自己隨時會死於非命
#337我愛sakura•2019年1月26日 00:51:33
/D警察純粹懶定包庇緊人
有人失蹤，好多疑點
死都話人離家出走/
懶囉，又唔係權貴佢得鬼閒理你
#339書生大人•2019年1月26日 01:02:08
개구리 소년 실종 사건：青蛙少年失蹤案
1991年3月26號，於大邱廣域市達西區的城西居住的五名小學生登上鄰近的臥龍山後便失蹤，此案亦是韓國最有名的失蹤案。
五名小學生為了捉火蜥蝪上山，但後來報道都說他們是捉青蛙，有說法指怕其他小朋友不清楚什麼是火蜥蝪，會誤以為是什麼暴龍類的怪物而引起恐慌，所以一直稱他們是去捉青蛙。（睇完個理由我都唔係好明）
但五名小學生對在途中遇到的朋友稱“去拾彈殼＂。當時臥龍山有陸軍第50步兵師的射擊場，有可能他們是去撿掉下的彈殼。
失蹤者名單（譯名FROM WIKI）：
金鐘植(김종식)（9歲），1983年生，小學三年級
朴燦仁(박찬인)（10歲），1982年生，小學三年級
金榮奎(김영규)（11歲），1981年生，小學四年級
趙浩衍(조호연)（12歲），1980年生，小學五年級
禹哲元(우철원)（13歲），1979年生，小學六年級
1991年3月26號，全國舉行地方選舉，是五一六軍事政變後，事隔三十年後重新舉行選舉的日子，全國放假一天。
早上8點，就讀城西國民學校的6名學生（小學3至6年級）在趙浩衍家附近玩耍。在趙浩衍家中租房住的青年指斥幾個小朋友說“太嘈了，你們出去玩吧！＂
六名小童中，因為金泰龍要回家食早飯而先離開。之後他為了追趕其他跑去玩耍的同伴（失蹤嗰五個）而匆忙趕過去，幾個同伴問他要不要到山上玩，他回想起母親的叮囑，“不要到太遠的地方玩＂，所以拒絕了他們，獨自回家。（一念之差，好在佢冇跟埋去）
#340書生大人•2019年1月26日 01:08:35
以禹哲元為首的幾個孩子帶著奶粉罐及棍上山，途中遇到正在踩單車的趙武衍（趙浩衍的哥哥，就讀中一），當時他們說是要上山捉火蜥蝪卵，趙武衍聽完後便回家。
在臥龍山山腳下村莊居住的金南順婆婆（在市區做保姆）曾於9點目擊幾個孩子。
婆婆早早投過票，剛從學校離去沿著臥龍山方向前進時，遇上這5個小孩，當時幾個小朋友正在討論能否於兩個小時內下山。（佢地本身應該係要返屋企食晏）
與禹哲元同班的金景烈、李泰錫的證供提到“大概12點左右在臥龍山入口見過他們。＂（呢度其實都怪怪地，9點見到佢地行緊去個山度，但12點又有人見到佢地喺入口附近）
另外同樣在臥龍山附近村莊居住的金利樹婆婆也有目擊這五個小孩“大約2點左右看到五個孩子正在上山＂。
同一所學校的四年級學生咸勝勳住在臥龍山山腳下的軍人住宅，當日他與住附近的哥哥（唔係親阿哥，大過佢既男仔朋友）一起到臥龍山的溪澗捉火蜥蝪卵，期間因為與哥哥走失了，一人走到去山腰的墳墓附近，“當時從山上傳來了兩次、十秒左右慌張的慘叫聲＂，但一同上山的哥哥並沒有聽到。
咸勝勳又說“當時是正要吃午飯的時間，大約為11點半左右。＂
金鐘植的母親和金榮奎的母親同樣提到在11點半左右，內心有種忐忑不安的感覺，所以出外找兒子，然後知道他們到了臥龍山玩（應該係搵鄰居問過先知），“當時心想著回家後要教訓他。＂
直至午飯時間過去，孩子們確實沒有回家。
而咸勝勳與其他人的證供有矛盾的地方：
-咸勝勳聽到慘叫聲：11:30分左右
-金景烈、李泰錫在入口附近遇到他們：12點左右
-山下居住的金利樹婆婆看到五個孩子上山：2點左右
可惜當時沒有人即時調查這個疑點。
今日出到呢度先，聽日繼續
#341書生大人•2019年1月26日 01:09:47
/韓國警察真係on9
完全係無心查案/
無心不得止，仲要屈鳩個老公殺咗自己老婆
#342書生大人•2019年1月26日 01:11:37
/D警察純粹懶定包庇緊人
有人失蹤，好多疑點
死都話人離家出走/
我覺得都有，最難理解係佢地堅持老公係殺人兇手，話人地兩公婆貌合神離，關係惡劣（但明明鄰居同親戚都話佢地感情好好）
#343 齊嚟 齊嚟•2019年1月26日 01:28:28
黑警果篇睇到好撚嬲
#353十字冰梅骨•2019年1月26日 02:11:02
/無心不得止，仲要屈鳩個老公殺咗自己老婆/
屈個盲嘅偷睇國家機密
#370北京鐵塔•2019年1月26日 08:46:30
/남양주 아파트 밀실살인사건：南陽州公寓密室殺人案/
