編按:
今次集收左部份呼籲大家上街參與6月9日, 103萬人反送中遊行嘅文字. 屬於敏感話題, 為保護原作者, 原link一律刪去. 另外, 製作海報, banner, 傳單及自發組織義工派街, 等等伴隨有實質行動嘅文字, 為防香港政府聽日就出追溯法例捉佢地, 唯有放棄收錄.
*** *** ***
2019年6月2日
*** *** ***
我係90後，即係香港死我都未死。
今次69遊行，成功與否，都展示緊香港的未來。自雨革之後，過左5年，我地再次遇到一個契機將怒氣釋放。
回想起23條，08年/12年普選遊行，唔到大是大非的事情，我地都唔會出黎爭取應有權利，爭取做人的義務。
香港人骨子裏都有一種奴性，對上言聽計從，凡事不思考，不質疑，要返工不了；
香港人自私自利，百行以利為先，既得利益者覺得唔關我事就唔理，事實同道德都可以放低，最重要唔好燒到自己。
奴性同自利的心態經常令我地默默忍受政府種種惡策，香港地少人多，土地分配長期求過於供，不少人鐘意炒樓出租致富，而政府政策從不積極興建公屋，比有需要或經濟能力較差人士居住(月入2萬以下都係貧窮線)，相反只係提供大部份有父幹的人士置業，窮撚都係無地方住；
內地每日150名移民，不斷沖淡香港本地人口，冰凍三尺，非一日之寒。每過7年，就有一群新永久性居民誕生，不斷分享本地褔利同時，繼續蠶食我地的權益，分化劣化香港。香港勞動人口需求係好大，但唔係需要呢種方式去填補人口；
要返工不了，幾乎係每個香港打工仔口頭禪，高工時，低工資係香港特色之一，不斷磨滅一開始未入社會的滿腔熱誠，當大家忙於奔命為自己過更好的生活時，忘記左政府係必需對我地的生活作出保障，因為政府係對人民負責。
當政府不停出賣我地權益時，只有少數聲音為我地爭取。直至現在69遊行，選擇沉默即係謀殺現在及下一代的香港，我地唔再需要一個不斷玩弄手段，無道德底線，滿口官腔的狗官，亦唔需要果班黑白不分的保皇黨，我地需要係良心。
(Sorry for 1999，真心救香港未遲，係你肯唔肯付出)
***
其實大家都係為自己，為身邊人，為下一代，為我地愛嘅香港而出嚟發聲。
唔好再屌嚟屌去，總之記住自己係為咩出嚟，唔使聽啲唔識嘅人影響咁多亦唔需要激動屌人。
1. 嗰啲上網睇人講幾句嘢就話唔出嘅人根本冇覺得件事有幾嚴重，講得出咁其實佢地根本由頭到尾都冇諗過出。 會出嘅點都會出
2. 唔需要逼人表態，表唔表態係人地自由，我地擔心香港嘅自由逐漸被收窄，點解我地首先就干涉人地嘅自由？好矛盾
3. 大家各有各做，有人願意承受更大風險，有人有心無力，一百個人就係有一百個諗法。冇人有錯，唔好再你屌我鳩做我屌你衝就係鬼，就算係鍵盤戰士都有佢嘅作用，大家嘅目標都係同一個-反送中
4. 928都冇人帶領，係群眾自發闖出嚟嘅成果。邊個預計到咁多？
唔知點解咁多成效撚，係咁話覺得冇一定嘅成效又唔出，其實個個好似你咁諗就冇人出啦，呢啲根本係勝利球迷。總之冇人就一定冇成果。
唔使同佢地拗
5. 真係最後之戰喇#:)#pig
今次國際社會都出晒聲明撐我地，要我地都爭氣先得#kill##kill#
*** *** ***
2019年6月4日
*** *** ***
其實我覺得香港到左呢一刻
唔應該再分藍分黃..
再係咁樣落去
真係會好似于品海咁講
社會撕裂 大家都輸
當我地仲為緊各自既理念
去鬥爭緊 共產黨就一直係背後等緊機會
鷸蚌相爭，漁人得利
係回歸左呢22年黎 香港慢慢變得
唔適合一個唔適合人住既地方
原因係邊一到？
就係因為共產黨
可能有人會講得
頂你個肺丫 又扯落去共產黨
又關共產黨事？
係啊 講得無錯 真係正正因為共產黨
正正係因為共產黨統治緊中國 先會咁樣
好多人 因為唔想係中國生活
而走落黎香港 （我地稱為新香港人）
點解佢地唔想係中國生活？
因為佢地覺得香港唔同大陸
香港既野比大陸好
甚至其實好多老一輩既香港人
思想比較守舊既老人家 或者中年大叔
其實心中都明白 大陸既野 無樣好
講個真實例子先
我同事 係新移民
佢好似黎左香港幾年
因為佢唔知邊個親戚
係香港人 所以佢可以申請落黎香港
（真係多得仆街單程證 其實呢個唔係重點啦）
而佢老母仲係大陸住緊
有一日 個新移民同事
好擒青咁話要早走 話佢老母係大陸出左事
比車撞到 要番上去.
