［轉+自譯］有冇人想了解多啲日本/各地著名懸案
Index & Source
#1女子月巴•2018年7月11日 12:17:39
前言：廢青今日老闆放假+就黎唔撈 好多時間想鑽研下啲自己一直有興趣既topic但網上資源既少又殘缺又唔想入谷自私傾 即管share出黎睇下大家有咩見解同討論 （都有受到前排野火巴打影響）冇人理我既話我就當開個post紀念下啦
以下大部分有關案件內容都係以轉載+翻譯（渣日文，有錯跪求大佬們幫手更正 ），出文較慢請見諒 因為都要幾大量research work
#9女子月巴•2018年7月11日 13:14:24
1. 岡山地底湖失蹤事件
前言:
一群人去地底洞窟探險，其中一人突然跳進湖裡，沒找到屍體
案件內容:
平成20年1月5日，警方於岡山縣新見市日咩坂鐘乳洞接報一名21歲就讀高知大學3年級，
學術探險部既部員 名倉祐樹 跳落洞內巨大地底湖之後失蹤。名倉連同自己大學探險團既4個部員
參加咗某大學嘅合宿探險團，合計13個參加者。
https://img.eservice-hk.net/upload/2018/07/11/131117_6c9da8408954f7e7a7168f2158217762.png
初步懷疑名倉與其中4人組成了一行小隊進入洞內探索，進入鐘乳洞內部探索必須先提交申請表但冇人收到，
由入口去到地底湖至少需要3小時(1.6公里深處)而地底湖大細約莫25米，水深30米。
名倉係冇帶任何救生裝備情況下進入地底湖探索，同隊員講左一聲之後就係岸壁附近開始調查,
但突然間就再聽唔到名倉把聲，再去搵佢果陣就發現失蹤左然後報警，縣立警察防暴隊同岡山大學探索學會出動橡皮艇搵人但點都搵唔到。
https://img.eservice-hk.net/upload/2018/07/11/131231_1c38b1485b8dc5c990d63da9a0f9e46e.png
事件可疑點：
-沒提出進洞的申請書
-明明有5個人，游泳（被游泳）的只有受害者一人
-誰也沒看到淹死的場面
-說明淹死狀況的時候，口供不停變化
-聽到說話的聲音卻沒聽到呼救的聲音
-不進行救助活動，全員返回
-強調“我們帶齊了探險必須的裝備”
-遇難事故一般應該由隊長進行記者會見，但是隊長不肯會見
-探險部的主頁上“會長白米美帆”，“副會長伊藤智子”的名字被刪除
-探險部女性較多，男15女10，容易引起戀愛紛爭
-平常一直到處取材的媒體，這次紛紛收手不采訪部員
-自稱被害人朋友的人，通過高知大學的遠程主機要求2ch刪帖
-被害者的mixi被人登錄，資料被篡改，對雙親來說非常重要的日記全部被刪除
#10女子月巴•2018年7月11日 13:16:11
https://img.eservice-hk.net/upload/2018/07/11/131534_4729591c94d854ecf7bde52618af9a46.png
有關是次探索活動負責人：
部長：白米美帆
副部長：伊藤智子
正常程序而言，活動負責人必須親身向記者和媒體交代失蹤事件之細節，
但呢兩個女堅持唔出席亦唔會公開任何有關事情既情報，並且事件後在探索隊官網上刪除自己的名字。
另外亦有記者同委員會查問今次探索鐘乳洞的申請表，而呢兩個人都交唔出實在非常令人懷疑。
有日本巴絲起底話知道部長係事件後去左Ａ劇團工作，但就講到一半該位巴絲停止(或被停止)左追查落去並刪除A劇團既資訊。
有關事件後網誌mixi被篡改的內容:
係未被人篡改資料前，名倉的名稱同大學名稱都係公開資訊，但事後被人刪掉資訊並設成PRIVATE。
另外朋友列表中有一位叫「Haku」既人物被消除，連帶此人的profile同日記都被設定成PRIVATE。
#12女子月巴•2018年7月11日 13:48:25
以上就係第一篇 係一單搵唔到條屍又搵唔到真兇，無法肯定自殺他殺定單純失蹤既懸案
#14西海堂•2018年7月11日 14:43:52
樓主好有心
仲係自譯
#15女子月巴•2018年7月11日 15:17:35
好驚譯錯原文 鄙人文法差
#18女子月巴•2018年7月11日 15:20:41
/講下尼崎事件？/
呢單俾各大台灣香港contentfarm loop過無數次 巴打有興趣我都可以嘗試下搵啲日本網民既睇法
#21女子月巴•2018年7月11日 16:31:25
2. 長岡京殺人事件 (1979)
概要:
1979年5月23日，長岡京市內超市打工的兩名主婦，下班後去山裡采蕨菜，失蹤。
兩天後的25日，在山頂附近發現遺體
沒有被搶走金錢，主婦A的衣服口袋裡有一張工作場所的收據，上面用鉛筆寫著:
「我們在被追，救救我們，這個男人是壞人」
https://img.eservice-hk.net/upload/2018/07/11/163014_603d07392cc5dfc15f676033f52be1c6.png
案件內容:
居住長岡京市嘅水野惠子(32歲)與明石英子(43歲)於當日超市工作結束後，
約早上10時前往市內奧海印寺通稱「野山」嘅竹林採摘蕨菜，住喺山附近嘅居民經常會一家大細好似遠足咁黎呢頭附近摘山菜同埋竹筍因此正常係唔會有任何危險。
但有豐富採摘野菜經驗嘅明石英子，同日下午3點需要去託兒所接送兒女嘅水野惠子喺上山後就一去不返。
家人報警後警方展開搜索，於兩日後的早上10時半在山頂附近尋獲二人的遺體。水野的左胸插住一把菜刀，而明石被掐死。
現金，手錶等貴重物品還在二人遺體身上，另外在包裡也發現了錢包，空的便當盒和一紮蕨菜。根據驗屍結果，推斷兩人在下午吃過便當後由正午至約兩時半這段時間被殺害。在明石的衣服口袋中有張超市收據，背面寫著：
「我們在被追，救救我們，這個男人是壞人」
兩人遺體上留有超過數十道毆打痕跡，初步認定犯人是空手或懂得武術的高手。現場留了犯人的體液及血液，檢定結果為Ｏ型血。
同時亦存在犯人不止一人的可能性，因為能在白天同一時間襲擊兩個婦人而同時有多達超過數十處毆打的痕跡。
兇器菜刀上沒有檢出指紋，由岐阜縣關市所製，一共7萬把，販賣線路亦不明。
兇案當天是採菜黃金期，上山採菜至少有15人，停泊的車輛也有5－6輛，而且有一個住宅用地的地盤，許多工人進入和離開
因此冇人目擊到兇手或者任何可疑的人物。
#26水箭龜苓膏•2018年7月11日 16:50:01
地盤工人
#28女子月巴•2018年7月11日 17:06:41
我第一時間都覺得係，但有埋體液/血液樣本應該可以捉埋啲地盤佬黎比對？（不過1979年技術唔知等結果要幾耐…）或者所有大嫌疑既都排除哂
#30女子月巴•2018年7月11日 17:07:57
死者的情況：
明石全身有多達30處皮下出血的傷痕，像是被拳擊打了再被用力踢下去，左右共造成九根肋骨斷裂及肝臟破裂。
身穿著不整的襯衫和牛仔褲，由於檢測到有體液因此有被強奸的可能性。
死因為室息死。
水野全身有多達50處皮下出血傷痕，情況與明石近似，身上有黏著Ｏ型的血液和特定的體毛(?)。死因是胸部刺傷失血死。