佢老公同死者熟人夾埋，殺完老婆袋住佢電話出左門口，八點幾用老婆電話打比個熟人製造佢仲未死假像
#371藍眼白瓏•2019年1月26日 09:02:41
如果用手提電話出街打警察應該可以跟到個訊號定位睇到最後打電話係邊度？
#372北京鐵塔•2019年1月26日 09:07:02
2010年，加上姜氏果篇啲差佬咁廢，無查到唔出奇？唔好講咁遠，之前香港玩滑翔傘嗰單，死者太太比埋gps警犬都唔識揾
#379你今天真好看•2019年1月26日 10:28:52
啱啱睇完世越號 睇到好sad
跟住話之前有單係朴槿惠老豆執政個陣又係一樣情況
船長要人留係室內然後自己走佬 死咗61個小學生
成個政府都唔知係到做乜 傳媒又係
#384三和紅姐•2019年1月26日 10:59:25
/2010年，加上姜氏果篇啲差佬咁廢，無查到唔出奇？唔好講咁遠，之前香港玩滑翔傘嗰單，死者太太比埋gps警犬都唔識揾 /
乜撚野唔識搵呀？係Google唔肯提供最後GPS位置
唔好撚亂屈啦屌你老母
仲有佢死果個位正常人上唔到去
要直升機係上面先望到
仲有搜索頭兩日天氣極差 好難搵
你唔知頭唔知路唔好撚亂講啦仆街
#386狗公去去走•2019年1月26日 11:20:30
洗唔洗惡到講曬粗口咁呀 佢都係唔清楚姐
#387赤紅之野馬•2019年1月26日 11:20:56
天下警察一樣黑 公務員hea得就hea嘅態度
#388狗公去去走•2019年1月26日 11:21:30
咁緊張 你係個警犬呀
#391三和紅姐•2019年1月26日 11:39:04
我消防呀傻鳩 警察咁撚少人搵個閪咩搵
最撚憎人唔知頭唔知路係到作故仔
#393孫藝興滯留山頂•2019年1月26日 11:52:44
/我覺得都有，最難理解係佢地堅持老公係殺人兇手，話人地兩公婆貌合神離，關係惡劣（但明明鄰居同親戚都話佢地感情好好） /
啲泡黑警唔想承認自己之前失職，因為到搵到屍體已經隔太耐，警察之前無入屋搜症，到個仔搵到屍體嗰陣應該都無咩證據保留得好，但泡警又要交差，就求其篤個人嚟查，等件事丟淡就不了了之，變成懸案。
死者屋企人同節目組到2011年調查嗰陣問泡警攞返餅cctv帶都受到阻撓就係咁解，因為泡警唔想有人查返啲懸案，搞大件事，等外界人知道佢地失職。
發覺啲泡警同公務員都唔係點做嘢，年年就好多大學生想考入去光宗耀祖，入到去就因循守舊，鳩hea
#396沒資格慰問你•2019年1月26日 12:33:45
/你唔知頭唔知路唔好撚亂講啦仆街/
你可以睇番港台節目
有講番好詳細嘅version
個太太俾咗好多次gps資料
警察都冇跟到d線索去做
開頭就只係好raw gps地圖
但仔細都可以睇到有路線重疊咗
個太太一路都冇放棄過研究gps地圖
後尾係一名市民自發幫手
全程用咗半粒鐘google咗個方法
喺完全唔使問google公司嘅情況下
Extract咗一系列hide咗喺佢太太俾嘅gps地圖內嘅資料
然後警察話唔撚識開個file
再後尾嗰個市民再幫到底
搵到準確嘅最後停低位置再話俾佢太太知
個太太再提供俾香港警察
你唔知頭唔知路唔撚好亂講啦仆街
#397壞孩子•2019年1月26日 12:38:41
/你唔知頭唔知路唔好撚亂講啦仆街/
警察無用gps定位搵呀
係佢老婆自己搵人check呀
#402我想入big4•2019年1月26日 13:30:01
韓國社會真係好黑暗
好多社會問題
#403佳節眾人一對對•2019年1月26日 13:31:07
/第一單我估最合理係想賣條女去歐洲做雞/
我覺得條友都似連環殺手或者後面有個組織
#408Eta•2019年1月26日 13:50:42
/發覺啲泡警同公務員都唔係點做嘢，年年就好多大學生想考入去光宗耀祖，入到去就因循守舊，鳩hea /
韓國公務員都係穩定姐
人工低到喊，香港一個aco頂薪都已經係韓國中高級公務員人工咁上下
不過考到警察佢地唔會當係考到公務員
日本韓國警察都係一樣
#416一個人好撚悶•2019年1月26日 14:39:52
睇呢啲奇案，無論咩國家有一半case都係班黑警hea做嘢先變懸案/拉唔到人
#417書生大人•2019年1月26日 14:42:39
當日下午6點，家長們在臥龍山附近一帶搜索孩子們，但一無所獲。至晚上7:50分報案，警方認為孩子是在山上迷路，於是聯同父母在山上找尋孩子們。
