#1BlueeeAAA•2018年8月2日 16:40:50 original post link
最近睇咗好多案件post 殺人犯post
諗起有排study開相關心理學研究 可以分享下
恐懼源於未知 見到有人做自己想像唔到會做既事一定係會驚
但更多時作為大眾 你睇到個結果 唔代表你理解前因
人係好複雜既生物 每一個決定當下做落去好短暫
但其實背後有好多長時間累積落黎既野 係你身體裡面自動運行緊
最後驅使你作出喱個決定
喱啲野講緊可能係你先天腦結構 先天障礙 後天記憶/經歷….etc
#7BlueeeAAA•2018年8月2日 16:58:23
先天腦結構
幾十年間都有好多研究講正常人同殺人犯個腦結構既唔同
https://img.eservice-hk.net/upload/2018/08/02/164000_d6eec50a00b31e748bfb7c77d52dea12.jpg
圖入面紅黃色果D係活躍腦組織
可以見到殺人犯額葉部份(掌握自控力 情緒管理)係黑曬 證明果part功能係無/低
科學家Gerhard Roth做過個研究搵班殺人犯 比D血腥片佢地睇 再睇佢地個腦睇果時係點
跟住發現 正常人睇果時大腦額葉部份會好活躍 所以點解會好有同理心 會覺得好慘唔敢睇
而班犯個前額葉依然係黑曬
#10BlueeeAAA•2018年8月2日 17:09:17
先天腦結構: Jim Fallon
我諗比較出名大家可能都有聽過既係Jim Fallon
上埋TED 出埋書 (如想睇學術野可不買 純自傳)
佢都係狂做殺人犯既腦部掃描圖研究 而結論都係同上面講既咁上下
額葉、顳葉腦功能偏低下
但佢最出名就在於佢做做下研究發現自己個腦同殺人犯一樣樣既
(喱個可能都係佢咁熱衷做喱類研究既原因)
Jim做既研究總結圖
https://img.eservice-hk.net/upload/2018/08/02/170844_c7da2202001ef3739c67954b4c9dbb31.PNG
#14BlueeeAAA•2018年8月2日 17:58:12
先天行為
都有好多研究去睇下殺人犯係未由細細個開始已經睇得出
喱度成係集中講下Adrian Raine (犯罪學+精神病學+心理學教授)。
Adrian Raine由1969 開始追蹤同研究1,795名毛里求斯細路
睇下佢地由出世到佢地23歲中間個成長歷史
而有137個 (大概 8 %) 最後係有犯罪記錄
Adrian Raine係佢地3歲果時有比全部細路做過個實驗 測試下佢地對恐懼既反應
個實驗是咁的:
當D細路一聽到一個特定既聲既時候就會被處罰(電擊)
持續幾次之後 正常果班細路一聽到個特定聲好自然就會驚 (經過測量皮膚反應得知)
而果137個 (大概 8 %)普遍對特定聲既反應係低好多好多
所以Adrian Raine得出結論係Fearless喱樣野係細細個已經可以知道
#28森無無∅•2018年8月2日 20:11:20
佛洛依德於《文明與缺陷》之中指出
良知與內疚感的起源來自於一種對外部權威的恐懼和不被社會所愛的恐懼
舉個例子女細個比父母師長管教約束得好嚴厲，甚至用「你再咁樣爸爸媽媽就唔要你」威脅，就會建立出恐懼制約，呢種恐懼就係良知同內疚感既前身，內化成內部權威（超我）於一生中起作用同影響，與本我及自我作對，變得怕事，服從規矩，嚴重起上黎，唔洗做出行為上既犯禁，思想上諗下都會感到內疚感，覺得對其他人唔住，覺得對自己唔住，覺得對世界唔住，就係咁呢啲人就被馴服成一個理想公民（奴性、奴隸道德觀）。
