貓乾糧資料庫

#1肥美可口•2016年12月17日 17:25:46 original post link
前排整過一次響舊登，呢個係改良版
https://docs.google.com/spreadsheets/d/1hjy163OufDpiu5Y1VlN1ATCVcehya2t2Xmu3_lKnJak/edit?usp=sharing

PAGE 1 係個人對無穀糧嘅蛋白質同碳水化合物比例分析排名
因為無穀唔等如低碳水化合物同植物蛋白(貓消化唔到會由腎排走，太多會影響腎健康)
所以無穀之餘重要低碳水化合物就最理想

PAGE 2 係深入分析入面有咩成分

開心SHARE俾大家參考用
最緊要都係要知自己餵咩比主人食

罐頭可以睇番呢個POST
https://lihkg.na.cx/thread/28873/page/1

#11肥美可口•2017年1月16日 10:22:29
入面包括左啲幼貓糧，原意係俾成貓糧細粒，高蛋白同牛磺酸
個人覺得某部份貓糧重高過幼貓糧
我兩隻3.4個月已經食全貓糧，啱啱接翻嚟嗰陣重食緊幼貓糧，原粒吞又活躍，成日嘔翻出嚟
(同埋自已試過愈少碳水化合物粒糧愈脆，易咬。佢係用嚟整實啲糧成型同整飽隻貓)

好唔建議食嗰啲專for減肥／體重控制
要揀高蛋白質，中脂肪同少碳
1g蛋白質=1g碳水化合物=3.5-4g卡路里，但俾到貓嘅營養好唔同
脂肪係8.5-9卡路里(脂肪酸對貓都緊要，所以適中就得，唔好過少，食唔夠會變老乾貓)
你要嘅係控制餵食分量
每日餵少過正常分量20%
張表第一行應該有寫幾磅貓每日應食幾多卡路里

#12肥美可口•2017年1月16日 11:34:14
補充少少卡路里計法
乾糧例子
蛋白質30%
脂肪20%
纖維3%
灰8%
水10%

計出碳水化合物係100-30-20-3-8-10=29%

蛋白質，脂肪同碳有卡路里
每100克有
蛋白質30% x 3.5 = 105/100g
脂肪20% x 8.5 = 170/100g
碳29% x 3.5 = 102/100g
喺100克入面有377kcal
如果10lb 貓每日要262kcal，減肥就要食210kcal，大約55g貓糧

罐頭計法一樣

蛋白質8% 28kcal
脂肪2%. 17kcal
纖維1%.
灰3%
水80%
碳水化合物6%. 21kcal

66kcal / 100g

所以點解肥都係食乾糧多，食少少已經超但又難飽肚

#19肥美可口•2017年1月17日 18:20:06
//我果隻又係有時會嘔返d 糧出黎
係咪因為d 糧太細粒 佢冇咬就吞左？
咁要點做？ 溝水佢又唔係好食
半歲大//

轉高蛋白嘅成貓或全貓糧
家中主人4個月已轉

貓牙唔啱咬餅粒，重要咁細粒
好多時食得急高咁吞
你可以試下Thrive，好重雞肉成分所以好香，一打開主人狂叫
而且好低碳所以鬆脆啲，無咁硬
主人容易咬，但留意唔好餵太多，因為高蛋白嘅糧營養豐富好多，食得多會軟便

或者Wellness core 成貓原味，呢個比Thrive硬少少
細粒啲，蛋白質低少少容易接受

主人兩個都食緊無兩嘔過

#20肥美可口•2017年1月17日 18:26:05
//食緊nv ultimate protein ,驚唔驚蛋白質太高？
之前有餵開dr b 而家佢好似厭左。
7個幾月大，當幼貓定成貓？//
貓係要高蛋白，中等脂肪同極少碳水化合物
天生需要消耗高蛋白食物，所以點解係肉食性動物
生肉糧重高啦，無碳添

#26肥美可口•2017年1月22日 14:36:09
https://docs.google.com/spreadsheets/d/1hjy163OufDpiu5Y1VlN1ATCVcehya2t2Xmu3_lKnJak/edit?usp=sharing

終於更新左貓糧資料庫同網上整合左啲有關貓仔營養知訊
自己多啲留意就唔使下下問邊隻糧好

#31肥美可口•2017年1月23日 10:36:37
//https://www.catchow.com/products/complete-formula/

想問哩一隻好唔好，唔識計 //
//Purina就算吧啦//
//解呢 //
同Hills RC 係三巨頭
尤其purina有好多佢旗下牌子混淆視聽

#39佛余司機•2017年1月23日 17:00:13
//我果隻又係有時會嘔返d 糧出黎 //
家貓身體構造問題係會好易嘔
有時食得急
或者腸胃裡面有污糟野想嘔番出黎
只要留意下嘔D野
只係食物為主唔係深黃色胃液就問題不大

#42肥美可口•2017年1月23日 17:32:44
//咁有冇邊啲貓糧係平靚正，蛋白質高碳水化合物低嗰啲貓糧都成＄500 //
你budget 幾多
12lb wellness core 成貓原味唔錯
$525跟分糧餵可以有2個半月，平均$210
但你預剩食乾糧好難飽肚，好多人因為咁餵多左

