26 Aug 2019 by Solstice source
我係一個前英領職員
我好驚訝點解英國戰線冇人理過
我可以講英領事館同英國政府係前所未有咁關注香港，
就算係Simon件事發生之前 (之前都同佢有一面之緣)
係去到大家都冇時間食飯要處理好多嘢
大家可以見到英國口風嘅口風漸趨強硬
好多報紙都有風聲講緊收留香港人 同之前完全唔同
領事館同英國政府嘅人嘅取態我唔可以透露太多
但依家有一種英國嘅聲音 我可以向大家保證
係好有效！
香港22年黎都冇一個聲音係同英國反映香港情況
即使話一國兩制運作良好
都冇咩人真係開聲叫英國幫手
個個都係等英國自動波
話就話英國有責任
想當年香港人心繫民主回歸 要做中國人 將香港交番比中國
人地可以點幫你
你係懸崖邊緣就黎跌落去 都唔會唔出聲叫救命 咁厚面皮 等人拉你上黎
我研究咗幾年英國外交 好明白英國人最重視既係Loyalty 比美國人更加重視
直布羅陀 福克蘭群島 安圭拉
其實呢啲地方冇乜經濟效益
全部都有好好嘅回報
e.g. 2002年直布羅陀主權公投前 大量本地人揮動英國國旗 要求繼續留英
而且初心不改
而對英國嘅歸屬感就係我地缺乏嘅嘢
如果想英國幫 真係要有做英國人嘅覺悟
摒棄中國人嘅思想
我知對你地黎講好難接受 當年英國人抛棄我地
但你想做三等中國人 當你新疆人 每日都要叫深圳人做爸爸
定做英國人 至少尊重你嘅自由人權呢？
我都想香港獨立 有香港人嘅身分 但你覺得中共會俾我地獨立咩？至少短時間内未見到有可能
其中一條出路就係我地要借助英國人身份去建立屬於自己既群體 免受中共毀滅
美國人點保你地法都係制裁香港同中國 撤僑 幫你攬炒
其他歐洲國家加拿大澳洲可能會開句聲 但唔會真係插手香港事務
美國今次幫手只係因為利益打貿易戰 貿易戰完左之後呢？
如果中共亂黎出兵一囯一制用吸血劍美國都冇乎
我好支持攬炒 我都贊成攬炒 但另一方面大家有冇思考過
攬炒真係會變新疆人 到時萬劫不復
要真係破釜沈舟？
但英國依家係有能力可以保護到我地 而佢都有呢個責任
英國係唯一一個合法外國勢力可以干預香港事務
中英聯合聲明就係一切既根源 基本法一國兩制都係因為呢份合約
而且仲有二百幾萬英國國民住係香港
所以點解中國驚到要搵Simon去警告英國
敵人反對 就係弱點
中國人除左要香港，香港儲備之外，就係要奴化你地班人變成中共既搖錢樹
香港冇左香港人 只係普通三四線大陸城市
有咩我地可以做呢？
1.開聲請求英國協助 – 中共擺到明唔理 係咪要請求英國介入呢
2.比人知道BNO既存在 – 即使係英國MPs, 大部分都唔知道BNO係咩 我地要更加比英國甚至外國知道，香港係有200幾300萬既英國國民，所以英國更加有責任去幫香港保護國民。BNO都係一個非常之不公平違反人權既存在，所以我地要更加講呢件事擺上國際。
Q&A
1.英國人咁pk 點會理我地啊？要理一早理左
A1: 一開始大家都咁話美國啦，如果唔係瘋狂petition 舉美國國旗 twitter 攻勢 人地邊會有共鳴
A2: 1984年既國際形勢同2019既今日已經差天共地，應該審時度勢，商場冇永遠敵人，政場如是
A3: 上當年中英聯合聲明其實英國有向美國求救但最後美國為左保台灣所以放棄香港
2.英國脫歐，會唔會唔得閒理香港事務？
A: 你估英國政府得boris johnson一條友咩 林鄭背後都有班湯渣智思既人幫手啦
A2:英國假假地 都係全球第五大國
3.爭取BNO平權咪姐係同抗爭者割席？咪益曬班廢老藍絲？
A1:有冇人想像過，攬炒之後呢？
話就話攬炒，但香港真係變新疆既時候，係咪真係甘心一齊比人送曬去集中營就算？
平權本身都要搞翻幾年…就正如英國脫歐都搞左咁耐….到時候反送中可能都有結果…再者2047年就到，如果比中國翻到身我地都會pk 比人送曬去集中營
宜家咁好timing唔攪等幾時? Tom Tugendgat 都出到聲, 我地仲唔行動? 一定要湊夠人頭, 比個震撼既畫面出黎, 比英國佬關於BNO香港遺民在港情況
平權後對香港既整體利益而言，
一下間香港多左幾十萬至百零萬（英國人）係度
就唔到共匪為所欲為，起碼唔會咁猖狂送晒d人去集中營，因為當中如果有英國人既話呢個就係國際問題，間接地其實保障左香港既安全先。
世界唔會非黑即白，所以就算冇BNO既人亦唔需要灰心，因為大家其實坐埋左同一條船，不割席、不分化唔係口號，係我地既核心黎！實有方法帶你地出去 你地走先 我地殿後！我地香港人會一齊留守香港到最後一刻！
今次兄弟爬山，我地要珍惜每一個機會，錯過左大家失去既可能會更多。
總之一日有大量英藉港人係香港，點都安全過我地乜都唔做坐以待斃，此舉亦可借助西方人權國家對保障港人人權方面帶出一條新方向。