(編按：台灣6月23日遊行資料。當時香港啱啱經過6月21日嘅即興圍堵警總行動，政府忙於譴責及搜捕向警總外牆掟雞蛋人士，而香港人都忙於應付輿論戰，因此無論媒體定民間，對是次台灣遊行反應不大，或者話反應唔切。大多數只看親中新聞嘅人根本唔知呢件事。)
24 Jun 2019 by 港人永不忘記 source and discussions
“中國人的性情是總喜歡調和、折中的。譬如你說，這個屋子太暗，須在這裏開一個窗，大家一定不容許的。但如果你主張拆掉屋頂，他們就會來調和，願意開窗了。沒有更激烈的主張，他們總連平和的改革也不肯行。”（魯迅）
其實香港人經過69、612、616、621之後
應該要好清楚一件事
就係無論衝擊定抑或不合作運動定係癱瘓政府運作
都無可能迫到港共讓步
原因每一個人都應該好撚清楚
因為港共只係馬前卒
你一日未燒到中共
就好似黑警一日未燒到高層
你再圍警總、再羞辱班畜牲警犬
都唔會帶黎咩實質既改變。
624台灣大規模反共媒遊行
已經好清楚說明左我地香港呢場運動既新方向
就係連結台灣、將呢場運動既主要目標由港共轉為中共
向全世界人包括美國、台灣等等地方展示香港人抗共決心
先可以擊中中共最大既弱點
先有可能打破而家香港人單打獨鬥呢場困局
透過連結世界力量迫中共由冷處理呢場運動
(全面封鎖消息、指示港共消極應對拖延消耗民氣)
變成必需要回應呢場運動
而無論佢強硬回應定係退讓
結果都比佢選擇冷處理好一百倍
因為冷處理就會將呢場運動徹底淡化遺忘
成本由港共同香港人分擔
而中共就拍下屎忽讚林鄭做得好咁都燒唔到佢個頭頂。
所以
真正既行動升級
係應該將香港呢場運動既火 燃燒到林鄭既上級
香港人真正既敵人 中共既頭上
台灣人已經企出黎展示出佢地抗共既決心
呢一刻香港人好應該企出黎
大聲回應台灣
港人將會同台灣人並肩同行！
呢一步先係呢場運動跟住落黎應該行既方向！
魯迅一百年前已經提示左香港人
只有拆港共屋頂、
政府先可能回應我地果五條訴求！
兩日前有巴打提出圍警總不如圍中聯辦
比其他人恥笑佢無腦/做乜鳩
但其實果位巴打只係走得前左兩日
因為今日台灣示威已經明顯說明左
將台灣既共抗爭同香港同抗爭連成一線
先係香港呢場運動既真正出路
諗起雨革果期仲有人整雜種像放旺角金鐘
香港人仲係對中共、所謂阿爺仲有忌諱同希望
唔敢評論中共、唔敢衝擊阿爺
仲比64陰影困擾住香港人一樣
先係造成運動失敗原因
如果唔想重複雨革失敗
香港人就應該要對準目標
香港人要衝、都唔應該再衝立法會、政總警總呢啲地方
比港共口實話示威者衝擊自己人
而係應該衝擊中聯辦、
衝擊中共管治威信！
亦都唔會再比政府輿論彈藥攻擊示威者
因為中共明顯同香港人係兩回事！
而將中共作為外敵宣傳
亦都可以有效引起中立派既市民同情
而唔係無限期陷於內耗失民意
呢個全世界抗爭史既常見劇本之上
呢樣先係林鄭真正懼怕既地方。
燒國旗唔得、就係外國記者前面集體燒雜種頭像
作為中共治下第一個近三十年黎
有大規模反共活動既城市
向歐美台展現抗共決心
令美國、令特朗普認為香港人係中美衝突之中
係一枚有用既棋！
你比唔到政治利益/效用比特朗普
特朗普作為美國本土派又有乜理由去支持香港人抗爭?
同時亦向台灣蔡英文提供更多彈藥、
令台灣成為香港抗共既強力後盾
（蔡英文已經開始研究向香港政治犯提供特殊庇護、
可以比義士一條安心後路）
台灣同香港其實就好似兄弟一樣
由細到大打打鬧鬧到大、但又彼此分唔開大家
無論文化定語言、價值觀定係基因
台灣同香港都係全世界最近似、最親近既地方
即使細個係online game成日台狗港狗咁鬧交
同時亦都有無數港台人係網絡上結緣
如果問八十後、九十後香港後生仔
要揀一個最熟悉既國家
我好相信超過八成人都會選擇台灣
因為台灣就係一個香港人就算第一次去旅行
可以連酒店房都唔book都可以安心去既地方。
係呢場運動之中 台灣就係香港人最堅定既盟友
細個打打鬧鬧一齊成長既兄弟
係遇到真正危機同外敵之前 都唔會感受到
對方有幾咁重要
團結起黎力量係有幾咁大。
+++++++++++++
部份reply:
#15
要贏中共
就要靠攏台灣
雖然比人滲透
但冇一個反共基地比台灣更大
#16
無錯
今日台灣人已經企出黎
說明台灣人依然有好堅定既抗共決心
香港人呢場運動已經無可能靠單打獨鬥成功
要連結台灣、為長期抗爭提供外在盟友
亦同時拍提供外在敵人中共
而唔係無了期陷於內鬥
#19
要林鄭讓步
就係要施加壓力比佢上司中共
要中共睇到呢場運動
有可能演變成一場大規模反共運動
想像下
中共統治下如果有一場以十萬計既反共運動出現
必定震撼全世界
亦都係中共最怕見到