編按: 本blog主旨係收集正經打字嘅香港人, 唔係要幫佢地發聲. 面對反送中條例香港人嘅反應係點? 唔想若干年後”被代表”, 不如直接睇香港人自己點講
*** *** ***
以下內容截至29/5/2019, 以時間排序, 最新近會擺前面
*** *** ***
我去過北京法院旁聽 我真係去過
#1做得也做白•2019年5月28日 19:29:26 source
［真人真事］
大概5-6年前 當時我仲係一個法律系undergrade既小薯仔
機緣巧合下去左北京一間外資企業做intern (非law firm)
公司果排比人告 已經輸左一庭 排期上訴
個香港人主管知我讀law 咁啱上訴日期定左係我internship期間 所以帶埋我去見識下
利申1：我唔係law firm做 所以呢單只係一單好普通既商業抖紛
利申2：呢間外資企業總部係美國 全世界黎講規模算大
利申3：我係北京上庭 間法院唔算細
事隔已經好幾年 但有兩件事到依家我都覺得好shocked
顛覆晒我一向對法律/法治既理解
1. 上訴庭法官同原訴庭一樣
個法官一坐低就話
「在說案件之前，我想先問一問辯方，是不是對我這個人有意見？是不是對我上次的判決有意見，所以要上訴？」
第一次見到有官一坐低就問你係咪唔滿意我 針對我
一黎點解兩庭都係同一個法官？唔通真係有官可以清高到今日的我打倒昨人的我？
後尾我問番我地既代表律師，佢話大陸好難上訴，因為上訴成功會落個法官面
2. 法官專業性
另一樣好shocked既係個法官 著短褲
基本上佢係著緊屋企訓教衫行入黎
坐到上個法官位先著番件外套（有啲似綠色軍裝）
言談間非常隨意同主觀
基本上個感覺係「收皮啦，你估我會推翻自己咩」
上完庭之後，主管同我講，係大陸打官司，其實係冇得打……
其實我好明白香港遲早都會變到同大陸一樣，但係如果我地唔出聲，唔理，由得佢，呢個過程只會變得越黎越快。到時再醒覺，已經太遲。
法治，係香港同大陸好明顯既差異。今日咁多外國公司敢係香港做生意、投資、買樓，係因為信得過香港。如果冇左呢個信心，後果真係難以想像。
*** *** ***
逃犯條例meme
#1陶傑出青年•2019年5月24日 22:52:49 source
(編按: 呢個post太多圖, 請自行前往)
https://na.cx/i/mBQYpW4.png
*** *** ***
[多圖]反修例街站啲女真心正
#1SKW站長•2019年5月27日 20:54:35 source
唔好意思 fake咗大家入嚟
我手痕整咗啲街招嚟宣傳反修例
歡迎大家自己拎去印同周街貼
https://na.cx/i/RTABzyN.jpg
https://na.cx/i/o0Cwosa.jpg
https://na.cx/i/86ob7TS.jpg
https://na.cx/i/3wvBzyV.jpg
https://na.cx/i/yEAaD0D.jpg
https://na.cx/i/KL7sGd0.jpg
https://na.cx/i/WSQRoso.jpg
*** *** ***
其實唔好以為支那好打得，呢次終極一夾可能夾到佢收皮
#1傻散1號•2019年5月26日 20:19:37 source
世界上好多野都係好dynamic咁變緊, 由08奧運, 大家覺得係我的國爭光, 地震大家仆住去捐錢。咩大家一家人, 以上更加係當時年輕一輩既主流意見, 當年講過呢D既人我諗你依加都唔會再講得出。但我唔係黎鞭屍, 我只係想指出支那其實係風光過,, 強大過, 某部分人認同過 (唔敢講大部份),但呢樣野唔係永遠, 呢個世界無永遠, 但佢行到呢個位, 只要再行錯少少, 由盛轉衰，由衰轉更衰，萬劫不復唔係咩唔可能既事。
諗返起14年Umbrella Movement, 當時聽到好多悔氣野, 阻住搵食, 咩香港人做到D咩, 上完街第日返工, 外國真係會幫你咩? 等等既說話。有人話呢D係鬼先會講既野, 搞分裂, 搞內鬨, 民主黨賣香港(呢個我信係真), 有人覺得講得好岩, 出黎既人俾人利用左, 乜乜物物。我唔理你點樣諗當時情形, 我睇到既野就係反對既人覺得自己可以獨善其身, 人地爭取緊既野唔關佢事, 上街既人係幫外國勢力又好, 社運龍頭又好, 爭取緊利益, 人地收錢, 你班人就俾人拉。
但今次, 問自己一句, 你出黎係為左邊個, 係你自己, 你仔女, 你個孫。我唔會想叫醒D扮訓既人, 呢D人收哂利益, 出賣人格, 連作為人既資格都無。我係想叫醒一D未訓醒既人, 今次唔係你上住網UNUN腳, 望住烏克蘭, 新彊俾人搞, 你食花生, 呢次係講既冚家剷, 冚港剷。
我個人認為, 呢一次係除左8964以外, 能夠動搖支那政權最好既機會。
外國勢力: 美國帶頭搞中國, 28國外交照會, 華為單野係澳洲通報美國, 日台停貨夾緊佢
大家唔好俾單單係華為, 貿易戰only, 關錢事守移左視線, 成件事既重心係國家安全
華為做到既服務, 想做既野, 其他中國同類型既企產係可見既將來亦都會收皮
呢樣野既連帶關係有幾勁? 中國4大內銀, 阿里巴巴, 騰迅, 呢D money service provider其實真係有排玩。
攘外必先安內, 佢依加內外都搞唔掂: 今日美國駐中國大使訪問西藏既新聞突然出左黎, 係呢個時間出黎? 無咁岩掛
藏獨、疆獨、蒙獨，港獨呢D問題一直都包圍住小支那, 共產黨殺左人地咁多人, 你估佢唔洗還?
