by 關西大少大聲笑 2019年2月10日 03:25:40 source
係中共統治下嘅中國,真係有中國人風骨嘅人已經喺文革畀人批死曬咁濟
未死嗰啲一係唔敢出聲,出聲畀人軟禁緊或者被自殺
而家孕育緊出嚟嘅係一班劣質嘅人
就算你有錢,都有所謂土豪同貴族嘅分別
你何曾見過情操高尚嘅人喺街屙屎,整有毒嘅嘢畀人食,起啲有問題嘅樓?
呢啲已經唔係情操嘅問題,係人基本應該有嘅品行
黃秋生都話,假如因為你衣著,你講普通話我唔鍾意你,係我歧視你,但係你自己做啲衰嘢出嚟,係睇你唔起,係你唔值得人尊重
國家係由人組成
一個咁樣嘅國家塑造嚟嘅文化會唔會對人有好處?
文化係一種軟實力,中學都有教,文化係侵蝕人心最勁嘅嘢, 因為文化係由人創造,亦都主導人
點解要拒絕大陸嘅文化?
我舉個例子
一個賊開咗間coffee shop
間餐廳賣唔健康嘅飲品
一杯色素糖份超標水夠膽收你四十幾蚊
仲要逼死緊你阿哥開嘅餐廳
有個殺人犯仲出咗個app,帶佢嘅價值觀比人,軟性洗大家腦
呢啲嘢就代表佢背後嘅人,背後嘅idea,杯茶唔係淨係代表一杯嘢飲。
嗰間舖頭同嗰個apps你可以唔去/玩,呢個係選擇嚟,當你選擇咗玩/食嘅時候你就係推動佢哋文化嘅其中一個人,亦都係抹殺你本土文化嘅其中一個人
或者簡體字
的確你嘅目的只係寫字快啲方便啲
但係你促成嘅結果就係繁體字嘅沒落
飲管膠袋又識講一人用少一啲就好大收益
咁呢啲唔係一人用多少少就好大傷害?
呢啲嘢係慢慢咁樣洗緊你腦
仲記得幾年之前講大陸嘢食啲人都係講毒奶粉,假肉,車呔珍珠
今時今日啲人反而狗衝上大陸食
如果因為潮流係咁或者因為個個都咁做嘢你又跟住嘅時候,你只不過係一個隨波逐流嘅俗人,為咗個like或者嗰下開心忽視其他嘢,咪係所謂嘅港豬
每日150個人落嚟,嚟到香港仲要欺壓香港人,你嘅政府擺明就係恰鳩你,收咁撚貴要你買啲毒水返嚟飲,拎曬你啲錢去起啲冇鳩用嘅基建……你唔出聲都算,你仲要做恰鳩你嘅人嘅打手?
成日話大陸依家好好景,可能真係所謂搵到錢,但係當你連基本人權都冇,你仲可以自稱為人? 骨氣同人權的確唔可以當飯食,但係你做人淨係食飯飲嘢娛樂,你同隻狗有咩分別?你生而為人有咩用途,呢啲唔係叫知足常樂呢啲叫自甘墮落
當你睇住而家香港人對住所有嘢都成碌木咁,除咗心鳩酸仲會有咩感受