#238科學怪人
咁今日就開波講下毛髮既鑑證啦
(5. 毛髮鑑證)
點解我唔用「頭髮」依個字呢？係因為其實人類除咗頭髮之外，身體其他位置都會有相應既體毛
恥毛鑑證對於偵破性罪行更加係有莫大既功能
基本上，人類既毛髮主要係由角質蛋白同色素組成，如果係橫向咁睇，主要分三部分:
1. Root 髮根: 相對柔軟，最接近毛囊，亦都會依附毛囊細胞可以提取到Nuclear DNA
2. Shaft 髮幹: 頭髮構成既主要部份，已經完全角質化，相對比較粗、厚、硬
3. Tip 髮尾: 頭髮末端，比髮幹幼
成年人類每日會自然掉落大概100條左右既頭髮；喺敦倫既過程當中，恥毛磨擦之下係會自然掉落亦都因為咁，令到犯罪現場有機會出現犯案人既毛髮
但係非常遺憾，自然調落既毛髮係唔包髮根 毛髮上可能套取到既nuclear DNA都係來自附在上面既皮屑(已死亡既皮膚細包)，係唔會提取到足夠既DNA Copies去指向個人
不過天無絕人之路，值得留意既係，頭髮內依然有機會提取到另一種位於細胞粒線體內既mtDNA，因為mtDNA 既數量要比nuclear DNA多得多
（有關一般大家認識既nuclear DNA 同 mtDNA 既分別，會喺講到DNA 再探討，暫時大家當住係第二種DNA先 )
簡單講下，mtDNA 就只係會繼承自母親一方
即係你同你舅父、外婆既mtDNA 係會完全一樣
但你同你爸爸就會完全唔同
(亂倫除外 )
所以mtDNA 比對只會有局部既指向性，之後小弟會再講另一個鑑別方式
#239萬里望
/香港冇得讀
反而外國真係有major forensic science
好想讀 /
我以前major forensic chem
#240科學怪人
/依到唔係好明
求指教，我知我蠢/
或者咁講
Class characteristic 係
「多過一個人，但唔係全部人擁有既任何特徵」
單一個Class characteristic 唔足以構成有力既指控
例如喺案發現場搵到既血液係AB+型
而我又係AB+型血
我就算係同現場樣辦落入同一個class
#246簫塞豐乳間
/或者咁講
Class characteristic 係
「多過一個人，但唔係全部人擁有既任何特徵」
單一個Class characteristic 唔足以構成有力既指控
例如喺案發現場搵到既血液係AB+型
而我又係AB+型血
我就算係同現場樣辦落入同一個class/
依類class characteristics通常係用嚟縮窄搜查範圍
用ABO Blood typing做例子
已知一班suspect嘅血型 做依類preliminary test拎到犯人嘅血型之後就可以exclude左其他血型嘅suspect 加快集中調查未被exclude嘅suspect
有錯請指出 利申上堂恰眼瞓
CU嘅forensic bche依家教緊嘅lecturer好似係政府化驗所做 期待有故仔聽
#248SUV
/咁今日就開波講下毛髮既鑑證啦………/
我幫手講多樣，mtDNA可以用於判斷母系血統
如果sample係男性，Y染色體可以用於判斷父系血統
但如果sample係女性，就要先透過mtDNA揾左老母先，再估父系
同埋因為DNA size太大，其實驗DNA只係check幾千(定幾萬) 個有特定意義的位(叫SNP)﹐所以好幾年前有個以色列教授講過，國家級的lab係有能力偽造DNA證據 (單純合成幾堆位置的DNA)﹐可以屈政治犯
