(編按: 呢個post開頭睇落似呻家有傷殘人士政府又冇提供協助, 後尾turns out係樓主想踢走老婆屋企人霸佔佢地層樓, 都幾可怕. 側面反映香港住屋問題嚴峻令好多人心術不正. 但正常靠自己嘅人仍然好多, 唔應該因為住屋問題就同情心術不正嘅人)
#1樹葉都落晒喇•2019年1月11日 12:31:16 original post link
其實要照顧一個特殊家庭真係好很大壓力.
我屋企有一個老婆既細佬 佢智障.仲要係邊緣CASE 黎
20歲讀完特殊學校出黎, 本應有社工照顧, 但係無人跟佢.
呢世人做過半個月野之後依家 30 歲.坐係屋企到 個個月拎果二千幾蚊特殊津貼, 話 我唔使做都有錢用, 返工咁辛苦 做乜. 每次洗到咁上下話無錢洗, 我就會同佢講, 餐廳, 速遞都要人做野, 咪做幾粒鐘囉, 佢話辛苦.
(我屌你老味, 無錢又話呻無錢, 有工開心做幾粒鐘又有錢收….)
最吹賬係.. 之前話殘疾人仕出雙糧一個月.. 佢聽到之後話我以後都有四千幾五千, 我地話番個正確答案比佢知, 佢就好似覺得我地欠撚左佢咁同我地嘈. 我一句同佢講, 你拎住你本銀行薄去政府到問佢拎番. 佢即刻收聲同冧水.
呢個特殊CASE 我已經搵左 2 個社工.
因為條粉皮係屋企都唔開門, 又唔聽電話, 攪到社工們全部搵佢唔到而CLOSE FILE.
有時佢唔落街, 係屋企就會打自己張床, 或者 好大力 關門 幾次..
真係好煩… 你話佢就直接同佢嘈交, 幾次喇… 有一次佢陏我打落黎, 我只能鎖住佢. 唔比佢陏.
我老婆一見到佢細佬發脾氣就喊, 我話唔好理佢搬出去, 佢就眼濕濕..
親人得2個, 黎到拆晒成個家佢又未必想,
但 2個都有需要額外照顧, 屋又唔係大, 佢地發脾氣又會拉到老婆情緒.
個智力有問題既都精, 單單我係到唔會攪破壞, 係我老婆係埋到就黎料.
我唯有比我老婆睇, 勸佢放棄照顧佢地..
問社工, 又話佢SAY NO 就入唔到特殊院舍.
佢係屋企攪破壞 佢攪完之後就會冧水同 躱埋一邊, 係咁話有證據咪報警囉.
我住果區又無針對呢類人既社會服務, 又無相關社工可以跟進, 我真係好大壓力.
睇下幾時會出事喇, 一係上報紙命案(我捅死佢.), 一係就家庭悲劇..(佢痴線捅死晒我地)..
我真係好無助..又無奈..
#6樹葉都落晒喇•2019年1月11日 13:13:13
//樓主講到咁慘點解一開始仲要結婚
結之前唔清楚了解下對家屋企情況係點
認真講我寧願離婚都唔受呢啲無必要嘅壓力
或者用可以用你嘅愛去感化佢 //
我係想同我老婆搬出去。。
但佢始終有心結。。唔想掉低佢地唔理。。
我都明。但係。。唉。
叫老婆唔好理唯一既家人。。始終要時間。。
要解釋點解咁都唔搬。。只能講係愛老婆。。
#20樹葉都落晒喇•2019年1月11日 13:44:15
報警佢又會開始痴線。
重點係又攪到我老婆。。佢又喊。
唉。。
我都有同佢講過。佢地係你既包伏黎，你係時候放低佢。
難道你欠佢一世？有時佢迫住要做既時間可能佢地會做呢
佢就會話遲D 先。。
唉
#22樹葉都落晒喇•2019年1月11日 13:49:54
最後咪我地搬囉。
我老婆一路都想一家人開開心心。。
外父又開始老胡塗，要人照顧
外母死得早。得番個智障細佬。
情況1: 要解決問題，一個入老人院，一個入院舍。
＝老婆個家散左。
情況2: 唔解決，老人家既就每況愈下，個細既屋企悶得濟就愈黎愈痴線引你注意。我老婆又愈激氣。
2個情況對比，我寧願 1.
但代入我老婆裡面諗。。佢既希望根本唔會實現到。
最少佢細佬已經放棄左自己，要治佢唔係無方法，要有個人貼住黎跟佢，事實上呢。佢根本係想有人填滿佢空虛，而根本無諗過返工搵錢呢個係同佢有關連既問題。
除左 一刀切 唔理佢地之外，我諗唔到方法
#30柴二郎•2019年1月11日 14:04:00
答案得一個。樓主其實好清楚。
結得婚你就預左係一家人，預左要處理呢個問題。而最佳處理方法就係送兩個入院。完。
其他方法都唔太理智 or 等於一早唔好結。
#37樹葉都落晒喇•2019年1月11日 14:16:49
//你老婆嫁錯咗俾你//
其實，一路以黎係我老婆 望到呢個局，唔知點拆。
我做咁多野唔係想改變D乜，而係想比老婆知，問題係可以解決既。
個智障愈黎愈痴線原因係第一次佢痴線，我地特登唔理佢，到佢出手打我，我按實佢唔比佢陏，再勸佢唔好咁做，之後佢先開始黎愈黎愈具破壞力。
我老婆想一家人開開心心，但係老既愈黎愈老，個細既愈黎愈破壞。
我地有我地要返工，要進修。
我貪心想改變咩唔係囉，而係想比老婆見到，即使用晒我地既方法，事實係佢見到既野未必會實現。
我真心想既，係我老婆見到個事實後，真係可以比佢知道同諗，我地係咪值得去花時間係佢地到。
要搬，要走，只要老婆健康真心知道，事實上唔係我地努力做野，佢珍視既人會珍惜，而去到一個地步，要比佢知道，我地係時候要行我地既路，要放手比佢地自己照顧自已。
我真係好愛我老婆，唔係咁我都唔會咁大壓力。
#57樹葉都落晒喇•2019年1月11日 14:37:00
最重點係。。我處理佢地 2 個既問題我要好深思熟慮過先可以講比我老婆知。少少野都可能會傷到佢既心。
變相我唔可以好痴線咁講到出問題所在。
我老婆依家仲要有左BB。
我更加唔可以影響到佢情緒。
呢個就係點解攪到我壓力大左咁多既原因。
我依家靜係到既時候真係會諗。
不如我抱住個智障死左佢，我老婆最少唔會再比佢影響到。
可以放到佢一條出路。
#67網絡身份•2019年1月11日 14:45:14
其實樓主你同你老婆都應該見見社工
你又咁大壓力 你老婆又因爲個細佬而情緒問題
搵人幫手好過自己谷爆
你個情況其實唔一定要針對你老婆個細佬去做
你同你老婆都可能需要作出改變
現時每個地區都有提供家庭服務
例如綜合家庭服務中心https://www.swd.gov.hk/tc/index/site_pubsvc/page_family/sub_listofserv/id_ifscbydistrict/
你不妨試下啦
#74薑蔥撈麵•2019年1月11日 14:53:27
個BB出佐世， 你老婆d母愛就會出晒黎， 個BB係佢係世界上最愛既人
信我， 個BB仲係個肚， d強勁母愛未出架， 到佢抱住個BB係手， 個BB就係最大籌碼， 到時就易傾好多
老婆大肚就唔好傾智障細佬d野啦， 大肚婆心情會影響埋個B架， 傾多d開心野， 開開心心迎接小生命啦
#76樹葉都落晒喇•2019年1月11日 15:01:07
我地有搵過社工，問題根本係好複雜。
智障需要
老人需要
家人需要
但唔知社工係咪可以一次過做晒以上既野。
#78Mr.Mean•2019年1月11日 15:03:40
講到尾最撚麻煩係個老婆
個細佬都放棄自己
你老婆都唔放棄佢
辛苦自己之餘仲要拉埋你落水
不過女人係咁 你有時唔會明佢諗撚
好似我家姐咁
我老豆賭錢賭到俾人澳門的返黎話借左幾十萬
無啦啦又有個同佢夾份開舖既股東走黎話我老豆差佢80幾萬 個個月叫佢簽糧單實質一蚊都冇俾過佢
本身我同我老豆兩個住
我聽到都拿拿聲退租 自己搬開住
過左幾年幫我老豆老母攪離婚
聽我老母講我家姐幫我老豆孭左條數
真係孝感動天
佢又蠢唔哂 呃到條仔幫佢頂左幾十萬
但係條仔都唔笨 幫左幾個月就走頭了
所以 你老婆咁樣
你既結局一係就走
一係就幫多佢一陣先走
#85愚地獨步•2019年1月11日 15:11:27
佢細佬拒絕service 無社工做到野，又見唔到，又傾唔到，乜都做唔到！唔好諗有分戶乜乜乜！
佢本身有無social network? 不如試下同佢建立番個social network先，去搵智障人士中心既活動做下先？等佢有下野做下，唔洗成日留係屋企先啦！因爲成日見係好多衝突發生。
逐步開始做，1）搵野俾佢做下，唔洗成日留係屋企，2）之後考慮下庇護工場/ 簡單part time ,3) 再之後先諗番長工
如果佢細路係真懶人，好難搞，可能點都推唔郁。
巴打，最後路真係搬走，同老婆講有危先有機，佢想細路好就要搬走，等佢學獨立。同老婆講咁樣只係害緊佢！因為佢智力唔低！
#86明月青天•2019年1月11日 15:12:15
人地屋企不嬲都係咁 點解你要痴過去住?
痴過去住仲當自己大佬 咩都你話事?
結婚前冇計劃搬出去住?