我就唔想主人癡肥同健康啲，有個平價做法係
細罐貓糧75g 分兩餐早晚
加左水確保到水分夠
呢三款輪住食
Nature variety instinct 無穀雞肉主食罐
$22 156g 可分4餐

Thrive 雞/火雞主食罐
$13.5. 75g

Canagan 雞主食罐
$15 75g

另外加一匙半(酒樓食飯中式嗰種)乾糧
午餐加一餐乾糧，2匙，目前5個月

食thrive雞/火雞乾糧
$198. 1.5kg
同
wellness core 成貓原味
$525. 12lb

NV 罐 156g 同wellness core 12lb 性價比上最佳組合
每個月唔過500

#44肥美可口•2017年1月23日 18:33:21
//會唔會考慮加埋磷成份？
太高蛋白質未必好
利申：主人腎衰竭 要食處方糧 //

蛋白質有分動物蛋白同植物蛋白
植物蛋白對貓身體好差，莫講話腎病貓
對腎病貓唔係高定低問題，係優唔優質問題
我就唔明食劣嘢係咪對佢最好
唔知你主人係咪食hills kidney 嗰隻，成分差到 大部分都係植物蛋白
腎病貓唔可以太多磷
磷太多會加劇腎衰竭，鈣唔夠又會控制唔到磷水平
要睇比例，1.1-1.2鈣對1磷
hills嗰隻比例係1.42:1
Ziwipeak 係1.61:1
Orijen 大概1.2:1
Wellness core 大概1.24:1

不過始終要自己決定 建議你睇下
catinfo.org

#53夠鐘轉一轉•2017年1月24日 00:56:13
//啲人話獸醫啲處方糧係靚啲﹐真定假?//
處方糧就好似人類既公仔面 + 維他命 填飽貓個肚之後塞D維生素俾佢
除左病貓 我都好少見人話處方糧係好過天然糧/自煮貓食

#60肥美可口•2017年1月25日 12:13:15
//啲人話獸醫啲處方糧係靚啲﹐真定假?//
獸醫同嗰啲大廠嘅關係
兩個都賺到仆街

處方糧唯一好處係控制氨基酸/礦物質/維他命比例，例如貓有struvite crystal 就加多啲甲硫氨酸(貓必需氨基酸之一)比例，酸化左啲結晶
但就配啲垃圾食物，一啖砂糖一啖屎
同埋一樣有味精有鹽

唔怕煩一定係自己整再控制supplement 分量最好
又有幾多人肯吖

預防勝於治療係我整呢個表嘅初衷

#61肥美可口•2017年1月25日 13:04:41
//主子一歲左右絕左育 應該幾時轉成貓糧
btw樓主高汁 //

唔使太在意成貓幼貓糧
野生動物戒左奶就跟阿媽揾食，邊有分細路大人糧
只係幼貓比成貓要多啲營養發育
我兩個女4個月開始食緊全貓糧
而家改左罐頭為主，乾糧補充

啲廠係跟AAFCO個建議營養比例嚟分
例如幼貓糧最少要30%蛋白質，成貓糧26%
但係呢個只係最少，好多都高過佢，無意思
正常貓係需要5-60%蛋白質

有啲牌子幼貓糧營養差過其他成貓糧添

反而係要睇隻糧成分去揀
當初由chicken soup 40%轉去thrive 57%都用左成個月先無軟便
大女而加6個月差唔多3kg
啲肌肉結實到

真心建議為健康考慮揾下罐頭牌子

乾糧無咩頭緒就揀無穀同低碳水化合物(20%以下，最好少過10%)
轉糧拉長到1-2個月

#64肥美可口•2017年1月30日 01:35:37
//Oven-Baked 雞肉幼貓配方
呢隻如何? //
OB應該得無穀嗰隻叫做好啲
其他因為有糙米大麥搞到碳水化合物同植物蛋白都好高
尤其幼貓嗰隻得33%蛋白質，重要有好多植物蛋白
啱貓用嘅動物蛋白唔知夠唔夠貓仔發育

#66肥美可口•2017年1月30日 01:52:50
//主人衣家2個月，返工就放定乾糧食緊下面呢隻，係屋企 就煮雞柳佢食，夠唔夠營養？
https://img.eservice-hk.net/upload/2017/01/30/012146_91309b9d337383565c3f5e227f40c08e.jpg//

呢隻今日先留意到
勸巴打轉糧，蛋白質得32%，本身唔啱貓仔發育食
重寫明有豌豆蛋白
又無講本身有幾多%魚肉
動物蛋白可能得好少
而且魚類貓糧本身就無家禽類營養咁好

另外雞柳有無加supplements？
有就ok無就咪當正餐食尤其貓仔發緊育
剩係肉營養唔均衡，無骨提供鈣，又無脂肪內臟提供脂肪酸，重未計其他礦物質

#67肥美可口•2017年1月30日 02:20:04
//Oven-Baked 雞肉幼貓配方
已經訂左一包試下
你有無咩牌子推薦? 大約4個月大貓仔
可以負擔到中-中高價錢 //

無穀低碳水化合物已經好好(無穀但高碳可以skip)
確保到有足夠動物蛋白，個list都有唔少選擇
雞肉，火雞味最穩陣，盡量唔好魚味
無咁好營養(好多)，價錢又貴，重好易食到嘴挑