例如wikileak果個創辦者比人告強姦
#249科學怪人
/ 我幫手講多樣，mtDNA可以用於判斷母系血統……/
學到野
國家要有心做死一個人
真係點都有辦法
不過要屈駛乜咁複雜整DNA
就咁複製一張radiation sensitive film 話個結果已經KO
#250科學怪人
咁就講下另一個有效既毛髮鑑證方法啦
(6. 毛髮鑑證-續)
將一條毛髮喺中間切開，肉眼就只會睇到薄薄既一點，但其實用顯微鏡去睇的話，係可以分成三層:
最外面叫角質層（Cuticle）
依層既重要性在於
唔同物種之間角質層細胞既堆疊形式都有所不同，透過喺顯微鏡下觀察係可以分得出眼前果條係黑狗毛定係人既頭髮
至於人類毛髮角質層既識別特徵，係由幾層扁平狀既細胞組成，彼此之間就類似鱗片一樣互相重疊
之但係人與人之間既角質層係無任何大分別，所以唔能夠單以角質層去分辨兩條頭髮係咪來自同一個人
中間既皮質層（Cortex）係由角質蛋白組成既組織，裏面亦都包含有色既顆粒。顆粒既顏色、大小、形狀、密度、分佈，決定咗毛髮的顏色。而以上有色顆粒既特徵，基本上係每個人都會有出入
正因為咁，皮質層係可以用嚟分辨到現場搵到既毛髮同疑犯既毛髮係咪來自同一個人
咁比對就有一個重要既原則，就係只能夠用相同性質既毛髮去做比對，即係:
頭髮同頭髮比
恥毛同恥毛比
即使係同一個人既加拿大毛同頭髮，結構上都會有好大分別
咁比對係可以用比對顯微鏡(Comparison Microscope)，睇到既影像係會分成兩邊，一邊參考影像(現場)，另一邊係疑犯毛髮既影像
睇圖比較清楚，不過wiki張圖就指紋嚟，明就得啦
新聞之前講南韓驗到來自大陸既BB藥丸有嬰兒頭髮
https://www.ettoday.net/news/20171003/1024330.htm?t=大陸疑似製造「嬰兒肉膠囊」%E3%80%80100粒只要2萬元!/
𨤳定分類既最好辦法其實都係用比對顯微鏡，搵幾條已知既BB頭髮 同樣本做比對，已經可以係有力既證明
髓質層（Medulla）喺毛髮中心，無明顯組織既開放區域，對於辨認個體就未發現有用處
#257金州克里亞密
/ 我幫手講多樣，mtDNA可以用於判斷母系血統……/
SNP即係single nucleotide polymorphism
#258鳩up王
/書局有本書有講法證/
好多書都有講，初學 for 興趣到專業技術手冊都有
法醫 屍體 解剖室3 重返犯罪現場
上次經過睇左幾頁，幾有趣下
#259SUV
/SNP即係single nucleotide polymorphism /
係
本身做辨識身份都係check一堆SNP﹐不論係SNP的位置，定係可用的primer都係open to public
有足夠財力同時間，要砌生豬肉真係有可能，而最可能受害的就係政治犯
#263科學怪人
上面就講咗毛髮鑑證既兩大方法
1. mtDNA 同 2. 比對顯微鏡
現行FBI 既標準係兩者都要同時吻合
先至叫做有指向性
點解呢？因為依兩種方法係各有優劣而且可以互補不足
1 既盲點係「母系近親」，剛好可以由2 補足
2 既盲點係「構造相近」，剛好可以由1 補足
(150例被認為「構造相同」既案件當中，有9例被mtDNA所否定）
講個真實既案例啦
佛羅里達州發生過一單9歲女童既姦殺案
其中喺個女童條屍既大脾度發現有條毛髮，經過初步既顯微鏡檢定佢係一條撚毛