胸肋骨被切斷，從心臟到肺部有被刺傷的痕跡。屍體被發現時，下半身的內褲被撕裂，牛仔褲和鞋子散落在屍體附近，
有可能受到兇手的性暴力，但卻沒有檢出體液。
後續-長岡京殺人事件都市傳說
在殺人事件五年後的昭和59(1984)年5月，長岡京市內一家小宅起火，救熜後發現屋主主婦木下(48歲)脖子和背部受刺被殺害。
屍體被衣物和被舖覆蓋著，有網上傳言稱這個主婦五年前曾與水野和明石一起上山採蕨菜，不過中途有事所以提早下山逃過一劫。
但是過了五年後仍被當年殺害兩名主婦的犯人把她找出來並且殺害她。
#31女子月巴•2018年7月11日 22:36:48
收工太忙唔記得補返，第二篇係咁多 大家可以討論/推敲下，聽日再update幾單 或者有咩你想知既都可以留言推介下（or事件概要）
#32食飯食燒肉•2018年7月11日 23:04:52
呢單有後續
當年有個同超市打工嘅師奶早咗落山
5年後被殺但又係搵唔到兇手
但唔知係咪同一個犯人
https://ja.m.wikipedia.org/wiki/%E9%95%B7%E5%B2%A1%E4%BA%AC%E6%AE%BA%E4%BA%BA%E4%BA%8B%E4%BB%B6
#40無嘴貓•2018年7月12日 23:11:09
/記得有一單係有個人死左喺廁所d去水管入面 /
有人估死者係同間屋既女主人偷情，咁岩條女既男朋友搵條女
於是就係拆馬桶走落去避，跟住條女同男朋友走左
死者又走唔返出黎就凍死左
btw野火巴去左邊，冇得睇奇案
#47女子月巴•2018年7月13日 11:02:29
3.坂出市挖竹箏女孩失蹤案
https://img.eservice-hk.net/upload/2018/07/13/110108_bef953cad144c701f7ec6f17ba1d7c21.png
概要:
2005年4月29日於香川縣坂出市的五色台中心附近的竹林舉辦了一場挖竹箏活動。住在高松市的一名母親帶著大女兒(8歲)和小女兒(5歲)參加活動期間小女兒 有紀 失蹤，
警方和消防員組成了一隊至少過千人的搜索隊和警犬仍尋獲無果，但搜索期間警犬的搜索舉動非常奇怪。
案件內容:
首先看一次失蹤當天各人的行動，過程
-下午1時左右，眾人開始採摘竹箏
-下午1時40分，發現了四根竹箏的有紀非常興奮地跟媽媽說「再去再採一個！」然後自己一人走了 ，這是最後一次大家目擊她的身影
-過了集合的時間仍未看見有紀回來，母親和其他參加者一起在附近找她
-下午3時，眾人拜託中心報警
-下午3時45分，警方到達現場
-下午5時，地方消防隊亦出動協助搜索，警方與消防隊一直搜索至晚上9時仍無果。
搜索範圍從竹林附近的水池至周邊山林一直擴大範圍地搜尋，可是完全沒有線索，甚至連有紀身上的衣物或者遺留品全部都沒有留下的痕跡。
其中一隻警犬，聞了一下媽媽手持的有紀的水樽立即飛奔到了某個地方然後一直停在那裡不動。(根據圖像顯示應在池邊附近)
翌日，警方再投入四隻警犬協助，但結果同樣地四隻警犬全都集中在與昨天那隻警犬停著不動的地方一直停止行動。
https://img.eservice-hk.net/upload/2018/07/13/110141_50c7423e5d1e19bb9a3b2db1a97d54fd.png
有紀失蹤時的特徵：
就讀幼稚園年長班(5歲)，短髮，身高106cm，體重15.5Kg
失蹤當時穿著服裝:
-粉紅色帽子(左側有花朵裝飾)
-紅橙間條恤衫
-白色手套
-有三條橙色條紋的運動褲
-粉紅色的鞋子(有兔子圖案)
https://img.eservice-hk.net/upload/2018/07/13/110154_649a869f1096c45755a411f6fa24632e.png
其他資料待續
#51aaaaaabbb•2018年7月13日 11:31:07
跌左落水
#52女子月巴•2018年7月13日 12:04:26
有關目擊者之證言:
同日有兩名目擊者報稱曾看見過有紀在附近的情況，一個是初中女生，她說沿著遊步道跟有紀聊了一會兒。
另一名是成年男性，這個人在下午2時集合地點的「東樓」俯視南側(看著水池的方向)時聲稱目擊到有紀從左至右走在遊步道上。（時間由1點40分開始)
假如目擊證言是事實的話，可以推斷有紀離開了媽媽之後一直在遊步道上順時針地行走。
失蹤當日的周邊情形：
2005年4月29日失蹤當日其實是日本連續3日假的第一天，因此可以想象在竹林附近的五色台渡假村亦有非常多的遊客來玩樂和露營。
而事實上「雖說露營地是有很多人，但這些人都沒有參與搜索」，亦沒有「有紀去了露營地」或者「離開了採竹的遊步道而出了車路」之類的目擊證詞和證物。
專家解釋有關警犬的異常行動:
一般而言警犬被訓練成只要跟隨摩擦鞋(腳)和地面產生的氣味，即使被追隨者中途被人抱走亦能追著氣味去找出被帶走的方向。
但是這次全部警犬都站停在同一個地方動也不動，除非有紀是被像直升機一類的東西直接原地帶走，否則追蹤不到是不可能的。
電視台的實驗：
為了證明專家所言真偽，電視台特意在廣場裡安排了一名小女孩要她從A地點走到B地點，然後在B地點等著就會有一個男人出來抱走她並移到C地點。
最後警犬正確地追蹤女孩從A地點到B地點，然後再奔向女孩被抱走移動的C地點裡去。
#55女子月巴•2018年7月13日 12:08:28
/跌左落水 /
呢個日本網民有估但排除左 因為警犬停係池邊睇落係最大機會，佢地話：
「現場沒有聽見悲嗚，哭泣，溺水的呼叫聲，而當月池水溫度只有10-20度，在腐蝕性反應下落水的遺體五日內就會浮上水面，但別說屍體了，連女孩身上的東西也沒有浮面」
#57女子月巴•2018年7月13日 12:12:43
我唔知單野警方有冇試過係警犬停既地方向下挖
至少譯緊既時間個人一直都係覺得似係俾人殺左埋屍池邊泥土內，假如目擊證言係真兩點鐘係最後一次目擊佢，咁殺個細路+埋屍一個鐘內咩都搞掂，又解釋到點解連女孩既持有物都搵唔到
#62must施於人•2018年7月13日 14:43:10
但係掘完地再埋屍點都有痕跡，冇理由發現唔到
#63女子月巴•2018年7月13日 15:09:30
/但係掘完地再埋屍點都有痕跡，冇理由發現唔到/
你啱 所以呢單野好撲朔迷離
日本果邊嘅網民猜測至少八個可能性，但全部都冇乜說服力所以我都唔逐一譯，例如有浸死，係山裡蕩失路，俾熊/馬騮/猛獸捉走，變態佬捉走，需要小朋友既家庭拐走etc.
#64唐寧街999號•2018年7月13日 16:00:41
應該俾熊/馬騮/猛獸食左
#65女子月巴•2018年7月13日 17:01:12
關於被動物食/捉走既反論又返去痕跡同追蹤氣味既問題
如果熊呢類發現獵物只會單純地撲落去咬死佢
咁必然會有血跡
如果係細路女跟住隻熊（或任何野）走，必有氣味遺下
#67Rekt•2018年7月13日 17:14:28
迷暈再俾人笠落垃圾膠袋帶走?
