30 Dec 2019 by 黃色經濟戰隊 source
致各位真香港人、連登巴絲：
一個星期前，我哋公布咗第一批「Anywhere But China 黃色商品」。大家嘅反應之熱烈，完全超出我哋嘅想像！喺過去7日我哋嘅 Facebook post瀏覽量達到 72 萬次！多謝大家嘅支持，呢個數字證明咗好多香港人真係支持黃色經濟圈嘅發展，令我哋相信我哋做緊嘅事真係可以 make a difference。
最近越來越多親建制人士對黃色經濟圈口誅筆伐，證明佢哋真係好擔心。點解好擔心？因為真係有效。經濟係香港嘅命脈，既得利益者食咗香港經濟起飛呢條水幾十年，個個腦滿腸肥，而家見大家咁齊心發展黃色經濟圈，趕絕藍色商人，罷買中國製造，只買 Anywhere But China，佢哋利益被蠶食，仲唔個個爭住出聲？最近讀到周日東先生嘅一篇文章，提到一份由美國農業部發表嘅「美國農產品往香港出口的前景分析」，我哋將當中部份數據節錄如下圖。大家可以見到其實喺好多食品種類方便，中國製造所佔嘅比重唔係壓倒性嘅大多數。就我哋嘅超市調查員觀察所得，其實大部份產品類別都有起碼50%係 Anywhere But China，儘管有唔少大品牌都係中國製造，但係替代品真係好多。要罷買中國製造，其實真係好易，大家買嘢時留心就已經好有幫助！
自「Anywhere But China 計劃」面世之後，好多人俾咗好多有用嘅建議俾我哋，我哋會用心聆聽，採納可行以及理念相同嘅意見，不斷改善計劃。請容許我哋進一步解釋一下我哋 「Anywhere But China 計劃」嘅基本理念：
1 – 客觀地以生產地/來源地去將一般日用品/飲食品分類為「中國製造 Made In China」及「其它國家 Anywhere But China」。
2 – 我哋主要依賴包裝上標示嘅生產地作出判斷。如某產品沒有明確標示出產地，我哋會盡量用其他方法查證。如調查無結果我哋一般不會將該產品包括喺我哋結果內。
3 -「Anywhere But China 計劃」名單是以產品生產地作為唯一的分類準則，並不是以品牌政治立場(或他人認為其品牌的政治立場)作為分類準則，敬請諒解。有建議希望我哋可以連同品牌政治立場/資金背境/管理層政治取態等因素判斷商品係黃色定係藍色。建議很好，但執行起嚟好困難，除時間及人手外，政治立場/資金背境/管理層政治取態等可以經常改變，我哋唔想主觀地去為每一個品牌冠上一個政治立場，作出呢個判斷並唔係我哋團隊嘅專長，有好多其他團隊係呢方面比我哋做得更好，大家可以參考佢哋嘅分析。要做好「Anywhere But China 計劃」，我哋要保持客觀，依賴factual資料。計劃嘅目標非常簡單：罷買中國製造。直接堵截資金流入中國。
4 – 我哋亦都好難逐件產品了解佢每一個原材料嘅來源地去決定佢屬於邊個國家製造。一罐雜錦生果，唔同生果可能來自唔同國家，咁點判斷佢係邊度製造呢？所以我哋都係統一依賴包裝上標示的生產地作出判斷。
5 – 由於香港屬於零關稅港口(少部份應貨稅品除外)，好多產品都會有水貨/行貨同時存在嘅情況。水貨/行貨有時會來自不同生產地，我哋會以喺各大超市買到嘅產品作為標準。
6 – 請原諒我哋無人力物力去將市場上全部品牌(尤其一D冷門嘅品牌)逐一列出，所以只集中列出比較容易於各大超市見到嘅產品，一步一步嚟，請大家諒解。
7 – 香港法例第362章《商品說明條例》並沒有強制規定在貨品或包裝上，必須列明其產地來源資料。然而，在營商過程或業務運作中，所有標示或附在商品上的商品說明，包括產地、製造、生產、加工或修復貨品的地點必須是正確無誤，商戶如在有關貨品資料作出虛假或具誤導性達關鍵程度的陳述，可構成虛假說明的罪行。如有任可人發現有商品刻意作出虛假的陳述，我哋建議大家向海關舉報。
8 – 大家有任可懷疑，最實際就係購物時望一望包裝標示嘅生產地。如果搵唔到，就揀其他牌子。
9 – 我哋明白大家都好心急想我哋盡快公布你好心目中嘅產品類別，但係超市貨品有上千種類，我哋團隊需要逐件貨去check，希望大家耐心等候。再唔係就自己拎起包裝望吓囉，都唔係好難啫？
踏入第二星期，我哋特別準備咗曲奇餅同朱古力，因為好多朋友會開始辦年貨，記住唔好買錯呀！仲有更新咗上星期嘅廁紙類別。
我哋每一位香港人，生於呢個時代，就有自己嘅責任！由今日開始，買嘢之前睇真吓係咪中國製造先，唔好益咗藍色經濟圈。得唔得？
我哋以後會大約每個星期公布一批「黃色商品」嘅名單，首階段會包括最常用嘅日用品/食品/飲品，之後希望伸延至各行各業每個種類嘅產品。希望大家都一齊努力，將「黃色經濟圈」搞到有聲有色。希望大家幫手推呢個 post 上熱門，同埋瘋狂 share 俾所有人！多謝！
Anywhere But China 黃色經濟戰隊
所有已公布名單可以喺以下平台搵到
IG/FB/TG: @AnywhereButChina
#AnywhereButChina #黃色經濟圈 #罷買中國製造
「黃色商品」第一批名單
＝＝＝＝＝＝＝＝＝＝＝＝
#盒裝紙巾 #杯麵 #蛋 #衛生巾 #白米 #水 #支裝茶 #尿片
#Tissue #CupNoodle #Egg #FemaleHygiene #Rice #BottledWater #BottledTea #Diaper
「黃色商品」第二批名單
＝＝＝＝＝＝＝＝＝＝＝＝
#朱古力 #罐頭湯 #曲奇餅 #啤酒 #沐浴露 #洗頭水 #小包裝紙巾 #紙巾 #抹手紙 #廚房紙 #廁紙
#Chocolate #CannedSoup #Cookies #Beer #BodyWash #Shampoo #Tissue #HandTowel #KitchenTowel #ToiletPaper
1 Comment