呢D問題只要大家消息互通到, 一點即爆。
今日香港: 政府官員一大堆人頭豬腦, 成件事柒婆已經自我膨脹到以為自己係同其他國家既外交官有對等既關係, 佢依加(自以為)氣勢強, 咁我地咪等佢自己做錯野, 睇下會唔會外交層面上會唔會升級。成件事未必係佢上邊既旨意, 難保有人想邀功而愈幫愈忙, 柒婆有機會兩邊受敵。
大家唔好成日聽到佢講D廢話, 咩”林鄭稱聽不到歐盟對修例的具體憂慮”, 覺得好嬲又點又盛, who fucking cares, 佢只同佢班人只係小丑, let it be. 現今香港, 有能者, 趨之避吉, 無能者, 爭住居之。
講埋隻維尼熊, 咁多代領導人以黎最差, 似乎經濟, 外交全部都唔係佢強項, 權鬥佢就可能叻少少。佢將香港呢對逃生門自己封左, 香港有一定既制度, 但又有一定既灰色地帶俾你偷偷摸摸咁偷技術, 吸外資, 其重要程度就好似未同美國破冰前既北韓, 利用中國東北搵美金咁樣。呢隻識生金蛋既雞, 你依加想殺左佢黎食, 咁隻雞又真係反抗唔到, 但食完大概佢自己都時日無多。
最後我成日見到一D唔知係網軍定點啦, 話你估香港值得外國幫你? 憑咩。你以為香港真係咁重要? 人地會打其他牌, 無左免簽, 旅遊警示, 收你香港人難民, 黎同中國反面? Yes, 岩呀, 唔好睇到香港咁重要, 我一直都只係強調, 係小支那背腹受敵既時候, 係香港突圍而出既最好機會。唔理係咪為左香港, 事實係大家都圍緊支那, 機會就係機會。回應返我第一段, 立埸係會變架, 今日大家踢埋同一埸波, 咪做住隊友先囉, 你唔理人地出唔出黎幫你, 你為左自己, 你都要出黎踢呢埸波啦。
*** *** ***
突發！香港街頭開始出現反對逃犯條例街招
#1獨角獸bb•2019年5月25日 08:38:45 source
千祈唔好跟住做！
一陣遍地開花就大件事啦！
https://img.eservice-hk.net/upload/2019/05/25/082531_e42f0712b39e1b888daab22967b145e9.jpg
https://img.eservice-hk.net/upload/2019/05/25/083004_c2db947b7ee9caeb77a11ea219dcb9d2.jpg
https://img.eservice-hk.net/upload/2019/05/25/083008_af10975a651c45bd13a993fbeac522c2.jpg
https://img.eservice-hk.net/upload/2019/05/25/083014_9be43a9e934d3d79fd2cee962339461a.jpg
https://img.eservice-hk.net/upload/2019/05/25/083658_03598b519bcc10a304a8de4896b35d6d.jpg
https://img.eservice-hk.net/upload/2019/05/25/083811_b9fd9e100a531398ba874ef2a933fd99.jpg
https://img.eservice-hk.net/upload/2019/05/25/085258_05f8c3d1cecaabe8707bc0eeb9ebb744.jpg
*** *** ***
致每一位香港人
#1香港小國民•2019年5月19日 12:08:03 source
我成日都係度諗，自1997主權移交，我哋香港人幫中國同中國人咁多。
當中國人係自己嘅家人，甚至當中國係自己嘅國家，將啲廠搬曬去中國咁制，我哋仲停用樂安排海水化淡廠，當時全世界規模最大的海水化淡廠，選擇去買更多東江水以示忠誠。03年比你傳個沙士過嚟，害死咁多香港人又搞到我哋經濟出曬事都冇出過句聲。
雖然中國民主化搞唔掂，但我哋香港人大大話話用咗20幾年出錢出力去幫手建設民主中國同刺激經濟，等你可以大國勃起。但你除咗喺香港周圍痾屎痾尿同破壞法治之外，仲為我哋做過乜？？？多謝都冇句，仲話冇中國嘅話香港早就收咗皮？ 我明我哋香港人心地善良亦樂於助人，即使對住啲仆街都以德報怨，呢啲係我哋香港人嘅優點亦同時係我哋嘅缺點。但係你唔好搞錯，我哋香港人冇欠你啲乜嘢，相反做咗咁多嘢去幫你，你仲要走嚟害我哋？？