#68至尊漢堡神偷諜影•2018年7月13日 17:57:12
首先要問狗停果點附近有冇其他足跡
#69ErwinRommel•2018年7月13日 18:11:19
第二件案好有本格推理小説feel
#72女子月巴•2018年7月13日 19:40:17
/首先要問狗停果點附近有冇其他足跡/
狗停個點咩痕跡都冇 氣味，腳印全部都冇
因此個日本仔先話「除非有直升機原地帶走佢」
#76你做乜野呀•2018年7月13日 20:12:02
有無可能坐船走左 因為個地點好似好近條河
#82女子月巴•2018年7月13日 20:52:12
https://img.eservice-hk.net/upload/2018/07/13/205115_0a0bf900e599c5692eaba3ad4d67dfa5.png
Sorry up返張衛星圖先 果條唔係河黎
係農業用水池
#85女子月巴•2018年7月13日 22:02:16
4.台灣邱高事件（巴絲提供）
http://1.bp.blogspot.com/-yPEN6k87lg0/VEkUesGo4FI/AAAAAAAABkc/-sUYQwFESd4/s1600/0428-%E9%97%9C%E9%8D%B522%E8%A7%B8%E6%8E%A7-(3).jpg
概要:
三個大學生去行山失蹤，遺下了一堆意味不明線索同埋靈異現象，至今過了40多年仍未尋回破案。(睇左陣覺得同西貢結界&迪亞特洛夫事件有得揮）
內容（大部份轉載自台灣網）：
1972年8月24日，東海大學畢業的邱高與高中同學、輔仁大學的李福明、胡德寧三位同學一同登山，8月28日，新店的某登山隊在卡羅樓和奇萊主峰之間，發現電筒、蠟燭、塑膠布和登山手杖等物品，感到非常奇怪，因為這些都是對登山者來說相當重要的工具。
到了9月10日，邱高父親因為等不到兒子歸來，於是報案，入山、出山檢查哨沒有三人離開的紀錄。
經李福明的父親指認之後，確定掉落的登山杖是屬於兒子的。接著，全台灣動用了大量的人力資源，空軍、陸軍、登山團體，加上各地登山高手與熟知地形的原住民，幾乎是整個山區都翻了一遍，還是沒找到人，但是卻陸續發現散落在地上的物品，像是吐司、喉片和登山證等等。
最離奇的就是，有人發現地上插著三雙筷子，指向天空，根據原住民嚮導表示，這是「求救」的意思。
關於奇萊山：
奇萊山主山位於台灣南投與花蓮交界，並以險峻地勢出名，加上氣候和雲霧多變，
難以預測，是台灣發生山難最多的山區之一，甚至有「黑色奇萊」的稱號。
現場可疑情況：
-三人的個人物品散落地點距離遙遠，假如迷路或遇上山難，按常理不應分開行動
-搜救過程中發現腳印，而且腳步距離大，像是在跑步或逃命，但腳印只有一個人
-在另一地方也發現腳印，延伸到斷崖邊，以為是掉下去了但卻往森林方向回去
-三人所使用的登山證並不能登上奇萊山這種程度較高的山脈
-從報警到開始搜索奇萊山竟然延誤了至少18天
-三雙筷子的實際意義仍不明(可能是求救，也可能用作定位)
-重要的行李全丟在路上，唯獨背包還在三人身上(猜測，因為背包裡的物品全在地上)
#86Infinite叉能•2018年7月14日 10:58:18
/狗停個點咩痕跡都冇 氣味，腳印全部都冇
因此個日本仔先話「除非有直升機原地帶走佢」/
有無可能兇手用其他氣味覆蓋左小女孩既氣味
#87椒鹽蝦米•2018年7月14日 11:30:45
長岡京市係邊個縣？
#96女子月巴•2018年7月14日 18:29:41
/長岡京市係邊個縣？/
長岡京市（日語：長岡京市／ながおかきょうし Nagaokakyō shi */?）是隸屬日本京都府的行政區劃，位於京都市的西南部；主要市區位於轄內東半部，西部則為山區。名稱源自日本在8世紀曾經設於此地的首都長岡京。[2]