直至翌日凌晨3點，（原文形容係將個山反轉嚟搵咁滯）依然沒有看到他們的蹤跡。
案件初期警察在沒有實質證據下，主觀地判斷孩子們是跟家人不合而離家出走（屌！成撚日屈鳩人離家出走） 。
他們認為孩子要單獨離家出走是十分困難，所以這五個小孩是約好一同離家出走的。
案件透過大眾傳媒傳播開去，當時的總統盧泰愚親自下令動用全國軍人及警察把臥龍山裡裡外外都搜查過，仍然沒有任何結果。
這段期間接二連三有惡作劇電話聲稱“孩子在我手裡，拿錢來贖回他們。＂、“孩子在我這裡，想要找孩子的話就到XXX找吧！＂
又有些神智不清的小孩稱自己就是其中一名青蛙少年，這類騷擾一而再，再而三地發生，令父母及警察都身心疲倦。
由於大家一心想破案，當時有許多產品都印上尋找青蛙少年的廣告，包括青少年愛讀的漫畫、零食等等，電台亦時常有廣告播出。
1996年，自稱是犯罪心理學專家的金家元提出“是金哲奎（失蹤孩子金鐘植的父親）殺害及肢解五個孩子後藏屍＂。
金哲奎的家中各處被掘開，絲毫沒有孩子們的線索。
金家元本來在KAIST（名校）任職，事件後被解僱，亦被心理學會除名，但他仍然堅持金哲奎是兇手。
從那時到後來發現孩子的骸骨期間，金家元在網上開設討論區、出版書籍（孩子們沒有上山），一路主張金哲奎是兇手。2011年，他在訪問時只承認有誤判，為此而道歉，但仍然堅持其他假設是正確的。
#421TomHolland•2019年1月26日 15:11:36
睇到嬲 個金家元真係痴撚線
#423髮角逗牛犬•2019年1月26日 15:37:05
點解會係金哲奎做
#424奇技淫巧•2019年1月26日 15:37:10
其實韓國警察好似廢好多仆街好多，之前啲日本縣案起碼會着手調查，或者好多人一齊揾失踪既人，雖然好多時揾唔到 但韓國警察真係痴撚線，又懶又鳩又hea又瀨
#426他怎麼吸引你•2019年1月26日 15:49:14
梨泰院單野 啲差佬又係亂咁搵兇手
#433北京鐵塔•2019年1月26日 16:46:37
/警察無用gps定位搵呀
係佢老婆自己搵人check呀/
上面個三和紅姐 吹撚到我作故仔
比埋link，擘大對眼睇啦唔該 你去屌柒遺孀作故仔啦咁兇狠
https://www.hk01.com/突發/240270/鍾旭華搜救-01專訪-遺孀重組120小時大搜索-揭定位技術不足
#436大奶西瓜•2019年1月26日 16:50:38
韓國真係好撚黑暗
#437毛澤東•2019年1月26日 16:52:09
/上面個三和紅姐 吹撚到我作故仔
比埋link，擘大對眼睇啦唔該 你去屌柒遺孀作故仔啦咁兇狠
https://www.hk01.com/突發/240270/鍾旭華搜救-01專訪-遺孀重組120小時大搜索-揭定位技術不足/
救唔到人仲賴google
人地講事實又話作故仔
咁既態度算唔算冇家教
#440L.a1900•2019年1月26日 17:17:07
好想睇埋李亨浩誘拐殺害事件
#441英倫風 •2019年1月26日 17:23:09
青蛙事件我覺得似係軍人殺左佢地 所以就算叫軍人搵 都搵唔到
#4428#R.Mason(退休)•2019年1月26日 17:47:36
有冇2002年黑哨事件呢
#445ongnable•2019年1月26日 18:15:00
/韓國警察真係on9
完全係無心查案/
咩地方都有垃圾
日本都有大把懸案係因為警察on9 而破唔到案
得閒去追下女子月巴個日本懸案post
唔好一聽到韓國就起晒鋼
#447嘉恒白月光•2019年1月26日 18:19:36
/青蛙事件我覺得似係軍人殺左佢地 所以就算叫軍人搵 都搵唔到/
同感 有話係軍營 可能以為有外來入侵誤殺
為咗唔好被問責所以打龍通包庇
#448一個人好撚悶•2019年1月26日 18:21:59
/咩地方都有垃圾
日本都有大把懸案係因為警察on9 而破唔到案
得閒去追下女子月巴個日本懸案post /
唔好一聽到韓國就起晒鋼
香港都大把啦，就算唔講佔中嗰啲，之前都有單屈個弱智嘅殺人同lan線自殺不了了之
#451書生大人•2019年1月26日 18:38:35
調查一路沒有進展，而為此放棄生計、出盡全力走遍全國找尋孩子下落的父母到頭來只是徒勞無功。
2001年10月22號，10年內通過飲酒來麻醉自己的金哲奎（失蹤孩子金鐘植的父親）因肝癌而離世。
