事源2019年7月16日，傻強是你巴打問：
如果我直接交請願信到日內瓦聯合國歐洲總部會唔會幫到香港？
大前提係我英文極度有限公司，希望有巴打可以幫手撰寫，我再print岀黎
然後，2019年7月16日，有人報告後續：
信已遞交聯合國！
警方暴力，違反人權，非法行為，
通通交往聯合國檢視！話說尋晚有巴打話今日會夢遊去日內瓦，想直接遞信去聯合國總部，
十幾位臨危受命嘅巴絲凌晨4點臨時一齊度橋執稿，雖然時間所限未係好完美，
不過總算喺10幾個鐘內趕起左黑警自6月頭到上禮拜上水沙田嘅濫暴罪行同埋國際法律分析，
誓要將暴行直接告上聯合國禁止酷刑委員會！
以下係該位巴打係聯合國總部影低嘅靚相：
因為事出突然，我地未及聯絡到聯合國委員出黎接見，但係巴打已經將信交到職員手中，並且得到蓋印認證。
我地團隊而家正密鑼緊鼓想將封信寫得更加正式、專業，務求劍指更加多聯合國委員會，甚至作出正式投訴。
喺呢度多謝爆肝團隊嘅每一個人，同時都向隔離攬炒團隊致敬，佢哋開創左向聯合國申訴呢條路。公開信截圖：
然然後，2019年7月25日，撰寫該信嘅朋友呼籲更多人俾資料佢地繼續去信聯合國，及要求國際法庭調查。
***
正文 source
***
之前有巴打夢遊左去日內瓦交請願信比聯合國總部， 我地緊係唔可以比佢停，要將我地嘅訴求持續升級 #kill##kill##kill#
現階段我地希望能夠蒐集到大家夢遊時所見所聞作為證詞去遞信，以第一身角度去控訴警方執行任務期間點樣濫用武力、選擇性執法漠視市民安危同違反人權 #fire##fire##fire#
我地每一個人嘅證據都好重要，缺一不可！希望大家能夠同心協力，
一齊將港警暴行直接告上聯合國，並促請聯合國將個案轉介比國際刑事法院跟進！
今次請願信係來自另一位巴絲由612開始制作，
比小小大家欣賞（完整版本有18頁，仍然加紙中）
仲有巴絲日日夜夜趕工去翻譯Video 做證據
https://www.youtube.com/channel/UCqNeOmjE9EoRdZabF1qIeCQ
p.s. 由於7月21日元朗事件的請願方向同我地6月12日開始寫嘅有唔同，
所以我地研究緊寫多一份新請願信focus元朗站事件警方嘅處理手法同態度。資料我地照collect，但新請願信詳情會容後再向網上同大家公佈。
－－－－－－－－我是分隔線－－－－－－－－
Q＆A
Q.1 用咩方式幫手？
A: 我地做左一份google form
【Link: https://forms.gle/CYAfVW47UTpReCEy9】
首先會有一份聲明你要tick，表示跟住落黎的內容都係你親身所見所聞、授權我地進行翻譯（中譯英）、授權寫請願信的人使用但無授權傳媒同香港警方或執法機關使用，然後你就可以繼續寫你的所見所聞。我地唔會記錄你嘅身份，而你交比我地嘅資訊我地係絕對唔會交比傳媒／警方！
Q.2 中文定英文？
英文能力許可就用英文，但寫中文我地都絕對歡迎！最後我地會中英對照交上去聯合國。
Q.3 需唔需要跟格式？
A: 無指定格式，但溫提大家向自己的內文提及以下資料：
＊必提資訊＊
1) 日期 （年、月、日！）
如果大家夢左幾次遊就要按日期去描寫清楚
2) 時間
明白大家當刻處於緊張狀態會有小小難，但可以寫大約時間。
當然寫得越詳盡，請願內容就越有力 #yup#
e.g.
（中）約下午七時至八時半
（Eng） Approx. 7:00-8:30pm
3) 地點／距離
承上，寫得越詳盡，我地請願的內容就越有力！
最好向表達身處位置／逃走方向／克警推進方向時，都寫到街名、方向。
自問係路痴都盡量寫有咩建築物、地標。
描述距離的時候最好能夠提及一個大約米數，或者以地標去表達身處位置。
e.g. 1 當時示威者的防線與警方相隔約80米
e.g. 2 防暴警察在立法會正門前，示威者站在示威區對出的露天地方。
＊提到就提資訊＊
都係個句，寫得越詳盡，我地請願的內容就越有力
4) 警方作出拘捕／驅散／武力清場之前：
-你能唔能夠清晰接收警方口頭上或行動上（舉旗）警告？
-警方有無出示委任證 ？
5) 就武力使用而言，你認為有無需要／恰唔恰當？
我地要探討警方有無使用過份武力、所使用武力有無必要性同有無違反人權。
請描寫出當刻你見到嘅情況，例如民眾態度、行動是否威脅到警方安危而令佢地選擇用某一種武力鎮壓。
6) 就警隊執行職務之態度而言，你認為是否合理／恰當？
警員入職宣誓時講過，「以不畏懼、不徇私、不對他人懷惡意、不敵視他人及忠誠、努力的態度行使職權，執行職務。」
佢地執法係一視同仁，定選擇性執法？
6月11日金鍾站有大批青少年向無合理懷疑情況下被瘋狂搜身，
但點解6月30日金鐘有廢老打人警察護送佢走？
點解7月21日晚元朗有白衫人拎木棍、藤條、鐵通無定向襲擊市民，當晚無人被捕？
7) 感受／影響
記住唔需要老作！
只需陳述你當刻真實感受，我地打少少感情牌去請求聯合國幫忙。
P.S 如果資料唔全面我地未必會放入請願信內，所以請大家盡寫
Q.4 點解我要信你地？
A: 老老豆豆，我地都好驚白色恐怖 #:~(#lm2
由決定做呢份文件個刻起日日都擔心會被消失，連前線夢遊都少去，減低被捕風險同專注鍵盤戰。
我地仍然會驚。但香港係我地屋企，我地一定要落手落腳去守護！
出得呢個post 就係信香港人仲有希望，信香港人唔會禁易放棄 ！
而且，我地匿名收集就係想保護大家，要死都係我地死先 #cry#dog
－－－－－－－－我是分隔線－－－－－－－－
仲未明點寫可以參考以下模式：
【Testimony Screencap 中】
【Testimony Screencap 英】
由於upload file呢個function 需要透露email 所以我地google form 用long question 去收集。建議大家驚hang 機就自己用word 打好左先啦～～～
我地說之以理動之以情
對於政府同蘆葦聰要包庇同縱容克警濫暴，我地都唔會低頭妥協！
兄弟爬山 各有各做
五大訴求 缺一不可
光復香港 時代革命
香港人I love you 3000!