另外建議每日至少一餐罐加水(我就加開50ml水，早晚食)
想慳錢可以細罐分2餐再補啲乾糧
唔想生腎石一定要補充水份
而且細細個習慣飲多啲水會無咁抗拒飲水

#71肥美可口•2017年1月30日 13:17:32
//想問下如果本身隻貓已經兩次有膀胱炎(屙唔到尿 只係滴到血尿)
之後獸醫建議長食Hills urinary care c/d糧就一路食左一段時間
而亦都真係無再復發膀胱炎
但係追post見到你話呢隻糧勁差
想問下樓主有無其他建議 //

之前食開咩糧？知唔知貓貓每日飲幾多水？

因為飲唔夠水，又食得多植物類蛋白質同高碳
會搞到尿液過鹼而生struvite 結晶

處方糧主要加多左dl-methionine酸化struvite 結晶
應該定期check下尿ph值有無正常番
食肉動物應該6-6.5微酸

你話無復發應該只係生struvite 結晶
而家溶左所以無再刺激膀胱
呢啲處方糧唔應該長食
長食我驚貓貓尿液會過酸
又加上繼續食乾糧搞到生calcium oxalate結晶就慘
呢種要做手術

所以應該再check下係咪無哂結晶尿液ph值又正常番

如果咩事都無，你應該要轉哂濕糧，罐頭定生肉都好
幫佢補充水份，吸收靚蛋白質
貓貓已經試過2次膀胱炎，俾左好大hint你知佢唔適合再食乾糧

如果本身係食開濕糧無飲水問題就應該同壓力有關
個處方糧都聲稱加左嘢可以減壓
但又唔講係咪，呢個有啲保留
如果係壓力問題要揾原因

#75肥美可口•2017年1月30日 15:01:28
//罐罐post鎖左先係度問埋。主人好鐘意食Ciao罐罐，但唔知呢啲對佢好唔好。同埋有好多唔同既海鮮味揀 //

如果好鍾意食咁幾難搞了
Ciao好多時溝左魚味，食到貓貓嘴挑
本身魚嘅營養又無家禽類咁好
所以我無餵魚罐比屋企兩位
就係怕佢食以後剩係食魚

而且Ciao成分好多時加左人工嘢
有啲重落色素
最令我懷疑佢唔知係咪副食罐
營養唔清唔楚咁

貓貓除左魚重食唔食其他牌子口味嘅罐？
唔肯就最好慢慢溝下幾他主食罐
Ciao一罐分幾次食，加下水，等佢轉翻口味

#78肥美可口•2017年1月30日 16:03:33
//想請教下，假設一樣高汁
罐罐係咪應該會好過乾糧

正常無病無痛嘅成貓黎講，餵濕糧同乾糧嘅比例應該幾多？
可唔可以全濕糧？//
兩個比一定係濕糧好
就算係偉+罐差極都好過名牌乾糧
除非剩食乾糧隻貓自己飲到200ml水/日

貓正常係一定食濕糧，好似生肉嗰啲
高動物蛋白同低碳水化合物
所有必需氨基酸都係肉類內臟有，又有豐富脂肪

揀罐頭就最好主食罐，營養均衡啲
都唔會洗太多錢

食咩都好一定記得擦牙

#79肥美可口•2017年1月30日 16:23:14

只係唔好成日雞柳做主餐，會營養唔均衡
如果無金錢壓力就早晚主食罐
(Canagan, thrive, nature’s variety, ziwipeak 嗰類,最好雞味)
貓仔個胃唔大，75g嗰啲細罐可以分兩次食
每次加30ml水，隔半至一個鐘
事乎胃口，一日兩罐

尤其佢地好活躍嘅會食完成日又跑又跳
食太飽太多水好易嘔，少食多餐最穩陣

我自己要翻工都係一早起身餵半罐
出門前再餵半罐，兩隻貓女半歲

#86肥美可口•2017年1月31日 13:10:36
//之前食緊Oven-Baked 5種魚無穀物
食呢種糧果陣佢飲水唔多
之後膀胱炎復發左 就開始長食處方糧
轉左之後佢食完野就會自己去飲水
另外我都有間中比加左水既罐頭佢食

同埋如果轉晒做濕糧
你介紹既係呢個post #42樓果D ?
跟你做法 唔轉晒濕糧 淨係半乾半濕應該唔會有問題 ?//

嗰個係慳錢做法
啱啱開始唔好落太多水
貓係飲晒水先食肉
怕貓貓唔習慣一下子飲太多
細罐頭分4分，每次加10-15ml 水
起身餵一次，出門餵一次，再放乾糧
夜晚都係，隔一陣先餵，keep住一日一罐

當佢習慣再加多啲水，75g頂盡加100ml水
買個量杯就方便好多

慢慢你會發現貓尿唔臭
我用最cheap最薄嘅淘寶尿片吸左一日尿全濕都只係微黃色同哄好埋先聞到味
初初拎番嚟又黃又壓

#89肥美可口•2017年2月2日 14:12:06
肥真係對貓真係好唔健康
係人類成日覺得肥貓得意所以想谷肥自己隻貓
不過減肥真係要慢慢嚟
貓一下子食得太少肝臟會出事，嚴重會死
見你話主人住一住院無左咁多，好彩無事