前文提到案發後不久，有許多軍人或義工組織等等把臥龍山搜遍，但居然在11年後（2002年）才發現他們的骸骨，而且僅僅在300米高左右的地方。（所以唔似係盪失路行到嗰邊，應該係被殺後帶到去嗰邊埋）
https://na.cx/i/GjHVY7O.png
而發現孩子的地方，並非一開始近城西的拂美谷（音譯），而是在當時水庫相反方向山脊的世方谷（音譯）。骸骨的地點是在臥龍山山谷最茂密的叢林深處。
https://na.cx/i/y2kDWUH.png
（想搵幅清晰d既地圖都搵咗好耐 左手邊黃色係拂美谷，右手邊紅色係世方谷）
因為臥龍山附近有射擊訓練場，連大人也很少去那邊，所以叢林也因此長得特別茂密，如果下雨的話，是會形成像小溪的地形。
五個小孩失蹤當日的傍晚時分曾經下過場雨，雨水沖散了他們的痕跡，也是導致11年後才發現他們骸骨的重要原因之一。
警方推斷能夠在11年後發現骸骨，是因那年夏天有暴雨，大量雨水沖刷過泥土，碰巧把骸骨沖到顯眼的地方。
從結果來看，實際上對於臥龍山的搜索並不是那麼徹底。在發現骸骨前，輿論大多偏向失蹤及綁架，所以大多沒有想到五個孩子是被殺後再埋屍於臥龍山，就算有聯想到被殺，也沒有想到屍體是藏於這麼近的地方。
SBS及MBC（韓國電視台）都有製作過節目調查案件，可是無功而回。
而그것이알고싶다（上文多次提及的奇案節目）有邀請過專家分析，得出來的結論主要為：
-兇手是精神病患者
-兇手人數為一人
-犯案次數不止一次
-動機只為殺人
-兇手與五個孩子是陌生關係
而該節目主持人作結語時提到“即使過了公訴時效，亦需要繼續追查兇手。因為兇手混在我們之間，再次犯案的機會很大。＂
未完，譯緊骸骨既詳細情況
#452藍眼白瓏•2019年1月26日 18:57:57
好恐怖 精神病但係殺左5個細路仲識埋屍 有幾變態
#453峯吉愛梨沙•2019年1月26日 18:59:06
估唔到韓國都同日本一樣有法律公訴時效
#454新北市記者•2019年1月26日 19:08:29
會唔會係誤殺左再殺晒佢地滅口
#456孫藝興滯留山頂•2019年1月26日 19:15:23
青蛙少年啲骸骨好似係十年後收到有個男人打去嘅匿名電話舉報，啲人再去搵先搵到架
#457孫藝興滯留山頂•2019年1月26日 19:17:05
/會唔會係誤殺左再殺晒佢地滅口 /
等樓主講埋骸骨嘅情況，同法醫推斷少年嘅死因，就會覺得咁推測都係好有可能
#458惡犬•2019年1月26日 19:51:14
/同感 有話係軍營 可能以為有外來入侵誤殺
為咗唔好被問責所以打龍通包庇/
我記得好耐之前睇過一個講世界懸案youtube節目，佢都有講過呢單野，而啲資料係講佢地係比人慢慢一個一個咁殺，仲要係幾變態，同埋兇手係諗過計仔點令佢地無辦法逃走咁殺，所以未必關誤殺事
#462轆已甩•2019年1月26日 20:06:02
青蛙少年最難解既一點
係點殺曬5個
而一個都無走甩
中間又無起疑心
#463書生大人•2019年1月26日 20:07:11
補返Ｄ骸骨既資料：
接到發現骸骨舉報的電話後，警方並沒有保護現場情況，亦沒有派出科學搜查隊伍，非常不專業只拿著鶴嘴形鋤頭等農具上山掘骸骨。甚至說孩子是在山上遇難後因失溫致死。（點解唔合理係因為發現既地方好近村莊，如果佢地係盪失路，離遠就會望到條村既燈）
發現骸骨的是個50歲左右的男人，他為了撿橡果而上山。在他仔細查看周遭有沒有橡果時，意外地發現骸骨，於是報警。
當時發現四具骸骨、五對鞋，其中一個孩子的衣袖被向後綁成一個結，從綁結手法來看並非普通人所做的，亦因此肯定為他殺。
http://imnews.imbc.com/replay/2018/nwtoday/article/4845655_22669.html
（入面當年新聞報導段片，可以睇到頭骨既傷痕係點）
兇手作案工具未明。警察用過大大小小不同的工具作比對，可惜並沒有找到吻合的器具，直到2006年過了公訴時效。
以下為美國犯罪心理學家Eric Hickey的分析：
最初因為兩個骸骨被砍劈的傷痕有數個，所以以為兇手不止一人。後來再仔細觀察後確定兇手為一人。
這樣推斷的原因是從傷痕來看，兇手作案手法極度凶殘。一般來說這樣的罪犯不會與人合作。
雖然不能排除有同黨幫忙來制服五個少年，但實際上下手的只會是一個人。
