(編註1：本篇全文均無使用標點，編輯簡單加上標點及分段，及改錯字。同時，本站一如既往刪去表情符號。所以此文與原文在觀感上會有較大差別，請根據閣下之個人喜好選擇。)
(編註2：本篇係回應721元朗黑社會恐怖襲擊(直播影片整合)後，網民揚言要於7月27日光復元朗，之其中一篇分析及策略討論)
23 Jul 2019 by 我求下你 source
長話短說的話, 如果想TLDN ,一句總結:
進擊元朗要對物不對人
分析下大勢先
係今次中聯辨冇出現立法會既空城計, 極果斷表示要清場, 不留時間比你地慢慢討論. 其實說明左:
比起警隊生命同市民安全, 政府其實學精左, 要保護返代表持有政權既象徵
7.1帶比政府既恥辱其實極大, 可能對最勇武既抗爭者黎講, 破壞既只係一個殼,
但對好多大眾同”外國勢力” (和理非黃/騎牆派/港豬/EVEN 藍絲), 對心目中個立法會形象已經有極大動搖
好多昏睡緊既人都嚇左嚇, 搞到成世界都知政權無哂合法性
而由71開始運動重心更由反送中轉成反政府
有見及此, 更何況最權力核心既中聯辦? 所以今次佢地好撚快手清哂你地, 迫退抗爭者後幾條街, 暴力鎮壓 就算打, 打極都係班比人擺上台既狗狗, 而唔係打到個所謂神聖無比既, 象徵住”一國兩制” “國家主權” “大中國” 既 爛鳩國徽
政府係71一定估唔到立法會示威者全部撤走, 迫到柒婆4點出黎, 果排777個樣直情面如死灰, 放哂風要辭職
而全世界都即刻開哂spotlight留意我地
要記住係中共最怕既就係外國勢力, 所以開口埋口都話外國勢力, 驚死有顏色革命
而事實上71應該係史上唯一一次可稱為香港人勝利既戰役, 係冇人死亡既情況下達成左極大既戰略後果, 搞到英國佬都冇辦法同支那對屌一排
“嘩!乜原來佢地冇好似佢地個劇本咁示威者傷害差佬既? 又冇盲目毀壞立法會所有建築? 佢地係一支文明之師 點算?”
“示威者 比起外國相當克制” 係咁既情況下, 港共政府出師無名, 政府雖有搞死人既可能, 但咁樣貿貿然搞死人收硬皮
所以其實係一直係暴力邊緣既抗爭者對政府好頭痛, 講佢和平又唔係, 講暴徒又好似唔太FIT, 所以成撚日係度玩老屈, 又TATP, 又話不明氣體不明液體乜撚野都不明云云
政府一路都好想激化衝突, 多次(故意?)指揮錯誤, 放前線警員係危險之中
721前幾日, 個個都話要升級, 嚇到散仔協會出聲明”提醒”高層
因此721當日係上環既鎮壓手段變到更加兇殘
但當然, 依個係一個量既提升 (開多左槍/ 放多左煙/ 打多左記者), 大家既反應都冇咁大
如果係一個質既提升: 出水炮車/ 出實槍/ 死人, 個震撼一定大過當日當年928出煙/ 612清場
而928同612, 個後續大家都記得, 出黎既人數直線上升
928後出現左回歸後首次大型佔領, 612後出現左香港史上最多人數既遊行
開真槍殺人個後果佢地根本計唔到有幾大, 夠膽搏?
佢一係就好似64殺哂D人等到香港社運永不超生, 但柒婆張家超肥閪聰等人, 只係一班地方官, 有咁樣既能耐/權力咩? 張曉明都唔撚敢啦
所以佢只能望你地出錯, 因此不停地設局引君入甕
無論係71立法會退守又好, 元朗事件都好, 都係好明顯一個局
佢等你一開打, 正義既警察就會出手”平定”暴亂
林奠就宣布社會撕裂就修補哂
政府已經無計好施, 一係拖, 一係瘋狂制伏
你睇到咁既政府, 都就快斷氣係度掙扎, 好心人應該幫幫手幫依個垃圾港共政權升天, 咁就”壽終正寢”啦
因此係返元朗事件上, 我有以下判斷:
判斷1: 黑警根本唔敢開實彈槍, 用鄉黑做白手套. 而且美國佬既到依家對香港既沉默, 幾耐人尋味
判斷2: 黑社會係林鄭最後落注, 可謂double or nothing. 主事者何君堯都準備走佬, 兩手準備
判斷3: 琴日一事, 鄉黑玩大左. 換句話講, 政府冇授咁大權力比黑社會殺人
係度講返小小個人判斷:
我點都唔會信牛屎飛今日黑吃黑+大放風係因為某某搞到大佬老婆而起, 只能講太唔自然
係人都知黑社會同政府合作係與虎謀皮, 政府係適當時候就會dum左個condom, 搞場”大掃黑”, 之後拉人清算
1 >> 我認為依家放風所講既追殺行動係唔合理. 理論上講, 如果要全城斬後生仔, 咁應該就冇得係今日同時斬埋琴日元朗牛屎佬, 琴日班牛屎佬+埋今日既全城黑社會講明, 後生仔就係目標
如果全港黑社會同心斬後生仔既話, 咁今日打後黑社會咪好唔得閒? 係短短幾個鍾內, 又要一邊斬全城後生仔又要展開斬所謂”和哥”行動
2 >> 係依家風頭火勢, 出哂幾百人斬幫政府做野既社團黎攬局, 破壞/打亂政府如意算盤. 真係會咁蠢? 好似電影教父個軍師話齋, 如果個毒梟(黑社會)同警察合夥, 個毒梟(元朗鄉黑)係invulnerable
同樣道理, 如果元朗班牛屎黑有政府照住, 有邊範人有信心會掂佢?