撚毛就係人喺青春期既時候，喺荷爾蒙既作用之下生成，所以唔可能係屬於果個女童自己，有好大機會係屬於個兇手
捉到個疑犯之後，剪咗個疑犯既撚毛做比對，特徵吻合；再結合現場撚毛上面套取到既mtDNA，相加之下證據變得更為有力，可以結案。
#264科學怪人
下面個post 都有巴絲討論過
【沉冤得雪】遭老屈強姦78歲阿婆 坐冤獄30年終獲證清白
https://lihkg.com/thread/441154/page/1
好多時連重視無罪推定 既英美法制
都無可避免受到時代限制
其實依單野案發係1985年
事主亦因爲喺毛髮比對當中被認為同案發果條構造相同而被定罪
可惜mtDNA 既比對就喺1995年先開始發展
於是就咁白坐咗30年
#271科學怪人
/開始講到入molecular 既野
上個sem先讀完
樓主加油呀 /
講毛髮檢測睇既有色顆粒都仲係particle，未到molecular level
mtDNA 我都係先走馬看花，未入
#272科學怪人
/好多書都有講，初學 for 興趣到專業技術手冊都有
法醫 屍體 解剖室3 重返犯罪現場
上次經過睇左幾頁，幾有趣下/
法醫野我個人覺得悶
法證比較啱我睇
不過巴打睇多d 我都期待可以聽你講下當學下野
#282Polyorchidism
/所以我之前先留email 想要d notes 睇睇
btw 我相信d lecturer 本身都係做開chem 既研究而唔係做法證
教法證都係照書dup
可能我地都係睇住同一本書嚟講
不過我依個post 作為「興趣班」會有唔同
講既會係比較著重資訊同邏輯
太過艱深既chem/biochem 會跳過/只講皮毛，數學亦會簡化去講/
佢可能係指馬道立醫生教果個common core
香港首席法醫
#291科學怪人
徐步高案可以講既範疇係幾廣
#294科學怪人
(是日內容可能引起巴絲不安，未滿18歲者慎入)
(7. 屍蟲)
大家應該都會聽過人一死，屍蟲就會出現
但係對於屍蟲係點出現呢？好多人都認為屍蟲本身係喺身體裏面存在，人一死就鑽出嚟蛀食
我細個都以為係，仲聽過「落降頭」導致既講法。點知其實都係謬誤
我首先要講下烏蠅，依種昆蟲俾人既感覺就係乞人憎
佢地感覺到自己鐘意既野就會飛埋嚟，食緊野果陣想撥走佢，唔夠一分鐘又返嚟，再撥，再返……
佢地煩厭既程度足以用嚟形容1d鍥而不捨，女神多次拒絕完都仲要死返嚟泣泣樣樣果堆煩膠厹
不過烏蠅無罪，佢地喺空中盤旋其實主要都只係想搵一個合適既產卵地方…
好啦講正題，當一個人死咗之後，如果無人發現同報警，條屍放任唔理既話，最先到達現場既，會係綠頭烏蠅(Blowfly)同麻蠅(Flesh Fly)
咁佢地好快就會嬲下嬲下，專揀遺體既濕潤地方(口、眼、鼻、外傷傷口)果度產卵啦
有兩個原則：
1. 只有雌性可以產卵(廢話)，每隻可生數以百計；
2. 只有光線充足既情況下佢地先會產卵，所以如果人係夜晚死，產卵時間會被推遲。
麻蠅(Flesh Fly)，同綠頭烏蠅(blowfly)既分別在於麻蠅係以卵胎生(體內受精，卵喺母體內變埋幼體，先至被母體痾出)既形式直接喺遺體上產下蛆蟲
#295科學怪人
咁依兩種烏蠅就有幾個生長階段啦
每個階段所需要既時間都要視乎翻室內溫度而定既，亦可由現場搵到既烏蠅形態去推斷死者大概幾時身亡
1. 卵(Egg)
2. 幼蟲(Larva)/蛆蟲(Maggot)：有入無出，會食唔會痾
3. 蛹(Pupa)：停止進食，身體變硬，呈紅/棕色