佢哥次請左兩星期假
兩星假後佢番黎 大家都扮晒野
關心下佢老母 問佢老母點.
點知佢一開口 我地當堂o晒..
佢話 佢老母比車撞到腳
唔算嚴重 但係醫院哥到
就話要輸血 但係哥間醫院無咩血
暗示要先比一筆錢先
跟住佢比左3萬蚊 輸左血
醫院又話輸完血唔適合做手術
要等多一排先幫佢搞[sosad]
又暗示要再拎一筆錢咁樣
(D骨碎左係入面仲要慢慢等[sosad])
就係咁我同事個老母
就係好簡單既骨折 搞左差唔多成3個月
之後聽佢講 話可能以後行路都有問題..
講到呢到 你地可能會覺得
屌 哥到大陸姐 如果係香港一早搞掂出院好番啦
又或者覺得唔關我事啦 大陸係咁
完完全全係錯！
點會唔關你地事
再係咁落去 香港就會慢慢變到大陸咁樣
好多新香港人 本地出生港人 藍絲 黃絲 廢老 廢中 甚至南亞人
心中都清楚明白
共產黨係大陸統治 係一個點樣既社會
你見上水咁多水貨客走私就清楚晒
如果大陸既野 同香港既野比佢地揀
你地會揀咩阿？ 答案 好簡單
當然香港啦 原因點解？你地心中都其實知道
但係 如果香港慢慢變成大陸咁
你地會點樣呢？
到時先冤呢樣冤哥樣都晒氣啦.
其實大家都係香港人
（我亦唔介意。 自己係中國人既身分
因為呢個身分係無得變 除非你移民）
點解仲要為左大家既政見不同
而分裂
其實大家都心裡清楚 唔想香港變成大陸咁樣
而大陸咁樣就係多得共產黨統治
點解大家唔放下成見 一齊黎對抗
惡法 對抗共產黨？
世界上 無一個國家 殺自己人民殺得最多
從大躍進開始 之後既文革 到近少少既89
或者你地一定會講 點樣對抗 我地手無寸鐵
我地普通市民黎渣
真相 就係我地既武器
由我地幾歷時到呢家既真相 一個一個咁傳開去
比更多人 知道共產黨既黑暗歷史
就係我地既對抗方法
做又死 唔做又死 點解唔踏出一步試下
會唔會改變到 距離香港末日仲有28年
我好愛香港 我真係唔想香港變成大陸咁樣
希望大家今晚可以去維園集會
令香港或者世界各地更多人知道 或者想了解到底
發生咩事
希望你地既良知 沒埋沒到
今晚見. 亦都希望6月9號大家要出黎
我地唔只係反抗惡法
我地係要話比共產黨聽 我地香港
唔會咁易屈服
其實復仇者聯盟好似而今既香港.
Thanos就係共產黨
美國隊長隊就係心水清既香港人
知道真相既香港人
而Iron man隊就係 覺得要跟規矩做事
既保守香港人
佢地深知道唔放下成見
一定打唔贏Thanos
而香港一樣:-(
放下唔到成見團結 就永遠打唔贏共產黨
***
早2日睇到呢條片
發現原來而家既大學生都好多人唔知六四係咩事
片入面仲有個男仔話自己政治冷感:o)
呢d情況00後應該更嚴重
所以試下係度同唔知/唔記得既人講下
希望多d人知道
同埋而家已經有教科書冇提六四
學校唔教就由我地黎教
我知道6月9號而家黎睇可能重要d
但六四都好重要
係呢件事令香港人明白民主係幾咁重要同中共係幾咁仆街:)
所以香港人唔可以唔知
懶人包:
背景
1.改革開放只係令一部份人有錢左，依然有好多人仲係好窮
2.失業率高，連大學生都搵唔到工
3.物價高漲，低下階層既人甚至連日用品都買唔起
4.官員貪腐問題嚴重
主要基於以上幾點, 人民開始對政府產生不滿
而導火線係89年4月15日胡耀邦逝世
大批學生去天安門悼念
發起
4月17日唔同地方都開始有悼念活動
隨住人數增加
成個活動開始由悼念活動變成示威抗議
學生正式向政府提出7個要求
1.重新評價胡耀邦同志的功過是非、肯定其「民主、自由、寬鬆、和諧」的觀點。
2.嚴懲毆打學生和群眾的兇手，要求有關責任者向受害者賠禮道歉。
3.盡快公布新聞法，保障新聞自由，允許民間辦報。
4.要求國家領導幹部向全國人民公開其本人及家屬的實際財產收入，嚴查官倒，公布詳情。
5.要求國家有關領導人就教育政策的失誤對全國人民作出正式檢討並追究責任，要求大幅度增加教育經費，提高知識分子待遇。
6.重新評價反資產階級自由化運動，並為在期間蒙受不白之冤的公民徹底平反。
7.強烈要求新聞機構給予這次民主愛國運動以公正如實及時的報道。
4月22號胡耀邦國葬
中共命令封鎖廣場
但學生冇理
國葬只係搞左40分鍾就完
令學生更為不滿，認為中共hea做
之後學生就將個7個要求寫落請願書
