復仇閪 公民清算行動

About Us
理念：
鑑於香港越見赤化，情況更趨無法無天，有好多人選擇犧牲自己既前途、甚至性命出黎對抗暴政。好對唔住！原諒我地有包袱而無辦法走到前線抗爭。我地只可以默默利用自身既專業，由唔同既崗位出發為社會上既不公義發聲（鄉村特權只係一例）, 從而支援今日行出黎既呢班後生仔。
我地有既係專業知識，係呢個紛亂既時代，希望可以用我地既專業去捍衛社會，用知識救港、撥亂反正重拾社會秩序。我地所做既事項必定合乎法規，旨在打擊社會上既不法行為，清算權貴不公義及特權問題。
我地定以專業知識，協助市民認識香港現行相關法例和執行時有關漏洞。並期望透過民間討論，向政府提出實際改善措施，建設理想未來，營造適合香港人安居樂業的大環境。

願景：
呢個聯盟既角色黎自唔同光譜， 工程、 測量、 律師 等等， 人腳黎得遠比當初想像的來得要闊要廣。更甚其實仲有好多唔同界別既有志之士接觸我地想幫忙， 有醫護、社福、教育等等。 奈何對今次既專題唔多岩channel， 以我希望借呢個機會同所有 所有! 有志既專業人仕講 唔好怕醜 唔好灰心，你地一樣可以幫到手。 試下gather 幾個光譜接近既範疇， 例如：醫護+社福+ 教育+勞工/ 會計+金融，都可以有一翻作為！ 我地願意做一個橋樑俾大家聚集，再搵合適既伙伴一同以自身強項/專業去改善呢個社會現狀。相信每一位的經驗知識互相交流補助，會事半功倍。

結語：
我地重申，作為奉公守法並具有專業操守既專業人士，我地定必與政府超合作，堅定不移支持行政長官及特區政府有效施政，保障市民安全，竭盡所能維護香港法治及嚴厲打撃官商鄉黑。

專業清算師

************
Act 1 @ 23 Jul 2019

拆大公招牌

************

我地 復仇閪sss 係一班利用專業智識同法規去懲治奶共狗既專業投訴員

雖然呢個acc係P牌 但其實我地早係7月初已經開始集合，你會話大公招牌個post一早有巴打開過啦！

是咁的之前我地諗住俾d好消息大家，所以pm金水 Fb振奮下大家士氣
以下既圖可以驗明正身。

除左拆佢招牌外，其實同時我地亦都開左另外一個投訴大公個LED mon
#根據規例，所有戶外顯示器都不能播放影片或過於閃動影像，以免影響駕駛者確保道路安全
所以721 如果大家有經過就知個日大公個mon已經無開

與此同時，除左拆大公招牌，復仇閪亦不遺餘力對所有奶共勢力進行超合作運動，包括：
新城市廣場，元朗泰拳男，陳根記，吉壽 無一幸免，雖然暫未知結果，但不以力小而不為。

繼 7.21 元朗牛屎佬暴動，復仇Hi聯盟現宣布將會結合各界專業人士正式清算南邊圍及何老妖，敕令所有奶共集團嚴守法規，與任何形式違法行為割蓆，並督促各政府部門嚴格執法。

If we burn, you burn with us.

************
Act 2 @ 23 Jul 2019

清拆何妖祖墳

************

作為一個香港人，我要保衛家園做英雄！寸金尺土，一丁點既領土都不容分割

何妖祖墳相大家都應該睇過，到底係邊呢？

呢個墳並非位於政府合法殯葬區內 , 非法佔用政府土地，而且侵佔部分屯門北食水配水庫用地！

#PS更正
該墳並不坐落於認可殯葬區內, 最鄰近的認可殯葬區為 BURGD 27 (Plan No. LIC-TM-PBG022) 及 BURGD 11 (Plan No. LIC-TM-PBG011)

新 界 認 可 殯 葬 區 一 覽 表 > 屯 門
BURGD 27
https://www.had.gov.hk/file_manager/docs/burial/LIC-TM-PBG022.pdf
BURGD 11
https://www.had.gov.hk/file_manager/docs/burial/LIC-TM-PBG009.pdf
該墳應該係2012 2013 時立，而地政總署係2016 曾經出tender揾私人公司做殯葬區測量，據報該contract於2018年Q1 已完成及交貨，即係地政最少已經知道問題一年至今未有任何行動！

