#0杜麗娘
各位同好分享下喜歡張愛玲嘅邊d作品
除左《紅玫瑰與白玫瑰》、《傾城之戀》、《金鎖記》、《半生緣》呢d常被討論嘅作品之外
我仲好喜歡《心經》同《茉莉香片》呢兩篇姊妹作
兩篇作品都係描寫「變態」嘅愛（我比較重口味 ）
雖然張愛玲覺得《心經》係唔滿意、不願出版的作品，但我覺得許小寒同許峰儀果種徘徊在禁忌之間的慾望，人物關係的暗湧都寫得好精彩！
不過我睇左《心經》咁多次，都唔明點解篇小說要以「心經」為題
有冇巴絲可以分享下睇法
#1三叔上悠亞
樓主覺得Eason既紅玫瑰同白玫瑰，能唔能夠演繹出張愛玲小說既韻味？
#4杜麗娘
白玫瑰明顯唔關篇小說事啦
紅玫瑰嘅歌詞應該就真係寫緊王嬌蕊
歌詞入面都有引用返小說入面嘅意象，好似烙印心口的硃砂痣、蚊子血
得不到的女人才是最有幻想
#6白素
個人嚟講唔太好張愛玲 連傾城之戀都覺得好悶
但又幾鐘意金鎖記
#8杜麗娘
的確，傾城之戀嘅情節冇咁豐富，但我個人覺得傾城之戀好睇個位在於白流蘇同范柳原之間的種種試探，從白流蘇的每句說話都看出她的算計
即使最後，他們終於在一起，但不過是因爲在香港淪陷的環境下，互相找個靠依
中學年代睇傾城之戀，真係破壞一個小妹妹對愛情嘅美好想像
金鎖記又一「戀態」之作，有機會再講
或者巴打都分享下點解鍾意金鎖記？
#7離騷
我自己最鐘意《金鎖記》
「一步一步走向沒有光的所在」
自問都幾鐘意張愛玲
但張愛玲作品既底蘊真係太深
#11白素
就係鐘意七巧個種變態
意象好豐富 尤其月亮
都成幾年前睇，但有一句唔知點解到而家都好深刻
「窗外還是那使人汗毛凜凜的反常的明月──漆黑的天上一個灼灼的小而白的太陽。」
#14杜麗娘
張愛玲d比喻真係好特別！
我最記得係《紅玫瑰與白玫瑰》入面，「娶了紅玫瑰，久而久之，紅的變了牆上的一抹蚊子血，白的還是「床前明月光」；娶了白玫瑰，白的便是衣服上的一粒飯粘子，紅的卻是心口上的一顆朱砂痣。」
#15維他的陽光
最喜歡半生緣
其實第一爐香同第二爐香 心經呢啲都好好睇
不過心經入面父女戀真係.. 接受唔到
鍾意佢文筆好細膩 人物既心理活動、外貌描寫佢寫得好出色
呢排買左佢本雷峯塔
考完DSE打算買晒啲未買既張愛玲作品返黎慢慢煲
#19杜麗娘
其實我覺得就算張愛玲描寫正常嘅戀愛，都帶有變態成份
半生緣入面嘅顧曼璐都好變態…..同時又可悲
第一爐香都係經典之作
絲打考DSE加油呀！好青春呀
#17李小明
張愛玲寫香港好正
感覺民國年代既香港仲開放進步過今時今日
#20杜麗娘
有趣嘅係，張愛玲寫香港嘅作品其實都係喺上海寫成的，而佢喺香港嘅時候係寫上海，佢覺得要書寫一個城市必須同佢保持距離，才能看清
至於開放進步方面，我就覺得其實一路都冇進步過嘅
#18Reus.17
第一次接觸張愛玲係半生緣
睇完好心up 好鐘意佢會形容得D野好細膩
半生緣入面個句：「這個世界上總有一個人 是等着你的 不管在什麼時候，不管在 什麼地方，反正你知道，總有這麼個人」好浪漫
#21杜麗娘
到最後，曼楨重遇世鈞，「世鈞，我們回不去了。」
道盡一次又一次的擦身而過
#22高貝利
最鍾意紅玫瑰白玫瑰
佢算唔算提出「所有男人都係嫖客所有女人都係妓」嘅先驅
#28杜麗娘
巴打嘅睇法好有見地
駁唔到
不過張愛玲嘅小說好多時都將男女關係描寫成一場交易，畢竟愛情裡面都包含好多現實考慮
#24白素
睇完個post上網睇咗陣資料，發現我以前對張愛玲有少少誤解同先入為主
想睇多d作品了解多d，樓主有無推介？
淨係睇過紅玫瑰與白玫瑰、金鎖記同埋傾城之戀
#25張繼聰相繼失聰
留名
D變態愛情越睇越心寒，好似第一爐香，第二爐香，茉莉香片
另外佢後期比較富有民俗性既作品例如 秧歌，都十分值得受重視
#27杜麗娘
張繼聰巴打
喺隔離古典文學post有睇開你同探長嘅討論
有時我會諗，係咪呢d「變態」先係最真切嘅愛呢？
反觀《傾城之戀》描寫嘅愛情，其實包含好多現實環境嘅考慮，反而顯得充滿計算
可能我地都過份美化愛情
秧歌，我唔會用「民俗性」去形容佢，我反而覺得係極具批判性，不過小說本身係以英文發表，讀者對象未必係中國人
巴打如果鍾意《秧歌》有冇睇埋《赤地之戀》？
#26杜麗娘
睇完個post上網睇咗陣資料，發現我以前對張愛玲有少少誤解同先入為主
想睇多d作品了解多d，樓主有無推介？
淨係睇過紅玫瑰與白玫瑰、金鎖記同埋傾城之戀
我好好奇，究竟巴打之前對張愛玲有咩誤會呢？
如果想了解張愛玲，不妨讀埋佢嘅散文集《流言》，同埋照片集《對照記》，可以睇到佢嘅成長背景、經歷、對人和事的看法、看書看戲看電影的口味……
畢竟認識一個作者的生平，對理解佢嘅作品係好有幫忙
小說的話，我喺前面提過嘅《心經》同《茉莉香片》係比較特別嘅作品，人物心理嘅刻劃好細膩
之後有好多學者都喜歡利用張愛玲同佢父親嘅關係，去分析呢兩篇作品，有機會詳談
另外，如果你喜歡《金鎖記》，可以讀埋《怨女》
好開心我呢個post可以引起你對張愛玲嘅興趣
#29杜麗娘
張愛玲第一本小說集《傳奇》的不同版本
最左手邊的是初版，封面由張愛玲設計
全版填滿她最喜歡的顏色孔雀藍，再印上黑字，「不留半點空白，濃稠得使人窒息」
中間的是再版，封面用了張愛玲的好友炎櫻畫的畫
右手邊的是戰後初期出版的增訂版，封面都是炎櫻所設計，一幅晚清仕女圖和一個現代的「鬼魂」。
#32張繼聰相繼失聰
絲打鍾意《遊園驚夢》既崑曲？
啱啱先睇完白先勇果篇 好艱深
#33杜麗娘
巴打識讀心？
係呀，我鍾意《牡丹亭》，鍾意崑曲
<遊園驚夢>係《牡丹亭》入面其中一折折子戲
崑曲嘅曲詞的確比較古典較深奧，但正如此，文學價值亦較其他劇種高
不過讀劇本嘅時候會有注解架嘛