#88愚地獨步•2019年1月11日 15:13:25
之前做個差唔多既case，轉工前都係郁唔到，個case番左一個月老麥，果期成家都好開心，個人又正常。
點知俾經理炳一炳又辭職，又回復問題，做到我好撚辛苦
#92室内派機械•2019年1月11日 15:17:14
//有冇得搬開但住好近，例如隔離屋或者樓上樓下，你老婆都係擔心搬開照顧唔到佢有咩事啫，如果樓上樓下咁隨時都探到佢咪得，再唔係喺佢屋企裝埋cam咁你老婆都可以隨時見到佢咩情況，大家又多啲空間//
//你呢個方法我有 提出過，但係佢未接受到，
始終我既人工唔高，搬出去一定有壓力。
仲要咩埋住緊呢到私樓既 水電管租差餉。
放棄私樓呢到就佢地，其實可能係放過自己既可能性之一。。//
哇屌你
原來喉住人層私樓
講到自己大義凜然
我冇睇義不容情就分分鐘比你昆到
咪比我估到等日一個跌落火車，一個死係馬拉
#93Benzophenone-3•2019年1月11日 15:18:25
結婚之前你冇諗好咩
一係搬走唔好理
一係射走佢
一係推佢出去做野自己養自己
我係樓主就離婚 自己都冇錢冇時間搞 做乜
#102室内派機械•2019年1月11日 15:45:23
我貼番上面個回應，問題係你到，唔係老婆
智障一早係到，係老婆角度，係你出現先搞到咁多大頭佛
你想留底，但冇改變自己去適應環境，反而想改變環境就你，就係問題所在
細佬就算係正常人，都唔係咁易接受到外人入主屋內扮大佬，搶走家姐既關顧
你就自己硬碰，去撚人返工
你試想想，結婚之前你知唔知有呢兩個包袱？
你又曾否承諾會接受，搞得掂？
變既人，予取予求既人，係咪就係你自己
ok, fine. 當你話而家後悔，堂時天真輕下承諾
但你既解決方案竟然係當棄養狗咁送佢比機構自生自滅？！
作為男人咁有承擔，你都算極品，仲話自己好愛老婆，阿婆都呃唔到呀你老味
到此，我有三個方案
等一，你冇自己想像中咁偉大，愛老婆，你自己走啦
等二，改變自己去包容，關懷兩人，時間可以慢慢化解沖突，亦係你老婆心中所想
第三，兩公婆買保升搬出去，請個有能力係工人番黎照顧兩子，自己可以 un un 腳
#105薑蔥撈麵•2019年1月11日 15:55:19
//哇屌你
原來喉住人層私樓//
我都覺得有少少係咁， 送老人家去老人院， 送細佬去宿舍， 自己就可以住私樓了
樓主實話自己唔係， 但搵錢唔多明知自己冇地方俾老婆住 , 仲攪大老婆個肚， 之後上黎圍爐
#116樹葉都落晒喇•2019年1月11日 17:30:46
//ok, fine. 當你話而家後悔，堂時天真輕下承諾
但你既解決方案竟然係當棄養狗咁送佢比機構自生自滅？！
作為男人咁有承擔，你都算極品，仲話自己好愛老婆，阿婆都呃唔到呀你老味
到此，我有三個方案
等一，你冇自己想像中咁偉大，愛老婆，你自己走啦
等二，改變自己去包容，關懷兩人，時間可以慢慢化解沖突，亦係你老婆心中所想
第三，兩公婆買保升搬出去，請個有能力係工人番黎照顧兩子，自己可以 un un 腳//
你覺得問題果個。。係想去解決問題既人。FINE。你點諗都得。呢到無話邊個啱同錯。
但係呢個想法係我老婆同我講。
或者你講得啱，一開始知道就唔好一齊住。
但係人係有感情的，我知老婆想點，所以先一齊住同埋攪咁多野出黎。
搵社工跟進，希望係可以解決問題。
搵工，除左係我老婆講，亦都係係個智障未拒絕社工介紹介工比佢之前。我問左佢好多次係咪想搵工，佢話想，先做既。
自從佢拒絕左一次後，佢就避開晒所有人，連搵工呢2個字無再提出過。
我地之前一路都係由社工帶住佢同我地一齊行。
佢拒絕左一次之後就成個人轉晒態度。又話我係咁架喇，我智力有問題架邊有人請我。我有錢洗，政府出糧比我。。。等等。。
我老婆諗乜，你唔明係正常。所以你有幾MEAN 我都無 DLLM。
呢個POST我真係想呻下舒緩下壓力。
我入到黎攪呢樣攪果樣，最大理由都係我想比老婆睇，個智障話想搵工，唔係我老婆唔幫佢或者幫佢唔到，而係當有機會既時間，佢會點選擇。結果個智障選擇唔做，比以前更HEA，同更明既話我係咁架喇，唔會聽你地講既。
我一路原文都係講緊，無社工可以幫到我呢個CASE。更無話想分戶等。我只係想 係放棄我老婆想法 之前，呻下，睇埋有無其他方法。
無方法既我地都會選擇搬出去住，雖然我地搵唔多，但係窮窮地生活，比起依家老奉服待佢地我地係會舒服好多。
#125室内派機械•2019年1月11日 22:07:18
咪拎老婆做擋箭牌
你所謂既解決方法係踢走佢地
你老婆既解決方法係包容，慢慢改
你老婆係同意你協助你幫佢就業，唔係同意你踢佢地地
你老味初黎報道就想鳩佔鵲巢
如果幾十年感情家人比你幾年貨仔收皮，就真係冇天理
口口聲聲話愛老婆，實際上就逼佢背棄家人，霸佔祖屋
去成全你條契弟過理想生活
#126室内派機械•2019年1月11日 22:16:50
窮鬼女婿親外父病，想攞佢命，趕走妻弟，跟手接收埋層私樓un un腳
過一派包埋二奶，逼死老婆，獨吞家產
呢舖真係無毒不丈夫
心恨手辣，抵你發達
#128明月青天•2019年1月12日 01:10:20
樓主都幾撚痴線 住人地間免租私樓 對人地指手晝腳
你試下調返轉諗 如果你買左層樓 你老婆細佬又黎痴住 之後對你指手晝腳
睇下你點諗
#129室内派機械•2019年1月12日 01:22:32
仲話人包袱
外父供完層樓比個女婿踢走
慘過 condom
#131刹那.F.お宅•2019年1月12日 02:02:07
有個同樣案件 我屋企
屋企人老豆中風 老母一個人打份低人工既工 細佬讀完中六唔撚做野坐左屋企三年 （仲坐緊）每個月要比5000出來掉番大陸阿麻請工人，家姐番緊份要跑數既行業
老豆冇錢仲似以前咁大洗冇做野，成日想醫好個病，但睇齊中醫西醫精神科腦科都柝解唔到病情，好明顯係中左風之後加上上左年紀既問題，成日回諗自己想當年搵幾多錢屌自己仔女賺唔得多既典型中國垃圾思想老豆，以前搵四萬都要問屋企人拎錢既賭徒來，我六歲果年過大海輸左幾百萬
老母，需然同老豆曾經因為家暴上左法庭但係和解冇事退左庭但始終鍾意打牌愛理不理既性格時時唔番屋企，但係佢而家搵錢所以冇得怪責佢，但係同老豆一樣有份寵壞細佬。
細佬，三年前讀完中六成日妙想天開有份好工，但係又唔願去搵工成日諗中六合彩呢d發夢先會發生既野，永遠唔會話因爲無錢所以想去番工，仲要屋企人搵份工比佢佢企幾個鐘話累，同個fd講話比錢都唔做（但係份工係家姐既男朋友開既公司），自私自利加唔會改變既懶惰性格。
家姐 澳洲番來，略有儲錢 之前因爲同老豆反面遠走他鄉去左澳洲，結果兩年番來之後原本打算信老豆會改過，原來一樣係錢銀問題上面出現問題，屋企經常有問題，就快又一次搬離屋企。
我，肥毒撚月光族，日本工作假期中，比女玩但係家人阻止之下自殺唔成既人，但係一樣日本工作到迷失左方向，屋企人成日打電話來問有冇錢但係我只係岩岩好夠生活既人工，天生患有絕症，近年來更驗到有抑鬱。
面對既問題屋企兩老因為面子問題唔願拎綜援，老父成日諗住可以醫好自己再駁殺但係半年既休息及食埋貴藥都唔冇好轉，又剩係寵住細佬，屋企有錢既得番我家姐，家姐打算搬離屋企自住，反正搬出去仲平過每個月倒錢出來。
我擔心既係老母自己一個人做會做到有病出事。
我近排會番屋企一次想睇下屋企會變成點，但係我家姐講左句：「你老豆話你番來做咩姐，又唔係有錢」
我真係想做孝子，但係咁樣講我其實可以唔係太想番香港。
屋企資產大陸有地算值錢但係老豆唔肯賣但又驚親戚謀埋，大陸人有咩做唔出，老豆話賣左驚佢老母我阿麻會冇屋住，但係請工人應該係老豆果五兄弟姐妹一人一千咁比，而唔係得我老豆一個做孝子。
我而家要做既係應該番去掌摑我細佬叫佢唔搵工就訓街，跟住屌柒我老豆叫佢拎綜援等老母唔駛再咁辛苦。
好，呻完
#132人窮冇藥醫•2019年1月12日 02:18:03
1 佢對你有敵意 你講乜都沒用
2 等佢家姐同佢講好過你
3 咩都唔好做 咩搵工個d
4 佢應該有d興趣 比d有興趣既野同引發佢興趣
等佢唔好成日煩住
5 慢慢黎 急唔黎 激親自己
6 識講靠政府 你就知佢根本正常
7 講好規則 錢銀個d 郁手 最好以你老婆利益去勸佢 情感上 實質錢銀上
總之比個框架佢唔好惡化行為
8 如果佢家姐對佢係重要既 佢就會守規則
9 我覺得暫時就唔好迫佢 一迫就反彈
10 等佢真係接納先再鼓勵佢
11 最終都係搵原因 理解
12 bb出世個d野 試下比d有關既野佢做
試下involve佢 等佢覺得唔會冷落佢
13 唔好正面評擊佢。試下以 你咁咁咁做會更好
我明白樓主既煩惱。但而家最好唔好惡化佢先。惡化佢只會害到自己。分散佢注意。
#133Lalaaaalose•2019年1月12日 03:42:16
樓主 你有冇經濟能力租多一個單位？