03年，想立23條嚟奪去我哋嘅自由，我哋冇比佢奸計得呈，我哋企出嚟守護我哋嘅自由。
12年，再嚟料，今次嘅目標，係我哋嘅下一代，姐係香港嘅未來。
14年，殖民政府反口，唔比港人治港，之後大家熟識嘅雨傘革命就發生。
依家，條逃犯條例就殺到，比佢過咗我哋同香港都玩完架啦。
香港人係時候起身啦，已經到咗存亡之際，一直以嚟我哋香港人已經幫咗中國同中國人好多。
我哋香港人冇欠佢哋任何嘢。由依一刻開始，希望大家認清事實，中國唔係我哋香港人嘅國家，只係一個利用我哋嘅好心嚟不停揾我哋笨，依家仲打算一嘢清我哋袋嘅國家。香港人係時候為我哋真正嘅家同屬於我哋嘅自由同尊嚴而戰！
TOGETHER , WE ARE STRONG！！
FOR OUR FREEDOM OUR DIGNITY！！
https://na.cx/i/QuKJBvs.jpg
*** *** ***
屌 搞咩香港都死架啦 仲做乜要遊行？
#1攬住公仔瞓•2019年5月27日 01:58:49 source
如果係想入黎屌柒我嘅 6月9號見
如果係好似標題咁諗嘅 請睇埋落去 希望6.9都見到你地
老實講句 自從佔中後我一直都係咁諗
你有你上街 佢有佢照過惡法
覺得條路好孤單 好難行 原來真正嘅自由同民主
係咁難爭取 同時都真正意識到
自由逐漸遠離緊我地 無力感好重
原來正義 唔一定會獲勝 自由同民主都唔係必然
細細個開始就好自豪自己係香港人
咁細嘅地方 一方面保留到咁多傳統野
同時仲係金融中心 又有民主同言論自由
簡直係完美 好慶幸可以係呢個地方出生 係呢個城市成長
慢慢大個 開始明白同接觸到政治
一開始可能覺得好遙遠 邊到自己話事架
但係睇住香港呢個屋企 逐少逐少咁俾大陸同化
覺得好心痛 要正視問題 諗下作為一個香港人
有咩可以為香港做到
佔中事件正好出現 我覺得係時候要做返d野
我唔係日日訓係街個個 更加唔係有衝突時企最前個個
但係個陣時覺得 只要個人係度 個心係度
就會有希望 有貢獻 只要我仲係香港人 我就要企係雞蛋個邊
可惜現實又點會咁好 政府又點會咁好 最後係點大家都知
的確激發左好多人對政治嘅注意 但無可否認 同時都打沉左好多香港人 我係其中一個
開始就諗 好多野都可能真係改變唔到
慢慢向現實妥協 低頭 就咁改變左自己嘅心態
開始好似標題咁諗 不如搵多個錢 走去其他國家算啦
香港真係無得救架啦 無謂搞到自己啦
由唔知幾時開始 香港人呢個身分變左個重擔
好想擺脫佢 想放棄佢 望住DQ 望住班人因為政治而坐監 望住有人被坐洗頭艇
更加無力 更令自己諗 帶頭嘅人都無埋 仲搞鬼搞馬咩
好想離開香港 好想唔理政治 好想做港豬
直到今次引渡條例殺到埋身
原來政治就係咁貼身 你唔搵佢 佢都自然會搵你
我一開始都諗 香港應該氣數已盡 玩撚完架啦
做咩都無用架啦 放棄啦
但係事實唔係咁 遊行可唔可以阻到條例過？
我唔知 無人知 不過我知道 遊行一定唔係徒勞無功
呢個世界唔係非黑即白 遊行過後可能政府依舊懶理
但係個意志係會承傳落去 種子係會發芽
我到呢一刻都相信 香港人係會覺醒
其實就算大家出黎 都未必會成功 但係必定會有人睇到 必定會感染到其他人 星星之火 足以燎原
而家唔得唔緊要 堅持 最後一定得
點解我肯定會得？因為至少我已經被感染到 我唔想再做港豬 更加唔想再有人做港豬
老實講 無力感都仲係好重 但係我知道 今次再唔企出黎 唔只香港玩撚完 我更加會內疚一世
我知好多人覺得一個人行多一步 唔會有野改變
我同你講 你行出第一步 會鼓勵到其他人行出佢地嘅第一步 一傳十 十傳百
我一直覺得無左帶頭嘅人 根本唔會成事
但其實諗深一層 槍打出頭鳥 點解佢地仲要企最前？
就係因為想改變我地 令呢班沈默大多數行出第一步
帶頭係邊個從來都唔重要 又或者咁講 根本就無帶頭嘅人
因為最重要嘅 一直都唔係某一個人 係個精神 係意志
感染同鼓勵到其他人 其實已經贏左
我已經下定決心 要企出黎 我相信你地都可以