如果兇手是精神有問題，應該會留下許多證據，而且不會有埋屍的舉動。
兇手是個確實認知殺人是違法、錯誤的行為，但對此並不上心。
#464yura子瑜•2019年1月26日 20:07:21
咁勁，李房年條屍都搵唔到
#466書生大人•2019年1月26日 20:08:57
/咁勁，李房年條屍都搵唔到/
係搵唔到定唔搵，我睇唔透
#467惡犬•2019年1月26日 20:19:03
/歡迎呀！我一個人搵到既資料有限，大家有就貼出嚟一齊討論下 /
若然樓主都咁講，我就post link啦
入面有啲相睇下咁嘅
大概係講佢地比人發現骸骨嘅時候，法醫見到佢地身上有一種好奇怪嘅捆綁方法，大概係比人綁成一圈，咁樣等佢地走唔到，當然佢地走同一方向係可以，但當有一個或兩小朋友瞓低左，咁其餘未死嘅就只能拖住其他屍體咁走，即使跑到都跑唔快，然後兇手就輕輕鬆鬆一個又一個咁殺…
#468藍眼白瓏•2019年1月26日 20:22:45
屌 咁得人驚 好變態
#471藍眼白瓏•2019年1月26日 20:37:46
/估唔到韓國都同日本一樣有法律公訴時效 /
好奇去左google 原來兩個國家依家都已經取消左殺人罪既公訴時效
韓國：
2015年，韓國國會以199票贊成、0票反對、4票棄權通過了一項刑事訴訟法修正案。根據該修正案，韓國現行的25年殺人犯罪公訴時效將被廢除，今後殺人犯罪案件將被永久追訴直到破案為止，換言之，公訴時效將不再是殺人犯罪分子的最後一道護身符。
對於犯罪公訴時效問題，近期因曾轟動全國的“金泰完遇襲案”成為大家關注討論的話題。隨著“泰完案”訴訟時效的臨近以及受害者親屬十幾年的不斷訴求抗爭，再次引起韓國輿論與民眾的支持與同情，從而針對殺人犯罪訴訟時效是否應廢除問題也展開了一場大討論。
1999年5月20日在韓國大邱，當時年僅6歲的金泰完小男孩在去學校途經某胡同口時，突遭不明身份犯罪分子澆潑硫酸，在接受49天的治療後因病重不治身亡。案發後，韓國司法機關立即成立偵查本部進行立案偵查，但沒能找到犯罪嫌疑人作案的可靠証據。2013年在其親屬與社會市民團體的請願下，司法機關再次展開調查，但仍無果而終，因此檢方在沒有得到客觀証據的情況下無法提出公訴。就在該案公訴時效即將結束的4天前，即2014年7月4日，泰完的父母因不滿檢方不提出公訴的決定，而直接提出“裁定申請”，要求將案件直接提交法院審判。但無奈，“裁定申請”被駁回。之後，泰完的父母又提出抗訴，最近又被韓國大法院駁回，至此該案被迫終結。
因當時年幼的小泰完慘遭潑硫酸致死，引起社會的廣泛關注與同情。該案近期因訴訟時效問題而被迫結案後，社會上對於“查辦罪行極其惡劣的(殺人、放火等)犯罪分子是否應取消公訴時效的熱議也進一步發酵。
今年3月，韓國在野黨新政治民主聯合議員徐瑛教最先在國會發起提議，呼籲廢除殺人犯罪公訴時效。當時經朝野雙方協商後，卻未能達成協議。但隨著該案“裁定申請”抗訴被韓國大法院駁回後，在7月的臨時國會中該修正案再次被提起，並獲得國會法律司法審查委員會的認可，最後在24日召開的全體會議上終獲正式通過。因該修正案因“金泰完案”而提起，於是此刑事訴訟法修正案又被稱為“泰完法案”。
該法案生效後，即從2000年以後的殺人案件都將永久被追訴。對於該期間還未結案的殺人案件再次成為大家關注的熱點。其中，2003年“抱川殺害女中學生人質事件”與2004年“京畿華城殺害女大學生案”均因報案時間距離案發時間較久，且尸身不在第一案發現場等原因，很難找到有力的作案証據及目擊証人，給案件的偵破帶來極大難度。雖然案情一時難於突破，但此立法卻為查明殺人真相提供了“時間”機會。
據韓國警察廳統計資料顯示，結合此次國會通過的新法案，今後將把抱川殺害女中學生人質事件(2003年)、京畿華城殺害女大學生案(2004年)、光州加油站站長鈍器殺人案(2005年)、大田佳陽洞殺害女教授案(2006年)、江原春川西川里飯店主人被殺案(2007年)、濟州幼兒園老師殺人案(2009年)等11件殺人刑事案件作為今後立案偵破重點，力爭還原事實真相，讓殺人犯罪嫌疑人繩之以法。
日本：
以殺人罪為例，日本昔日的公訴時效是15年，換句話說殺人犯逃亡15年後仍未被逮捕就可脫罪，過了公訴時效，殺人犯即使被抓到或自首，在法律上亦無權再起訴。香港、英國並沒有公訴時效，法國、德國卻有這回事，時效年期各有不同。日本在明治時代訂立律法時參照法國，引入了公訴時效這觀念。