而家睇落最大問題係細佬既行為問題 姐係破壞野 發脾氣 大吵大鬧 依d係會令老婆喊同好無助 令你好想隊冧佢既原因？
如果係咁 而家要集中既目標就係減低細佬既行為問題 希望你同老婆對依樣有共識先
要達至目標（改善行為）請樓主先了解以下幾個重點
1）行為背後既原因/動機 ：暫時應該包括 想人理佢 唔夠錢洗 被迫番工/見社工/去院舍？
被迫果d都係樓主認為既解決方法 但暫時唔work 又令佢行為變差 所以可能要先放下依幾點
2）你地對行為既反應： 一個人既行為之所以會持續/加劇 係因為個行為可達至佢既目的。
所以 你地既回應至關重要 比如 佢搞完一壇野之後 老婆會就範比錢？ 佢發脾氣 會換黎全家聚焦於佢？鬧佢又好 喊又好 都係理佢 都係佢想要的
3）背後原因係要人理 要錢洗 恰當嗎？ 其實恰當 我地都要認清依一點 所以跟住落黎要做既係令細佬有好既行為去換佢想要既野
4） a)想要人理 關心 傾計： 唔知平時仲有冇啦 但可做既 可能係 定個食飯時間？只要佢合作可以一齊食兩三餐 傾下計 講下笑 睇下戲咁？ 或者其實佢心平氣和講到自己想傾 想玩 都可以某時間內陪佢？
b) 錢： 而家唔知係點比佢啦 但唔番工都可以賺下你地d錢既 例如 訂立家務 做左有錢？ 或者 唔搞破壞三日就有錢？
5）清楚晒 你地想見到同唔想見到既行為後 就係執行 比佢都清楚計劃同規則 希望係佢合作唔令大家難受 但又顧及到佢需要
a) 好行為後立即獎
b)壞行為後立即罰 ： 咁大舊人唔通捉住佢打咩 罰有好多種 可以係令佢冇左本身佢有又重視既野 例如 如果有能力租單位 佢一發老脾就你地唔需要有反應 直接離開唔理佢一日 唔同佢傾計半日 或者直接扣佢錢咁 如有難度可以再傾下諗下
重點係 同老婆一定要企硬 執行得唔硬冇底線就改唔到架喇 要老婆明白同同意呀 例如佢被罰後發難就再減多d 你地走多一兩日咁 再唔同佢傾一日咁 因為d壞行為都種左成30年 一定好有難度 佢拆屋拆剩都會呀 但有經濟能力的話依d就頂一頂 番黎先慢慢修理 佢自己果d就唔修住 仲有 如佢傷人傷自己 同佢講明會報警捉佢入院治療 絕冇得傾 老婆都要明 咁樣先可以慢慢改善
希望幫到你 可以再傾呀 加油！
睇漏左岳父添 如果佢行到就跟你地一齊啦 唔得既話去另一度住未必work喇 可能就係唔理佢呀 入房呀 扣錢咁
#138薑蔥撈麵•2019年1月12日 21:00:49
樓主攪大人地個女既肚， 住人地屋企 , 仲要沒洗交租， 扣咩錢呀？ 人地一家人 , 樓主外人黎之嘛
#140中指合約•2019年1月12日 21:36:24
你結婚時的誓言唔記得晒啦
有苦就要一齊捱！
唔一齊捱就離婚啦
#143白白馬住田•2019年1月12日 21:57:22
所以話，生女真係咪俾佢嫁窮撚
有晒計劃搶外父層私樓，仲講到係為老婆好
#145HE7601•2019年1月12日 22:03:08
真係幾峰迴路轉
仲以為層樓係樓主自己
係人哋老竇嘅話你有咩資格趕人走
#149室内派機械•2019年1月13日 21:17:10
//生女真係咪俾佢嫁窮撚
有晒計劃搶外父層私樓，仲講到係為老婆好 //
同啲大陸西一撚樣，一落到黎就變面，有家產就分家產，冇家產就搶公屋
#150室内派機械•2019年1月13日 21:25:37
//真係幾峰迴路轉
仲以為層樓係樓主自己
係人哋老竇嘅話你有咩資格趕人走 //
親外父病到溫溫燉燉，送佢出去永不超身
我開始懷疑外父個病係點黎
而細佬係咪又比人刻意挑釁，佢又傻傻地唔識講，激到佢出手傷人就踢佢去青山
#153薑蔥撈麵•2019年1月13日 21:35:41
//而細佬係咪又比人刻意挑釁，佢又傻傻地唔識講，激到佢出手傷人就踢佢去青山 //
睇返第一， 二頁樓主講既野， 真係心都寒
唔怪得樓主每次提意見， 佢老婆都會喊
#155回憶小子•2019年1月13日 21:51:09
睇哂成個CASE
發現樓主份人都幾仆街
老婆老豆有病,細佬智障呢D你一早知
層樓係人地老豆既, 你無本事買樓同老婆一齊住, 仲想趕人地走？層樓人地架屌你老母
根本你係寄人籬下,仲咁多要求已經夠好笑
仲要左一句仆街,右一句撚樣咁形容人地兩父子
你真係好撚心術不正
#157田蕊妮•2019年1月13日 21:56:06
原來係入贅女婿，呵呵！
#158今日方加•2019年1月13日 22:10:49
樓主俾人踢爆原來係想喉住人地層樓之後即刻深潛
#164豉油仔•2019年1月13日 23:17:50
好心寒
睇到後面先知樓主咁仆街
難怪老婆情緒有問題，成日喊
真係嫁錯老公
好可憐
一嫁人，個老公就要自己趕走老豆同細佬去院舍住
係咪人來？
好擔心個老婆
#166一花一樹一世界•2019年1月13日 23:24:47
睇到嬲
你唔好咁撚痴線啦
咩叫「放佢一條出路」？
你同佢細佬攬住一齊死
剩底一大一細 你想佢地點？
你都識講你老婆宜家大咗肚
你直接開門見出同你老婆講
企喺bb嘅立場 搬出去住係為咗個bb着想
第時生出嚟 喺啲咁嘅環境
點養大個bb? 個細佬痴線架wor
女人大咗肚 就會為咗個肚諗好多野
以前嘅執着會因為大咗肚而有改變
哩個時候你更加應該食住上
好好平心靜氣同你老婆討論
總之所有出發點係為咗個b而着想
你老婆實會心郁郁架
唔好諗埋啲歪路啦
#167一花一樹一世界•2019年1月13日 23:27:03
仆街
睇完發現樓主係兩面人嚟
頂你 又上咗當
#168豉油仔•2019年1月13日 23:27:35
//趕佢出去租劏房係對付廢青的方法之一，係好撚仆街//
層私樓係外父一家㗎
憑乜由樓主呢個女婿決定
就係因為樓主就快做爸爸
佢先上來集思廣益點趕老婆細佬走
仲打算送走外父入老人院
乜外父又係智障咩？
點解要送外父去老人院呢？
司馬昭之心 路人皆知啦
就係想霸住私樓，一家三口住
樓主正仆街
#169豉油仔•2019年1月13日 23:31:45
//睇到嬲
你唔好咁撚痴線啦
咩叫「放佢一條出路」？
你同佢細佬攬住一齊死
剩底一大一細 你想佢地點？ //
你係應該睇到嬲
但嬲錯人
樓主一心希望送走外父同老婆細佬走
霸住私樓，將來一家三口住啊
重點係樓主現居係一層外父名下既私樓
樓主逼緊老婆送走兩個需要照顧既屋企人
係咪人來？
上面又講自己收入唔高
搬唔到附近單位
但又講到要送外父同老婆細佬去院舍
為咗乜？
就係霸私樓來住囉
#170一花一樹一世界•2019年1月13日 23:34:10
宜家真係嬲
仲以為佢好慘
難怪老婆唔肯啦
原來係有目的！！
屌！ 呃哂全世界
#172豉油仔•2019年1月13日 23:38:19
仆街樓主話自己收入唔高
已經露哂底啦
老人院同智障院舍費用好高，公共服務極難排
樓主話自己收入唔高
連同老婆搬走都有壓力
咁又點應付到院舍開支？
分分鐘只係氹老婆放棄屋企人
所以咪逼個智障人士搵工養自己囉
#176色毛守•2019年1月13日 23:48:53
有冇人識樓主老婆 提醒佢老公係賤種仆街
處心積慮要趕走佢老婆屋企人
所以女人聽住千祈咪撚嫁窮撚
唔係你下場就係咁
#177Vapor•2019年1月13日 23:54:01
如果人地細佬老豆住自己層樓
你又真係唔管得咁多
佢細佬拎住兩k有樓住真係唔洗返工都得
#180楓糖栗子咖啡•2019年1月14日 00:12:05
追post見到間屋係老婆屋企之後，覺得而家私人樓仲容易家變過公屋
#181豉油仔•2019年1月14日 00:13:26
上面仲有巴打被樓主誤導
以為樓主好撚慘
最慘係個大肚老婆
大住肚先發現老公真面目
#182對唔住大佬•2019年1月14日 00:20:19
屌你老母
死垃圾樓主
你唔死都冇撚用
好彩追哂成個post啫
先不論你一個大男人
仲要住你老婆間屋
而家佢細佬有病
你仲要慫恿老婆一齊同佢搬出去住
你冇撚嘢呀嘛
明明最大問題就係自己
成篇嘢寫到
怪撚曬佢細佬同埋你老婆身上
其實唔應該check下佢細佬智商
check你個智商就差唔多
#185樹葉都落晒喇•2019年1月14日 00:28:27
回咁多個位。。覺得我會搶人層樓既人。。
1. 個細既係智障。開始時我同佢關係無咁緊張，因為我仲未係管佢同教佢果個，無咁多衝突。果陣係有計傾。想當年，佢係親口講唔止一次要搵工。所以我仆心仆命咁搵社工。跟左2 年，最後佢拒絕左OFFER，然後我再搵社工跟佢，佢之後就同之前既態度 180度轉晒。唔理社工，仲話我係咁架喇，一路唔聽人講，同我有好多衝突，之後到家，佢寧願夜晚先出黎，日頭我係到時佢照入房同我無嘈交，到我老婆係到時先特登攪破壞，係房到整到好嘈咁，目的係想我同佢嘈。
我依家已經無理佢。佢唔係親口講話搵工，我唔會理到咁入。更唔會同佢起咁多衝突。
佢一唔滿意我就由佢，只會坐起佢個氣炎吧，我嘈都係想比佢知道唔係嘈就有人順佢意。依家唔理佢，已經由得佢。