希望大家日後可以繼續為身為香港人感到自豪
戴返頭盔先 如果排版差我自膠 因為用緊電話打
歡迎負皮我標題黨
#2攬住公仔瞓•2019年5月27日 02:01:42
順帶一提
可能你會覺得
身有屎先驚啫 行得正企得正 怕咩？
咁我可以同你講 大陸個邊未必咁諗 你facebook個icon有無轉過黃絲呀？ 有呀？ 咁就睇下你好唔好彩啦
有無講過大陸壞話呀？ 有的話就自己執生啦
我好愛國 未撚驚過 咁唯有希望你更愛香港
因為過到條例 香港唔只係得言論自由會受影響
*** *** ***
啱啱有鬼佬問我香港逃犯條例做咩事
(編按: 呢個post係巴打寫左篇英文稿向外國人解釋咩係逃犯條例, 希望大家share出去. 之後有巴打翻譯成日文版. 現收錄巴打提供嘅簡短Version. 完整版ver.4經過數次修改, 係#179.)
#1 金魂•2019年5月27日 21:09:03 source
CAUTION: China is watching you!
You WILL BE affected when you travel/ work/ exchange in Hong Kong
“I am a good person. I won’t commit any crimes. So, I won’t be arrested.”
NO. DON’T BE NAIVE.
Don’t let your friends, family and other __________ in Hong Kong become political bargaining chip of China
For details: http://tiny.cc/ljce7y
whatsapp/ig/fb/twitter 宣傳可以用呢個啦, gif圖鳴謝某位係整大字報po既巴絲
大家幫幫忙散出去啊, 仲要推reddit po
*** *** ***
6月9日點解我要出黎遊行
#1閒雲野鶴•2019年5月25日 20:24:11 source
無錯，係我眼中遊行對件事唔會有咩特破性進展。
但係，我一諗起中共名單上嘅政治犯，尤其尚在獄中嘅天琦，眾多為港付出心血、青春嘅英雄將會被引渡返中國，我就忍唔住喊左出黎。佢地每一個都係一班活生生嘅人，甚至極其平凡。如果當初，佢地選擇用政治冷感做借口，可能依家仲同好朋友、好兄弟食緊放題，打緊機，歎緊冷氣。
但係，香港人嘅不聞不問，害死左一班愛港心切嘅英雄。
無錯，我都係當中之一，膽小怕事，遊行都唔出多次嘅垃圾。
但係，今次我唔再匿埋，唔再畏縮，唔再自私，我會叫埋身邊朋友，家人出黎，守護香港。
可能今次真係無彎轉，可能香港已經係棄子，可能遊行會被鎮壓，可能我會被捕，但今次我真係挺起胸膛，行完香港最後一次遊行。
無論結果係點，我都想話俾所有為香港努力過嘅英雄聽: 你地嘅努力無白費，起碼喚醒左一部分人
無錯，呢次遊行可能扭轉唔到香港嘅厄運，但我想係最後呢次遊行，我想會一會所有仲在乎香港嘅所有兄弟姊妹，一齊走過香港最重要嘅時刻
We are not alone
可能我嘅文筆唔好，但我想用我呢刻最真摯嘅耐心打完呢篇文
多謝香港帶比我嘅一切
*** *** ***
《逃犯條例》懶人包
#1 唔震乳•2019年5月19日 20:07:00 source
https://na.cx/i/YSrLPK0.jpg
https://na.cx/i/kA1gbYk.jpg
https://na.cx/i/kA1gbYk.jpg
*** *** ***
一個人，將幾代人嘅努力完全摧毀，香港將全無價值。
#1雙層芝士媽寶•2019年5月16日 21:54:14 source
《東方日報》今日引述消息，政府最快於明天立法會預告，把逃犯條例修訂草案，直接遞交上立法會大會審議。
唔需要爭論
過咗逃犯
無新聞 無經濟 社會停濟不前
香港再無吸引力
香港今時今日嘅成就
係所有香港人自己努力打番嚟
莫講香港政府 英政府都唔敢話係自己功勞
今日共產黨 咩都冇做過
送咗一大班人拎資源 搶奶粉 塞街
而家進化到深入社區玩大學屋村飲飲食食