By wiki
#97Sorakin•2018年7月14日 20:37:41
/Sorry up返張衛星圖先 果條唔係河黎
係農業用水池/
感覺得2個可能性 一係係水底 一係係北面森林
有無派過人潛水搵? 個湖唔係好大
#99Sorakin•2018年7月14日 20:59:34
/4.台灣邱高事件（巴絲提供）/
有無多D失蹤者背景資料? 聽過一個講法係制造失蹤現象偷渡外國
#102女子月巴•2018年7月14日 23:51:08
/原文LINK呢?/
https://matome.naver.jp/m/odai/2147992661923282401
應該係呢個 google事件名加幾個網既資料黎譯
#103女子月巴•2018年7月14日 23:54:25
/有無多D失蹤者背景資料? 聽過一個講法係制造失蹤現象偷渡外國 /
淨係知邱高係東海大學畢業冇幾耐
另外兩個朋友係師大附中既同學
#104女子月巴•2018年7月15日 00:02:22
/感覺得2個可能性 一係係水底 一係係北面森林
有無派過人潛水搵? 個湖唔係好大 /
池底搵過，乜都冇
不過睇返張圖同埋段文，發現有個疑點，
圖中藍色點係女子初生同細路傾過計既地方，同時亦係警犬停低搜查既地方附近，而再前面既黃點係成年男人報稱在東屋目擊到有紀既地方，如果有紀真係踩過黃點，點解警犬冇行埋去前面先停低呢
#110北海道雪紛飛•2018年7月15日 06:03:21
絲打有冇聽過富士山嗰邊嘅山中湖單案 ?
好似係有幾個學生夜晚去坐船仔遊湖 之後反艇
得一個學生冇事 仲要係唔識游水！
報警去救人嗰陣發現
其他人係垂直插晒係湖底
詳細我唔太記得 都係睇節目聽返來
聽到心寒
#119第一型人格•2018年7月15日 08:25:32
次次聽到呢d懸案都有個疑問
就係你地點知成件事係真實發生過
定只係都市傳說
畢竟宜家網絡世界太多虛假
#120廢john三世•2018年7月15日 08:26:43
因為有官方記錄
#124朱素娥•2018年7月15日 08:34:10
世田谷一家 之前野火巴打有貼過
#125點解我女友咁索•2018年7月15日 08:39:21
係咪有單失蹤案 有記者訪問失蹤者父親果時 跟住失蹤者妹妹定姐姐偷偷地整張紙條話唔好相信佢父親
#126鬼才達•2018年7月15日 08:47:46
巴打可唔可以研究下藍可兒單案？ 呢單到今時今日仲係聽到我起曬雞皮
又或者研究下香港本土嘅懸案
#129ErwinRommel•2018年7月15日 09:00:10
/係咪有單失蹤案 有記者訪問失蹤者父親果時 跟住失蹤者妹妹定姐姐偷偷地整張紙條話唔好相信佢父親/
不要相信洋子嗰單?
#130raingurl•2018年7月15日 09:08:38
樓主好心機
你翻譯得好好
#131奇雲艾度曉•2018年7月15日 09:12:49
/如果熊呢類發現獵物只會單純地撲落去咬死佢
咁必然會有血跡
如果係細路女跟住隻熊（或任何野）走，必有氣味遺下/
俾蟒蛇食左？咁咪冇痕跡
#150夠鐘轉一轉•2018年7月15日 09:58:55
有冇D係最後解決左搵到答案
全部無答案睇到心好寒
#158Hunter死忠•2018年7月15日 10:38:00
/我唔知單野警方有冇試過係警犬停既地方向下挖
至少譯緊既時間個人一直都係覺得似係俾人殺左埋屍池邊泥土內，假如目擊證言係真兩點鐘係最後一次目擊佢，咁殺個細路+埋屍一個鐘內咩都搞掂，又解釋到點解連女孩既持有物都搵唔到 /