4. 成蟲：破蛹而出，成為烏蠅
以華氏70度（攝氏21.1度）為例，Blowfly會係第一日產卵，第8-9日結蛹，兩星期成蟲
烏蠅專揀濕潤地方(眼耳口鼻、外傷傷口)產卵，導致多數果d 位會發現蛆蟲
下面係示意圖(放心係假既)
#302SUV
/個人覺得太學術既野真係可以走馬看花算
涉及既野太多好難講得晒 /
/睇法相同，我仲諗緊點講複製DNA既PCR 技術好 /
我講，我以前做DNA果邊的lab
簡單咁講，人類由80年代發明到係lab入面copy DNA﹐呢樣野好快就用左落法證方面
以前要係現場揾到大量DNA先有可能確定身份 (即係冇咩可能)
變成有少少樣本都ok
不過好似我之前講咁樣，我地只可以copy一d小的段落，唔可以成條DNA copy哂
(數字去睇，人的DNA總數有30億，好似係，lab copy一次DNA只得1000)
所以我地一定要揾d有代表性的地方黎copy﹐果d就係SNP
現時的做法就係比對幾千至幾萬個SNP的內容，如果相同，我地會話有99.9%呢兩個sample係同一個人
(法證永遠冇100%的)
#303joe2017
/學到野
國家要有心做死一個人
真係點都有辦法
不過要屈駛乜咁複雜整DNA
就咁複製一張radiation sensitive film 話個結果已經KO/
國家要屈你，駛乜偽造證據。話你有罪就有罪。俾幾千萬錢賄賂法官同陪審團已經得。
最可怕是大企業和大富豪。俾錢d lab偽造證據。不過有錢大企業，理論上真係可以俾幾千萬人工，請十個假證人，出黎指證都已經得。
有錢駛得鬼推磨。其實鬼唔會care你的錢，但人會。
#304joe2017
/性交轉運？可能有心理學和生物心理學的基礎。不過事主要告條友。/
/我就舉個例姐/
所以你呢個看來極端的例，性交轉運，都有空間，將來會係真。現在都諗到，有可能有生物心理學、神經分子心理基礎。不過，是否合道德法律，又會視乎當時社會的道德判斷和價值觀。
通姦都除左罪。教育變強制性。人人識字。婚前性行為合法化。我故在古代，真係冇諗過會出現。但現在都成事實。
#305SUV
/國家要屈你，駛乜偽造證據。話你有罪就有罪。俾幾千萬錢賄賂法官同陪審團已經得。
最可怕是大企業和大富豪。俾錢d lab偽造證據。不過有錢大企業，理論上真係可以俾幾千萬人工，請十個假證人，出黎指證都已經得。
有錢駛得鬼推磨。其實鬼唔會care你的錢，但人會。/
人證有好多人都會覺得假，但一般人相信DNA證據冇可能假
所以呢D 咁極端的例子係用於人格謀殺，令公眾覺得佢係人渣
當然，DNA證據都有可能造假，都只係提出左幾年，可能將來check會有更加準確的方法
#307科學怪人
回返樓上SUV，太長就唔quote
關於DNA歷史既部份內容我講得再準確少少
技術層面
1983年果陣美國Cetus 生化公司既員工 Dr. Kary Mullis 發明咗PCR 技術
即係透過聚合反應(類似乙烯變聚乙烯，大舊咗易d 被睇到)嚟任意將某節感興趣既基因序列段落複製，透過不停複製可以獲得大量相同既DNA樣本，從而做到將DNA訊號「放大」
依樣野令佢93年攞Nobel Chem
法證層面
法證方面既應用都好快有
1984年英國科學家 Sir Alec Jefferys 隨即諗到將PCR技術應用喺法證方面
針對住分析人類DNA既不同之處
創立咗DNA 鑑定法
可惜至今佢未有Nobel
#308科學怪人