都算 香港人都算忍得
憑咩明正言順拎香港地位做你談判籌碼
憑咩明正言順捉追求民主自由嘅香港人
憑咩喉住香港萬億儲備
你係特首，唔代表你可以
為自己個人利益
為咗自己同個仔榮華富貴
為咗自己升官
去將香港最核心嘅價值放上枱
胡志偉講得啱
過咗真係無，咩都無，唔會再有
希望每一個香港人關心自己嘅權益
你，你愛嘅人，你屋企人都可能會受害
可能失業，可能無請請俾人捉
我唔知可以點做，
唯有係非建制派，非建制同同商界團結
睇下一步做到咩
最後，我知好多記者係度
香港01唔該你，
報咗copy咗咁多番工八掛嘢綠帽案
可以報下普羅大眾心聲
HK, I love you 3000
*** *** ***
今次簡直係主權移交之後最好玩既一次
#1簽佢黎把撚呀•2019年5月23日 14:54:44 source
香港俾港共奴才禁住玩左廿年
當ATM當自己王國當香港人玩具
呢廿年入邊成個香港民不聊生
無論之前反23條反國教雨傘都只係香港入邊既事
就算成功失敗都好都係繼續俾呢班賣港奴才繼續玩
到左今日
適逢全世界開始對支那既質疑
美國終於經濟制裁支那(唔係咩質易戰因為其他只有支那捱打)
仲要係共和民主兩黨既共識
連華為呢啲支那龍頭公司俾美國講一句已經可以收皮
香港呢個地方終於係世界上佔一席位
由何志平開始到華為太子女
好多歐美隻眼開隻眼閉既野開始攞出黎講
香港做左支那白手套咁多年
用香港個名洗黑錢、走資、買技術，走軍火、貪污為支那係第三世界開路、派間諜
所有野從來美國一早知道但由你繼續
但到今日終於有行動
適逢美國制裁支那
香港自然被放上國際舞台
支那因為國內派系勢力所以一定要強硬
而香港既呢班小奴才當然會跟住搖旗吶喊
其中一個行動就係「逃犯條例」
而有咩好得過香港有呢班俾港英照顧咁多年養到肥肥白白
97後就奶支攞著數
但對國際政治完全無認識既小奴才？
呢班由林鄭領班加一眾小奴才「官員」
係呢個時候仲加大力搖旗吶喊
推香港上呢場支那輸硬既仗既最前線
再加上呢兩日德國助攻
完全將香港放上國際大舞台
俾世界特別係美國睇清楚香港呢班小奴才既面目
只要美國立香港人權法
呢班小奴才既外美國籍同資產都會被凍結
再下一步就要希望美國向其他國家俾壓力特別係歐洲收呢班賤種皮
最後想講
呢次一次要有幾大玩幾大
有咩好得過今次既機會？
要單刀有單刀
要助攻有助攻
區區廿年係歷史長河係完全唔算啲咩
唔好睇得咁狹窄
有啲野去到極點自然會有變化
清朝、蘇聯、好多例子
今次要有幾大玩幾大 一定要同呢班賤種玉石俱焚
*** *** ***
成班港豬真係⋯⋯
#1朝鮮駐香港官員•2019年5月25日 20:49:38 source
雖然我只有連登呢個account, 但我有時得閒冇嘢做都會上吓其他討論區，睇吓啲post同留言。
妖，原來真係有唔少港豬支持逃犯條例。
你話想壞人繩之於法我明，但呢條條例好明顯弊多於利呀嘛。
居然有唔少港豬天真到覺得你唔返大陸，成件事就唔會影響到自己。
最痴撚線嘅就係，咁都可以搵到位入，用呢件事嚟打飛機，踩住其他反對逃犯條例嘅人，然後夾硬喺自己頭頂上戴光環。
你老尾話乜咩自己行得正企得正，「身冇屎」，所以唔怕逃犯條例。然後有啲甚至話只有逃犯、逃犯家屬先會反對呢條條例。
自己冇犯法、光明正大所以完全唔怕，換言之反對嘅人即係心虛、身有屎，因為驚所以先反對。或者話你反對就係有「迫害妄想症」。
哇，你真係好撚叻好撚正義好撚坦蕩蕩呀，佢哋都係想人哋咁讚佢啫。
成班港豬真係，自己太天真重好意思踩住其他人抬高自己。
明明就係惡法，如果因為班無知撚阻住晒所以令到條條例順利通過，我都唔知講咩好。
部分例子：
https://www.baby-kingdom.com/forum.php?mod=viewthread&tid=22469176&extra=page%3D2&page=1
https://www.baby-kingdom.com/forum.php?mod=viewthread&tid=22481675&extra=page%3D2
https://www.baby-kingdom.com/forum.php?mod=viewthread&tid=22504265&extra=page%3D1