1982年8月19日，福田和子殺害了同僚後整容、以假名過着逃亡生活至1997年7月29日被捕，距離15年的公訴時效僅餘21日，最終成功將她治罪。日本的推理刑偵劇中有時會出現公訴時效前1分鐘逮捕真兇的場面，但實際上難以令犯人受法律制裁。「公訴」所指是檢察官以刑事法進行起訴，由拘捕疑犯至起訴，準備過程最快也要2至3日。
昔日日本殺人罪的公訴時效是15年，到了2005年改為25年，到了2010年制度再變，殺人罪的公訴時效不再存在，但改動前發生了的殺人事件不可追溯起訴。
#474ImmaNavy•2019年1月26日 22:00:48
睇咁多單，青蛙少年最撚慘
希望果5 個小朋友安息
#475書生大人•2019年1月26日 22:19:16
剛睇完個奇案節目，再補充幾點：
-衣服破爛情況嚴重
-金榮奎的上衣前衣領有一大片位置被撕破。（兇手應該曾抓住他的衣領）
-金鐘植的左手衣袖口殘破
-從犯人利用受害人衣服綁結的行為來看，很大機會不是第一次犯案
-當中以禹哲元及金鐘植所受的傷最重（頭骨有大大小小既傷痕，貫穿既大窿又有，凹入去既細傷口又有。）
-從各種形狀不一的傷口可判斷出兇器是多於一種，甚至多達數種
-金榮奎的頭骨較完整，但不代表他有逃過兇手殘暴的對待。太陽穴受到鈍器所傷，右邊顎骨受到很大的撞撃力。
-五具頭骨中，其中三具的外傷明顯。很難判斷他們是否被勒死，一來因為是小孩，二來只有骸骨可檢查
-兇手很大機會是先殘暴地殺害兩名孩子，充份感受到殺人的樂趣後，再悠然地把剩餘三個孩子殺死
-根據骸骨的牙齒情況，即使孩子不是失蹤當日被殺，死亡時間距離失蹤不會超過6個月。
-犯人熟識附近地形，但與孩子們不認識（認識的話不會把屍體埋在附近）
-犯人是有預謀（隨身帶兇器，熟識地運用孩子衣服打結，限制他們的行動）殺人，但遇上青蛙少年是偶然
-雖然犯人有埋屍，但並沒有把屍體埋到深處，可見他並不在意屍體被發現，只是想暫時拖延時間。
-犯人不是精神失常，而是有人格障礙（psychopath）
（唔係好肯定psychopath可以點譯，有錯請指出）
節目結尾時提到公訴時效已過去，對案件仍然執著的大概只剩下五個受害者的家人，禹哲元的父親感到十分無奈：“公訴時效已過去，我也沒什麼可以做。到底為什麼要這樣的孩子們？我只是想找到一個答案。＂
https://na.cx/i/nZ2ZHAz.png
呢單案講到呢度
#476書生大人•2019年1月26日 22:22:20
/會唔會係誤殺左再殺晒佢地滅口
等樓主講埋骸骨嘅情況，同法醫推斷少年嘅死因，就會覺得咁推測都係好有可能/
唔係誤殺啦，個兇手係殘殺幾個細路 睇到佢地d頭骨既相，傷痕多到
#483業主求死•2019年1月26日 23:12:38
-兇手很大機會是先殘暴地殺害兩名孩子，充份感受到殺人的樂趣後，再悠然地把剩餘三個孩子殺死
Cls
勁慘
想像唔到佢地父母知到佢地咁死會點面對
#485業主求死•2019年1月26日 23:28:04
-犯人是有預謀（隨身帶兇器，熟識地運用孩子衣服打結，限制他們的行動）殺人，但遇上青蛙少年是偶然
之前有專家都話兇手應該似係連環殺人犯/愛上殘殺人快感，
同埋個打結方法特別，
咁應該有機會搵到其他相近嘅案，仲要係估計佢一直帶住兇器出街搵目標，似係殺開人先會一次過對5個細路落手，
好似signal講單連環殺人案咁，以為係幾個個別案件但搵搵下原來好多同類案，先確定係連環殺人案咁查。
會唔會係兇案果區仲有好多類似嘅案/失蹤案？
或者掘下座山應該有更多屍體發現？
除非兇手殺左呢次就意外死左，唔係佢好有會繼續殺人
仲有，話佢埋屍埋咁淺唔係怕俾人發現而係想拖延時間，熟練山勢但唔識啲細路，可能唔係本地人，好快搬走或移民，但又會熟山勢，真係好似果班軍人
#486書生大人•2019年1月26日 23:33:51
熟山勢但唔識細路都有機會係附近居民，附近好似都有幾個村都圍住個山附近
不過我都覺得似軍人，有自信應付五個細路，體格都應該有咁上下
係Eric Hickey推斷佢應該殺過人（綁結熟手），其實都唔奇，會咁樣殘殺細路既人，應該都係為殺而殺
咁樣心理既人唔會殺一次人就滿足，但唔見有人拎其他案嚟比，加上公訴時效過咗，警察都唔會再查