相反….毫無約束，甚至自小被放縱，家庭關係差劣，就無失去道德觀同恐懼感，變得似野獸，同情心與同理心缺乏，但相對地懂得利己、敢於追求自己想要既野:幸福（即使係大眾眼中既罪惡）。
道德同內疚感可以話係人類變成群體生活福利既代價
「人類以部份的幸福換取社會整體的安全和穩定」
#33烏鴉烏亞•2018年8月2日 20:35:21
//佛洛依德於《文明與缺陷》之中指出//
其實弗洛伊德呢套已經好少人用，
因為第一：冇證據，
第二：其他model衍生出嚟既治癒(例如啲CBT)比佢果套更加有效同有效率
由細同家庭關係差，並缺乏道德 既其中一個心理學上既解釋係：
我地細細個係根據同家人既互動去學習人同人之間既關係模式，同埋根據長時間既經驗獲得核心信念（唔名中文係咩，英文係schema)。
所以如果你細細個做好事屋企會讚你，”做好事會同到認同”既信念會被潛移默化。
相反如果屋企關係差，長期要以激進行為或者欺詐嚟生存，相對嘅信念都會被潛移默化。
呢種心理問題可以被治療，理論上唔洗食藥；並且同先天性缺乏同理心既問題唔同。
#34烏鴉烏亞•2018年8月2日 20:47:30
//前額葉係情緒管理同自控能力 但係又關同情心事
咁如果我係一個好有同情心既人 但自控能力同eq極差 腦前額葉會係黑色定紅黃色
因為我既認知自控能力同同情心係兩樣野 //
首先同理心唔係指中文平時講既同情心。
同理心係理解人地既認知同情緒既能力，換言之姐係係理解人地既角度既能力。
有啲人既會用自己既角度去同情一啲唔需要佢地同情既人，呢啲並唔係同理心。
但係你唔洗驚，前額葉都有再細分既。所以唔係自控能力差就代表成個前額葉差。
而且，自控能力差都有其他原因，例如係腦其他area太活躍而前額葉冇問題。
#46BlueeeAAA•2018年8月3日 08:51:14
//其實冇咩唔同 講再多嘅動機同分析
都唔代表你冇機會殺人
殺人可以只係突然想殺 又突然控制唔到自已 又有機會落手
每個人都係
哩啲只係程度問題
所謂動機係事後解析 好可能係幻想//
個人同意喱類分析研究並唔會好顯著減少/預防犯罪同殺人事件 喱個亦唔係喱啲研究既本意 但事實上每個人都係唔同個體 做一個決定望落隨意 但其實有好多可能性 了解多啲喱啲可能性 同埋世界上唔同人群嘅先天後天形成 其實都有佢意義啊
#51BlueeeAAA•2018年8月3日 09:06:47
//想知點check自己有冇反社會人格，
如果有，有冇得醫 //
如果你覺得反社會人格需要醫同係一個錯嘅病 咁都幾大程度你並唔係 因爲真係有喱個障礙係會覺得自己先係正常 喱個post好大部分都會講ASPD
#54痴撚線公司EX•2018年8月3日 09:26:02
psychopath 其實係冇EMPATHY同埋FEAR(好似係, 已經唔太記得)佢地冇GUILT, 唔會認為自己做錯野, 但唔代表所有既psychopaths 都會做出一D 傷天害理既事. 只係比起一般人, 佢地好易會做出呢D 事.
但係其實有令一種人都係差唔多咁, 呢種人就係香港周圍都係既narcissists.
Narcissists 又係可以做到冇乜EMPATHY 同CONPASSION, 又係可以因為自己想點就去做. 只係佢地仲係會有FEAR.
而SOCIOPATHS 係有GUILT 既.
之前睇一個psychologist 講過一句說話.
A psychopath is born, A sociopath is made.
一個係先天個腦有問題, 一個係後天搞到個人咁.