https://www.baby-kingdom.com/forum.php?mod=viewthread&tid=22503352&extra=page%3D1
有冇人可以分享呢幅圖去其他討論區？
https://na.cx/i/Zb7j0M2.png
https://na.cx/i/j37Hd63.png
https://i.imgflip.com/31uy6n.jpg
*** *** ***
逃犯條例通過，香港樓市必定崩潰
#1命運在冷笑•2019年5月19日 20:31:09 source
最近我睇到一份本土研究社上年發佈既《富稅難收：香港股權轉讓住宅避稅研究》報告(連結喺二樓)，結合逃犯條例事件，基本上可以得出一個結論：逃犯修例要收割既主要對象，係大陸走資者，而呢啲走資者，持有極大量香港樓市資產。收割資產會引起佢地既恐慌，佢地身有屎既情況之下，會大量沽出香港資產，然後將資金轉出香港。
大家可以諗下，香港有咩可以收割？有咩最值得收割？大家多數會諗起香港既財政儲備、外匯儲備等。但係財政儲備要收割短期唔能夠成事，成效亦不大。外匯儲備有唔少人留意監察住，要做手腳好難。所以，逃犯條例要收割既，係香港樓市！香港有咩最值錢，咪就係樓市囉。走資者既香港樓產，就係中共既最佳最方便補血對象。逃犯條例沒收財產既功能，正係為此而設。
大家可能會諗，香港咪有買家印花稅、雙倍印花稅囉，內地走資熱錢真係可以繼續推高香港樓市？無錯，因為內地有錢人可以用股權轉讓法，完全避開印花稅。香港政府一直對呢個漏洞秘而不宣，但背後用呢個方法令熱錢流入樓市既嚴重程度完全超出大家想像！
香港主流媒體因為唔想得罪利益集團，一直無報導呢個問題。但係本土研究社以自己微薄既力量，喺有限既公開資訊下，盡力拼湊出以股權轉讓瘋狂炒樓既一部分真相。以下我會引用一下報告既內容，說明問題既嚴重性。
以上資料，足以推翻樓市只升不跌、只有龍市一二期既講法。因為，香港既樓市係跟住大陸既走資週期。自中國加入世貿以來，中國獲得大量資金，同時間不斷有權貴從內地帶出資金，炒起各地資產。走資者帶黎既熱錢，係樓市熾熱既主因。一但逃犯條例通過，走資結束，逃難開始，香港樓市恐怕難逃一劫。
逃犯條例會引起資金流出。大量資金流出之下，要保持銀行體系穩定，息率一定上升。會有人大量拋售港元，匯率會受壓。以香港外匯儲備要保住匯率基本上無問題，但係息率、股市同樓市好大機會成為犧牲品（參考97）。
報告連結(值得大家抽時間認真睇晒，思考問題嚴重性)：
https://drive.google.com/file/d/16XWAv7kzkSgt6pVP2IM8kjca4ngjktmX/view
*** *** ***
逃犯條例與香港樓市、經濟之關係
#1命運在冷笑•2019年5月15日 15:01:02 source
借人ac開post，肺腑之言，希望大家俾耐性睇。
Short Version:
逃犯條例如果導致大量資金流走，小心提防好似97息率同股市既危機，同以往十幾年情況有根本性分別。另外留意兩個徵兆：銀行體系結餘跌至近零、短時間大量豪宅賣盤出現(有錢人開始走佬)。
1. 香港背景
香港一直以來有內地無法媲美既法治優勢，雖然民主進程緩慢甚至用停滯倒退黎形容亦不為過，但香港對商業發展極其重視，商人既利益得到保障，要做生意唔使咁多潛規則。私有產權亦受到保護，吸引投資者買入香港既資產。另外，2001年中國加入世貿，內地經濟開始騰飛，從中牟取暴利既貪官自然會將一部份財產轉移出去，英美澳加不在話下，香港亦係走資者上上之選。但係逃犯條例會對呢一切有咩影響？
2. 香港樓價高之原因
2003年香港經濟從低位中復甦之後，失業率大多長期維持在低位。樓價不斷上揚，再無出現過九七咁大既調整。樓價不斷突破高位，有人歸因於內地人來港同本地人搶資源：上有有錢人買豪宅，下有窮人搶公屋。但係，樓價永遠唔係一兩個因素就可以完全解釋到。而我個人認為，香港政府既放任政策、同長期經濟好，係主因。