排除左膽囊細菌感染或者功能失效，另一個原因係膽汁有過多鈣或者膽固醇積聚，形成膽石
呢個就同飲食有關
當膽石阻塞膽汁流出先要開刀
如果無藥食咁應該唔關細菌感染
因為醫生會開抗生素比你

千奇唔好食體重管理嗰啲糧
好多人誤會肥因為高蛋白同脂肪，但貓身體個設計係消化蛋白質同脂肪為主，跟本用唔著碳水化合物，但成本問題好多乾糧都多碳水化合物

一般計法係1g蛋白質同碳水化合物有3.5kcal
蛋白質比到能量隻貓，即係用到嗰啲卡路里
相反貓消化碳水化合物無蛋白質咁好
會積左卡路里用唔到，同埋阻止蛋白質吸收，變相好似食極唔飽咁，屎重特別大嚿

乾糧唔使刻意揾太低脂，唔過25%就得
脂肪都有重要營養比隻貓，唔夠啲毛又乾又鞋
但一定要低碳，唔多過20%，最好係少過10%
唔好放長糧
Orijen就算原味嗰隻以雞肉為主，但成分都加左幾種魚，可能因為咁有味啲
我自己係wellness core 無穀原味加thrive雞肉
Thrive好香雞味，可以試下，偏貴，1.5kg都$200，最大係呢個size
Wellness core買12lb 平好多，但無咁香
Nv無試過唔太知咩味，本身都唔錯嘅

如果你打算餵罐，你可以唔使揀乾糧
成貓早晚一餐就夠
我個人唔太鍾意揀有增稠劑嗰啲罐
暫時都係比主人食thrive, NV 同canagan
比較低脂有thrive 同canagan，肉絲
Nv無穀雞肉脂肪多啲香啲，肉泥
你可以試下，初初食唔好加太多水
貓係飲晒水先食肉，太多水飲到飽哂會唔食
而且無晒肉味肚餓都未必肯食
買個量杯，每餐分2、3次餵，每次加10-15ml

減重好睇餵食分量
每個月減重唔可以多過0.5kg
餵正常體重應該食嘅卡路里分量嘅80%左右
正常計法係貓體重kg x 30再加70=每日食個卡路里
7kg就係280kcal
食少過佢就可以減到肥，由260kcal開始每日少啲，去到8成大概225kcal左右

一罐5.5oz嘅NV無穀雞罐太約206kcal
224kcal Orijen大概55g，好少咋，所以好易又餓

祝你主人減重成功

#90肥美可口•2017年2月2日 14:13:36
*成貓早晚各一餐就夠

#94肥美可口•2017年2月2日 18:52:47
//多謝你回覆先。

膽石個度係唔係可以解讀為唔關食物脂肪太高事? 先唔評論醫生一定會想推介我主子食配方糧先, 佢話儘量唔好食咁肥, 網上, 其他貓義工又好似無咩呢D 經驗分享, 所以我都好CONFUSED。

而家食ORIJEN 佢都食得幾多, 但不嬲都無放長糧, 係佢喵喵叫想食先俾十幾粒佢, 一日可能餵6-8次咁(當然最早最晚會多D)。

根據你個表, ORIJEN 只係A- 但WELLNESS CORE,NV 同THRIVE 係A+同A 既級數, 自自然然就會想轉, 所以都係想問你ORIJEN 隻糧繼續食落去O唔OK, 會唔會有D咩ELEMENTS/INGREDIENTS 係好唔健康ETC

因為佢都係慣左小食多餐, 我個人都唔太想轉晒做早晚各1餐咁餵法, 反而我想每日都會俾一定份量既主食罐佢, 純粹想佢食罐增加吸水量。

未知樓主認為咁樣WORK 唔WORK?

唔該晒!//

膽汁由膽固醇，鈣鹽同膽色素組成，如果唔平衡，例如多膽固醇高會形成石，人類通常有膽固醇石，加上你主人算超重，所以醫生會建議減肥食低脂嘅糧，呢個諗法好正路

貓嚟講膽石常見成分係碳酸鈣，貓狗嘅膽汁通常唔會好多膽固醇，所以我唔知醫生有無check真啲生石個成因，因為如果係膽囊功能差左或者細菌感染呀生瘤導致就食咩都好難搞，你可以睇多啲關於cholelithiasis膽石症，可能有幫助

而且貓糧好少可高脂到影響健康，貓又適應消化脂肪，RC糧本身都唔高脂，係高碳，因為乾糧如果太低脂就一定會低蛋白質，結果係高碳，反而高碳就引申好多健康問題，肥係幾中一樣，所以乾糧嘅話我先提議揀低碳就得

我咁排係因為orijen嘅碳水化合物高過其他兩個，蛋白質同碳水化合物個比例可以太概睇出蛋白質係動物蛋白定植物蛋白，碳水化合物高相對植物蛋白都高啲

罐頭都可以分幾次餵㗎，營養又比乾糧好，水又夠又幫助減重
另外主人喵你都咪再比嘞 睇住個卡路里餵，減重首要奴才肯忍心

#95肥美可口•2017年2月2日 19:13:53
講起肥 其實有無標準 我個隻獸醫話正常
但祚日肚仔凹左 好慘咁

你上網揾下大把圖睇，都係指由上面望落隻貓見到腰，無大腩，肌肉結實，我個人覺得最fit嘅貓
我對貓好似整左容
https://lihkg.com/thread/88696?ref=ios
– 分享自 LIHKG 討論區

