(編註：本篇乃721元朗黑社會恐怖襲擊(直播影片整合)之事件延伸)
23 Jul 2019 by (代朋友出post) source
今日開始要清算班新界鄉黑
鄉黑最撚緊張既就係佢哋啲丁屋
我哋可以循合法途徑去玩9死佢地
大家亦可以選擇主攻元朗
方法一: 瘋狂反對所有丁屋申請
正常申請一間丁屋 冇人反對既話，5-10年就可以完成申請。但如果俾人反對 就起碼可以拖長多幾年，拖多幾年就燒多佢哋幾年錢。
先介紹一下正常丁屋程序
申請>政府部門circulation>地政出告示>沒有反對就出offer letter > 簽地契>出開工紙>再出完工紙
我哋可以玩嘢既地方就係地政出告示呢part
(告示位置:原居民代表,現場,村內公告板,地政署公布板)
大家只要上各區地政署，就可以睇哂所有告示。如該區地政署唔止一層，記得要逐層睇！因為每一層都有告示板，有時告示多到貼唔哂，就會放起counter 一個folder，供任何人檢閲。大家只要寫低所有告示既檔號及申請人姓名落一張白紙，然後寫明你要反對以上丁屋申請以及其反對理由。再留底全名同聯絡方法即場交俾counter，之後地政會出信/電話約你會面。一定一定要出席會面，只要出席咗，乜都唔洗做，聽個主任重覆你既反對原因，反對已經成立，會面時要講到明不向申請人公開身分！ 之前大把人反對完，班村佬點都揾唔到係邊個反，佢哋想想揾個反對人撤銷反對，玩到佢哋氹氹轉。
建議反對理由:
(1) 質疑其原居民身份
[*呢個指控係最屈，只要有任何人反對佢哋既原居民身份，佢哋都必須交齊祖宗十八代資料，大多村佬都冇keep齊record，所以起碼拖多3-4年]
(2) 質疑申請人套丁
[套丁即係收人錢賣自己丁權，發展商俾錢佢申請丁屋，當屋建成後就會轉名俾發展商。收到套丁反對時，地政要逐個約啲申請人上嚟會面。雖然多數調查唔到啲乜，但因為大多套丁原居民都住外國，要佢專登返香港一轉參與會面，多數啲申請人會淆底唔返香港接受調查，單case 做唔到就發展商同啲村佬就有排冇得起屋，又燒佢哋錢]
(3) 申請人的小型屋宇會引致該村水浸
[只要有呢項投訴，渠務處就一定要申請人洗錢請專業人仕做份排水方案，渠務處起碼幾個月先覆，到時既拖到時間又要村佬洗錢，一舉兩得]
反對書template
致地政專員:
本人反對下列丁屋申請。
申請人姓名:
地政處檔號:
申請地段:
申請人姓名:
地政處檔號:
申請地段:
申請人姓名:
地政處檔號:
申請地段:
反對理由如下:
1. 本人質疑申請人之原居民身分，其原居民身分存疑。
2. 本人懷疑申請人套丁。
3. 申請人之丁屋申請會導致水浸問題。
反對人
Xxx上
聯絡方法: 電話或地址
對於其他僭建、已批丁屋及霸官地等玩法，遲下再慢慢update 大家
+++++++++
部分reply
#7
BD, 地政,消防,機電
#68
質疑其原居民身份係可行
我朋友試過搞，得佢阿爺有名係族譜，但老人家50年代就過左身。佢果個年代張所謂身分證 係手寫，而且個影印本已經翻印再翻印，太濛。而政府亦唔齊果代的電子記錄。佢同政府嘈個數字係1定7已經搞好耐。[sosad]
幾年都未申請到原居民身分[sosad]
#88
補充少少，匿名反對係唔受理的，但你有權同地政講唔可以將你既身份透露俾申請人知
同埋地政會邀請你上去office就你既反對理由作出申述，一定要去，唔去就當反對無效
#83