政府可笑既賣地政策，長期利益輸送俾大財團，又無租務管制、反壟斷措施。地產商唔囤地、唔炒高樓價、租金，簡直對唔住自己良心。人口、房屋政策又差得令人髮指，基本上完全偏幫外地人，推本地人去死。
只係，我唔認為政府管治差係樓價高既全部原因。香港長期經濟好，係第二個主因。04至19年，其實香港大部分時間經濟都唔錯。08金融海嘯，並無傷及香港之根本，加上美國隨後量寛，十年內熱錢不斷湧入香港。造成香港資產價格不斷上升，甚至有樓價只升不跌既神話。
十幾年既大升市可能令好多香港人覺得經濟週期不適用於港樓，已經有無數專家估錯樓市會有大調整。不過我有啲擔心，呢一切只係一個狼來了既故事。
九七樓價開始大跌，其中一個原因係港元受狙擊，政府要出手同時救匯率同股市，息率被挾高。我有一個猜想，當香港貨幣/經濟環璄有異動，引致大量資金流出、息率出事時，樓市就有大調整既可能。呢種情況，自九七以來未曾出現。
3. 逃犯條例
逃犯條例，適逢貿易戰之時推出，自然不難明白中共既意圖。除咗捉拿外國人增加政治籌碼之外，收割商人財產、控制香港財閥亦係一個理由。面對貿易戰，中共要利用一切可用既資源補充力量，自不可放過香港。
中共要用逃犯條例對付既有錢人大概有兩種：第一種係自內地走資而來既內地人，呢種人大陸掌握晒佢地既資料，只係苦無手段去收割佢地，逃犯條例係不二之選。第二種係本港商人同外國商人，前一種人開始收割之後，中共慢慢掌握捉人竅門，亦會對佢地落手。
內地走資者面對逃犯條例自然十分驚青，我唔清楚佢地仲有幾多仍然留喺香港，換轉係我，我一定儘快賣出轉走香港資產，然後逃走到外國。另外，習近平敵對派系亦可能有可觀資產喺香港，亦係收割對象。之前內地打貪補完血，喺香港繼續補血。
逃犯條例通過之後，香港有錢人就面對住無處不在既危機，終日惶恐幾時被人收割。我唔係上流人士，我唔知道佢地有幾驚，有幾大打算帶走資產離開香港。我只可以估計會有相當數量既資金流出。
貿易戰既環境係動態既，五月初談判破裂打破多人既幻想，證實中共唔容許自己管治權力受到任何動搖。至此，貿易戰變成不死不休既局面，美國必定要打破中共對中國市場既控制，從而分一杯羮，確保自己技術優勢可以得到最大發揮，佔領市場。而中共賭上一切去維護政權，即使人民生活倒退幾十年亦在所不惜。雙方不斷擺出籌碼施壓，香港係一個重要角力場。上年有唔少風聲香港政策法會被取消，年初和談之際風聲又減弱，現時則風聲再起。目前為止，美國制裁手段集中於關稅，所以大家只能夠觀望，美國施壓手段會唔會從經濟轉向政治層面，以政策法、凍結中共高官資產出手。
4. 資金流出與經濟影響
逃犯條例會引起資金流出，幾大規模我唔知，但假設有幾百億以上既話，會對香港經濟、銀行體系造成一定衝擊。現時銀行體系結餘大概有五百億港元。資金流出之下，要保持銀行體系穩定，息率一定上升。會有人大量拋售港元，匯率會受壓。以香港外匯儲備要保住匯率基本上無問題，但係息率同股市好大機會成為犧牲品(參考97)，因為聯繫匯率係香港既命根，絕不可失。(與其相信中共用外匯儲備補血，我比較相信佢用逃犯條例補血。)
息率上升，令借貸成本上升，香港經濟發展會大幅減緩。如果息率升得太誇張，會有唔少公司周轉不靈倒閉，亦可能有人供唔到樓。
另外，外商撤資，會減少香港就業崗位。失業率上升，消費緊縮。香港會進入衰退週期，而且同08、15年短暫回調唔一樣，之前只係外圍經濟既波動，今次經濟環境係香港本質上既變差，復元期將會更長。香港經濟成果大部分由地產托住，泡沫如果爆破，可以輸剩條底褲。供緊樓既中下層同中產會被洗劫。
以上我講既只係提出一個可能性，唔確定會唔會發生/幾時發生。但係一切問題都會係連鎖反應咁爆發出黎。大家要留意最新情況，居安思危。以上情況發生既徵兆我諗到兩個：銀行體系結餘跌至近零、短時間大量豪宅賣盤出現(有錢人開始走佬)。
*** *** ***
政府絕對唔會讓步 讓一細步都唔得 因為佢哋唔可以俾你成功 因為只要成功左一次個無力感就會消失
#1廚師川崎•2019年5月18日 11:05:15 source
香港人點解有一四年政治高漲 變成今日唔理政治戇鳩鳩咁 都係因為習得性無助
1967年，美國心理學家馬丁·塞利格曼（Martin E.P. Seligman）以狗為對象做了下列一組實驗。