方法上我可能有錯，唔係咁我都唔使搵社工。
2. 外父，已經年紀大，佢可以睇到佢個仔既能力好有限。佢依家係咁唔見藥，食唔足，我地都跟得好辛苦，所以又要搵社工跟佢。
3. 對於一D人覺得我係想整走佢2父子之後搶人地層樓既回應。
窮，我認。我認唔到我老婆同佢屋企人一個可以改善到既環境。
我已經做到我可以做既野。
我只係唔想個細既再挑釁，再破壞去引發到我老婆有任何情緒。
我同我老婆已經決定會搬走，定時定候返黎睇下佢地點。
呢D引發負面情緒既言論我會覺得你地好好彩，唔係生係一個有問題 既屋企到。而我只係用你地覺得好笨既方法意圖去解決由上一代人帶落黎既問題。
你要覺得我入贅，窮撚，無L前途，累左我老婆等等。。
呢一D我只會覺得，咁又點丫。。我只係一個為生活為屋企而去每日朝九晚六搵得果丁屎咁多人工既打工仔黎姐。
我只係諗到政府既社工能夠幫到我係幫到智障果個細佬，
我只係諗到社工可以幫我外父。
MAY BE 我份人工只係夠 租劏房，只係為到我老婆同BB 糊口。
我只係好笨咁打到一世工。。。
不過我係實實在在咁 只係想達成我老婆心願既一個小男人。
我會諗埋一邊，呢個POST 都係我係壓力爆爆地既時候去打。
試問係咪人人都可以任何時候咁理情思考所有問題。
我好多謝好多位好有心既CHING 不斷提出方法同意見。我會積極咁面對同諗。
其他對我惡言既CHING，我會想你地唔好咁毒舌，放過我呢D窮L。
多謝咁多位CHING。
#189今日方加•2019年1月14日 00:35:04
太長唔quote
只係想問一句
「我嘈都係想比佢知道唔係嘈就有人順佢意。」
你舅仔啲野關你乜事？
你邊位
#190雲吞加麥精•2019年1月14日 00:35:19
其實你老婆一直害緊細佬
物競天擇，要在社會生存到就要有足夠能力
你老婆一日唔俾機會佢自己獨立
佢細佬一日無動力去學/糾正心態
一直話遲啲遲啲，到你真地真係無多餘能力幫佢個陣
佢先開始要學識自己賺錢養自己
佢愈遲只會愈辛苦
莫講話普通人年紀愈大愈難搵工
何況佢遲下年紀大再加智障
到時諗落其實係你地造成
想一家人開開心心？害曬成家人就真！
你可以做嘅方法唔洗一刀切，可以循序漸進
首先，慢慢一兩日/幾日咁成家去旅行/公幹（唔理咩理由，總之佢有事搵唔到你地啦）
等佢學下自己照顧自己先
然後，你可以搬屋，再多啲返黎照顧佢（一星期三四日返舊屋住）
再慢慢減次數
其餘嘅野你識嘅
而家唔係要放棄佢，係要佢學識獨立
以上計劃咁細心，一兩日唔照顧佢唔會死
如果你老婆咁都唔肯，你放生佢地一家啦
#194樹葉都落晒喇•2019年1月14日 00:38:25
//暫時既方法 ，你唔好插入你老婆既家事。佢想點就點，佢自己決定，你唔好答嗲比意見。你背後支持佢就算，你唔好幫佢做任何決定。到頭來，有咩問題，你老婆呢一世都係會怪你//
好多野，都唔係預期咁。
佢細佬係我地未結婚前成日都話想搵工。
點知去到社工到介紹埋第一份工比佢時，佢REJECT完之後。就唔想理所有社工。呢一點真係無諗過。
我依家唔插手任何佢細佬既野，轉為為外父安排個人周不時睇佢有無食齊藥ONLY，然後就搵方法搵多D錢 搬出去，同搵奶粉錢。
#197樹葉都落晒喇•2019年1月14日 00:41:31
//太長唔quote
只係想問一句
「我嘈都係想比佢知道唔係嘈就有人順佢意。」
你舅仔啲野關你乜事？
你邊位//
佢嘈。係攪破壞，撩交嘈果隻。會好滋妖到人果類。
佢已經破壞到，鋁窗都凹晒要安排換果隻。
呢樣野可能影響到到我老婆，點會唔關事呢。
以前佢嘈，就有人順佢意，我同佢對立都無非話比佢知佢發情緒都唔係個個都會好似怕左佢咁。
你既角度啱我唔係佢邊位但某程度上我都係想話比佢知唔係個個都會就佢姐。
#198對唔住大佬•2019年1月14日 00:42:34
都係嗰句
完全唔明點解你仲可以咁你直氣壯咁
將所有責任怪喺佢細佬身上
而家係你一個大男人寄人籬下
仲想令人哋細佬改變呀
係都係你改變你自己啦
融入唔到人哋屋企度
咪同你老婆分開囉
根本你就係應該做被動嗰一方
仲夠膽大模斯樣咁畀意見喎
人啲細佬性格係點樣關你鬼事咩
樓主你仲算一個係男人嘅話
就擔起頭家
賺到錢請工人照顧佢細佬算啦
而家我係你嘅話
我一定抬唔起頭做人囉
#200樹葉都落晒喇•2019年1月14日 00:43:38
//其實你老婆一直害緊細佬
物競天擇，要在社會生存到就要有足夠能力//
你既方法都有諗過，不過資源有限。
我諗我地會先選擇左搬走，再慢慢睇下佢咩反應。
搬走左之後佢要負擔埋水電煤管理費等等。
希望到時佢會意識到原來生活係要洗錢既，開始諗點搵錢喇
#201小維熊尼•2019年1月14日 00:43:47
樓主個心真係好毒
住人地層樓
唔係諗點照顧人
係諗點踢人走過d好生活
著數就lam哂
責任就唔想理 你唔交左市價租先講野？
我都唔明 人地有自己地方住 唔想番工 又關你差事？
#204遺下了也是情•2019年1月14日 00:45:16
睇見都覺得煩
結婚前一早預左過去住定點？
而家你地有無條件你同老婆搬出去 再搵賓賓照顧佢地兩個
咁既情況仲大埋肚真係祝你好運
#205樹葉都落晒喇•2019年1月14日 00:46:49
//完全唔明點解你仲可以咁你直氣壯咁
將所有責任怪喺佢細佬身上//
我唔覺得我可以改變你對我既觀點。
我只可以話比你知，我盡左我既能力去試圖解決上一代帶落黎既問題。
依家係我想因為自己去改變佢地，
依家係我老婆既意願而去改變佢地。
你成日都人生攻擊唔倦架咩？
#206河童•2019年1月14日 00:51:12
入院舍點會算頭家散咗，人長大結婚後離巢自己組織家庭係正常，老人家入老人院一d都唔出奇，個弱智細佬一係就入院舍，
或者試下問下有無得keep起佢份弱智金，然後每星期過番數畀佢，等佢無得洗凸，無錢就叫佢自己番工
#207小維熊尼•2019年1月14日 00:51:48
仲有叫個弱智既守誠諾
真係好撚搞笑
就算正常人呀 過慣舒服日子
以為番工好簡單
點知原來好辛苦 揀番舊時舒服日子唔得既？
一個人做唔到自己能力以外既事好出奇？
佢20年都係咁過開，一個外人入來指指點點
比我都唔順超
好在細佬無咁醒唔識駁 唔係屌7左樓主好耐
#208薑蔥撈麵•2019年1月14日 00:52:04
//樓主住邊區？有識朋友做輔助就業社工專跟呢種case，睇下幫唔幫到手//
樓主己經call晒佢個區既社工架喇
細佬識行識走， 識自己食飯， 識自己沖涼， 有晒自理能力， 呢d非緊急要排幾多年呀？
院舍通常好多人一間房， 好多摩擦， 人地有層私樓住， 為咩事要洗幾千蚊去住院舍
又冇講老豆身體係咩事， 就話送入老人院， 本身老豆有層私樓， 都冇居住問題, 住老人院又要成萬一個月， 邊個俾？ 公援俾？ 老豆有私樓可以申請公援？ 好似唔得， 而且老豆同細佬冇想過走
樓主搵咗咁多社工， d社工可以解釋既， 都同樓主解釋咗， 點解送唔走， 你介紹多19區既社工俾樓主， 結果都一樣
#209樹葉都落晒喇•2019年1月14日 01:01:11
踢。。
要踢做乜我要搵社工，親自跟左個智障既2年，攪到自已咁大壓力先踢？
我老婆係唔知可以點做我先跟。
佢呢個情況本身係有社工跟進佢到就業半年先會放手，但係唔知點解佢返左一個月個社工已經無跟到，之後佢就無做野十年。
佢精神係曾經出現異常包括無喇喇去完個厠所就話有人望佢要報警，但個厠所個窗係關左無開。
想佢入院舍同有份工係唔想佢係屋企唔出街無 精神寄托。
外父果到，佢已經無照顧好個屋企，無教好個仔。無理屋企。
我依家都係會盡責任去搵社工跟進佢既盡量食齊藥等等。
佢係行得走得。
我老婆一個人照顧個屋企只能夠去搵錢養佢地，但佢地既唔聽教唔聽勸不特止仲要兇我老婆。發佢脾氣。
我黎到唔想我老婆再受佢地氣先搵咁多方法。
你條粉皮乜都唔知就 一句我搶層樓，一句我破壞人地屋企感情。
我既方法最多比人地覺得笨，同做錯姐。
咁你咪講應該點做囉，係咪要迫下人地去絕路先？
做人有番D口德喇！
#210今日方加•2019年1月14日 01:02:04
我反而覺得就係你呢種處理方法先至最困擾你老婆
如果你老婆真係一向都就哂佢既
可能你老婆見到已經識得點處理
可以好快咁平復返你舅仔既情緒
因為當下既情況係「細佬發脾氣—>氹返—>冇事」
相信對你老婆黎講只係一件好小既事
相反
你依家叉隻腳埋去
個問題就會由「細佬發脾氣」昇華到「老公同細佬既糾紛」
成件事複雜咗好多
對於你老婆黎講手背又係肉手心又係肉
咁佢咪花多咗額外既時間同埋精力去處理呢件事
你都識講你老婆大緊肚
咁樣對你老婆真係好咩？
依家你老婆要既唔係要「教好個細佬」
而係家庭和睦等佢開開心心咁養胎
我明白你好愛你老婆好愛個bb
唔想你老婆咁操勞同埋個bb俾你舅仔影響到
的確你外父同你舅仔既問題始終有一日要解決
但唔會係呢一刻
