正經講史post, 作者另有blog backup,

加利歷史工作室

追post又得 > 廣東話講近代日本史 @ LiHKG

– By 係愛呀加利   7/2017

*** *** *** ***
PREVIEW
*** *** *** ***

 

悶嘅係因為人，而唔係歷史。

大家好，我係加利，歡迎大家嚟睇呢【廣東話講歷史】系到之日本史

日本史對於部分日本仔日本妹嚟， 佢地都覺得幾難幾悶 ，其中因為日本史時間序錯綜複雜。同時，亦好難怪佢地會有呢一種想法。回數加利細個讀中學時候， 中一至中三必修中史，我都係成堂訓教。原因並唔係中史西史悶到抽筋，最主要係因為講課既老師大部分照稿讀。35分鐘既課堂毫無交流，朗讀時毫無表情。但係，係唔係呢個情況導致到高中修讀歷史科目既人愈來愈少，咁就不得而知，交番畀班教育專家研究啦。

當然，要講日本史可以追溯到由繩文年代 當時每5 – 10個日本人會一齊定居 住係普通既茅屋或者草屋 建築當然係簡陋 。不過當時候係比較上共富貧既年代 人人都住差唔多既屋 你多勞 多搵多幾條魚 種多少少菜 咁就會有多少少收成。 當然，你唔做野做廢青，除非有父蔭 屋企收埋十塊光酥餅啦 否則你係基本求生技能既話 係生存唔到係果個時代

但係往後日子入面，由繩文到戰國時代嘅日本史， 我暫時未必會講。首先因為戰國以前嘅時代，個人認為比較重日本基礎文化，藝術，思想等形成，同時我想講更加多接近近代日本嘅歷史。另外戰國時期相信大家都打機都唔多唔少知到：織田信長，今川義元， 明智光秀，伊達政宗，上杉謙信等人物，無讀過都唔多唔少會聽過啦。同時間，戰國時代既戰爭戰役係好值得討論， 而我相信出面有位巴打專講戰國史係好值得閱讀，加利係呢到暫時唔想同果位巴打講既野重覆。

（當然江戶年代既德川將軍出現等，呢類唔多唔少會講下戰國末年啦）

雖然話係近代日本史，我唔會點講到德川政權以前嘅時代。與此同時，由於德川幕府同往後幕末至明治維新有幾大嘅關係。所以我亦會先由德川幕府政權開始講起。而嚟緊呢一個【廣東話講日本史】系列，我會先開一兩堂基礎必修課，畀大家去明白了解到日本嘅起源，好似係「天皇」萬世一系嘅概念以及武士係點嚟等等。雖然比較難明同會悶少少，但加利盡可能簡化少少，再生動D同大家去解釋一下基本概念。

而係必修課堂後，我會即刻同大家進入德川幕府年代，重點分析由德川幕府嘅時代政治，經濟，生活。再繼續去探討日本點樣一點一滴由傳統思想所構成，到明治維新改革，及後喺戰前戰後日本帝國主義興替。到底我地平時成日去嘅日本，係呢400幾年入面，經歷過點樣嘅盛衰處境，從而發展成今日呢一個局面。

最後，加利會盡可能令到文章圖文並茂，至於色彩就未必豐富啦，由其以前個年代，唔係黑就白，想我變條彩虹俾你？得！我幫你劃上去！與此同時，我深深明白歷史既野，就算有圖，都會too long didn’t read，故此如果篇文反應幾好嘅話呢，我就會將每個篇章既內容，用廣東話再將佢地講一次，同時係片中加入相關圖片俾大家一齊睇一齊聽，亦會係片入面會加多少少評論同埋意見既。如果大家有興趣，之後唔想只係睇字咁悶，就不妨睇下，鍾意嘅就subscribe埋啦。