#69菲艾希格斯溫•2018年8月3日 10:14:39
Prefrontal Cortex 可以係先天導致，亦可以係後天所致（撞親個腦）
之前睇過個case 係個好爸爸，虔誠教徒，為人正直，後尾因為一次車禍撞傷個腦，prefrontal cortex 受損，自此就係咁做犯法/傷害人嘅事。
利申：大學major Criminology
#73BlueeeAAA•2018年8月3日 10:37:54
先天因素: 類型理論
係再早D未有腦掃瞄 (Neuroimaging）既時候 已經開始有人研究生物學同犯罪既關係
1796年左右 德國解剖家Franz Joseph Gall提出殺人犯同正常人既顱骨係有唔同既 慢慢發展左一套叫做顱相學（Phrenology）既理論 喱套野簡單D講就係根據大腦各個區域同顱骨既相應位置 從外部形狀預測內部發展同功能 例如睇下處理破壞忿 利欲 好戰 好色既顱骨部份係未大D細D 表面係凸係凹 去判斷果個人既犯罪傾向高同低 由於果時未有腦掃瞄 法學又唔普遍 喱套理論係19世紀好流行 D官都好支持
去到後來意大利犯罪學家Cesare Lombroso提出左 天生犯罪人理論
以下純Quote俾大家睇下:
一.天生犯罪人：
體格和心理的異常現象區別於非犯罪人：在感覺和功能上對痛覺和觸覺不敏感，視覺更敏銳，嗅覺聽覺味覺較常人差，更敏捷，雙手更靈活；缺乏道德感，包括悔改和同情缺失，或僅出於偽善的動機表示懊悔，玩世不恭懶惰縱慾或賭博。
異常體徵有：1.頭蓋骨的形狀與犯罪人同一種族和同一居住地的普通人不一樣。
2.面部不對稱。
3.有較大的下頜和顴骨。
4.眼睛奇特並有殘障。
5.耳朵的大小與正常人不一樣。有的非常小，有的像黑猩猩一樣直接向外伸張着。
6.鼻子歪長着，鼻孔向上或扁平（多為盜賊）或像鷹鼻或鼻子頂部腫脹（多為殺人犯），或是鼻尖如鋒，鼻孔腫脹。
7.嘴唇肥厚、腫脹、突出。
8.臉頰上有眼袋，像有些動物一樣。
9.上顎就像一個大的、居於中心的山脊，周圍是一系列的洞穴並且有些像爬行動物身上長的瘤，顎還是裂開的。
10.不正常的齒系。
11.下顎退化或超長或像猿類的下顎一樣短粗。
12.皺摺多並早現。
13.頭髮不規則，具有異性發質的特點。
14.胸腔有缺陷，如肋骨或多或少，或者多乳頭。
15.骨盆異性化。
16.手臂過長。
17.手指和腳趾的異數。
18.頭蓋骨不對稱，造成兩腦半球不平衡。
(原文網址：https://kknews.cc/zh-hk/news/ellrrr.html)
再後來D仲有E. Kretschmer既體型理論
佢將人好簡單分肥瘦壯三類型
然後塞D性格落某一體型既人(例如肥人=情緒不穩)
以上講左D普遍殺人犯既先天因素研究
依家都有好多科學家keep住study生理基因同犯罪關係
但先天理論其實係好受爭議同埋最易被推番
一黎好難證實先天因素同罪犯行為既直接關係 仲要排除埋其他後天因素
二黎如果由細就用先天因素去評定一個人 好容易會陷入宿命論（fatalism）同反自由意志（Free will） 成係講自由意志（Free will）已經夠理學家比人鬧一輪
Free will講緊我地每個人都有做唔同決定既能力
而唔係受不可控因去造決定 (如先天因素)
支持者普遍都會反對殺人犯係先天因素所成 而係自己選擇造成既結果
以免佢地逃避法律同道德責任
跟住開始講ASPD同後天因素
#79BlueeeAAA•2018年8月3日 11:00:22
//Adrian Raine係佢地3歲果時有比全部細路做過個實驗 測試下佢地對恐懼既反應 //
講多少少
喱個實驗叫fear conditioning
一開始係拿狗跟住再拿BB做實驗
拿隻老鼠比BB 跟住再拿鐵鎚敲鐵棒嚇個BB
重覆幾次之後個BB一見到老鼠就已經喊
最後個BB係連見到毛毛地既野好似棉花球都會喊
當時俾人鬧到PK 話好唔人道
#92痴撚線公司EX•2018年8月3日 11:28:07
//我睇左你幾個comment
關鍵字”好負面” “辛苦” “嬲” “覺得有事”
其實喱D已經係好明顯不適感
喱度無人答到你係未有病
同你唔舒服睇醫生一樣
如果有不適同唔明 去搵專業人士幫手啦//
//唔知點搵，同埋睇醫生又要比錢 尤其是心理醫生仲要好貴 //
冇錢可以好似我咁搵住COUNSELOR 去睇.