喺呢一刻冇一樣野係緊要得過你老婆同埋個bb
你可以做既唔係同你老婆對着幹
反而係諗吓點樣幫輕佢
譬喻試吓暫時忍吓你舅仔（我知好難）
或者係你返自己屋企住什至係租樓住
相見好同住難
試吓畀多啲空間大家
#213樹葉都落晒喇•2019年1月14日 01:11:29
//睇哂成個CASE
發現樓主份人都幾仆街
老婆老豆有病,細佬智障呢D你一早知
層樓係人地老豆既, 你無本事買樓同老婆一齊住, 仲想趕人地走？層樓人地架屌你老母
根本你係寄人籬下,仲咁多要求已經夠好笑
仲要左一句仆街,右一句撚樣咁形容人地兩父子
你真係好撚心術不正//
我。。有講過層樓。。係邊個的嗎？
插左咁多無講既野去合理化你對人既批評你既心都幾邪惡。
我出呢個POST，第一都己經講左呻。。
第二，我對於佢細佬呢個CASE有幾無助。
第三，外父佢要食藥我都要搵人睇住佢食唔食得齊藥，再睇下有無能力同時間照顧佢
第四。我有講我想點咩？？我老婆真係想解決佢地2個既有又唔可能即時解決既問題。唔做第一步去搵人幫佢地我仲可以點做。
我黎取下暖，呻下都唔撚得既我仲可以點做。你最正義喇？
咁你比方法我解決下個問題喇。我同我老婆都決定搬出去住喇，但都要搵人睇住佢地架。但我認係無錢，無資源咁唔問人，唔搵社工仲可以點
你可以話我窮L，但我真係娶左老婆，佢有我BB，咁我要負責任，但我無資源比到佢屋企人，你可以係到話我無撚能用但係，唔係去解決事情，而係標籤我姐。
咁又可以點？你有方法提出嗎？
#214吔屎狗林祖舜•2019年1月14日 01:13:43
似係好憎樓主特登玩野
9成因爲你睇唔起人
試下搵社工望住定好晒規矩
之後佢犯規都唔敢咁大聲
弱智既你推佢去返正常人既工梗係辛苦
叫社工幫佢搵d一星期返三四日 每次幾粒鐘果d
有個地方發洩下精力 同街外人溝通 好過日日留係屋企困獸鬥
#215樹葉都落晒喇•2019年1月14日 01:17:29
//如果你老婆真係一向都就哂佢既
可能你老婆見到已經識得點處理//
相反依家係我老婆忍唔到佢細佬。
同佢結婚之前都已經定左有左BB，遲早都要搬出去。
同埋舅仔情緒不穩定，我都唔會放心我老婆係屋企到休養。
我依家會一直忍住唔理個舅仔，直到搵到盤租。
但要諗係我老婆大緊肚，應該要坐埋月先可以搬。
所以我仲有時間爭取搵錢，比我老婆同BB 日後用。
我明白我用錯左方法。所以我依家放晒手，但外父食唔足藥始終要搵人跟，依家希望有社工可以幫下手，等佢知道有人理下佢。
到時情況無咁差再睇個細佬咩情況。
#216樹葉都落晒喇•2019年1月14日 01:20:26
//似係好憎樓主特登玩野
9成因爲你睇唔起人//
其實佢好多心結。。
真係要人幫佢解。但係佢又唔打開個心比社工。
我唔係睇佢唔起，而係對佢開頭話搵工到最後放棄而失望。
其實我都係想佢打幾個小時既工。而我亦都有呢個能力比到呢D工比佢。
但佢好多次話要搵工時我即搵到比佢，佢之後退避返房唔出聲。
我已經無晒方法。唯有唔理佢。睇佢點。
同時間我同我老婆講唔好咁上心喇，唔係人可以改變到佢
#217條女個勢好凶•2019年1月14日 01:20:33
一日未解決到外父舅仔問題你兩公婆都唔適合生b，叫你老婆為自己同bb安全著想快d搬走，個弱智細佬搞到個b就麻煩
生完你老婆自己湊？一個女人日日照顧一個成日唔記得食藥嘅老人家+一個輕度智障細佬+一個初生嬰兒，應該唔夠兩個月會產後抑鬱，請工人湊都應該一個月就quit，根本係不可能完成嘅任務
會唔會考慮帶老婆返你屋企住？最多每日幫外父舅仔叫Deliveroo，叫佢哋用政府津貼交水電煤等雜費
#218轟呀轟呀•2019年1月14日 01:22:54
睇到最後先知，原來層樓係個細佬既
仲想踢人走。。。。
#219樹葉都落晒喇•2019年1月14日 01:24:56
其實生完，應該會托我老婆親戚，或我阿媽去湊。
乜人都無既唯有去托兒。
我諗最後會交比我老媽子同老豆去照顧住先。
所以生完應該都唔會再係呢個屋企住。
#221樹葉都落晒喇•2019年1月14日 01:27:18
層樓係邊個都好，我同我老婆都係會搬出去。
但始終都會有 一個智障同老人要 幫佢地搵出路。
你都放過自己喇
#222轟呀轟呀•2019年1月14日 01:28:03
咁你肯搬未?
#224薑蔥撈麵•2019年1月14日 01:29:11
樓主， 都知你好辛苦， 希望你唔好介意大家睇到忟忟憎憎
唔知你對弱智或者精神病有幾多認識， 但你同佢唔算係親人， 都算係親戚啦， 你同佢都相處唔到， 點解你希望佢可以工作上同人相處到， 你想佢搵工， 係愛？ 定係責任？ 係窮呀 DDGH
請不要當智障同精神病係正常人， 唔好要求佢地同正常人一樣， 唔好要求佢地識諗， 佢哋有病, 個腦運作唔正常架， 你既要求就好似要一個跛腳去跑步， 去要求一個盲眼既偷睇國家機密 ， 唔work, 雖然好多智障都做麥當勞， 但唔係個個都得， 好多都返一排之後死都唔肯再返， 好多時都係同人相處問題， 想佢自己養自己係難既
如果只係想佢有d寄託， 搵社工同佢傾， 叫佢去d 專 for 佢地既日間綜合中心玩下， 不過就唔會有錢
你係度住人地都唔洗你交租啦， 如果你同老婆搬出去住， 而唔幫佢地交水， 電， 煤氣， 咁樣對一個老人家同智障， 會唔會太過分， 話晒佢都係你老婆屋企人
而且你老婆大佐肚， 佢心理健康都好重要， 開開心心迎接小生命啦
如果唔想老咗， d仔呀， 女呀， 女婿呀， 新抱呀， 唔幫你交水電煤走咗去， 你今日就算窮少少， 有d基本野都要做架
#228隨風戲貓•2019年1月14日 01:30:47
睇完個post
其實冇計喎嗰層樓係女家
唯一方法係你同你老婆自己搬出去
得返佢自己一個再定期搵社工跟下
#229小維熊尼•2019年1月14日 01:30:56
發現樓主真係好興將責任外判
外父唔掂？比社工 入老人院
細佬唔好？顧一下啦，無想像中即刻變好唔好理搬走
生仔？生完比人湊
咁你生來做乜9 戴套識喇掛？
Ok你話屋企人無得揀，咁生唔生有得揀喇？
為乜自己都未顧得掂就要生多個？無能力就遲d先囉
明明自己都未plan好 就覺得自己家事外人有份一定要幫手咁
#230脆香雞翼•2019年1月14日 01:32:40
搬出去其實都解決唔到問題 除非請埋人照顧佢地
到時一個老 一個智障 由得佢地兩個自生自滅？
之後就會求樓主同佢老婆返去照顧佢地
之後就會多左籌碼
證明佢地2個無左你（同你老婆）生存唔到
之後又搬返入去住 問題繼續
但樓主手上多左籌碼 用黎拎間樓
#235樹葉都落晒喇•2019年1月14日 01:36:53
//樓主， 都知你好辛苦， 希望你唔好介意大家睇到忟忟憎憎//
水電煤管果堆。我要係個細既面前講唔交。
但最後應該會係由到追數信之後幫佢地交埋。
可能我真係怒得濟會講乜都唔理佢地，但係事實上我係會做埋佢。
唔係既話我都唔會係到安排社工去理埋外大食藥果D野喇。
但係我都要比個智障既去知道，究竟佢係咪可以獨立生活。
所以收埋追數信放到最後果日先會去交。
其實我認我係對個智障既有期望先會咁嬲。
其實佢好邊緣，對於佢既工作能力我有絕對既信心佢可以搵到份。
唯獨係佢真好懶同唔聽人勸，亦唔打開佢害怕既原因。
我對智障既認識係零，我亦唔識去讚佢，所以我真係只能當佢小朋友咁教。
我想佢返工係唔想佢精神出問題，影響到任何人。
我可以幫佢搵埋工，但係次次都因為對佢有期望而失望。
所以。。其實我係好煩。但我依家放左手唔理個細既已經好好多。
#237轟呀轟呀•2019年1月14日 01:37:20
好奇樓主點解會住女家?
自己屋企無地方?
#238笨笨大師•2019年1月14日 01:39:22
樓主千奇唔好生仔
整多件咁你就大獲
利申 非黑心非歧視 基因問題
#239樹葉都落晒喇•2019年1月14日 01:39:31
老既。。我都話左安排緊個社工或HELPER 睇下佢
佢行得走得。照顧到自己，我地最多周不時睇下佢。
老婆生左B，仲係呢個環境到，我除左可以顧到我老婆同BB以外。
仲可以做乜先。
去影響人地睇法之前可唔可以唔好咁變態只睇利益。
我呢個POST真係想呻下。同埋集思廣益
#240轟呀轟呀•2019年1月14日 01:40:03
//所以。。其實我係好煩。但我依家放左手唔理個細既已經好好多。//
叫個弱智既獨立生活
你就真係智障
你不如去參加下D 福利機構D活動先啦
以人為本呀!!
見你下下都用果隻野，仆街，三和大神去形容你個老婆既細佬
係咪痴撚線
#241樹葉都落晒喇•2019年1月14日 01:40:48
//建議係未搞好個關係之前，唔好再生多件出黎//
咁我老婆都留唔到係個屋企到既。。
我只能帶我老婆出去過番正常既生活架姐
#243樹葉都落晒喇•2019年1月14日 01:43:37
//好奇樓主點解會住女家?