#98Mo姐你好嘢•2017年2月3日 00:38:15
//肥真係對貓真係好唔健康 //
//乾糧唔使刻意揾太低脂，唔過25%就得
脂肪都有重要營養比隻貓，唔夠啲毛又乾又鞋
但一定要低碳，唔多過20%，最好係少過10%
唔好放長糧
Orijen就算原味嗰隻以雞肉為主，但成分都加左幾種魚，可能因為咁有味啲
我自己係wellness core 無穀原味加thrive雞肉
Thrive好香雞味，可以試下，偏貴，1.5kg都$200，最大係呢個size
Wellness core買12lb 平好多，但無咁香
Nv無試過唔太知咩味，本身都唔錯嘅//
個人對Orijen始終冇乜好感，雞就雞硬係要加魚 唔知係咪商業考慮嚟。 乾糧嚟講thrive比較鹹，NV味淡近乎冇味(ultimate protein)，如果食開orijen應該唔會肯食NV，可以考慮Thrive或者Canagan，wellness core冇試過味唔知味道係點。

一pat肉醬嘅主食罐好多時都被嫌棄，可以考慮肉絲嘅主食罐，除左Thrive, Canagan之外，亦可考慮weruva呢隻牌子，佢根據AAFCO 嘅營養標準for adult maintenance。

#104肥美可口•2017年2月6日 13:35:33
當佢7kg貓，食少過280卡路里就得
一般建議係食80%左右分量，225卡

NV雞 206卡/大罐
thrive 雞 56卡/罐
canagan 雞三文魚 62卡/罐

你自己轉比例點餵啦
大NV + 1/4 thrive/canagan
或者
4罐 thrive/canagan
或者
半NV + 2罐 thrive/canagan

半乾半濕好難計，而且要用磅計乾糧分量
雖然平啲 呢個你自己計嘞

#107肥美可口•2017年2月7日 16:45:04
//想問下hills 呢個牌子係唔好？
我見shelter都係用佢
利申 隻貓一路食hills//

Hills , RC, Purina 系列都唔建議食，成分問題
但因為大廠，多贊助自然多人會用佢
Hills都贊助好多比SPCA啦，SPCA用又等如好咩

#109肥美可口•2017年2月8日 18:56:07
//追晒成個post都想幫主子轉濕糧
但佢好耐之前自發性膀胱炎，醫生要佢長食c/d stress, 企我有彈時會轉下淨c/d, metabolic+c/d都食過
如果濕糧你有咩真心推介？又可唔可以c/d mix你推介既罐罐呢
利申：主子大約6kg, 唐貓, 大種但應該要減肥
https://img.eservice-hk.net/upload/2017/02/08/140542_e8198dd389c09ea97741513ec0f69cae.jpg//

罐嘅話無咩所謂，主要目的係幫貓飲多啲水，揀主食罐就得，細罐分2次加水，補c/d糧
我自己就因為俾貓食罐多，所以會揀番無咩增稠劑同無穀嘅罐
NV instinct 無穀
Thrive
Canagan

講講處方糧先
c/d 糧只係加多啲DL-methionine 嚟酸化結晶，貓貓無生食左都無咩用
另外鈣，磷，鎂含量低聲稱可以減少由礦物質形成嘅結晶
但係只要飲夠水多啲排尿，膀胱跟本無機會形成結晶，而且唔係腎病無需要長期控制礦物質吸收，我覺得有啲晒氣
反而因為呢2個賣點換嚟其他垃圾成分: 大量粟米穀物
如果c/d係乾糧就更加要隻貓飲水，剩食乾糧要飲成至少200ml 水一日，唔係食咩糧都無用，膀胱遲早再出事

本身有無check過隻貓尿液PH值係咪正常？可以買啲PH值試紙自己度，正常應該微酸PH 6-6.5
食太耐酸化糧會令尿液過酸㗎，到時生石無得靠飲食去除，要做手術

如果無咩事建議唔好再食c/d糧，如果擔心嘅就揀c/d濕糧
飲唔夠水先係原兇，會令到尿液太濃，好易刺激膀胱導致發炎，結果不停loop

#112肥美可口•2017年2月9日 19:12:49
屙蛋白尿係因為腎有事或者膀胱發炎
只要呢兩個地方無事就得
避開植物蛋白質(穀物嗰啲)就唔會比太多負擔腎臟
飲夠水膀胱無咁易發炎

#113肥美可口•2017年2月9日 19:34:34
Organix 碳水化合物太多，唔好長期食
而且脂肪偏低，貓仔發緊肉驚啲毛生得唔靚

#117肥美可口•2017年2月10日 22:09:46
//https://img.eservice-hk.net/upload/2017/02/10/10043b6ad729cb8d44b04963ea7e114f02641.jpg
想問吓大家 依隻糧o唔ok//
生肉糧ok呀，無多餘添加劑
因為營養好夠所以唔使食咁多，貓應該ok，食得多會軟便
狗方面無研究過所以唔清楚
營養需求同貓有啲分別

#127肥美可口•2017年2月13日 20:57:10
//主人(3個月幾)食緊wellness core kitten formula
kakato d副食罐佢食到
但wellness core kitten罐d肉泥佢食完會嘔
佢亦都好唔鐘意食肉泥/慕絲果類既質感
雖然佢飲水好多，但我都係好不安
所以想請教下大家

