14 & 16 Jun 2019 by 9up議政 source: 1 | 2
為咗唔自爆開個新account黎開呢個post。
我想講一直以嚟，連登仔都做錯晒方向。你係到埋怨班廢中廢老，係因為你未代入到佢嘅思考模式！所以要令佢地屌政府反修例，首先就要貼近佢地的智商！
方法唔係無，在乎你肯唔肯做。我同班朋友已經決定咗，過幾日會喺街市用呢個方法鼓動班廢中廢老去示威。#bye#
街市到擺街站 緊記3人以下唔洗申請 3人以下唔洗申請#yup#
方法如下：
一，模仿建制派常用語，拉Banner，上面大大隻字《保民生 反修例 大聯盟》，對付班廢中，只要睇落似建制野，佢地睇落就會撐，而有識之士路過就知係圓。就算睇耐咗發現係伏，但至少佢會去了解，比起呢家不瞅不睬邁進一大步。
二，廢中廢老建制唔係無道理，活咗大半世人，最想就係穩定，最想就係有小便宜，最想就什麼都不變。你要灌輸到觀念，就係錢！ 修例會無民生，修例會無錢收，修例會無樓價，修例會無棺材本！ 所以傳單唔撚洗有咩「送中」，人地關心有無錢送終多d！ 需要嘅，就係要大量撤資訊息，講到世界末日咁，你諗下，當年「佔中」班建制咪一樣講每日損失幾多幾多億；最低工資張宇仁講幾多幾多餐廳會執一樣。 對付無知嘅人，就係要咁樣，唔好同我講道唔道德，道德唔應用係呢到。
三，要動搖佢地對政府的信心，第二點提及到錢！但點樣先觸發到呢？ 就係要大大咁突顯建制派走資但又通過法例同時佢地正正是「港英餘孽」，「外部勢力」。 派的傳單全部用中共平時常用字眼，「外部勢力推波助瀾」 「暴力通過禍港不會得逞」「親者痛仇者快」等等。
四，街站宣傳，唔洗道理，唔洗邏輯，聲大大就得，三人成虎，多人講就變真事。建制派的錄音街站一樣都係咁做，生吹到死，死吹到生，鳩up議政，對付愚民一流。
舉個例子，
「大家知唔知華為孟晚舟點樣由加拿大送到美國，就係逃犯條例，萬惡的美國就係食靠逃犯條例打壓中國。撐華為保民生，反修例，多謝支持。」
「英國賊林鄭唔會同你講修例的最終目的，但佢一早講過房屋政策係重中之重，逃犯條例只係推倒樓價的一步，呀叔，你咪笑呀，你層樓跌三成咖，呀嬸唔好諗住行快兩步無事，你D仔女連份工都無埋，到時真係送終都唔掂。」#hoho#
總之，唔洗諗太多真實野，因為連收錢去受靶佢地都信，以上嘅野一樣信，最緊要唔好牽涉到中國！當佢地講相信政府就用「4000蚊你收到未呀」就可以KO佢地。#bye#
BTW，我地差一個有天份既設計師，可唔可以幫幫手將上面嘅內容砌成一份A5嘅傳單，等我地可以係地區擺街站嘅時候派下傳單。[flowerface]
另外再補充部份港共官員同建制派仔女國藉：
陳茂波太太，許步明（國藉：英國）
陳茂波兒子，陳天行（國藉：英國）
陳茂波女身，陳天欣（國藉：英國）
林鄭月娥丈夫，林兆波（國藉：英國）
林鄭月娥兒子，林節思（國藉：英國）
林鄭月娥兒子：林約希（國藉：英國）
梁振英女兒，梁齊昕（國藉：英國）
梁振英太太，梁唐青儀（國藉：英國）
梁振英女兒，梁頌昕（國藉：英國）
梁振英兒子，梁傳昕（國藉：英國）
鄭若驊丈夫：潘樂陶 （國籍：加拿大）
黃錦星妻子：梁素雲（國籍：加拿大)
楊偉雄 創新及科技局局長：連同太太申報持有合共十個物業，當中有五個住宅單位位於美國加州
楊偉雄太太：翁少琼（國籍：美國）
劉江華太太：穆斐文（國籍：加拿大）
陳肇始 食物及衞生局局長：擁有英國倫敦物業一個，與妹妹共同擁有一個位於英國格域的物業
邱騰華太太，黃雪兒：與家人在英國擁有3個物業
楊潤雄，教育局局長：一對子女現時在澳洲留學
陳維安，立法會秘書長：育有兩名兒子，今年分別21歲及18歲，均就讀於 德瑞國際學校 German Swiss International School
source:
https://lihkg.com/thread/1196704/page/1
https://lihkg.com/thread/1197462/page/1