我地 復仇閪 一定會跟進到底！保衛家園每一分一寸沙土！

各位良好市民，如對此案件有興趣。想知進度/回覆/各式各樣ge問題/投訴，想向地政總署詢問。我地 復仇西 都等梗地政總署答案。

If we burn, you burn with us

下一波會係無差別地圖炮，但工作量繁多敬請期待，星期四 7.25 當日公佈

招募有志的相關專業人士共同合作未來既工作同開托前戰線，起我底，如果你係就會知道咩係”相關專業”

tg@specialist1823 內洽
為保持效率 需實行精英制 還請見諒

************
Act 3 @ 26 Jul 2019

專業清算南邊圍一帶僭建物

************

對於7.21 鄉黑無差別攻擊市民，再加上黑警惡意既偏頗配合, 更甚至無良政府既冷淡同處理手法，我地已經忍無可忍，所以又要出動，頭號目標就係當晚最多白衫聚集既 — 南邊圍

據明報2015年報道指出，南邊圍314間村屋當中，有超過43%屬四層以上之違例建築。惟上述數字仍未計算為數不少的天台僭建以及圍封官地的建築。呢個比率好有可能係全港最高之一, 申訴專員於2017年亦主動調查有關情況，而屋宇署於2017年9月回覆傳媒時曾表示元朗南邊圍已被納入大規模清拆行動的「首輪取締目標」，並正展開相關執法工作。

https://news.mingpao.com/pns/%E8%A6%81%E8%81%9E/article/20150517/s00001/1431798311247/%E5%85%83%E6%9C%97%E5%8D%97%E9%82%8A%E5%9C%8D43-%E5%9A%B4%E9%87%8D%E5%83%AD%E5%BB%BA

https://www.singtaousa.com/%E6%97%A5%E5%A0%B1/%E9%A6%99%E6%B8%AF/288214-%E5%8D%97%E9%82%8A%E5%9C%8D%E6%9D%91%E5%B1%8B%E6%93%B4%E5%BB%BA%E5%A4%9A%E5%B9%B4%E7%84%A1%E4%BA%BA%E7%AE%A1/

但放眼望埋去仲係過半有僭建，搞咩呢

2018年發展局提出因南邊圍的村屋群，以「排屋」形式而建，屋宇之間的小巷相對狹窄，所以提供相應微調方案給業主選擇並讓屋宇署可暫緩執法。

屋宇署做做下突然急停, 之後就無搞過, 到底係部門之間互相推卸責任？
定圍村黑社會人士與警方關係密切，因此屋宇署怯於此等惡勢力而放棄執法？
定有關執法行動已因為官商鄉黑而壽終正寢？
定因為鄉議局有特權？
乃至發展局同圍村黑社會人士有不可告知的關係而不採取行動？
還是特首為左維穩要鄉議局支持票, 而妨礙司法公正故意放生非法行為？

我地就用左4日時間，篩選左304 項僭建出黎，報1823，下面既link 可以睇到相關圖片及資料
https://drive.google.com/drive/folders/1moGu2BGXM0WzVjV73T7htYVpsCfc6V2g

嚴重例子包括
5層高丁屋再加僭建頂

官地建丁屋 正申請逆權侵佔 (註：逆權侵佔官地要侵足 60 年)

由於事態嚴重關係，而且呢個問題持續左10幾年，我地衡量過單靠1823 係唔夠力的，所以我地決定試下入佢中路，直線抽擊，發公開信俾屋宇署署長，要求佢盡快行動！各位巴絲，請一齊向屋宇署署長張天祥博士問責，一人一句向張天祥署長 tccheung@bd.gov.hk 要求回覆來自各界的專業人士的公開信。

//文宣朋友請幫手Spin 以下牛屎佬特權問題//

香港普羅大眾市民生又好死也好，都要為個幾尺地掙扎求存，樓又貴又細，連龕位都要排隊爭；但反觀原居民天生有特權，男丁滿18歲即可申請起3層700尺村屋，死又有特權可以土葬 (仲非法佔用官地), 你都已經贏晒啦, 而家D 新樓連龍床盤都有, 但原居民賺到盡仲揸正牌咁連僭建都大過人地成個單位
所以，原居民正正就係現時政制不公的既得利益者！佢地既利益，就係港共政府出賣普通市民既罪證—港共政府透過丁權丁屋政策同傾斜既選舉制度，將鄉紳收歸建制，以原居民為假面具既鄉黑就係功能組別同小圈子特首選舉幫港共政權維穩，明顯利益輸送，兩者沆瀣一氣！721既官警鄉黑合演既元朗事件就係明證！佢地既存在，正正係香港畸形政制既縮影！
所以正視圍村問題就係以管窺豹，道出香港現時既政制不公！而現時既制度不公，正正係民憤之所在—我地強烈要求政府正視積弊已久，向商，鄉，黑傾斜既制度，並重申五大訴求！#fire#