1. 有冇非肉泥既主食罐

2. 佢一日開大三四次，同埋不時放屁，好臭 咩原因? 之前湊其他成貓唔會咁

3. 有咩營養建議

感謝不盡//

肉絲好多貓都鐘意但好少選擇，我就餵開thrive同canagan
Weruva一定唔好食魚類，基乎隻隻都加左人造維他命K(AAFCO規定魚類貓糧要加維他命K，有公司慳成本唔用天然嘢)
雖然好大劑量先對貓有毒，但係無人證明到會唔會留喺貓體內唔走，長期食安唔安全無人肯定
咁既然係有機會有害無理由食佢
雞肉睇過成分ok嘅

#134肥美可口•2017年2月14日 10:28:58
Nature 嗰隻主食罐ok喎
如果係肉絲想買嚟試下

#135肥美可口•2017年2月14日 10:34:38
//宜家每餐都食熟雞胸肉， 有無問題？
會唔夠營養 //

係 會營養不良
其實巴打自己煮係最好
但記得要加番啲supplements 好似牛磺酸，鈣磷嗰類礦物質同維他命，尤其A同B群
主食罐都係因為加左呢啲嘢，副食罐就無加
如果怕麻煩你都係加番餐乾糧幫補下

#138肥美可口•2017年2月19日 15:05:06
//想問下樓主 Artemis呢隻乾糧如何？
如果放長糧 仲需要額外比d咩佢食？//

呢隻糧算係高碳水化合物喎，超過30%，最好係㨂啲20%以下
唔係長期食OK嘅

同埋有無咩原因要放長糧？放長糧對健康無益，會令到貓貓更加無想飲水嘅衝勁，因為貓本身好忍得渴，好少主動去飲水，食幾啖又停下咁佢更加難覺得口渴去飲水

同埋剩係餵乾糧你要預左佢幾歲開始會有泌尿道問題
呢啲係可以避免

至少每日都有一餐濕糧加水最好

#139肥美可口•2017年2月19日 15:16:09
//隻野已經好肥，橘子公家貓，4kg算唔算肥//
4KG係肥肉多定係肌肉？
肥同夠唔夠營養兩回事
就好似有人餐餐M記你唔會覺得佢肥得嚟好健康
好多營養都係來自動物內臟，生肉糧MIX左唔同內臟所以唔使點加supplments
但剩係雞肉就只可以提供到某種類營養，同埋煮熟左營養又會流失左，唔夠均衡

#145肥美可口•2017年2月23日 08:13:51
//我想問大家餵開咩水畀貓飲? 水喉水, 過濾水, 蒸餾水, 礦泉水?
貓飲ph值太高既水係咪唔好?//
同埋貓尿應該係微酸6～6.5
唔肯定飲PH過鹼嘅水會唔會影響到，但唔會試 大部分有尿道結石嘅貓都係因為尿變得太鹼
另外食太多穀物都會變鹼性，食肉就酸性

#146肥美可口•2017年2月23日 09:45:35
//如果餵緊WELLNESS CORE乾糧，罐罐有冇話一定要食副食罐定無所謂?
佢食WELLNESS啲屎偏軟，係咪應該食番多啲纖維 LOL(仲勁臭 )//

個分量有無跟標準餵？
Wellness core高蛋白糧唔使餵好多都夠營養
好多時食多過身體需要會軟便

如果一直跟包裝指示餵就要睇下佢係咪對入面某種成分敏感，對比之前食過無事嘅糧多左啲咩

加纖維有機會硬身啲，但就揾唔到軟便個原因

副食罐喺餐同餐之間餵
主食罐正餐餵，咁嗰餐就唔需要餵乾糧
如果一罐分幾次食就要餵番少少乾糧

#150肥美可口•2017年2月23日 18:13:45
//樓主麻煩你俾下意見：http://www.petexpert.hk/35磅Rawz-無穀物低溫烘焙脫水雞肉-火雞肉及雞肉貓糧-p-3042.html?zenid=23b25feafbca731ea1db13da98b7cf12//
多謝推介 已加入data,睇中左佢隻罐頭
乾糧嘅話成分真係無得輸
只係我擔心佢個脂肪太少，20%都無，所以整體上碳水化合物偏高
可能食番啲高脂少少嘅罐頭補充番好啲
脂肪都好緊要，唔夠嘅話貓毛同皮膚無咁靚同有皮屑

#153肥美可口•2017年2月23日 18:50:48
//想問下呢隻ok嗎？成貓同幼貓都打算餵呢隻
https://img.eservice-hk.net/upload/2017/02/23/111455_c6509cb867fcbb052731134d678a96d6.jpg//

肉粉（meal）始終無鮮肉咁好，而且喺肉粉乾糧嚟講NV算貴，唔介意就ok
但係呢個牌子最好揀雞味，碳水化合物小好多

罐頭就係唔錯選擇

#154肥美可口•2017年2月23日 18:56:23
//脂肪都好緊要，唔夠嘅話貓毛同皮膚無咁靚同有皮屑//
//AAFCO 個標準都係得9%， 佢有12%，都算係咁 //
//喺官網有 可能你個link間鋪頭未入，我訂開糧嗰間無呢個brand//
AAFCO嗰個係最低要求，就好似考試50分合格咁
蛋白質>脂肪>碳水化合物就最理想（亦係好難揾 ）