（暫時連登[招兵買馬] 幫港共官員同建制派取消外國護照POST搵到咁多，如有更新請幫手增加）
希望各路巴絲可以幫手#adore#
+++++++++++++++++++++++++++++++++++++++++++++++++++++++++++++++
大家好，又係我9up議政#bye#。相信已經有巴絲打已經有人開始探索到我嘅計劃。
一星期前，好多朋友仲係到笑我嘅《保民生 反修例》嘅想法不切實際，9up議政，但我冇放棄，最後放上連登，「愛國愛港」嘅我總算幫香港做到d野，衷心同大家講聲「多謝」。
不過，之前嘅行動，只係我理論計劃嘅第一步，要完全阻止及摧毀「偽建制派」賣港行為，我地需要三步曲，第一步我地算係成功了，相信將來的抗爭都會有新嘅路向！
但咁就夠嗎？當然唔係，香港唔係一個完全民主社會，立法會有一半議席(嗰5席超級區議會提名權受制)唔算民選產生，所以剩低的議席一席都不能少。好多人講，冇必要益泛民。
但今次睇到兄弟爬山，各自努力，多一個不親密的戰友，總比多一個實際敵人好。
共產黨成功的其中一個手段，就係先聯合較次要敵人，攻擊主要對手，亦即「統戰」。如果大家內鬥，就只會被一一擊破！#hoho#
望返泛民及本土的票數，係持續內鬥同焦土下年年下降，而建制穩定增長，守住鐵票。大家可看下圖，
一直以來，香港政制二元劃分，但選舉制度及泛民本土難以協調問題，「鎅票」只會在泛民本土之間出現。餅就係得咁大，你點切都會損到兄弟利益。咁大家為何不製造建制鎅票效應？
方法唔係冇，視乎大家決心如何，肯唔肯做。#kill#
⦁ 建立政黨
主張愛國愛港，標籤其他建制為「偽建制派」，因為真建設派不會盲從，不會不斷轉軚，唔會陷祖國於不義。建議政黨名稱內加入「建設」兩字，旗幟鮮明！要記住，這種方法不是要搶奪民主派及本土票源，他們「反中亂港」的票我們一概不屑，我們要嘅，係一眾藍絲的廣大愛國愛港票。
⦁ 建制文宣
偽建制派盤踞多年，要一時三刻完全改變選民意願實非易事，但《保民生》的經驗指出，令支持者動搖，就是要更徹底，更無底線。配上長輩圖等以事實去證明「偽建制派」多次賣港，多次轉軚。並重申自己愛國愛港，比偽建制派更可靠。同時，唔好俾偽建制派騎劫「民生」、「經濟」，一樣用返佢地平時用開嘅論調，仲要比佢地更加煽情，更加要「私有化」其字眼。
⦁ 擇區「鎅票」
其實呢一段有點誤導，因為票本身就唔屬於「偽建制派」的。純粹為了大家明白而用上這字眼。空降落區，以偽建制派的力量，要推翻當然困難，但大家別忘記上屆區議會多區泛民小輸，我們真建制派要「焦土」容易得很，舉兩個例子，
D08 華貴選區 小輸數十票
D09 華富南區 小輸數票
而參選只需3000元，印埋傳單等，數千元便可以減少偽建制派力量，何樂而不為。同時我們亦可以派員挑戰自動當選選區，若當區沒有泛民本土，相信勝算亦會大增。今屆有「反修例」加持，相信上屆小輸數百票都有機會「翻盤」。
⦁ 長遠取代「偽建制派」
計劃一旦實行，相信好快偽建制派會反擊，所以都要有反制措施，我地需要強而有力的社交媒體支援，真正務實溫和的地區服務。只有大家做多幾步，好快偽建制派就會被市民定性為盲撐、激進、阻止香港發展，就算佢地仍然盲撐政府，但有真建設派的牽制下，淺藍市民有得揀了，佢地會大失民心。持之而恆，香港有救！
以上都係構想，未必可以實行到，但都希望各位巴絲打研究研究。#adore#
至於經過今日遊行後，大家睇到民眾的力量係幾堅實，我地先係大多數，邊有多數怕少數的道理，唔好再懦弱了，自己香港自己救，WE CAN DO IT，兄弟爬山。#yup#
另外再補充返:保民生抗修例大聯盟wiki
https://zh.wikipedia.org/wiki/%E4%BF%9D%E6%B0%91%E7%94%9F%E6%8A%97%E4%BF%AE%E4%BE%8B%E5%A4%A7%E8%81%AF%E7%9B%9F
我地係由香港網民成立的「親建制」[sosad]派的反對修訂逃犯條例的網絡組織
聯盟標榜「保民生 穩經濟 反修例」