就此，我地嚴正警告！原居民切勿再與普羅大眾為敵，如果再有原居民傷害任何市民，我地一定會以一切專業知識，竭盡所能去肅清該村/鄉！ 請你地記住，冇人可以保證你既特權幾時會比人褫奪，就算你地最好朋友－黑警，亦只係執法部門，有咩事黑警只會同你講：我地跟上頭指示做野。佢地係唔會為保住你地而失去呢份荀工。

補刀-又係何君堯！
南邊圍既原居民，如果你地因為呢件事而要拆僭建物，千祈唔好怪我地! 要怪就怪何妖啦！
“二〇一二年四月，林鄭月娥著手處理新界僭建及丁權問題，推出「新界村屋僭建物申報計劃」。何妖自動請纓，為鄉紳出頭，呼籲杯葛登記，與鄉議局之溫和態度成強烈對比。”
當年就係何君堯公然帶頭挑戰法紀，鼓吹主張不申報，要求僭建合法化。冇申報的僭建係首輪取締目標，當日信錯何妖既原居民今日俾政府出清拆令記得去搵何妖算帳
https://www.inmediahk.net/node/1033948

我地同攬炒巴一樣，寧投熊熊烈火，光盡而滅，不伴寂寂朽木，默然同腐！

另外如果有人問黎緊重有咩大計，我地chur 左幾日, 要稍為抖下，最近元朗既暴力事件嚴重打擊元朗商舖既生意。7.27入元朗食個飯消費一下減少對無辜商舖既影響先吧。

最後，我地堅持要求政府回應5大訴求，缺一不可！
撤回逃犯條例
成立獨立調查委員會，徹底追究警隊濫權情況
撤控及釋放示威者
收回暴動定義
重啓雙普選
IF WE BURN, YOU BURN WITH US !!

************
Act 4 @ 29 Jul 2019

清算 葉虎 南邊圍僭建

************

我地根據張電費單地址 南邊圍3巷9號 進行了土地查冊，發現業主不是 Yip Foo. 但！全部人姓Yip /Ip 我唔理你南邊圍3巷9號同葉虎咩關係，總之你同Yip Foo扯上了關係。我就重點清拆你！
翻查資料，係我地第三波清拆南邊圍一帶僭建時，南邊圍3巷9號已經被投訴。
該地址 地段為 DD115 Lot NPWL166，涉嫌樓高5層。

現呼籲各位鍵盤戰士幫手篤灰，你地每一封email都會對政府施加壓力。
Template如下：
– – – – – – – – – – – – – – – – – – – – – – – – – – – – – –

To: tccheung@bd.gov.hk
Re: 嚴正投訴南邊圍一帶僭建

張天祥署長：

本人在此對 南邊圍3巷9號，DD115 Lot NPWL166，作出嚴正投訴。該地段村屋涉嫌以鋼筋混凝土或磚石或其它物料加建，樓高5層。屬優先取締項目。其嚴重違規行為影響公眾安全，要求 貴署立即予以取締。
南邊圍近來有多宗黑社會集結事件，該村屋位於村內中間位置，為保障 貴署職員安危，請立即與克警聯合行動，入村搜證及清拆。如遇上私人地段禁止進入問題， 貴署可向法庭申請手令入村。請 貴署勿再用困難為籍口延誤執法。香港乃法治之都，圍村不能無法無天。如 貴署因為克警不配合以未能入村，請向大眾公布，還 貴署清白。
另外，本人亦要求 貴署儘快回覆「一群專業人士」于2019年7月28日的公開信，及對其投訴的304宗僭建個案作出調查，以釋公眾疑慮。該公開信及投訴個案現受市民高度關注，明報及蘋果均有報道，網址如下以供參考。

