(編：呢個post係響應816㩒錢行動)
13 Aug 2019 by 色摩連奴 source
朋友唔係連登仔，落晒order有頭髮就打，丫唔係，係落晒order幫手出呢個post！
答案係：提晒款放屋企，係放屋企啊！
本人是加拿大UBC大學經濟學系學生仔Jimmy仔。
我對金錢在政治上的運用有以下見解，純粹理論分析，學術交流ONLY。
————————————————————————————————————————
先寫結論：
根據經濟學套用係香港情況，1蚊港元存款會製造額外6蚊貨幣供應。即係拎走1蚊cash放係家，市面消失6+1蚊。
(if) 香港100萬人平均每人提款5萬港元（或10萬人拎50萬）然後放係屋企（絕唔放回任何銀行），就會令香港廣泛利率上升3 – 4%以上（3-4%好多架，下面會解釋），而由於好多上市公司毛利（扣晒本同開支）都係5%附近，如果扣埋上升左既「利息成本」，令絕大部份生意人幾乎無乜錢賺。而當係香港投資既毛利低到可憐時，令外資同本地投資選擇改投資到其他地方，而走唔到既本地商人就會比政府極大壓力，而能力差既就結業。 整個商界極大反彈迫政府讓步。政府被迫讓步。
******注意: 方法是切勿放返去其他銀行或換成外幣，因為咁做既話個D港元會自動流返入香港銀行體系，而被提款既銀行只需要以同業隔夜拆息借返返去就無事，而中資大把水唔怕蝕。*******
————————————— 以下係概念介紹及詳細推論 —————————————
1. 存款儲備率(Bank reserve ratio) ：指銀行接收的存款中不可借出的比例 即係我放100蚊落銀行到（肉眼睇到既100蚊紙黎），假設存款儲備率最低係20%，銀行最少要留返20蚊，另外80蚊可以借出去。
2. 假設香港得一間銀行，而個個人都會將所有錢放入銀行，而唔係床下底。
＋假設我銀行個100蚊有80蚊比銀行借左A仔，A仔借完又存返落銀行，銀行就可以將A仔個80蚊既80% = 64蚊 再借比人。假如B仔借左呢 64蚊 再存返落銀行。
結果係咩？ 貨幣總供應就有 100+80+64 ＝144蚊 ，英文叫做 Money Multiplier (Effect)。
如果銀行一直借錢出去借到盡，最終既貨幣供應係
100+80+64+51.2+40.96+………. ＝ 100/0.2 = 500蚊
一張100蚊係存款儲備率20%既情況下最多可產生到額外400蚊貨幣供應 而如果20%改為10%， 個100蚊最多可產生既總貨幣供應就可以去到1000蚊
借錢出去製造供幣供應；相反，有人還錢個總貨幣供應就縮返水。
1000蚊係最盡既情況，呢個世界有人借緊錢有人還緊錢，但大概都有個平衡位。
假如700蚊係個平衡位（貨幣供應係700蚊），咁我地就可以理解為：平均每一蚊既銀行存款會製造到額外6蚊既貨
3. 貨 幣 供 應M1 ＝ （市面既 紙幣 ＋ 硬 幣 ）＋ （銀行客戶既活期存款 ）
貨 幣 供 應M2 ＝ （M1) + （我地銀行既 儲蓄存款 ＋ 定期存款） ＋ （銀行發行並由非銀行持有的可轉讓存款證）
***可轉讓存款證: 簡單地理解，就係你比舊錢銀行, 銀行比張紙（叫做存款證）你，一段時間後你就可以收返條數同額外利息。
貨 幣 供 應M3（同M2既數字好近，唔洗理都得）＝ （M2) ＋ 有限制牌照銀行及接受存款公司的客戶存款，以及由這兩類機構發行並由非銀行持有的可轉讓存款證。 ***有限制牌照銀行主要從事商人銀行及資本市場活動等業務 *** 商人銀行 ＝ 投資銀行，主要幫人搞融資、上市、收購等，唔關平民大眾事
4. 古語有云：「借錢唔洗起釘呀？」，D釘就係利息（利率）。 假設成個香港呢一刻有500蚊既借錢需求（例如有10個人要借50蚊），而香港有兩間銀行，每間都得50蚊。結果就係比得起最高利息既人借到，剩返個D自己食草。（唔考慮佢地其他背景因素）。咁個利息就會好高。利息就係可借出資金(loanable funds) 既價格。相反，如果兩間銀行都有10000000000蚊可以借，咁呢10個人就可以用好低息借喇，因為你唔借另一間都借。 所以，貨幣供應好好好重要。
5. 點解貨幣供應唔係正係計原本個100蚊紙，而係計埋比人借左個D同借錢個條友個D呀？ 因為佢地同時都係發揮緊貨幣既功能。 你可以用你個100蚊存款去買80蚊既野（例如EPS）既同時，借個條友個80蚊又可以。
6. 香港就係一個借貸比率算高既地方，大家都一蚊當7蚊洗。 比較M1 同 M3就知: https://www.censtatd.gov.hk/hkstat/sub/sp110_tc.jsp?tableID=121&ID=0&productType=8