/國家要屈你，駛乜偽造證據。話你有罪就有罪。俾幾千萬錢賄賂法官同陪審團已經得。
最可怕是大企業和大富豪。俾錢d lab偽造證據。不過有錢大企業，理論上真係可以俾幾千萬人工，請十個假證人，出黎指證都已經得。
有錢駛得鬼推磨。其實鬼唔會care你的錢，但人會。/
搵假證人都要上庭接受盤問，仲要有環境證據證明佢地在場之類
機會成本大高
簡單d 有錢佬唔gur 一個人
直接搵黑勢力人士「輔導」下佢
唔係更直接嗎？
/#309科學怪人
所以你呢個看來極端的例，性交轉運，都有空間，將來會係真。現在都諗到，有可能有生物心理學、神經分子心理基礎。不過，是否合道德法律，又會視乎當時社會的道德判斷和價值觀。
通姦都除左罪。教育變強制性。人人識字。婚前性行為合法化。我故在古代，真係冇諗過會出現。但現在都成事實。/
科技、法制、社會風氣都可以日新月異
今日唔知聽日事
唯有保持心態開放
#319科學怪人
/未追晒
覺得已經好好
不過樓主可唔可以加啲真實案例
咁會更加好睇 /
其實有加
不過技術上既困難係往往一個case 都可以牽涉幾味
好多case都要等我講多幾類檢測之後先有得討論
多謝支持
#322科學怪人
咁繼續我地既蟲蟲特工隊啦
宏觀d 講
實際上遺體仲會吸引其他節肢動物同微生物（烏蠅只係其中一種比較既節肢動物）
佢地影響遺體降解(decomposition) 既速度
以至佢地既出現係對於死亡時間既判定都會有影響既
約略講講啦
黃蜂、甲蟲：佢地被吸引喺現場係因為要捕食蛆蟲
黃蜂會喺人死後第2至6日後被發現
甲蟲會喺人死後第5-11日後出現
曱甴：只會進食開始腐敗既遺體，死後第5至11日出現
果蠅：唔好畀佢個名呃咗，其實佢係都會喺腐敗嚴重既遺體度產卵，要去到死後第10至24日先會出現
螞蟻：大隻既食飽飽先輪到佢出場，第24日打後數量開始多
總括嚟講現場就變成一個動物園
昆蟲科法證喺現場見到既動物總類同數量，對於估算死亡時間有一定既幫助
#323科學怪人
咁除咗判定死亡時間之外，蛆蟲之類既昆蟲對於判定死因方面都有一定既功能
1. 外傷
好多時一個無人照顧既獨居老人突然死亡，遺體被發現果陣好可能已經好幾日之後
(香港都成日有)
咁由於上面講過蛆蟲會聚集喺傷口上面，所以當法證發現背部、手腳等多處位置出現大量蛆蟲，係可以懷疑老人有關位置被蓄意整傷(多數都係家暴case)
當然，最理想都係唔好等到蟲蟲出現先至喺現場問蟲蟲攞證據啦
搜證始終越快越好
蟲蟲蛀食會令到傷口擴大同變形，影響死因判斷
更嚴重既係有機會破壞埋犯人遺留既生物證據
2. 毒理分析
另外蛆蟲都係進食遺體組織長大，遺體內既有害物質都會轉移到蛆蟲上面
如果遺體已經腐敗到抽唔到足夠樣辦做毒理分析，係可以喺現場夾走d 蛆蟲，將佢浸喺70% 酒精裏面(以免蛆蟲被微生物蛀食導致毒素有機會分解、腐敗)，再攞返lab 用質譜儀睇下佢體內係咪有毒品，如有就可以判斷死者生前有嗑藥/被毒死
密歇根州州立大學昆蟲學系教授Richard Merritt 就share 咗單case
有個毒男死咗多日先畀人發現，見到佢身上d maggots 都係oversized，即係比正常既更加肥美
咁由此可以推斷d 蟲蟲喺毒品既刺激作用下加速生陳代謝，令到佢地食得更加多，就可以直接縮窄個範圍去到驗毒方面
最後法證喺d 蟲蟲身上發現大量可卡因(Cocaine)，再加上其他佐證，亦證實咗個毒撚係因為服食過量可卡因致死
#328kanon