自己屋企無地方?//
未搬入去前。
老婆外父都要人睇住。
舅仔以為佢真係想搵工。
老婆又想睇住佢地2 個。咁我咪一齊搬入去住囉。
仲特登自己比錢裝修好，整好晒，諗住一齊住得開心D。
依家呢個情況，我同我老婆都要搬出去了。
我自己得阿爸阿媽屋企。買唔起樓，但仲有能力租既。。
#244樹葉都落晒喇•2019年1月14日 01:44:06
//樓主千奇唔好生仔//
所以會做晒檢查先決定生唔生。人依家仲排緊檢查
#250Wilshere•2019年1月14日 01:49:01
去就近既綜合家庭服中心，社署
佢會開幫你開case intake,唔會唔理你
點都會處理你個case
再唔係既你搵一d 大型既ngo, 例如明愛同匡智會
你要chur d worker跟你
#251樹葉都落晒喇•2019年1月14日 01:49:15
//你上黎開埋呢D POST 都係想博人同情同認同你既做法
但我可以同你講，梳，我唔認同你既態度 //
人人都有自己既思想，
我都唔能夠唔認我處理呢件事好自我。以為有個社工跟到佢就解決到。
但唔做。。永遠都唔知個結果係點。
依家一做。佢覺得我迫佢改變有反抗。但佢唔記得左當初我問佢好多次係咪想搵工，我真係搵到社工幫到佢，最後佢放棄左。
之後我亦比左好多機會搵埋工比佢，佢又放棄埋。
到依家佢講我唔會聽你地講野架喇。
咁可以點。我只能比我老婆睇佢細佬咩反應。
勸我老婆唔好咁上心，唔好影響到佢自己姐。
#257薑蔥撈麵•2019年1月14日 01:52:36
你同細佬講， 你唔會交水電煤， 對佢黎講， 已經係壓力， 唔怪之得佢情況越黎越差， 如果攪到佢病發， 係好事？
你好似聽唔明我上面既說話 , 所以你仍然覺得佢有能力工作， 你同佢家姐都結咗婚， 你都包容唔到佢， 點解會覺得佢而家既狀態係適合工作， 點解要覺得人地同細佬會相處到
你逼到細佬日頭唔出房， 已經唔正常既開始， 仲要同佢講你地唔會交水電煤， 佢點受到呢d壓力， 你要係咁， 細佬真係好慘
我回你第一個post已經話你老婆嫁錯咗俾你， 你d同埋心少到呢， 你既自私有可能來自經濟壓力， 但我想同你講， 你所做既野， 唔會令你得到幸福， 只會令你老婆生活得更差
#258今日方加•2019年1月14日 01:52:43
我唔係太清楚孕婦係咪有啲咩禁忌所以唔好搬屋
不過見到下面有巴打畀咗意見
同埋見到你下面叫某位巴打唔好咁上心
其實你都係！
得罪講句
喺字裡行間覺得你應該係一個大男人想所有人跟着你諗法去做既人
見你描述你舅仔同你既相處既情況
好似都係單方面要求佢做你想佢做既野
一旦出現咗啲同期望唔同既情況
第一時間唔係去了解個原因
而係一刀切覺得你舅仔有問題
例如你話你有介紹過啲工畀佢（假設係m記）
但係佢一聽到即刻話唔要
之後你就主觀覺得佢爛泥扶唔上bang好食懶飛
咁有冇嘗試了解過點解佢唔肯返？
係因為佢唔鍾意呢行定係有啲唔愉快既經歷？
一日唔解開呢個心結佢一日都唔會改變
同埋要學識尊重
見到你一直都係用輕蔑既語氣用形容你外父同舅仔
好似睇唔起人地有長期病患同埋你外父既過去咁
#259樹葉都落晒喇•2019年1月14日 01:52:51
試過綜合家庭服務中心。
但係佢地只能用 家庭和諧 去開FILE》
而家庭成員有特殊情況既，佢地既社工又未必有呢方面經驗。
己經試過因為咁而CLOSE FILE。
#266MisaMisa•2019年1月14日 01:57:44
一撚定係搬，層樓老實講真係唔關你事，你外父有資格決定層樓去向，你就咪撚貪啦
辛苦d都冇辦法，你唔諗自己都要諗個b
#268小維熊尼•2019年1月14日 01:58:40
//我回你第一個post已經話你老婆嫁錯咗俾你， 你d同埋心少到呢， 你既自私有可能來自經濟壓力， 但我想同你講， 你所做既野， 唔會令你得到幸福， 只會令你老婆生活得更差//
好撚同意
我真心鄧佢細佬慘
樓主下下用自己角度逼細佬
只係希望情況轉好
唔得就怪番佢轉頭 最後就直接冷暴力放棄
點可能會有真正理解真正好轉既一日
#273對唔住大佬•2019年1月14日 02:01:50
根本樓主太自我中心
諗住人人都可以自力更生
問題係細佬自己有內在問題
要政府幫、做唔到嘢有咩唔啱
#278小維熊尼•2019年1月14日 02:04:17
//根本樓主太自我中心
諗住人人都可以自力更生
問題係細佬自己有內在問題
要政府幫、做唔到嘢有咩唔啱//
但係同時佢又要求人地理解佢安慰佢
心諗你連自己妻弟都做唔到啦
憑咩要求連登仔要咁做
#284今日方加•2019年1月14日 02:08:04
//我都有試過問，但佢唔答。佢只係話人工低。
我都有同社工傾過呢個問題，最後都係無答案。
佢唔係係屋企精神出現過異常，都唔會令到我連續幾次都勸佢搵份工或者搵興趣做，EVEN 打機都好。//
人工低。
點解會覺得人工低？
係平時洗既錢多
定係屋企俾既錢多過佢份糧
令到佢覺得與其出去捱倒不如喺屋企un un腳唔使做有錢收？
同埋真係改變吓對外父屋企既態度
隔着個mon都feel到嗰種不可一世既語氣
好彩佢地一個有智力缺憾一個有長期病
如果唔係一早開你拖。
#285只想你好•2019年1月14日 02:08:45
其實你首先要去認識咩係智障,同埋真係要學點同佢相處/教佢地
你見佢地行為好似正常人,但係佢地情緒同行為可以變化好大
唔可以下下用正常人既角度去睇佢地(就算係輕度都係)
其實好多NGO都有社工,你都可以去上下堂,識下其他智障家長交流下
上網打弱智都有好多NGO資料可以查
#286薑蔥撈麵•2019年1月14日 02:09:09
//依家成單野，最大既隱憂係佢老婆//
係， 老婆最慘， 樓主處理手法好有問題， 偏偏樓主覺得自己好撚岩， 老婆夾係中間， 咪日日以淚洗面囉
#288只想你好•2019年1月14日 02:12:47
以前做NGO都識D做智障既機構
https://www.hkjcpmh.org.hk/zh-hant/pids-101
https://www.sahk1963.org.hk/b5_index.php
http://www.wjcs.org.hk/Chi/b5_m3_1.aspx
https://www.fuhong.org/fuhong_mobile/PageInfo.aspx?md=80000&cid=80
POST埋比樓主你啦
#289米八暖男•2019年1月14日 02:16:19
樓主仆街都唔死都冇用
明知佢係弱智 用正常人水平咁要求佢自給自足
樓主係本事既就開公司請番弱智仔打工
冇料又要娶老婆 娶完又要嫌人屋企人 真係仆街到呢
開口埋口話自己錫老婆 睇得出樓主只係一個垃圾
係愛個老婆會成個八婆咁去離間人地屋企?
點睇樓主都只係一件不負責任既垃圾
你老婆智商都有問題 竟然嫁比呢D廢人
#290薑蔥撈麵•2019年1月14日 02:20:01
//咁佢依家咁大安志意。。有錢唔出去做野。。話有政府養。
咁又可以點比到佢面對生活呢？//
你講野真係好有問題， 佢話政府有錢俾佢， 只係回應緊你逼佢出去搵野做 , 搵d答案俾你
佢唔想咪唔想囉， 逼佢只會反效果
如果佢中咗六合彩， 請問你仲會唔會逼佢搵野做？
我估到你死都話為佢好想佢過正常生活， 所以想佢做野
最大問題你既手法好有問題， 就算我再喜歡食薑蔥撈， 你老母逼我食， 話你唔係好鍾意食既咩， 食啦， 夾埋俾你， 擘大個口食啦, 做乜唔食呀？
我一定唔撚食囉
你老母明知同細佬為咗搵工關係轉差 ，明知社會介紹完工細佬已經開始逃避， 你仲不斷介紹工俾細佬， 要佢接受， 你咩性格咩人黎架？ 明明係你處事手法攪到件事咁， 仲要死唔認， 連登仔屌完你， 就嬲嬲豬嚇個細佬， 話唔交水電煤， 最痴線最弱智果個係你呀
痴撚線， 弱撚智
#291陳皮膚科醫師•2019年1月14日 02:21:06
睇晒成個post最擔心嘅係樓主老婆
可以嘅話 多啲留意下老婆同自己嘅情緒
有需要嘅話可以搵心理醫生傾下
有左bb又可能特別容易諗多左
屈屈下可能有情緒問題
#296氣質男•2019年1月14日 02:37:16
無論點講都好係你老婆嘅親人
你唔照顧都唔係走去害佢
人地話「搵醫生KO左佢綁左佢入院舍」
你竟然想知方法
你肯定咁做係幫緊佢？
見你又話自己比錢裝修人間屋
見相處唔到就想趕走人地老豆同細佬
仲話唔係想謀人層私樓
偽善
#302你好嗎.？？•2019年1月14日 04:29:29
要送廢青出去返工都難啦，重話要送弱智出去，重話咩炒散送外賣，我真係屌鳩你呀，你知唔知個d工幾撚受氣，送外賣幾撚急，幾易迷路，出左意外點算，我再屌你呀，你e+唔易返緊奴工處咩狗工都介紹俾個弱智但求有 approval，你係佢家人，你大人大姐有手有腳唔交租，可以用一家人當無數,但去到人地細佬你有無顧過佢感受同埋你提過既精神健康，講白d你有無當佢係一家人，你慢慢搵社工帶佢由義工到pt到長工，評估過情況同hr講明佢既問題先好俾佢返工，而唔係扔左出去自生自滅呀，
再講佢係有權唔返工，佢租你間房出去加佢既綜貼就夠，so,父幹係大撚晒，你吹呀。
#304你好嗎.？？•2019年1月14日 04:37:49
你搵個社工帶佢做下義工先，佢肯既你咪私人俾多幾百至一二千囉，慢慢俾佢接受。
#305熊軍已掠地•2019年1月14日 04:38:42
樓主其實就係住入人地屋企，跟住想捉哂人地個老豆同細佬入院舍，再謀左人地層樓
我係你老婆既，肯定懷疑你遲d分分鐘會買重保險再殺埋佢
將心比心啦，你咁撚仆街，第日老左咪又係比人捉去老人院
#306你好嗎.？？•2019年1月14日 04:40:10
//同埋真係改變吓對外父屋企既態度
隔着個mon都feel到嗰種不可一世既語氣
好彩佢地一個有智力缺憾一個有長期病
如果唔係一早開你拖。//
唔係個仔唔爭氣，個女又嫁錯郎，一早話佢擅闖民居拉鳩左佢。
#309你好嗎.？？•2019年1月14日 04:47:09
由樓豬條仆街想推個弱智炒散送外賣都知一絕，原來重食緊人地屋企資源，嘩重想推人細佬出去 捱驢仔，你都算絕。
#311邪惡熊仔•2019年1月14日 04:56:38
原來住緊人地屋 想過二人世界趕人走？
層樓你老婆細路都有份，冇咁容易喎…
#314笑帝•2019年1月14日 06:18:57
//樓主其實就係住入人地屋企，跟住想捉哂人地個老豆同細佬入院舍，再謀左人地層樓
我係你老婆既，肯定懷疑你遲d分分鐘會買重保險再殺埋佢
將心比心啦，你咁撚仆街，第日老左咪又係比人捉去老人院//
樓主可能心裡面真係有咁既黑暗諗法
但我想講去老人院,某D老人確實有必要的
之前咪有一單腎衰竭阿婆比仔斬死單野既….