前面咪講有個死者既爸爸被個咩心理專家屈佢係兇手，頭先睇個節目有播返當年佢間屋被人周圍掘既畫面，一個大男人喊到咩咁
最可惜係佢喺骸骨發現既前一年已經死咗，到死都唔知個仔既下落
#489業主求死•2019年1月26日 23:40:57
之前咪有電台節目再查返，但就搵唔到新證據？
如果係家屬可能合力掘下個山或者查下班軍人背景同去向可能有發現
雖然有人話可能警察包庇軍人而hea查，但軍人係韓國真係咁大權力咩？又唔係官員
如果我係家屬真係傷心到自殺，但又唔想個仔又死得不明不白 繼續生存都係為左幫個仔申冤
#490BCG•2019年1月26日 23:44:51
/我覺得都有，最難理解係佢地堅持老公係殺人兇手，話人地兩公婆貌合神離，關係惡劣（但明明鄰居同親戚都話佢地感情好好） /
如果真係包庇應該唔係包庇個犯人 個犯人霉到要用死者既錢都可以諗到佢唔會有任何背景
我估係要包庇一開始唔當係命案查 亂9黎做錯野既警察 會唔會係咩高層啲子女第一次接case亂黎搞左個大麻煩 要成班警察幫手兜咁
#492業主求死•2019年1月26日 23:45:11
/最可惜係佢喺骸骨發現既前一年已經死咗，到死都唔知個仔既下落 /
相對黎講俾我知道個仔死得咁慘都搵唔到兇手我都唔知點生存落去 ，一日唔見條屍我都說服自己可能俾人賣左去外國 或者一下死左而唔係虐殺死得咁慘
#493書生大人•2019年1月26日 23:51:25
/雖然有人話可能警察包庇軍人而hea查，但軍人係韓國真係咁大權力咩？又唔係官員
如果我係家屬真係傷心到自殺，但又唔想個仔又死得不明不白 繼續生存都係為左幫個仔申冤 /
個節目有訪問返d警察，嗰時因為90年代，佢地冇psychopath之類既概念，一味覺得唔會有人無啦啦喺山上殺幾個細路，所以掘到骸骨之前，佢地都覺得班細路係未死
就算掘到骸骨既最初期，佢地都覺得班細路係盪失路凍死
根本一開始個調查方向就錯，但佢地點會認，仲理直氣壯話當時點會諗到有人殺理細路
#494書生大人•2019年1月26日 23:53:37
/如果真係包庇應該唔係包庇個犯人 個犯人霉到要用死者既錢都可以諗到佢唔會有任何背景
我估係要包庇一開始唔當係命案查 亂9黎做錯野既警察 會唔會係咩高層啲子女第一次接case亂黎搞左個大麻煩 要成班警察幫手兜咁/
一定啦，佢地唔會認自己柒咗，就連韓劇都成日拍，佢地一定係維護所謂威望，錯都話冇錯
#495書生大人•2019年1月26日 23:55:43
/相對黎講俾我知道個仔死得咁慘都搵唔到兇手我都唔知點生存落去 ，一日唔見條屍我都說服自己可能俾人賣左去外國 或者一下死左而唔係虐殺死得咁慘 /
咁又係，仲要佢個仔既外傷都好明顯，見到點會唔崩潰
#496業主求死•2019年1月26日 23:57:18
睇左咁多日韓嘅懸案好大部分都係警察無能
啲警察實話自己無做錯嫁，其實一條team查得耐無進展就應該換另一隊介入啦！
雖然而家應該唔會有懸案，周街都係cctv
#498書生大人•2019年1月27日 00:01:36
/睇左咁多日韓嘅懸案好大部分都係警察無能
啲警察實話自己無做錯嫁，其實一條team查得耐無進展就應該換另一隊介入啦！
雖然而家應該唔會有懸案，周街都係cctv/
嗰種老屎忽態度先係睇到我最扯火
根本淨係最初幾個證人見到/聽到聲既時間點都好奇怪啦
科技進步既同時，罪犯都會進步，所以係咪而家一定冇懸案都係好難講
#499藍眼白瓏•2019年1月27日 00:08:30
/一定啦，佢地唔會認自己柒咗，就連韓劇都成日拍，佢地一定係維護所謂威望，錯都話冇錯 /
香港都係咁啦 睇下上幾頁個gps已經知
#501我想入big4•2019年1月27日 00:12:34
/一定啦，佢地唔會認自己柒咗，就連韓劇都成日拍，佢地一定係維護所謂威望，錯都話冇錯 /
為左警隊面子
寧願死口唔認都唔追查
#502滄笙踏歌•2019年1月27日 00:16:46
呢單根本就係個屠夫，所有證據都指向佢，韓國差佬
#503冷凌棄•2019年1月27日 00:23:09
想睇下啲破到案既case
#510薄餅•2019年1月27日 00:56:36
又爛衫又有傷點解d韓國警察都可以話地係盪失路
廢撚過庇護工場d工友
#515書生大人•2019年1月27日 01:16:30
/想睇下啲破到案既case /
下一單講連環殺人犯柳永哲
大家會由 —>
