(編註：本篇部份內容為會員限定，不對所有人公開。編輯會全文收錄。唯文宣部份嘅文章，發表時都為不公開狀態，直至編輯認為已經沒有文宣必要，i.e. 民意已經同示威者企埋一齊/或另一可能係情況混亂到文宣對行動已沒有幫助。)
10 Jul 2019 by 四洲紫菜仔 source
連儂牆3大作用：
1.匯聚民心
民心唔係話一時時就可以大量增加，要靠既係一平時慢慢咁累積上去，例子就係民建聯平時對區內長者既噓寒問暖，以致有大量長者係區議會/立場會選舉投哂啲保重皇黨，我地要做既就係要佢地係連儂牆上面睇到大量建制派既惡行，令佢地不信任建制派，我知呢個好難係短時間做到，不過唔做就一定唔得！
2.抒發感受或有助減少自殺人數
6月9號之後愈嚟愈多人產生負面情緒，唔好睇少一張Memo紙，每一張Memo紙唔單單只係畀負面既自己抒發負面感受，而你將你既加油等字句都係對自己同其他人既支持，有時負面到爆個時都可以睇下人地對自己既支持，繼續呢場運動，我知我咁講可能會有好多人心諗有無咁誇張，我都唔知自己有無作大連儂牆既作用，最少既係，救得一個得一個，香港真係唔可以再有人成為「烈士」。
3.宣傳資訊
連儂牆大多位置於人流極繁忙既街道，有好多人都會睇上面啲資訊，支持者睇到可以增強自己係呢場運動既決心，反對者或者會唔理甚至撕咗佢，但係我想講既係連儂牆真係可以吸引到人地會留意，撕咗既人起碼知自己點解會撕，我地要做既係拆一貼十，拆十貼百，拆百貼千，佢地最多拆一兩次，拆完之後佢地見又有人貼就會唔理，因為佢地知道拆一貼十既道理。而且，連儂牆極吸引眼球，可以引到更多唔睇新聞或者唔理時事既人去了解多啲依家香港社會發生咁咩事，我諗十個點都有一兩個掛，只要影響多一個人，呢場運動就可以多啲人關注。
個人對連儂牆日後方向既意見：
1.要將更多警察暴力，政府引入「監控燈柱」等等普通人唔經上網搵就唔知既資訊貼上去
2.將拆連儂牆既人既大頭照放上去，令佢地唔敢再拆，遇到狗拆時請勿上前同佢地鬧交，行去一邊影佢地大頭加狗隻編碼，之後上網用合法既方式查佢地既資料，之後貼上連儂牆
3.將最新網上文宣最近既活動圖片貼上去，好似大學啲學生會咁，一式一樣，最少貼十張a4紙，等更多唔上網既人知道我地有咩行動
有啲嘢可能講咗會得罪一部份連登仔，不過照講
1.唔好再開太多post講達狗，馬車等，搞到一啲活動post上唔到熱門，清算留到最後
2.日後可能有更多公司/品牌/產品撒回tvb廣告，都請大家開一兩個post集中講下，唔好洗熱門
3.前線勇武巴絲打唔好以為依家連登好似唔需要你地，錯啦，我地極需要你地既幫手，畢竟衝個份勇氣唔係人人都有，依家後防文宣做嘢既時候，就係你地刷裝/休息/傾戰略既時候，前線後防互相配合，先可以發揮最大既功用。
不求認同，只求幫推