100蚊存款產生左個額外600蚊，總共700蚊， 大概可能有500蚊係袋緊係有錢佬袋到，佢地好多係借左去做生意。 生意人之所以係生意人，係因為佢地可以賺高過通賬＋利息，而你唔得。但只要利率一高，佢地經營成本就會大升，屆時就會賺唔到，以至有D唔夠勁既生意佬就借蝕錢，到時係佢地媽媽聲唔係我地。 就算有毛利，但當佢地做生意既 opportunity cost 大過佢既毛利，算係有毛利都係蝕。
丫，唔記得講利率。 講利率之前講下投資市場，雖然我仲係讀緊書，未真實了解過真實商界，如果有咩講得唔好，講得廢，就當我廢Up下。
（首先唔考慮唔同公司既reputation、背景等）係投資市場，如果A公司每年既毛利係總投資額既 10%，而其他公司得5%，咁其他公司既資金就會走去個間A公司到，賺多D丫嘛。 咁A公司既總投資額就會升，而個10%長遠而言就會好自然咁跌到例如5%。 所以，就算你間公司賺開50%毛利，去到公開市場D資金就會衝晒入黎，令個50%跌到平衡點 （equilibrium）5%（細公司）。 而香港好多投資者都做槓桿投資、用資產抵壓借錢投資。
另外，如果你唔上市，你間野賺開50%，自自然會去銀行借錢搞大佢。但毛利佔總投資額百分比基本上會隨住總投資額下跌，即使收入同時上升。當然有例外，例如譚仔呢D勁野。但如果你只係山區士多賣公仔麵多生意，賺開50%，然後搞大佢去到市中心同譚仔鬥，你個50%係必定跌到仆直。
問題黎喇喎， 如果利率升（誇張D） 10%， 咁即係收入係平衝點既公司即時蝕到入肉，因為佢（投資者，公司做槓桿、借返來既錢）要還既利息仲多過毛利。 如果係＋5%，可能打個和；＋2.5%，都可能賺得雞水咁多。 賺唔到或者會蝕錢既生意搵你老母都唔會做，所以外資第一時間走佬去其他地方 (需求面)，之後就到本地投資者。。。。即係撒資啊！
7. 香港M1= 2.4萬億，M2 = 14.48萬億，即係1蚊當7蚊洗。
大膽假設 如果M1少左60%，即係 M2 少左 60% ， 利息就會升到100%；M少左30% 就會升 50%， M少左3% 就會升5%。 即M少1%會升利率 1.67% （我知唔會係直線，但粗略黎講計住先）。 非預期既1.67%利率上升絕對係對任何先進經濟體有好明顯影響。
政府一定會有好大反應，而商家佬必然，係必然，極大反應！！
金融係香港既核心，香港政府必然讓步，因為
一、提款唔犯法
二、 佢基本上得一個無咩用既解決方法，而個解決方法本身對金融體系衝擊亦極大
1%既M1減少＝ 240億港元 ＝ 香港人抽走 240億港元放係屋企 / 有100萬人平均拎2.4萬蚊放係屋企。
100萬人平均拎2.4萬/ 10萬人拎24萬 放係屋企有幾個可能性
1) 有一班人想影響香港利息而提現金放係屋企。包括唔少有錢人。
2) 有一班人，包括唔少有錢人，因為香港局勢不穩而拎cash放係家。
3) 師奶驚短期拎唔到現金，所以銀行拎住5-8萬現金係家以備不時之需（佔佢總存款可能唔多，亦唔需要多）
4) step 1 – 4 連橫效應
————————————————————————————————————————
切勿放返去其他銀行或換成外幣，因為咁做既話個D港元會自動流返入香港銀行體系，而被提款既銀行只需要以同業隔夜拆息借返返去就無事，而中資大把水唔會無錢。
————————————————————————————————————————
結論：提晒D錢放係屋企！！！！！
=============================================================
補充回答一D問題：
1: 中國大把錢，洗驚你提款？
答：港紙永遠係我地香港人手入面！如果有一批人仔黎左香港要換港紙，都係同銀行對數，係增加唔到港元貨幣供應！
2. 香港大把有錢佬，你拎1蚊佢存10蚊啊！
答：有錢人既財富90%以上係計算係佢既資產上，包括樓、股票等。而佢地既現金9成都係銀行（體系）內。 李嘉誠有超過3000億身家，但當年救仔都係得10億cash係屋企，已經算好多了。我地要拎既係現兜兜既cash （M1），唔關資產事。
3. 金管局是最後貸款人wo, 借幾多比銀行都得啦。
答：的確金管局可以借錢比銀行，但一般都係較為小額以作短期流動資金，而唔係比佢做長期借貸既本（如果係咁都得，洗乜人存款）。如果金管局真係咁做，即係脫離左解決短期流動性問題既目標，變相係（以百億計）入市。 我相信可以令到金管局歷史上第二次入市，足夠成為政治籌碼。
然而，佢入完市我地又入返晒D錢入去，令貨幣供應過多，出現負利率，有unexpected inflation， 增加各資產泡沫風險，亦係非常之咁大獲。例如利率同貨幣不穩，足以嚇走外資。