如果殺人嘅話兇手應該會沾上個細路女嘅氣味->警犬會再追蹤到？？
#159一個人好撚悶•2018年7月15日 10:44:38
細路女失蹤嗰單個池知唔知幾深？
如果個池淺，會唔會係佢落過池玩，由警犬停個位入池，第二個位上返嚟，因為d池水block咗同減輕咗陣味所以警犬搵唔到
#1617Mile•2018年7月15日 10:45:32
支那01又可以出篇網民熱話
#183UpToYou•2018年7月15日 11:37:41
作者加油，最愛睇呢d，個po好吸引高質
#189禾稈冚禾稈•2018年7月15日 11:53:51
地底洞嗰個查得咁hea？不停改口供都唔理？又可以洗資料？嗰班係咪啲高官子女？
#194鑽石山下•2018年7月15日 12:06:46
綁石掉落水？水底俾海藻/海草之類纏住？
有無進行過水底搜索
#203羽蛇•2018年7月15日 12:40:28
/如果個池淺，會唔會係佢落過池玩，由警犬停個位入池，第二個位上返嚟，因為d池水block咗同減輕咗陣味所以警犬搵唔到/
其實警察有冇係男人所講嘅黃點位置再搵下？
如果係你咁講的話，可能係其他地方會有番女孩嘅氣味
#214冬馬かずさ。•2018年7月15日 13:04:39
/「我們在被追，救救我們，這個男人是壞人」/
有冇可能係俾張紙佢哋嗰個人同兇手係同伙，一齊呃被害人上山？
#227女子月巴•2018年7月15日 13:58:35
/ 有冇D係最後解決左搵到答案/
上面尼崎事件就係，又稱心靈殺手案
用洗腦方式操縱一個家庭既成員互相殘殺
後來被逮捕，而犯人最終亦在獄中自殺
#228女子月巴•2018年7月15日 13:59:41
/細路女失蹤嗰單個池知唔知幾深？/
水池位於海拔400米既山地上，事發當時水深三米
#234女子月巴•2018年7月15日 14:41:54
/地底洞嗰個查得咁hea？不停改口供都唔理？又可以洗資料？嗰班係咪啲高官子女？/
「一直四出找資料的媒體，突然停止追查」
同埋有網民嘗試查探都好似被停止左
合理懷疑會長or副會長都係有背景既人
#235女子月巴•2018年7月15日 14:42:16
/有無進行過水底搜索/
有，水底空無一物
#236女子月巴•2018年7月15日 14:44:22
/有冇可能係俾張紙佢哋嗰個人同兇手係同伙，一齊呃被害人上山？/
張紙你講緊係收據 ？係佢地返工間超市度拎架，袋左一兩張返工野唔奇既
#251關雲長毛飛•2018年7月15日 15:40:17
/4.台灣邱高事件（巴絲提供）/
三條友迷路所以分頭行事，約定時間返某一處等？
其中一個人既腳印行去斷崖再行返來係因為迷路？
散落個人物品係等自己搵到路返去/等人發現到佢地？
#256得個知字啫•2018年7月15日 16:04:18
會唔會講下「小天使事件」？
件事大概係講日本有個有錢仔開咗間小學女生援交店
有一日佢無啦啦綁架咗四個小學女仔，將佢地同埋自己收埋喺間屋
兩日之後有一個女仔走甩咗去報警，然後警察去到嗰間屋
點知發現綁架佢地嗰個有錢仔唔知做乜自殺死咗，但係其餘三個女仔乜事都無
之後警察開始查有錢仔，跟住喺佢屋企搵到本名冊，係幫襯佢間援交店嘅客人名單
但係警察睇完本野之後就話單案已經結案，無野需要再查
單純話單案係一單拐帶事件
而有個有繼續follow依單野嘅記者有一日浮屍喺東京灣上
所以有人話本名冊上面牽涉到啲地位極高嘅人
下面條片講「小天使事件」，有興趣可以入去睇下
https://www.youtube.com/watch?v=uM6nWYFg1QY
#257毒撚狗公•2018年7月15日 16:04:43
/絲打有冇聽過富士山嗰邊嘅山中湖單案 ?