CLINICAL PSYCHOLOGIST 係好撚貴的
我先同你講, 千其唔好搵社工, 一陣比人拉撚左都唔知咩事, 香港社工ON 9 的
自己同自己講下野唔係有病, 係正常, 思考好多時都係自己個腦同自己講野.
而你話想所有人死, 又想人愛, 你應該係自戀, 依家唔搵人去搞青佢既話咁就一世.
自戀最慘係你最後都係一個人, 冇乜朋友, 冇人可以同你深交. 自己諗諗.
其實你叫好, 最小你會知道自己有問題先
#173BlueeeAAA•2018年8月3日 16:24:26
後天因素: 反社會人格障礙 (ASPD)
殺人犯有好多種 好多動機
喱個post剩係講有反社會人格障礙既殺人犯
大致講下個病同佢殺人喱個動作既相關聯
仲有其他例如
大規模殺手/隨機殺人 (Mass Murder)
性犯罪(Sexual homicides)
共同犯罪…etc 有時間先再開post講
1. 首先正確真係列入左美國精神醫學學會既全名係:
反社會人格障礙 Antisocial personality disorder (ASPD)
定義上係後天隨時間同環境所引致既人格障礙
留意返確診只可以係18歲之後 因為驚同青春期撈亂
同埋18歲之後普遍認為大腦已經完整發展
18歲之前如果有同樣特徵只會定為品行障礙 (behavior disorder) 或 破壞性行為障礙(disruptive behavior disorder)
ASPD唔好剩係睇字面解
唔鍾意個社會 反對社會 比較憤世 唔代表你係ASPD
上網有大量定義同解釋咩係ASPD
可以歸納做以下三點去簡單D理解
1. No conscience
試想像下你完全無良知 無任何野可以令你驚
對所有人無任何我地稱為愛同同理能力(了解明白他人想法感受.站在他人角度思考的能力)
人對標準社會道德既認知一係通過external 例如殺人要受法律責任要坐監
另一方面就係你內在有良知好自然咁guide住你做野
良知會話你知好壞對錯 去作出唔同決定 普遍認為人既良知同五感一樣與生俱來
但有ASPD既人對標準社會道德既理解只係通過external
內在其實完全唔認同 姐係佢地唔會有良知去話佢聽咩係一件錯事
(留意番理解同認同係兩回事)
例如有個case sharing講自己姐姐有ASPD
分享人話佢姐姐一路同其他人一樣正常生活 平常人唔會睇得出
但係周不時都會作出’極度殘忍”既行為 (唔具體講 自己想像殘殺動物果類啦)
但佢姐姐並唔會覺得有咩殘唔殘忍 而係一件好自然就做出黎既事/動作
所以ASPD列入做精神病障碍 一路都好有爭議
病好字面上咁講姐係not comfortable 啦
舉例生理病會痛會攰會食唔到野
心理上可以好直接有feeling sad / depressed
但ASPD既人佢其實唔會唔舒服 分分鐘活得比你同我更鍾意自己
於是有人會主張ASPD唔係精神病障碍
而係一個Legal決定去定義一個人ONLY
當然喱個只係討論
接下來再講另外兩個特點
#271BlueeeAAA•2018年8月5日 11:40:46
//軍人同殺人犯個腦又有咩唔同//
軍人基本上係well-prepared
無論係上陣前既技能受訓同埋心理上一路都知係有責任要去殺人
但正常人（異常發展既人例如哩個POST講既ASPD人）就算日夜想像殺人
到真係實行其實好難 試想像射塊paper target同真係有血有肉既人都知幾大唔同
*所以依家軍人受訓射既target同環境盡量做到越黎越迫真
所以有D比較少人知既事實關於哩個Topic
：大部軍人驚殺人多過比人殺 驚到寧願受被殺風險都避免殺人
：拿二戰做例子 總共得15-20%軍人係有開槍射擊過對方 （唔代表Hit Rate喎）