3 >> 除非係全港既黑社會都覺得元朗班人會係未來帶黎政府既掃蕩, 聯合先於政府剷除害群之馬. 但我又懷疑 全港黑社會會唔會咁有能力係幾個鍾內傾到共識同行動, 黎一個好似今日瘋傳既錄音既黑吃黑, 更不論講係全城震怒既環境下, 斬埋全城既後生仔?
4 >> 因此最合理同最保守既判斷: 元朗事件係柒婆想製造事實戒嚴既恐怖氣氛出黎, 搞到727同以後既運動無人出黎, 黑白夾擊抗爭者. 依個時候更加唔好怕! 一怕今次一定玩完. 六位烈士永遠死不瞑目. 公民社會倒退多十幾廿年. 整個香港會重現2014-2019年既後雨革抑鬱. 更不用提政府秋後算帳
我覺得判斷4既細節可能有得斟酌一下, 但係..
係中國都專登同美國請示話唔出老解, 之後又借用黑社會勢力, 已經露哂底牌
只要抗爭者堅持對等威力原則下, 佢根本唔敢明目張膽殺人
加上同線籌組臨時立法會/政府, 港共政權即將崩潰
依家民意黎講, 就算琴日火燒中聯辨都冇人指責, 如果班恐怖份子比義民打死左, 人人都會拍手叫好
727好多人好嬲講到要屠村, 但又怕有刀手殺人既情況下, 其實我地需要, 只係需要 同 只能需要 show muscle, 傳達一個強而有力既message, 話比人知我地唔會縮
需要既係類似71攻入立法會既戰略震懾, 攻陷代表圍村自治既權力象徵性建築物
換句話講 拆祠堂/ 鄉議局, 而非好似公海tg/lihkg咁討論話燒村, 一句講哂 對物不對人
一來打鄉黑長遠睇等同打政府整出黎既吹氣公仔, 於事無補
二來有總會無辜者
三來你地想攞佢地命會引來更大既反彈, 爛仔交/武器/對地圖熟悉度/經驗都遠羸抗爭者時, 對人既攻勢係十分無利
仲有既係, 四來抗爭者將會損失唔少最勇猛既前線手足, 佢地好可能會受傷/被捕/死亡, 換黎可能只係幾條狗命, 唔值得
另一方面去諗, 我even會覺得政府佢地可能會隻眼開隻眼閉, 因為鄉黑問題不嬲係政府頭痛問題, 如果想收丁權佢地一定好想搞. 依點就廢時多講落去
以壓倒性既人數去震撼元朗涉事圍村, 如果好似71攻立法會89點咁有數以萬計既人攻祠堂, 所謂刀手有必死決心斬人?
而出炮者會唔會為個只係有象徵意義既建築物? 佢地會唔會有依個意志? 如果佢地出哂陣 full gear + fully armed 咁出黎, 對政府+狗狗形象係咩既打擊?
如果我地唔諗住去拎班牛屎狗狗命, 根本佢地無計可施
政府設局, 我地要好似71咁破局, 唔好忘記既係祠堂呀/鄉事局呀, 比起立法會既結構, 只係一棟爛鳩建築
當然既係, 我話贏左鄉黑就贏依句話其實係有少少理想化
但至少係今日黑社會危機出現後, 香港人要一個突破點, water係唔可以困於死潭之中
727反恐日贏左前路一定會光闊返, 打輸一定收皮
亦唔洗太高估共匪, 佢地非鐵板一塊有派系之爭, 有內憂外患
全面民選政府, even港獨都未必冇可能, 中國共產黨實際上係一個極度實用主義既組織
有話說要戰略上輕視敵人, 戰術上重視敵人
理論上戰略上既野我都講完, 實際上戰術要記得幾點:
1. 唔好忽視當日行動危險性, 危險都係有
2. 黑警都係有可能聯合幫拖, 兵貴神速, 全奇不意, 祠堂唔係得一間
3. 琴日一事後, 鄉黑係恐怖份子, 出師有名, 唔係大屠殺玩出人命既, 放心行動
4. 和理非同勇武一定要互相保護
不必多說, 戰術上係講咁多, 講太多就唔靈架