#518書生大人•2019年1月27日 01:20:16
/又爛衫又有傷點解d韓國警察都可以話地係盪失路
廢撚過庇護工場d工友 /
叫唔醒扮瞓既人
初初連五個細路集體離家出走都講得出，冇野係冇可能
#521壞孩子•2019年1月27日 01:32:08
/最可惜係佢喺骸骨發現既前一年已經死咗，到死都唔知個仔既下落 /
個爸好慘
仔又失蹤又比人話係兇手
係韓國一定會比全部人批鬥
#527迷楠小書童•2019年1月27日 01:44:32
想問下有冇懸案過左好多年之後真係破到
#528書生大人•2019年1月27日 01:45:30
/個爸好慘
仔又失蹤又比人話係兇手
係韓國一定會比全部人批鬥 /
上一單姜氏個老公咪又係，搞到搬咗六次
#530他怎麼吸引你•2019年1月27日 01:48:05
/想問下有冇懸案過左好多年之後真係破到/
梨泰院算唔算
懸左18年突然真相大白
#531迷楠小書童•2019年1月27日 01:50:17
睇左太多兇手逍遙法外
想睇下d可以還死者一個公道
#533MacGhosFy•2019年1月27日 02:11:41
比較好奇點樣一次過捉哂五個細佬再縛衫
我相信犯案絕對唔止一個人
#540本肥•2019年1月27日 02:42:48
/估唔到韓國都同日本一樣有法律公訴時效 /
因為韓國大部分法律係日本殖民時代留低，加上八十年代先開始民主改革，所以依廿年先算係正式慢慢改革…
#541容易襯衫丫嘛•2019年1月27日 04:49:30
有人失蹤就話佢地勾佬 離家出走 之後收工！
#544轆已甩•2019年1月27日 08:57:26
抄wiki
2002年9月26日，當距離事件發生剛好十一年半時，五名少年的遺體在臥龍山被發現，遺體已完全白骨化。遺體發現現場，其中四具遺體互相疊著，上面還壓著一塊大石，是很明顯的惡意殺人和埋屍；沒有發現頭髮，牙齒缺少，表明該處可能不是案發第一現場；附近發現有子彈彈頭、彈皮，遺體頭部也有不明的洞。起初警方報告指死因是迷路後凍死，後來才改為死因是迷路後遭攻擊而跌落致死，認定是他殺，但真兇仍未能找到。
哩個又係不明處
到底係當時已經打甩牙堆埋?
定事後返轉頭做手腳?
仲有個最大可能性既變態行為
收埋 化骨 做手腳 再埋
但凶手又將啲衣物保留打結
完全不明白
#548書生大人•2019年1月27日 10:05:40
個奇案節目搵過專家做射擊測試，反而話唔係槍傷
因為頭骨既窿穿咗單一邊（話如果槍傷會穿過埋另一邊頭骨），同埋個窿既size都唔似係槍傷
#549一個人好撚悶•2019年1月27日 10:31:23
殺人設追溯期真係好on9，你話強姦非禮設都仲講得通，強姦非禮d證據(eg精, cctv record)好易隨時間消失你無啦啦講返n年前metoo一定搵唔到料口同鼻拗。
殺人搵d骸骨同兇器就唔同，你依家驗唔到嘢可能過幾年技術進步又會驗到
#563我有個傻西朋友•2019年1月27日 12:46:29
/梨泰院算唔算
懸左18年突然真相大白/
啱啱突登google左.. 見到十幾年後先搵到突破 話因為受害人有用背囊 所以令個美國佬係體形上輸左一截都令佢制服到受害人… 但如果係事實 當時另一個疑犯口供應該會有提到佢點制服個犯吧？無理由過左十幾年先話因為個backpack所以blablabla
#564他怎麼吸引你•2019年1月27日 12:50:21
/啱啱突登google左.. 見到十幾年後先搵到突破 話因為受害人有用背囊 所以令個美國佬係體形上輸左一截都令佢制服到受害人… 但如果係事實 當時另一個疑犯口供應該會有提到佢點制服個犯吧？無理由過左十幾年先話因為個backpack所以blablabla /
其實我個人感覺係兩個犯重有好多野保留
就算搵到真兇殺 另一個都係幫兇 唔會咁簡單得個望字
#565我有個傻西朋友•2019年1月27日 12:57:40
/梨泰院算唔算
懸左18年突然真相大白/
我覺得唔算真相大白
到依家真正邊個落手都無咩有力證據顯示到
#566最愛美極•2019年1月27日 13:25:36
死左五個小朋友個單真係睇到眼濕濕
啲細路望住自己同伴俾人殺一定好驚好驚
#568四夕居士Roy•2019年1月27日 13:38:44
雖然搵到骸骨，但都仲未解釋到嗰日被人目擊嘅時間矛盾
1 Comment