序寫得好好, 依本書會粉碎小津嘅偶像形象。佢嘅tatami視點其實只係因為地上太多線，部機好難郁，所以乾脆喺地面平放部cam, 久而久之成為個人風格。不過就係咁，會發現更多小津平實嘅一面。
書名改得好貼切，佢係一個導演，所以只會拍戲。依句說話好廢但其實唔易做，一個人要全心全意做好自己嘅角色，做好自己所愛之事，並唔容易。
你見依家啲人好似好勁咁，左一個文化人右一個詩人評論家學者 blablabla, 咁多頭銜但又係咪真係精通?
雖然可能環境唔同，但喺書入面，小津有唔少文章討論電影技法、行業生態等。睇得出佢不斷思考電影依個媒介，同樣符合佢嘅身份，亦如同書名。
– by Tt Tt
6/4/2017