高汁留名
記得細個睇過一套港產三級片係任達華定唔知邊個俾人屈姦殺，劇入面果時香港政府剛引入法證，警方想展示法證有幾威所以想任達華罪成
唔係好記得結局係點但俾我既印象好深刻，搞到我而家都仲記得呢一part
#330SUV
/高汁留名
記得細個睇過一套港產三級片係任達華定唔知邊個俾人屈姦殺，劇入面果時香港政府剛引入法證，警方想展示法證有幾威所以想任達華罪成
唔係好記得結局係點但俾我既印象好深刻，搞到我而家都仲記得呢一part/
歐陽炳強的案件
#337愛B號
換句話說，如果人係冬天時死，就唔會有蛆蟲？
好好睇，加油
這是連登應該有嘅post
#338謝衣
/換句話說，如果人係冬天時死，就唔會有蛆蟲？/
同問
仲有密室？
#339科學怪人
/換句話說，如果人係冬天時死，就唔會有蛆蟲？/
乜香港既冬天好凍咩
#340謝衣
/乜香港既冬天好凍咩 /
外國
西伯利亞人
#341科學怪人
/同問
仲有密室？ /
理論上係
不過烏蠅有少少位就入到，好難話密到連條la 都無
門窗關哂以為無事？仲有抽油煙機通風口
#342科學怪人
/外國
西伯利亞人 /
太凍係會無
所以你見醫院殮房、殯儀館存放等等都係做到一個冷凍環境
#344科學怪人
補充
蒼蠅身體唔能夠恆溫
稍微低溫既話仲可以透過拍翼動作令身體變暖、保持活動
但太低就無辦法，無得郁
#345科學怪人
/歐陽炳強的案件/
都係我上面所講既時代限制
當年連DNA都未有
有DNA鑑證之後定罪標準先會提高
#361科學怪人
之前有巴打指出我用濕碎去形容鉛水事件有問題
事後諗返的確係我用詞不當
(但我心裏面真係無認為依樣野唔重要)
咁今日我就特別去搵下資料，講下鉛水風波
(Offtopic. 鉛水風波)
之但係講鉛水之前，首先要講下Trace Analysis (痕量分析)依個概念
大家可能會從包裝紙上見過咩主要成份(e.g. 水)、微量成份(e.g. 礦物質)之類既說話
至於所謂痕量，即係比微量更加微量
以化學檢測既標準，係睇緊1ppm(百萬分之一) 以下既成份
一般痕量分析去到咁低既濃度，都會係想睇下1d 正常情況下唔應該存在既污染物
我舉個例，食水裏面所含有既鉛、鎘之類重金屬對人體有害，唔應該存在，會被視為污染物
水務署喺處理食水過程當中有多重過濾既方法，依個方法持之以久；佢地亦都自設化驗所長期、恆常咁moon住各項水質指標，理論上唔應該出事
咁水中既鉛份究竟喺邊度嚟呢？
原來喺建造食水喉管既過程當中
用嚟焊接駁位既物料含有鉛份並且溶入食水之中
#363科學怪人
水喉匠林德深既錯？
承建商中國建築既錯？
房署監管不力既錯？
依樣大家自己判斷
我就純粹講下食水含鉛量方面，香港採用世衞相對嚴格既標準，即係每公升食水內只容許10微克(10既負6次方 克)既鉛 (μg/L)
啟晴單野，水含鉛去到35.1μg/L，大過法定標準10μg/L，所以就算係超咗標
咁用返以上既定義，水中含鉛要睇既濃度，其實已經算係痕量分析
而自從白鴿黨爆咗啟晴邨水中鉛依單野，好多居民都好驚，人人都想快d 驗水
唔少政客同屋苑法團都等唔切政府行動，自己抽取樣辦去委託私人化驗所做檢測
水x署同私人實驗室都會做鉛水測試，但兩者性質有分別，前者係從查證是否符合法例標準既角度出發；後者同樣都係跟例去驗，但就係收錢根據客戶要求先去做，居民對於自己所飲既水求安心或者政客想居民安心(從而獲得選票)，要自行送辦過去先至會幫手驗
#364SUV