阿仔請左兩個賓賓,放棄自己既人生,最後在絕望中癲狂斬死自己老母
你話佢不孝?但佢幾乎比哂自己所有時間人生照顧老母,只係壓力大到一個點,真係會爆
#317回憶小子•2019年1月14日 07:20:18
方法就係，你生性d，賺多d錢
同老婆搬出去
同埋份人唔好咁撚賤
住人地方仲不斷埋怨人
埋怨人唔聽你話，埋怨人老，唔識教仔
上黎集思廣益又唔肯聽人地對你既批評
話你心術不正絕對無錯
#320岸冷J•2019年1月14日 07:46:02
你地同外父搬走
層樓轉舅仔名 佢劏比人租
你可以落力照顧外父
舅仔又有穩定收入唔駛返工
#321天馬居•2019年1月14日 07:51:36
好老實講弱智嘅人改變唔到，要改變都改變個正常既人
#326小維熊尼•2019年1月14日 08:34:09
其實正常人住外父層樓
交水電媒差唔係好撚應份？比過世都要架啦 你自己無份用？
外父都有百年歸老既一日 交果4樣野點都少過租東區樓
而家自己比少少錢就牙痛咁聲 即刻想掟走個未來會長命既
計下條數都知，你都話細佬份人無任何興趣，2000蚊夠洗有餘，佢點解要番工先？番工當興趣？你問下自己，你有機會唔洗番工都有錢，你仲會唔會番？
然後d回覆又露哂底
個個巴絲都叫你揾多d機構先講，又話到自己盡哂力咁，點知原來有咩機構幫到手都唔知，你話你有幾「盡力」
我係外父就慘 諗起自己過身 個女婿分分鐘呃埋個細佬份錢再趕佢出街 真係唔知點算
#328樹葉都落晒喇•2019年1月14日 08:45:01
係連登打呢類文章就預左有呢堆人推到你篇文掉番轉係黑心腸。
所以我只能話佢地太幸福。
我解釋過但係佢地真係太偏激。
唔會明白病人家屬既無奈。
#331太子道西痕•2019年1月14日 08:47:55
樓主你成日想唔使錢有人可以幫你解決到個問題
DLLM請2個工人返黎人釘人照顧佢2個咪攪掂
住外父層樓每個月拎10k出黎咪當交租
#334樹葉都落晒喇•2019年1月14日 08:54:14
//住人地方仲不斷埋怨人
埋怨人唔聽你話，埋怨人老，唔識教仔
上黎集思廣益又唔肯聽人地對你既批評
話你心術不正絕對無錯//
你有病人做你家屬嗎？
一句心術不正係咪解決到問題.
你地只係覺得我對佢地差係咪佢地唔使人照顧？唔使人睇？
我搵社工又想佢地入院舍係錯？
換個角度我做呢堆野係做左好過唔做吧。
你地最後尾都係只批評我做法等，你最多係覺得放棄一個智障同個老既比佢地等死等出事係一個方法。
重點係你地唔係同佢地一齊生活。
好似有人特登把呢個貼既原意歪曲同把我定位。等呢個貼熱左做討論中心咁。
我之後只會回覆正常討論回覆。
#336你好嗎.？？•2019年1月14日 08:59:31
你想叫個弱智去炒散送外個陣，有無覺得自己太幸福，身心健全 智力正常，重有得食外家，你有無返過炒散，有無見過d 𡃁仔𡃁妹俾長工屌到喊，你可以話打工受氣等閒事，但你唔好唔記得你老婆細佬係弱智,你有無考慮過佢心理既承受能力，佢比一般人易俾人罵同恰，承受能力都比人低，e d工啱佢返架咩，你係關心佢，好心就 篩選過先好叫人返， 而唔係不近人情咩狗屎垃圾都叫人返， 尤其係你食緊人哋屋企嘅， 根本連叫人返工嘅資格都冇。
#338小維熊尼•2019年1月14日 09:03:28
//我之後只會回覆正常討論回覆。//
我照顧左中風病人兩年係咪有權講？
而家個老人咩事先？行得走得，係咪有認知障礙？定係普通老人病記性唔好？乜原因都未知，係自理到點解你要第一時間想送走佢？
講左咁耐，細佬留響屋企，影響到你d乜？係佢係唔守信用，佢係咁架喇，你由佢既話屋會有乜影響？講左咁耐你都係唔聽，淨係覆d取暖reply
你自己覺得咁樣人地會唔屌你咩
#339EmiQ•2019年1月14日 09:04:07
留意返
正苦冇咩係幫唔到
係幫唔幫
不能與不為
#341你好嗎.？？•2019年1月14日 09:07:46
根本就係食人住人卻嫌人屋細環境差，想趕走主人霸人屋，係佢左一句賤人右一句仆街個陣，都知佢有幾好，重學人生bb。
#344薑蔥撈麵•2019年1月14日 09:11:13
阿樓主大哥， 當你第一頁話拎細佬去賣器官係講笑， 到大家同你傾咗十頁 , 你最後居然諗到要個得二千幾蚊傷殘金既人交水電費， 逼佢做野， 話想佢好， 想佢獨立， 你係唔係痴線架
講真一開始你住既地方都冇， 居然夠膽結婚， 可能都係因為可以去個女仔屋企住， 如果唔係， 結婚後要訓街， 你可能唔會咁快結婚
到你去女家屋企住， 解決咗居住問題， 一d感恩既心都冇， 如果有感恩既心， 就唔會口口聲聲話人地老豆同細佬係包袱
初初同細佬關係都ok, 言談間叫細佬搵工， 到細佬收埋自己， 同發脾氣， 樓主都冇諗過點解變成咁， 仲不斷逼細佬搵工， 樓主好叻叻 ， 兇到細佬見到樓主唔敢發作， 但樓主有冇諗過， 家姐返到屋企就黎料，會唔會細佬想同家姐 控訴， 求救， 希望家姐唔好有男人就唔顧佢， 或者想家姐管下個老公， 唔好再攪佢
到底有幾賤既人， 先可以口口聲聲話唔會再逼細佬搵野做， 但諗埋d屎橋， 唔交水電煤， 放過期追數單， 逼細佬搵野做
好心你啦， 想結婚生仔既係你， 唔係細佬同廢老， 你係男人有腰骨， 就唔好諗埋晒老婆可以拎少d家用養屋企人既野啦， 你識你老婆時， 佢屋企已經係咁
仲有， 唔係好明點解你住既地方都冇， 咁急生仔？ 先唔講窮人唔好生仔， 如果你老婆家族遺傳基因有智障， 就算驗到個B冇問題， 都會帶遺傳基因去下一代（好似係除非唔係）， 希望你唔係想養兒防老啦
#348SevenJai•2019年1月14日 09:16:29
原來住外父層樓…咁又唔同講法wo
#351薑蔥撈麵•2019年1月14日 09:21:33
//我之後只會回覆正常討論回覆。//
你自私就自私啦， 想細佬養到自己？ 最好就養埋老豆？
樓上好多人都叫你了解下咩係智障先， 佢個腦有事架， 逼佢去做野先叫唔放棄佢？
有人都提議去咩day care 中心， 不過冇錢架， 就算想佢去， 都要一步一步佢願意去， 而唔係逼佢去， 你用既方法好有問題， 嗰d放過期帳單既行為非常唔要得
再咁攪落去， 個細佬唔及癲， 個細豆都會吐血， 再唔係你老婆產後抑鬱 , 你做既野係唔會令你得到幸福， 明唔明？
#352岸冷J•2019年1月14日 09:22:12
//原來住外父層樓…咁又唔同講法wo //
自私到極 根本想利用個B
逼走細佬外父 爭身家
#354小維熊尼•2019年1月14日 09:25:00
其實覆咁多都無用
佢最想就係有人出橋趕走哂d煩到佢既人事物
乜責任都唔洗理就得
話佢唔啱就係黑心
#361HaniBB•2019年1月14日 09:43:54
自己搬出去
留返層樓比佢兩個
#368樹葉都落晒喇•2019年1月14日 09:59:56
//痴撚線，估唔到咁都可以變罵戰
樓主都有諗搬出去，去到邊一頁咁峰迴路轉變咗謀人層樓//
事實上我依家已經搵緊盤。
我解釋左，但佢地唔聽亦唔知病人家屬既苦處。
放棄吧，呢到係兒登，唔好太認真。
我呢個CASE真人真事。
問題係我搵唔到合適既幫手。
佢地講講下講到我殺左佢地屋企人搶人層樓咁。
實際上我對住我實現唔到老婆既想法可以齊齊住係一齊係有幾咁無奈同嘆息。我只係諗到社工，呢D政府機構。
用A/C係到呻，作為一個男人都要抖下氣呻一呻。
但係呢到真係，幸福既人太多。
#373durex56•2019年1月14日 10:10:24
喇，樓主，我睇咗頭一兩頁，唔用陰謀論、誅心論睇件事先，你同連登仔罵戰都解決唔到問題
我覺得最需要人輔導嘅反而係你老婆，佢有拖延處理問題嘅問題，唔知有冇社工可以輔導喇
外父同你兩公婆搬出去住，都有半頭家丫
或者外父住院舍，兩公婆搬出去
或者你自己搬出去，老婆weekend先過嚟啪啪啪
老婆或者你，是旦一個要下決定，拖延根本解決唔到問題
#374樹葉都落晒喇•2019年1月14日 10:14:04
//自私到極 根本想利用個B
逼走細佬外父 爭身家//
層樓。。我唔會講係邊個。。你地覺得係咪係囉。。
層樓係邊個。
係咪可以幫到個智障趁依家仲後生可以叫出做野接觸一下，累積人生經驗嗎？
外父 。佢做左太多衰野。依家年紀大要人照顧。因為包女人無晒錢，係屋企寄居。
做人。。有番D口德。唔好迫人講身世起佢底先得架。
老婆選擇左我，無得話對同錯，起碼叫試過用方法解決佢想做既野。
你唔係呢類病人家屬，可以好MEAN咁講，但係你打得出呢D句子只係代表你係幸福既一群，唔會知道我地背負既壓力同責任。
#382樹葉都落晒喇•2019年1月14日 10:28:56
//不如安排佢入精神病院？
強制入院：
大部分住院治療，都是在患者的同意下進行，但若患者的情況不穏定，例如患者出現傷害自己或他人的行為，患者或有機會被安排非自願入院。//
情緒不穏定。
真係唔知佢幾時會發作。
佢對住陌生人就唔出聲凹晒水咁。
佢對住屋企人就惡過鬼。