好似係有幾個學生夜晚去坐船仔遊湖 之後反艇
得一個學生冇事 仲要係唔識游水！
報警去救人嗰陣發現
其他人係垂直插晒係湖底
詳細我唔太記得 都係睇節目聽返來
聽到心寒 /
我都好似聽過呢一件事…個心好寒
我覺得依啲野仲恐怖過鬼
#260坑爹的肥婆•2018年7月15日 16:13:33
有冇人同我一樣反而想知啲解決左嘅案件
#261女子月巴•2018年7月15日 16:17:47
/絲打有冇聽過富士山嗰邊嘅山中湖單案 ?/
我搵到單類似既但唔sure係咪一樣
關鍵字：8月18日山中湖に飛び込んで行方不明の学生
但佢講只有一個男仔係湖中失蹤左，其餘冇事
而且都係租船出事，而網民估係他殺，情況同地底湖單野相似，因為跳落湖中個男仔都係冇任何裝備就落水
#262女子月巴•2018年7月15日 16:18:27
/會唔會講下「小天使事件」？/
會，本身我睇果開個網都有呢單野
#272掟石狗公•2018年7月15日 16:51:49
會唔會係喺儲水池隔離揸車老笠小妹妹 警犬都聞唔到味啦
#275北海道雪紛飛•2018年7月15日 16:55:15
/我搵到單類似既但唔sure係咪一樣
關鍵字：8月18日山中湖に飛び込んで行方不明の学生/
http://the-sun.on.cc/cnt/lifestyle/20110617/00498_001.html
我淨係搵到呢個報導
#277禾稈冚禾稈•2018年7月15日 16:58:37
/下面條片講「小天使事件」，有興趣可以入去睇下
https://www.youtube.com/watch?v=uM6nWYFg1QY/
日本pizza gate？
#282寫極唔出•2018年7月15日 17:25:18
LM
BTW有興趣都可以google下 李淼 佢喺知乎有一個系列係專講日本嘅 好好睇好detail
#291おださく•2018年7月15日 18:34:17
廣島一家神隱事件
廣島世羅町裡住着Y一家，該家庭中住着在建築公司上班的M以及他的妻子J、女兒C和M的母親，還有家中的愛犬reo。
該事件正式立案是2001年6月24日，當天是J的公司的員工旅遊日，由於早已過了集合時間卻沒有任何消息，非常擔心的J的同事來到他們家，卻發現家裏一個人也沒有。整個事件中最奇怪的便是被發現時的Y住宅的樣子:
1.玄關的門是鎖好的，但廚房的後門卻開着;室內沒有任何入侵和翻動的痕跡，也沒有血液反應。
2.第二天的早飯也已經備被準備好放在了冰箱裏，家裏的狀態就像平常一樣。
3.J的旅行費、存摺以及準備好的旅行用品包都在家中。J和C的手機、駕照都在家裏。
4.家中唯一不見了的是4雙涼鞋、4件睡衣以及家裏的車。
由上面四點可以發現，這一家人是穿着睡衣和涼鞋，留下所有財物，帶着家裏的寵物狗開着車就出門了。在調查了附近居民的證言後發現最後聽到他們家的聲音是23日深夜的開車門聲。也就是說這一家人在23日深夜至24日清晨發生了什麼不得不拖家帶口連夜出門的事。同時，在調查了他們的人際關係後發現:女兒的C事業順利並且正要結婚，Y一家也沒有任何債務糾紛，因此他們一家的消失讓當時附近的人都覺得不可思議。
最後，2002年9月7日有行人在世羅町附近的京丸大壩湖底發現了Y家的車，警方於車內發現了4人以及寵物狗的遺體，並沒有明顯外傷以及掙扎的痕跡。
值得一提的是，世羅町附近的大將神山自古就有神隱的傳說，而大將神山以前則是Y家所有的土地。
#299核心肌肉•2018年7月15日 19:37:17
自殺
#300毒撚狗公•2018年7月15日 20:06:39
如果開車衝落去自殺的話正常人類呼吸唔到都會掙扎
一句自殺就破案就唔會成為懸案啦
1 Comment