我又講幾句
驗重金屬有唔少lab會有一種叫原子吸收光譜 (AA) 的方法
呢個方法優點係超專門，好少有error﹐即係你驗鉛，部機只會量到鉛的量
缺點係成本高，唔係個個lab都有咁多部AA機
鉛水果野果排，好多lab晚晚ot到9pm以上，因為政黨，立案法團，甚至住戶都交sample去驗
呢部機買返lab咁多年，未試過接近24hr長開
#365占美金母
支持支持
我都有讀過相關課程, 覺得樓主講得淺白易明, 而且都算幾深入
forensic science仲有好多topic講, 認為樓主遲下可以深入講下血跡, 因為呢種研究同查案類近, 相信好多人都有興奮
#366科學怪人
/我又講幾句
驗重金屬有唔少lab會有一種叫原子吸收光譜 (AA) 的方法
呢個方法優點係超專門，好少有error﹐即係你驗鉛，部機只會量到鉛的量
缺點係成本高，唔係個個lab都有咁多部AA機
鉛水果野果排，好多lab晚晚ot到9pm以上，因為政黨，立案法團，甚至住戶都交sample去驗
呢部機買返lab咁多年，未試過接近24hr長開/
度鉛水一定要ICP-MS先去到果個檢出限
AA做唔到
#367科學怪人
/支持支持
我都有讀過相關課程, 覺得樓主講得淺白易明, 而且都算幾深入
forensic science仲有好多topic講, 認為樓主遲下可以深入講下血跡, 因為呢種研究同查案類近, 相信好多人都有興奮/
serology 又係好有趣
但我會係血液、精液一齊講
#368科學怪人
咁我就係咁意講下驗水既可行做法，
(落幾多酸、最少需要幾多樣辦就因應ICP-MS 機器而異)，我就純講個技術
先講下抽取水樣辦果度
亦係一直以嚟受到爭議既果個位
水務署用緊既方法係要先開大個水喉5至30分鐘放水，之後先至會開始抽取樣本
(但其實水務署聲稱所根據既攞水標準ISO5667-5 並無事先放水規定)
水x署化驗師陳健民對此講法係:
「我們覺得如果抽樣只在清晨或者早上，在抽樣前又不沖洗喉管，所抽的樣辦只能代表食水在喉管停留一段時間後的水質，並不能代表食水流過喉管後的水質，以及住戶全日飲用的水質。」
(水務署網站都建議如果市民擔心水質係可以喺使用前先放水)
#369SUV
/度鉛水一定要ICP-MS先去到果個檢出限
AA做唔到 /
你啱
頭先查左書，檢測下限 ICP-MS < AAS < ICP
我未用過ICP-MS﹐真係唔記得左佢的存在
#375科學怪人
/ 你啱
頭先查左書，檢測下限 ICP-MS < AAS < ICP
我未用過ICP-MS﹐真係唔記得左佢的存在/
準確d 講，ICP stands for Inductively coupled plasma，只係「加熱」既方式
你講既第三種正確應該係ICP-OES
AA有兩種
分FAAS同GFAAS
你講既次序係會惹人誤會
正確應該係
檢測下限
ICP-MS < GFAAS < ICP-OES << FAAS
不過應用層面上除咗檢出限都仲有其他考慮
GFAAS 無ICP-OES 咁廣泛
因為ICP-OES 打一針可以同時量度多隻元素，相對方便得多
#376科學怪人
都係講返d 簡單野
咁講下真係做化驗果part啦
首先，根據水x署既標準，所有用嚟盛載水樣辦既容器都要先喺純淨既稀硝酸溶液至少浸泡4粒鐘，再沖洗乾淨，確保依附喺容器上面既任何鉛離子都被去除，以免因為樣辦做成污染而出現所謂假陽性