我地試過見佢成日唔出房好心問佢不如一齊食飯喇，好多次換黎只係嘈交收場，因為佢又發脾氣又掉野。呢D野都係佢REJECT左社工安排工作後出現既。 試問我地又點會預計到。
要消化佢諗乜都係要時間，但依家我地唯有放手不管，整爛左當比鬼破壞，整番好之外，仲可以做乜呢。
外父佢入左院都係我去睇佢同幫佢CHECK 藥。果陣我先知佢連食唔食得足藥都唔知道。我地係屋企時見到食埋3高食物已經買好多健康如菜等叫佢煮唔好出去食，但係佢就煮飯買街外餸。有時食杯面。
勸極又唔聽。咁我地時間有限又可以點。
呢D我腦只係諗到搵社工。
我只係希望我同老婆搬出去之後可以安排到人去睇下佢地。
我想講香港地比左租之後，養埋B之後，真係唔會有咩錢可以放個人照顧智障同個老人家既需要。
緣份令我同老婆結婚，有埋BB。
我知道呢到好多搵到錢既人，但又係咪代表可以任意批評我呢D搵錢唔多只係夠2口小同BB生活既人係到打既POST呢。
你要作故仔踩人當娛樂。。咪講囉。
點解有種感覺有D人好似用緊某一D方法令到你發脾氣佢就開心架呢
#383很難吧•2019年1月14日 10:30:31
既然你都係寄人籬下就謙卑啲，你唔咁樣不得止，竟然仲用到人渣形容細佬咁嚴重，家下佢傷天害理乜？倫敦金賺咁多陰質錢但因為都叫有份工所以唔叫人渣？你根本覺得自己有做野就處於道德高地，態度上賤視冇做野嘅細佬，有做野唔係大哂，可能細佬嘅品德都仲比你依個有做野嘅人好，而你竟然單憑佢唔做野就話人渣黎道德謀殺
得一點講得通，除非你老婆逼你黎住，但我相信可能性好低，除此之外你明明唔過去住好地地，因為又冇協議要照顧埋人地家人，但寄人籬下另當別論。調返轉企係細佬立場諗，本身多個外人係屋企都已經唔多仲意，仲要個外人狂篤住自己搵工，一路以黎平靜安逸嘅生活比你打亂哂，枉你仲一副恩主心態一廂情願覺得狂逼佢搵工係為佢好
#384樹葉都落晒喇•2019年1月14日 10:36:09
//樓主，如果你解決到件事，我都好想知結局係點
唔知你仲會唔會喺度update//
我諗結局係。
我同我老婆係呢幾個月內搬左出去。
個細佬同老豆會係屋企唔做清潔係咁踩黎踩去。
有野壞左無人理，最終會把原本裝修得靚靚既屋企還原返到我地裝修之前既模樣，殘缺不全。
但係我同我老婆同BB 都會過番正常日子，唔使覺得屋企會無安全感。
只係無以前咁鬆動，但係可以注專係BB到。
#385樹葉都落晒喇•2019年1月14日 10:40:43
//既然你都係寄人籬下就謙卑啲//
何解你可以講到我賤視呢。
佢既需要係接觸外面既世界。
管教同賤視係2樣野。
你唔好未睇清楚就講到自己好有道理咁。
我都係果然句，搵工係佢把口講話要搵工，之後REJECT左一份社工安排工作後，佢就變晒。講埋話我係咁架喇，政府有錢比我使乜搵工。。等等。。
呢D我唔搵社工跟佢都唔會浮佢呢D特質出黎。
依家佢咁我都無質佢搵工。但係佢真係有需要接觸外面既世界
#391林行止•2019年1月14日 10:55:16
//你老婆應該係佢監護人，同社工講你地冇能力照顧佢，要幫佢申請入院//
屌 IQ 78 呢啲車邊位 唔需要有其他人做監護人 生活起居完全無問題 有咩院舍俾佢
人地住自己屋企 一個月拎兩千幾傷殘津貼好地地
無啦啦走個外人入黎指手劃腳仲出手
分莊閒啦樓主
#393只想你好•2019年1月14日 10:59:39
我係睇左咁多頁先上黎留言既
唔想陰謀論話你想謀人間屋
但係都認同好多巴絲話你冇了解個病就用正常人手法去同佢相處
其實樓主都認同自己對呢個病認識係零
但係你結婚之前已經知佢係弱智點解唔去做下功課先
好多時見到樓主都係用自己角度去諗佢可以自己做到野/自己獨立生活到
但係我想講佢係由專業人士判斷過係弱智
咁你既然係零認識又點可以用自己去判斷佢
而在你認為自己做左好多野之後唔work就想離開
其實要照顧弱智係需要好多了解，耐性同技巧
既然你地又唔係咁快搬得走不如真係去上下堂先啦
話唔定你會發現原來好多野都可以改善到唔係咁差呢
同埋我都擔心你地走左佢地係咪可以自理到
#394Blues•2019年1月14日 11:01:55
呢排多左人結左婚開POST呻
結婚前唔諗清楚 有人用槍指住要你結
#395樹葉都落晒喇•2019年1月14日 11:02:20
//分莊閒啦樓主//
唉。。
如果佢正常。我係無分莊閒。
但係佢唔正常又攪到屋企人就要處理吧。
EVEN 同佢生活既老豆都會比佢打既。
但個老豆最後都話係個仔做攪到做唔到野 （明顯係比個仔打瘀左）
你一句屌 係咪可以放手唔理佢？
住埋果個始終唔係你當然可以咁講。
#400油膩分子•2019年1月14日 11:12:57
本來睇頭幾頁都好同情樓主
但後來睇到後面覺得愈來愈唔對路
樓主一副高高在上既姿態面對批評佢既留言
大佬呀, 呢個世界唔係圍住你轉嫁
坦白講我覺得你老婆細佬最慘, 冇啦啦俾個外人指指點點仲想趕人走
你真係覺得自己岩晒嫁喎
仲有, 咁既環境仲夠膽生仔
真係想講句窮人生仔正仆街
你呢D咁自私既人究竟點做人父母
#402樹葉都落晒喇•2019年1月14日 11:15:19
有好多位。我都唔係真係想有衝突。
但係佢會有時覺得你係到都係挑釁。
以前家姐會比錢個細佬，要扣門扣好耐先有應。
比錢佢，佢仲要話得果咁少點生活呀。你聽到真係吹到啤啤聲。
有手有腳，有力破壞，會講呢D野，你旨意家姐比錢佢洗仲要話少。
叫佢返工就話政府有比錢比佢。
但係依家話唔夠洗比埋仲要話少。
你唔同佢嘈？
不過依家家姐嬲到唔比，叫佢只係洗政府果D。
月頭月尾咪唔夠洗咪攪破壞囉。
關係仲好既時候我有問佢，有乜野你係做得開心，打機？旅行？
佢話想搵工。我做左。但係佢拒絕左社工係辨公室到既工。
之後，佢就變晒。
老老實實經過咁多野，我地已經無提搵工。無講野。因為一出聲對佢。佢就捉住呢個機會同你嘈交。（試過好多次平心靜氣。換黎一肚氣）
我地有責任要評估佢地需要。我唯有搵社工
但係我同我老婆既需要又有邊個可以理會？
無錢係好似你地講到咁MEAN 講到害埋下一代咁。
但係香港地，我地呢D人大有人在。唔通拎晒我地呢D 人去堆田？
可唔可以唔好咁批判，多D柴火比人取暖？
最少我唔係係到話點拎公屋。點拎老綜。
我都係老老實實打份工，搬出去 ，糊口過活先丫。
點慳點省都叫生活到。
#413酸辣中辣•2019年1月14日 11:49:19
其實你都幾自私，
本身以為佢地住你層樓，點知原來掉返轉頭 想趕人地走
換轉你老豆老母有老人痴呆
都唔會想佢住老人院啦？
淨係睇新聞都知環境幾惡劣
老婆細佬弱智係先天定後天？咁既情況你地仲生仔，唔怕遺傳咩？
其實你咩居心，點解會結婚
#417Rioyo•2019年1月14日 12:08:23
樓主你都係唔好理你舅仔好過啦，
同你老婆講，一人負責一個，外父由你去照顧，
至少外父對你冇乜敵意，你幫起手嚟唔會咁多阻礙，
呢樣野你處理得好，你老婆至少少一個負擔。
舅仔就留返比你老婆處理啦，
舅仔講乜做乜你都唔好理佢，完全當佢透明，
始終而家你同佢關係咁惡劣，其實你做咩都冇好效果。
其實上面啲巴絲有個point 講得好啱，就係你冇理由要個老婆放棄佢家人同你搬出去，你做到嘅係提供到一個地方比佢作為一個避風港，
等佢頂唔順嘅時候可以過嚟休息下。
至於你地個B，生咗出嚟你要比平常老豆做更多嘅野去分擔，
等你老婆唔好咁辛苦，佢要同時照顧佢細佬同個B 真係好易會痴線。
但老實講，等個B 大個，你同你老婆都真係要搬出嚟三個人自己住，
咁樣有個癲嘅人係屋企，對你個B 嘅成長絕對唔係一件好事。
最後，連登有啲人真係…
咁都可以講到樓主為咗層私樓而逼佢舅仔走……
要搶就唔駛講咁多野啦佢…
#419你好嗎.？？•2019年1月14日 12:15:46
送走個老再送走埋個細既同搶有咩分別，間屋8成係佢老婆個老母既遺產，個陣連埋個單位託孤咁託，而唔係俾佢地二人世界，佢老豆無名就易啦，叫佢老婆寫衰仔紙，安排老人院一件，佢老豆間房或張床拎黎請工人（平過交劏房租），咁就搞點。
#421深灰色•2019年1月14日 12:41:59
住人間屋仲想趕人走？
你要一齊住就唔你接受人地既生活模式，
就算個智障唔做野，唔夠錢洗，要你老婆比錢佢都好，關你咩事？
外父要食藥所以要扔佢去老人院？
一路醫療發展都係想老人家盡量留係屋企、社區，咁樣先更加健康，冇咁快退化，開心d你反而想扔人入院舍。
你覺得同佢地一齊住係蝕左比佢地既，你咪出去租屋住lor，
你同得人一齊住證明同佢地住慳返唔少錢，
拎完人好處又嫌人麻煩，cheap到呢
#422689777•2019年1月14日 12:50:55
細佬有無睇精神科？
如果有既可以叫醫生轉介社康護士同醫務社工
有多個專業人士幫忙都好過自己硬食哂
外父個道你就唔好再理啦
不竟都唔會長命過你
同老婆搬出去唯一方法
好好咁組織家庭照顧好妻兒
平時有時間咪探下佢地
擺低少少錢同社福機構leaflets
你唔好預佢一定會睇
預到問題就慢慢俾返佢地自己攪掂
佢要學識自理
無可能照顧佢一世