：唔驚殺人既軍人通常較低被殺機會
：正常人類如有選擇可選都會避開殺人哩個Option 所以可理解大部份軍人心理創傷從何而來
（·你理智同良知叫你做VS真係做左）
係個幾得意既Topic 回應返無問題最大唔同就在於
正常人有選擇下都唔會殺人 同埋會極度驚同抗拒
#272BlueeeAAA•2018年8月5日 11:47:17
話說無睇個Post一陣好似討論已離了題
喱個Post既巴打好有心但盡量唔好定有無病
心理病好多特徵都好主觀好似話一個人好Sad
但喱個Sad都講緊應該要有相關資格既人先可以評定到
而留言話有事既巴打 我都係一開始果句同感冒一樣
有唔舒服就揾醫生睇睇 網上都有好多價格平少少既心理查詢
由於我唔會定義你係邊種病 所以最好你自己搵返關鍵字
最後祝大家都搵到同自己和平開心相處既方式
#273BlueeeAAA•2018年8月5日 14:32:38
[後天因素: 反社會人格障礙 (ASPD)
繼續講埋兩個特質
2. “a greater than normal need for stimulation”
除左無良知 無所畏 內心唔認同社會道德對錯
喱一點我相信都係最後會去到殺人個地步既原因
ASPD既人對於所需既刺激大過常人好多
例如有書分享Case 有個ASPD後生仔
家庭正常但細細個中意買D爆竹塞落青蛙度睇佢地爆開曬
佢一開始見到青蛙就研究佢地 跟住慢慢中意整爆佢地對眼 最後發展到爆開佢地
喱個例子大家可以睇到佢對刺激感個Needs一路上升同埋高過一般人
所以可以易D理解點解會有 violent urges / killing urges
3. LOW- AND-HIGH-FUNCTIONING
一開Post已經見有人講話好多CEO 社要都係ASPD
的確唔係所有ASPD患者都會行上殺人果步
無良知又鐘意刺激黎講都有好多玩/活法
ASPD有分LOW / HIGH FUNCTIONING
兩種都有上面我講既兩種特質
但注意H/L FUNCTIONING只係一種分析講法 唔係診斷標準
LOW FUNCTIONING 既 ASPD 簡單直接D 想要既野就用最直接既方法去達到
如強迫/暴力 容易性急腦一熱就作出行動
HIGH FUNCTIONING簡單講就係超強IQ
留心D去睇下有D連環案會發現其實係精心佈局過
另因為高智商 佢地獲得樂趣既方式多樣化好多 未必係直接殺人
通常哩一類人都同正常人一樣過活 獲得成功對佢地好容易
一黎智商高另冷血又無畏 點會係社會唔成功？
HIGH FUNCTIONING既人通常可以社交 但佢地好有耐性
知道點從每個人身上慢慢得到佢地想要既野
#274BlueeeAAA•2018年8月5日 14:48:34
具體例子既High Functioning犯人有好多
出名既應該係 Ted Bundy
聰明 好人緣 接近D女大學生前 會研究幾個星期 例如跟住人地 睇下受害人間屋同佢地D車既佈局 研究佢地背景社交 方便快D熟 之後上庭果時自信無畏 唔覺得自己錯 可以講得出“這與佛羅里達州法律第78204條不符，我宣布我不認罪。”
#275BlueeeAAA•2018年8月5日 14:52:00
暫時喱個Post講住咁多先
下次有時間再講下其他
#277BlueeeAAA•2018年8月5日 14:57:10
//所以反社會人格其實同 憤世嫉俗、覺得全世界欠咗佢 冇咩關係 //憤世嫉俗、覺得全世界欠咗佢
喱兩點要對世界有Connection同感知先做到
ASPD黎講佢地覺得佢地自己就係個世界
#278BlueeeAAA•2018年8月5日 15:07:47
下次有時間想開post講下自殺既人當時既心理
見到連登好多人都有極大誤解