跪係人民大會堂樓梯希望總理李鵬(強硬派)接見
但中共唔理
4月23號學生組織─北京高校學生自治聯合會成立
吾爾開希、柴玲、王丹就係學生領袖
發動罷課、演講同自辦報紙
4月26日人民日報話呢次係動亂:)
引發幾十萬人大遊行
5月4日趙紫陽(溫和派)發表講話
令學生條氣順左d
但吾爾開希等領袖仲係希望示威繼續
5月13號幾千個學生絕食
希望中共理下佢啦
絕食左5日李鵬終於同佢地對話
但傾唔掂數
李鵬同趙紫陽都係鄧小平左右手
可惜因為趙紫陽係溫和派
佢甚至去過天安門同學生傾
最後鄧小平當然屌柒趙紫陽
之後趙紫陽就開始失勢
5月20號北京宣告戒嚴
軍隊正式入城
但比學生同市民阻住
5月30日學生豎立民主女神像#yup#
結束
6月3號晚中共係新聞聯播叫民眾要留係室內
天安門要開始清場
最後坦克、裝甲車同幾十萬解放軍已經唔理學生同人民既阻擋直接爆入天安門
見一個殺一個
完！
如果有咩錯歡迎修正#adore#
講定sorry先
最後今日先知六四係咩事既可以睇下呢幾條片
另外arm channel都專登出片講六四
所有願意出呢類片既channel都十分值得支持#good#
最後6月9號一定要出黎
到時見:)
*** *** ***
2019年6月7日
*** *** ***
唔使出坦克 唔使用槍就可以收你地皮
利用人食花生 羊群心態唔用腦去打殘你
而家連登10個有5個post就話咩連衛兵 XX表態左未 遊行去識女個個狗公咁
而今日仲要自編自導自演汽油彈去分化港人
一舉兩得
一黎就令班睇cctvb既無腦牆頭草師奶唔去遊行
二黎6月9都可以引你班人篤灰 搞到勇武派唔敢出擊 就算出擊都會搞到內哄
嘩屌。。。。
大家一定要繼續團結 槍口一致
唔一條心真係等收皮
港共同共狗今鋪真係認真想收香港皮
*** *** ***
2019年6月8日
*** *** ***
琴晚發夢有個朋友叫我開post
本身都唔想理 不過無聊咪開下膠post
內容為朋友分享當年經驗與本人無關
雨革失敗最大原因就係
一班社運經驗尚淺既熱血年青人被大班有光環既政棍束縛 例子：龍和道守護神 長毛
當年最大既敵人 唔係強權 同警察 而係一班老屎忽 一班議員 大台
好多人都願意衝 願意流第一滴血
有義士帶頭 有好多人想幫手既時候 係一班所謂糾察
阻止 見死不救
當年有一句說話 留下好深刻既印象
邊個衝邊個就係鬼！ 審訊後呢班人可能已經係監倉
你既一句鬼 先係令佢地最痛心
有人陰謀論話話 警方想乘機提升武力
但其實警方係唔會做臥底第一個衝
因為所牽動既後果可能係佢地無法想像
佢地唔會去冒呢個險
呢個世界有好多想法 行動同你不一樣
可能佢願意付出既係你無法想像
希望唔好再捉鬼 呢個世界無咁多鬼
遊行當日 一定會有好多警察 通常單獨 有耳機 斜咩袋 但佢地好少會做主動 口號都未必叫 自己留意下
團結一致
在此呼籲 唔好再當同路人係鬼 否則必然重蹈
*** *** ***
2019年6月9日, 遊行當日稍早時間
*** *** ***
無論戴耀延當年點柒都好
佢嗰陣一句「佔領中環正式啟動」
的確有住好大影響力
然而今日嘅領導者本應該係天琦
好可惜呢個社會就係殺人放火金腰帶
今日就唔可以令佢幾年嘅監白坐
每一個人都可以帶頭作出改變
只要大家都有心理準備去做第一個
就會有人跟
希望大家都唔好怕踏出多一步
***
為左自己，今日一定要出黎
好多人做公務員都係為求安穩，每年加point，有宿舍，有津貼，朝九晚五……
無可否認，公務員最安穩既工，私人市場死哂先到你地死;-)有啲人仲諗住逃犯條例通過就可以入市上車
不過，共港正式融合之後呢？
1. 有仔女既，你諗下你仔女二十年後會生活係咩社會環境？全部內地人^3^
2. 共港融合仲會有香港公務員？內地公安消防救護等正式來港工作。香港人你甘心咩？
請問你地憑咩仲有獨立薪酬表？拆關，內地人都可以申請來港做公務員。準備一個月收幾千人民幣。
3. 樓市，法治，新聞自由下刪一萬字。。。自己諗啦
再冇警察，再冇消防，只有內地消防，公安。
再冇二萬起薪點，只有內地薪酬表。
海關ICAC等直接可以收皮，根本再冇需要。
唇亡齒寒唔洗我解釋啦，出嚟啦香港公務員。
想繼續有point 跳就出嚟啦，遲啲一個月得幾千人民幣就食屎啦。
一陣見:-[