#159肥美可口•2017年2月24日 09:20:26
//肉粉同鮮肉糧係咪得水份上既分別？//
咁理解都啱
如果成分係Chicken，即係一般人類食用嗰啲部位嘅肉，水分有70%
Chicken meal係經過加工之後水分剩番10%左右嘅肉粉

大家都係同level嘅肉，雖然最後都係加工成10%水分嘅乾糧，但meal會變左二次加工，所以先會認為鮮肉好過肉粉

但都有人覺到無咩分別，因為最後都係要加工 呢個就睇你點揀

#175肥美可口•2017年2月24日 18:51:57
//想問下樓主 Artemis呢隻乾糧如何？
如果放長糧 仲需要額外比d咩佢食？//
//呢隻糧算係高碳水化合物喎，超過30%，最好係㨂啲20%以下
唔係長期食OK嘅

同埋有無咩原因要放長糧？放長糧對健康無益，會令到貓貓更加無想飲水嘅衝勁，因為貓本身好忍得渴，好少主動去飲水，食幾啖又停下咁佢更加難覺得口渴去飲水

同埋剩係餵乾糧你要預左佢幾歲開始會有泌尿道問題
呢啲係可以避免

至少每日都有一餐濕糧加水最好//

//明白 多謝樓主解答 想問下咁你會推薦邊一款天然乾糧？ (價錢最好係30蚊一磅付近)//

價錢好勉強喎
可以參考下，主要係碳水化合物低同無穀物
Evo $45/lb
Formm 無穀 $46/lb
Go 無穀 $50/lb
NV instinct 無穀雞 $50/lb
Orijen $52/lb
Oven bake 無穀雞 $58/lb
Solid gold 雞 $35/lb
Thrive $60/lb
Wellness core 44/lb

#188肥美可口•2017年3月7日 12:01:49
最近試左weruva雞 80g但肉量偏少同多汁
Chicken soup 嗰款重要好多菜
味就無thrive咁濃
https://na.cx/i/1143415.jpg
https://img.eservice-hk.net/upload/2017/03/07/114812_afaba187142376c43c74940da2554a6e.jpg
https://na.cx/i/M0uZ41N.jpg

NV嘅兔肉浸味好怪，自己唔係好頂得順
https://na.cx/i/61sHE1q.jpg

#191肥美可口•2017年3月16日 09:37:21
//我隻貓食咗thrive 罐頭一個幾禮拜都冇乜事，呢兩日係咁肚屙，啲屎好似泥漿咁，會唔會係唔岩食。

貓貓3個月，每日4餐，一次半罐。//

有好多機會形成肚屙
換糧過快－食開無事可不理
食物敏感－中間有無轉過口味？
有蟲－杜左蟲？
腸炎－如果排便次數正常，便無血，精神好又食得玩得就唔太關事
壓力－通常會屙留意佢有無多左舔毛
食得急－有無食快左？中間2餐個時間會唔會太
近，搞到佢未消化晒又食過

如果以上都無，咁大可能係你隻幼貓個消化系統無咁好，運動唔夠，未消化得切條腸已經滑走啲屎，咁要加番啲纖維（hold住啲屎喺腸）幫助消化

我兩隻貓鐵胃，平時都係種小麥草剪碎加入濕糧去毛球，短期內你去買南瓜加一件仔落雞味罐，食幾日（有人會教用雞柳，個人怕嗰幾日因為無落supplement 會無營養）

長期可以種下小麥草，好易種同方便加，唔洗下下蒸南瓜

#197肥美可口•2017年3月18日 17:54:33
Wellness core幼貓同成貓原味成分差不多，蛋白質好夠用，我唔肯定呢隻幼貓糧係咪細粒啲，驚你隻貓係食得急會直接吞
另外如果可以揀多款糧溝下，萬一其中一款買唔到都唔驚

餵糧問題可以一起身餵左一餐先
臨走再放多一餐糧，俾到嗰日要食嘅分量就得
放長糧通常會放多過一日需要嘅分量，你會唔知佢食左幾多

大罐濕糧一半一餐，細罐一餐，濕糧最好分兩次餵，相隔半個鍾左右，同可以加少少小麥草，咁就可以俾多啲時間隻貓消化，減低軟便問題

#198陳廣偉柏字•2017年3月18日 18:25:04
https://img.shoplineapp.com/media/image_clips/5860e4b172fdc06aa4015217/xlarge.jpg?1482745008
多謝絲打咁詳細整左個EXCEL
唔好意思呀不過我搵唔到FOREST依隻乾糧岩唔岩隻貓食
分析成分：

蛋白質30％（最少），脂肪15％（最少），白蠟12％（最多），纖維7％（最多），水分10％（最多），鈣1％，磷0.8％，鉀0.6％，鈉0.2％，氯0.3％，鎂0.08％，