https://news.mingpao.com/pns/%e6%b8%af%e8%81%9e/article/20190727/s00002/1564166535490/%e5%8d%97%e9%82%8a%e5%9c%8d%e9%80%be%e5%8d%8a%e5%b1%8b%e3%80%8c%e5%9a%b4%e9%87%8d%e5%83%ad%e5%bb%ba%e3%80%8d-3%e5%b9%b4%e5%83%853%e5%ae%97%e6%b8%85%e6%8b%86-%e3%80%8c%e9%a6%96%e8%bc%aa%e5%8f%96%e7%b7%a0%e7%9b%ae%e6%a8%99%e3%80%8d%e6%9d%91-%e9%87%98%e5%a5%91%e5%b1%8b%e5%a4%9a%e5%9c%a8%e6%9c%80%e5%a4%96%e5%81%b4

http://s.nextmedia.com/realtime/a.php?i=20190727&s=6996647&a=59867497

市民
XXX
– – – – – – – – – – – – – – – – – – – – – – – – – – – – – – – – – – – – – – – – – – – – – –
IF WE BURN, YOU BURN WITH US.
寧投熊熊烈火，光盡而滅。
不伴寂寂朽木，默然同腐。

************
Act 5 @ 25 Aug 2019

全港業主入 專業級清算仆街物管

************

麗晶街坊不滿突改密碼、阻黑衣住戶　包圍管理處　警方介入被指罵拘一男子
立場新聞 2019/8/25 — 0:46

琴晚麗晶管理處突改密碼、阻住戶返屋企, 屋企返唔成變非法集結, 最後警介入被指罵拘一男子

大家業主每個月都要交管理費, 但管理公司又唔盡責保護我哋, 咁大家可以做咩去爭取自己權益? 我哋復仇閪聯盟, 就住琴晚麗晶花園事件比少少資料大家參考。要推倒藍絲法團同物管公司條路咁長, 大家可以快手參考下列方法, 捍衛自己權益:

物管25仔依家話你知, 有咩係物管大忌:

1) 查佢數簿. 無錯, 最怕係呢樣, 作為業主, 好應該知道管理費用咗去邊。 因為建築物管理條例(BMO Cap. 344) Section 27係賦予咗業主呢個權利，而如果有藍絲法團, 就更加要比大大大壓力佢哋去做呢樣嘢。法團唔係義務工作, BMO344 Schedule 4係容許法團主席, 副主席, 秘書同司庫收每人每月$600-$1200酬勞啊! 查數係因為, 好多時物管又要接投訴又維修, 好多嘢做, 有時睇漏眼唔奇, 但更多時啲錢去咗邊, 物管同法團都唔清楚, 所以,要靠大家業主幫眼。如果你係會計師業主就更加要睇清楚自己啲錢點樣洗。最重要係睇維修開支同雜項支出, 留意有無濫用去其他非公家地方, 同埋銀碼有無唔尋常。

2) 好多物業管理公司都考ISO, 但通常都係臨考之前先至補做/偽做大量文件以應付認証公司。通常都係SGS (email webpage), HKQAA (email webpage) 等呢幾間大公司去睇文件。所以作為業主的你有需要時可以搵呢幾間認証公司幫手睇下平時物管公司點做嘢，唔好要物管公司同事每次考ISO先臨急抱佛腳。

3) 人到夜晚, 警覺性就最低, 特別係座頭保安，好多時都唔覺意瞓咗, 所以作為業主, 去完夜街返屋企就唔好嘈醒佢哋, 應該靜靜攞部電話出嚟影張相同拍片, 交比物管公司, 物管公司個總部, 法團,同埋物業管理監管局 (email: enquiry@pmsa.org.hk) 問吓佢哋點好? 當然, 保安及護衞服務條例(Cap. 460) 同保安員守則，當值時睡覺, 飲用含酒精飲品同賭博都係唔容許, 呢排又英超, 下星期又跑夜馬, 記得同佢哋交流吓…點樣做好份工啊! 而每個差館都有一隊特遺隊負責呢樣, 因為保安員許可證係警察牌照科簽發, 所以必要時可以通知佢哋落去巡邨。大家又可以參考附件份保安員守則去增進知識!

相關延伸閱讀仲有
拒絕吳三桂，一人一信俾法團主席 https://lihkg.com/thread/1481653

IF WE BURN, YOU BURN WITH US.
寧投熊熊烈火，光盡而滅。
不伴寂寂朽木，默然同腐。

一群專業清算師上

//last update 30 Aug//