程式一：把一條狗放進一個籠子里，鎖住籠門使狗無法輕易從籠子里逃出來。而籠子里裝有電擊裝置，通過這一裝置給狗施加電擊，電擊的強度剛好能夠引起狗的痛苦，但不會使狗斃命或受傷。
塞里格曼發現，這隻狗在一開始被電擊時，拼命地掙扎，想逃出這個籠子，但經過再三的努力，它發現無法逃脫後，掙扎的強度就逐漸降低了。
程式二：把這隻受過電擊的狗放進另一個籠子。這個籠子由兩部分構成，中間用隔板隔開，隔板的高度是狗可以輕易跳過去的。隔板的一邊有電擊，另一邊沒有電擊。實驗者發現，這隻曾受過電擊的狗除了在頭半分鐘驚恐一陣子之外，此後一直卧倒在地。絕望地忍受著電擊的痛苦，根本不去嘗試有無逃脫的可能。
程式三：把沒有經受過電擊實驗的狗直接放進有隔板的籠子里，發現這些狗全部都能逃脫電擊之苦，輕而易舉地從有電擊的一邊跳到安全的另一邊。
塞里格曼把上述實驗中，狗的絕望心理稱之為“習得性無助”。塞里格曼為了找到防止“習得性無助”產生的辦法，經過進一步的研究，又重新設計了一個實驗。
讓狗在接受“無法擺脫的電擊”實驗之前，先學會如何逃脫電擊之苦。方法是先把它們放到可以躲避電擊的那個籠子里，當它們接受電擊時，只需輕輕一跳，就可以免受電擊的痛苦。等到狗學會能輕易地從籠子的一邊跳到另一邊時，再讓它們參與第一個實驗。結果發現，這些狗們就不太容易陷入“習得性無助”的境地。
https://wiki.mbalib.com/zh-tw/习得性无助
政府對所有嘅唔退讓 都係因為怕只要一讓步 對面就可以大事宣傳佢哋嘅「成功」 間接令習得式無助消失
佐治華盛頓初期不斷輸 喺一場戰役中突擊英軍 英軍只損失二十人 美軍損失幾個人 呢場戰鬥到冇任何戰略意義 但係就對外宣稱美國打贏咗英國 令美國人走出咗習得性無助 最後成功獨立
呢樣就係點解法國人小小事都夠膽出嚟抗爭 香港人踩到上心口都無動於衷嘅原因
*** *** ***
由佔中到逃犯條例 感受同願景
#1屠龍大俠•2019年5月18日 20:50:27 source
佔中可以話係近年香港社會運動既一個突破
無人諗過香港人會有咁大既自發性去表達訴求同意見
曾經，我有些朋友係佔中期間都走到好前
但果次之後，好多人認清左一個事實
香港人無論做d 咩，都無辦法影響政府，從而影響e個社會
因為真正要面對既政府係最上面既中央政府
一個踩住自己人鮮血 (國民黨、文革、六四) 而走過黎既暴力政權
本身係專業人士圈子
近幾年身邊既朋友，唔多但有d 已經移左民
仲有d 係度研究緊點移民
雖然大家無好似佔中時期咁高調去談論政治
但心底裡大家都知道
現在已經到左要抉擇既時候
我諗好多人，除非有特別背景要瀨共，都唔可能接受逃犯條例
但現實係睇住港府被中央一步步硬推
以香港仔最務實既態度去睇
大陸將來只會不斷融合同限制香港既發展
我諗都無人會奢望可以去得番香港最輝煌既時代
但係至少至少，我地要維持獨立思考、辨別是非既能力
盡量維持番香港人應有既standard 而不被同化
香港最值錢既野唔係e 個地方，而係背後既制度同我地自身既素質 (道德、價值觀)
若果他朝真係換血換到無個正常人，大家亦不必留戀這個地方了
*** *** ***
有錢都唔好買樓，準備移民
#1全一•2019年5月16日 23:43:40 source
呢幾年林鄭都放風比地產商，盡出貨尾。
現時借機會落實逃犯條例，其實係咪林鄭一早知道?
見到身邊朋友好多都問點解有能力都唔買樓，我都係睇定先-
因為如果買樓就要係2047大限前賣，最好就2040年。
如果逃犯條例一過，相信好多商家都會同大劉一樣撤資，
到時香港國際金融中心地位都應該會倒塌，商家都唔會敢嚟做生意。
其實好多香港人都有默默為香港奮鬥過，只係好多紅底廢老廢中會屌到反艇，大家都心灰意冷，又會諗何必要為左班離地港豬付出?
https://na.cx/i/HwtJ0Ou.png
宜家真係焦土啦，就算你係咩背景，都有機會一舖清袋。
我就不斷提身邊朋友儘快移民。 但就算移民，人地都只會視你為二等公民。
但生於斯，長於斯。我已經準備留係香港，直到最後一刻，若然香港真係玩完，我先會移民