23 Dec 2019 by 黃色經濟戰隊 source
致各位真香港人、連登巴絲：
香港人抗爭半年，為自由、為未來、為我哋下一代堅守香港嘅核心價值。可能有人會覺得攰、覺得無希望、覺得想放棄。
Some People Move On… But Not Us!
近幾個月黃色經濟圈概念慢慢成型，真香港人出外消費會揀番黃店幫襯，將資源留番係黃色圈內。搞咗幾個月開始有建制報章及親建制人士例如施永青、邱騰華、梁美芬、陳建波出聲話「黃色經濟圈」阻礙經濟發展，一定唔會成功。佢哋之所以咁講，正正代表佢哋越來越驚，越來越多藍店頂唔住。大家要記住：凡是敵人反對的，我們就要擁護！你越唔想我哋搞「黃色經濟圈」，我哋就越要搞，仲要搞到有聲有色，趕絕所有藍色商人。
黃色經濟圈本身仲係有不足嘅地方，例如唔少人幫襯黃店，但係買嘅嘢其實係 Made in China。錢最後都係流出黃色經濟體系。有見及此，我哋一班有心人就決定去均全港嘅超市、便利店記錄低一般嘅日用品/食品/飲品等嘅製造國家，然後將整理好嘅資料每星期公布，等香港人可以睇清楚產品來源地，罷買中國製造嘅產品，進一步由產品層面鞏固黃色經濟圈。有好多人認為呢個世界大部份嘢都係 Made in China，要罷買中國製造係不可能嘅任務。我哋話俾你知，絕對唔係無可能！我哋呢個「Anywhere But China 計劃」係希望透過發掘非中國製造嘅日用品/食品/飲品，慢慢令市民醒覺其實市面上大部份產品都有 NOT Made In China 嘅選擇。希望大家以後去買嘢之前睇吓來源地，罷買中國製造，令中國製造嘅產品從市場慢慢消失，減少資金流入藍色經濟圈。
仲記唔記得721前幾日香港友好協進會捐咗1000萬俾香港警察？呢D錢全部都係親建制商家拎出嚟。如果大家努力堵截藍色經濟圈嘅發展，就可以阻止佢哋用我哋嘅血汗錢去補貼警察，就可以阻止佢哋用我哋嘅血汗錢去欺壓香港人！
我哋每一位香港人，生於呢個時代，就有自己嘅責任！由今日開始，買嘢之前睇真吓係咪中國製造先，唔好益咗藍色經濟圈。得唔得？
我哋以後會大約每個星期公布一批「黃色商品」嘅名單，首階段會包括最常用嘅日用品/食品/飲品，之後希望伸延至各行各業每個種類嘅產品。由於種類繁多，如有錯漏請留言指正。我哋一大班人耗費大量時間做呢件事，希望大家都一齊努力，將「黃色經濟圈」搞到有聲有色，趕絕所有藍色商人。希望大家幫手推呢個 post 上熱門，同埋瘋狂 share 俾所有人！多謝！
Anywhere But China 黃色經濟戰隊
IG/FB: @AnywhereButChina
#AnywhereButChina #黃色經濟圈 #罷買中國製造
「黃色商品」第一批名單
＝＝＝＝＝＝＝＝＝＝＝＝