(其實做得痕量分析，對於實驗室各項用具既潔淨、處理方面就已經有相對高既要求)
跟住要加硝酸進行酸化，為咗:
1. 將懸浮喺樣辦裏面鉛金屬原子、各種不溶於水/微溶於水既鉛化合物(碳酸鉛、氧化鉛、氫氧化鉛之類)變成可溶於水既硝化鉛
2. 對其他離子形式存在既水中鉛起到穩定作用(唔會沉澱返出嚟)，確保佢地可以隨水流運到機器核心進行量度
之後將水樣辦進行局部既蒸發，去除部分既水份，因為咁做可以提高成個實驗既靈敏度
用最簡單既講法，鉛就唔會因爲蒸走部分水份而流失，即係話杯「溶液」既濃度被提高，咁就可以度得準確d
#377科學怪人
唔知可唔可以搵到之前寫鉛水大碟改詞果位大神是也巴打入嚟睇下今日依個話題呢
#378科學怪人
咁最後都係約略講下檢測儀器ICP-MS 啦(唔知應該講到幾深入，唔明再問)，佢會透過高熱（攝氏8000-10000度）夾硬打走一粒電子，從而將溶液裏面以任何形態存在既鉛變成鉛離子。
金屬離子係帶正電荷，會喺電既引領下撞向負極既感測板，從而量度到訊號
咁中學理科教過每個元素都有佢既原子質量(atomic mass)，鉛最常見既原子質量係208，可以透過篩選符合既mass to charge ratio 先可以進入感測板嚟確保度到既係鉛
對於重金屬檢測喺講
ICP-MS 係目前已知最可靠同最靈敏既檢測儀器
#393SUV
/Btw skip咗我同SUV巴既討論 /
其實我以前只係做DNA lab﹐間唔中做下抗原抗體的test
其他類別的lab﹐例如鉛水，都係聽同事講同以前讀書背的
頭先已經7左，平時叫d機的名都係short form﹐唔記得左唔少原理
#397科學怪人
/ 其實我以前只係做DNA lab﹐間唔中做下抗原抗體的test
其他類別的lab﹐例如鉛水，都係聽同事講同以前讀書背的
頭先已經7左，平時叫d機的名都係short form﹐唔記得左唔少原理/
法證既血液抗原、抗體test 害死好多人
喺DNA 發明之前，造成唔少寃案
#406科學怪人
畀d 野大家諗下啦
機師夢碎兼失戀 非禮10歲女童 5呎浸大生獲官安慰 「好多領導人都矮」
https://lihkg.com/thread/450310/page/1
依單野如果無閉路電視又即時拉到個犯
可能會有咩環境證據？
#407伽羅
/畀d 野大家諗下啦 ……/
指紋掌紋？
不過咁小事差佬應該冇咁得閒同你驗
#408會上連登嘅文青女
毛髪 衫嘅纖維
#411伽羅
其實衣物纖維hi一hi就會痴左上手？可唔可以講下呢d唔同物質？
#413科學怪人
其實樓上巴絲都有答案
咁依單case 我會咁睇
（純粹係合理睇法，我亦無親身去過現場，並非標準答案)
1. 根據Locard exchange principle，浸大男神摸pat依下已經會有物質交換
2. 材料分析
a. 小朋友如果著既裙係棉質為主
平面相對粗糙: 所以裙上唔會留有指紋、掌紋
纖維容易掉落：摸果一下未必足以令男神手指黏附纖維，即使可以，亦會因其他手部動作令纖維掉落；不過摸完縮手個動作令到指甲刮到纖維，即使好細力都足以令纖維收喺甲床入面，亦唔容易掉落
b. 如果小朋友著既係合成纖維
平面相對平滑: 裙上會留有指紋、掌紋
纖維較難掉落：男神甲床唔會有纖維
3. 女童受驚時，頭髮飛去男神度；反之亦然
#415科學怪人
/其實衣物纖維hi一hi就會痴左上手？可唔可以講下呢d唔同物質？/
巴打對材料科學有興趣？
搵日講下纖維、油漆之類係可以