見到醫患關係愈來愈激烈，連登對醫療行業既態度亦愈激進，特此想打一篇文章，以行內之見，片面之詞，比唔同角度大家認識現在醫療界面對d咩難題。因此，呢篇文會盡量以Data／Evidence 去支持，亦然無的話，亦都係片面之見，信不信由你，無需泥漿摔角。
小弟希望盡量以一問一答令到連登巴打可以睇得容易1d。
問：呢家醫生係咪好唔夠人？
答：係同唔係。公立醫生缺人，而私人市場就應付有餘，因為大約8－9成既病人都係於公營醫療機構睇病，只有1－2成係睇私人市場（唔係傷風感冒個種病）[Data唔搵了，自己上網搵]
問：醫生唔夠人，政府增加醫學生咪得囉？
答：無錯，呢個係思維最直線既解決方法。但呢個方法往往有濟後問題，一個醫學生需要6+1年既時間先可以成為1個MO (Medical Officer），而呢個初出茅蘆MO 你唔好Expect 太多，好多奇難雜症，可能都要Consult senior 意見先可以，還要額外6－7年先可以出到一個專科醫生。因此增加醫學生數目係一個長遠既方法only。 第二，2000年發生過醫學生過多問題、當年HA 逼人食肥雞餐送走有心係公立教導年輕醫生既老一輩，有不少醫學生趕出去做GP，斷送專業人士進修之路，有不少醫學生被逼離開香港去新加坡執業。最有趣既係，HA 並無承諾可以請得晒2018年打後的畢業生（所以想入行既中學生，真係要諗清楚，你地既競爭同待遇會好差好遠）。第三，而每訓練一個醫科生大約要洗400萬政府資源，呢筆錢都其實唔可以浪費。第四，醫生並非技術員、工程師、會計師。除左知識既陪訓，最重要係Medical Ethics，我唔否認呢家都有部分為錢、為名、為屋企人而做醫生，但係最少佢地都仲有medical ethics，起碼係病人權益行先，唔會你入私家醫院就咩都唔問直接幫你打Drip先，收你錢先。我覺得呢方面都係香港優勝之處。
問：咁醫學生咁耐先ok，我地引入海外醫生得唔得？
答：係，絕對可以。但係回應返主題，呢個絕對係木馬屠城既一幕。俗稱掛羊頭，賣狗肉。經過高鐵事件、大橋、3跑、港鐵沙中線，如果你仲信呢個政府係為市民而出發，我都好想做你朋友，因為你真係一個大老襯。（陰謀論出沒）攻陷左律師、會計師後，只有醫療界係法律會選舉入面係最曳既一個行業，因為佢地投出黎既人通常都係民主派／反建制。而醫療都係一舊好大既肥豬肉，有不少中國同胞想分一啖黎食。因此，近年既醫療事故好似會愈煲愈大，未審先判，訴諸情感，有d甚至係已知副作用（Known Complications）當成醫療失誤黎報。情況有小小似呂麗瑤一案，傳媒已經渲染到教練係犯人一樣。情況如同醫療失誤，未判已經講到醫生係醫畜、妄故病人生命，一定係佢錯，一定要賠，一定要佢停牌。中國共產黨最叻就係鼓吹民粹，當年點樣共班地主產，都係同一招，而呢招，到今時今日都仲係Work。因此，作為一個行內人，會覺得所有事情係呢幾年變得太快，03－13年係醫生蜜月期，情況同消防一樣，帶有光環。呢家 醫生＝醫畜＝保護主義＝搵病人條命較飛。講返問題，海外醫生呢個名真係好好聽，實際上考試既人大部分都係大陸人，而佢地既passing rate 都係最低既。
當你降準之後，邊個得益最好？梗係呢班大陸人。有好多有良心既醫生就係背住比人話係保護主義，嚴守住呢條防線，但係我相信比林鄭同民粹咁壓落黎，始終有一日會崩潰 （衛生署署長搵個護士都唔搵醫生做，已經係比晒面色班醫生睇，個個人睇你地唔過眼）
問：咁大陸醫生係咪真係咁不濟？
答：不必，大陸人多，千分之一係勁人已經好多，但係呢班人係北京做神醫，醫中共高層，好過落黎你香港呢d 2線城市。不如一齊睇下好多人黎考香港試既暨南醫科收咩人？
阿軒是暨南大學醫學院四年級生，他在文憑試最佳五科16分，英文科取得二級，未達本地大學最低入學要求，他認為入讀高級文憑 (Higher Diploma) 再駁回大學學位的成功率低，在家人鼓勵和學校老師推薦下，選擇到暨南大學升讀醫科，一心希望完成六年的醫科課程後，可以順利考取香港醫生牌照執業。
https://topick.hket.com/article/1804276/北上讀醫%E3%80%80入學容易回港執業難
明白了，原來係16分都讀到大陸既醫科。大陸醫學院質素參差，香港醫學院HKU&CU 都有係海外認證，不少專科都係跟海外試(MRCP MRCS）。而大陸係用中文（簡體）讀，你信唔信得過？
– on Dec 2018 by Porsche718 source and discussions