我自己覺得係因為故事比較易代入，而且果個年代對存在或者叫做生存的意義係好熱衷（Not存在主義）。震撼嘅位或者係荒謬論進入大眾視野嘅奠基，成本故事好似有d不知所云，但係正正夠貼地。依家以依個年代嚟睇覺得唔係人吹到咁好睇其實並唔出奇。
– by 關憶北
(巴打介唔介意講下點震撼法？
想傾下睇法
我睇完都幾平淡)
你有冇試過覺得自己做好多野都係跟住社會既要求做?
– by 拾九才子
(又真係無咩
我諗你覺得震憾係因為佢突破左好多所謂嘅norm?)
唔知巴打明唔明對住所有野都係局外人既感覺係點 永遠都投入唔到 又唔明其他人點解諗野諗得咁簡單 其他人唔明自己果種無奈同無力感
– by 騎射白石茉莉奈
最尾判決果度
– by 果仁
我對主角對自己嘅存在嘅孤立感有感受多d, 對身邊發生嘅事打從心底唔care, 唔跟從別人價值，卻好清楚自己喜愛嘅嘢，同樣體驗對生命嘅熱愛
– by MR.WUB
睇黎大家都對camus好有興趣…就文學而言,我反而對the stranger唔係太欣賞,camus嘅諗法,我個人傾向the rebel, the rebel時嘅camus先真正地給予人一個希望,無錯, the outsider/the stranger提出左一個situation, 的確camus無咩必要比一個答案出黎, 太過刻意都會流於說教,造作(但我睇the outsider本身既文句就有啲非人類, 為左個idea而寫呢個故事出黎, 呢方面令我對the outsider係咪一部真正一流的文學,抱有保留既態度)
– by noir (En folkefiende)
我認同巴打講話佢係為左個idea而寫佢出黎 其實睇既時候有時都會好似本書同緊你講 拿留心喇重點黎喇咁 同埋呢本書睇完一次之後我覺得想翻睇其實睇最後個chapter已經夠做 因為佢差唔多要講既野都集中哂響果度講 令我覺得有種好似其實前面個故事係點已經唔多重要 直頭可以搵人用幾句話我聽前面講咩然後我直接睇最後果part咁
– by 肚臍屎
做少少補充: 其實異鄉人除咗主題同哲學思想外, 佢既文筆都係佢有突破性/歷史地位既原因。佢全部都係短句, 普遍缺乏邏輯連接詞再加上不直述既手法係營造疏離感同陌生感既技巧。另外佢係法語文壇第一個用composed past tense代替小說慣用既simple past tense寫作, 利用呢點營造客觀描述人事物既效果, 忽略情感, 繼續為主題服務。
– by Irwin Wong
法國新小說派同theatre of absurd我都有睇下,但係比較之下camus或者佢想法係好,但略嫌未夠精煉
引用flaubert一句, 佢未搵到自己既the right word
– by noir (En folkefiende)