鐵80毫克/千克，15毫克銅/公斤，錳7.5mg /千克，75毫克鋅/ kg的碘0.35mg /公斤硒為0.1mg / kg的鈣Phosphrous比2：1

ME：3700大卡/千克
佢講最少的percent但係唔知實際係幾多

#199肥美可口•2017年3月18日 20:26:07
//唔好意思呀不過我搵唔到FOREST依隻乾糧岩唔岩隻貓食//

我揾唔到有關呢隻糧嘅資料 無website
較出名嘅外國pet shop online都無賣，比較在意

剩係喺petsorder 見到有，無英文成分表好難知實際係咩
就咁睇營養分析佢係算少蛋白質同脂肪，高纖，高碳水化合物，我唔建議食

蛋白質同脂肪唔夠多無咁好營養同健康
一般纖維4%算多，太多會加重腸胃負擔（因貓腸胃本身係用嚟消化肉）

另一個要留意係嗰個叫「白蠟」嘅比例，完全唔知咩嚟，姑且當佢係ash灰分，通常唔會過10%，12％係好少好少見。呢個係食物燒盡剩低嘅嘢，即礦物質，驚隻貓吸收過量礦物質又唔夠水會生石

#206肥美可口•2017年3月19日 20:19:50
//Revolution杜蝨用//
//啱啱見到有杜蟲藥水同杜蝨丸，即刻買咗，未試
https://holland.pk/orhubav//
//呢個組合取代revolution 好似唔錯
始終revolution 毒性太強
見有案例長期滴頸果度會爛
家貓唔出街，夏天先有需要預防跳蚤//
用左rev 2次轉了frontline, 暫時2個月先滴一次
杜蟲唔記得係咩牌子喺SPCA配

#229Mo姐你好嘢•2017年3月20日 14:08:30
//pph可以whatsapp落單都好方便，最好係佢牌子種類多，同埋態度唔錯。pdhk個app我down咗落嚟好耐淨要嚟睇貓糧成份 //
//hard sell ，但我buy
我都想揾多間，pdhk 試過送錯貨，我揾開frd代收（鋪頭），平時pps過數再送貨
比左我frd死對頭扮識代收貨，送貨嗰個又信比左人 結果人地當然唔認
雖然有補送比我，但又拖左幾日//

我好hardsell咩？ sor
咁耐以嚟都只係用過3間online pet shop，之前用foreverpets不過佢地真心貴，種類唔多。 天下貓貓順便做下善事；pph多款揀；我多數喺天下貓貓買

#235肥美可口•2017年3月20日 16:46:13
//主人已經15歲 有過2次尿石 仲超肥 應該食咩糧好
依家食緊hills隻防尿石處方糧 之前食開減肥糧都無用 //

你check左尿液ph值先，係正常（6-6.5）就唔好再食處方糧，最快係去金魚街買ph試紙

防尿石唯一做法係多飲水，你個case要全濕糧
（講真主人都咁大年紀比佢食好啲）
繼續乾糧只會再積石
揀低磷嗰啲罐頭，啱老貓腎臟，firstmate, fromm, thrive，zeal, 個表最右嗰度有，空白重整緊

唔好再信減肥糧，低蛋白低脂高碳水化合物，貓飯都健康過佢起碼有水分，最重要係控制食嘅分量

而且高碳水化合物會令尿變鹼性，又係增加生石機會

#245肥美可口•2017年3月24日 16:11:39
//正評留名 家中主子間中食SOLID GOLD同WELLNESS CORE. 好睬兩隻都唔錯.EVO會考慮下次買比佢地試下.

家中兩隻貓 一隻偏肥 另一隻老年貓 睇完個表對主食濕糧有興趣但好似每樣都有D唔好咁… 兩隻貓平時都識自己行去飲水,飲到好大聲但唔知點計佢地平時飲幾多水 //

生肉糧個成分好靚 價錢反映質素嘅
濕糧除左唔好揀有人造維他命k同卡拉膠，其他都可接受嘅，經常轉下牌子就得
有啲水兜有刻度，可以睇飲左幾多水

肥同老貓都啱濕糧
易飽肚同無咁多碳水化合物卡路里積聚
尤其老貓肌肉會易流失同個腎無咁好，優質動物蛋白可以keep番肌肉

#253肥美可口•2017年3月28日 10:58:08
//睇中Merrick肉粒罐，麻煩幫手睇下掂唔掂
http://petpethome.com/products.php?product=Merrick-無穀物貓罐頭–Turducken-火雞鴨肉-雞湯-5.5oz//

佢呢個系列有卡拉膠呀
同埋都幾高碳水化合物，個人唔太buy
間中試下都可以嘅

#254Mo姐你好嘢•2017年3月28日 13:47:23
guar gum? 佢同xathan gum都經常出現，真係冇嘅選擇太少仲要多數都係肉醬罐 我比較在意罐上面寫嘅係thickening/jelling agent 高碳水方面令我有小小卻步，都係諗諗先
唔該哂

#255肥美可口•2017年3月28日 17:43:16
Carrageenan 先係要盡量避免
其他膠只要隻貓健康都無大問題
Ziwipeak 舊版都有agar agar,算係最無害增稠劑
我見官網今年換左配方，乜膠都無，唔知香港幾時有

#261肥美可口•2017年3月29日 15:09:39
//想問下我而家長放Oven-Baked無穀物 雞肉+魚 貓糧同一日沖幾次羊奶比佢飲, 我覺得佢都幾大食下, 一日可以食幾十粒乾糧

兩個月貓BB會唔會唔夠營養? 駛唔駛比罐罐比佢食? //

貓B大食正常，發緊育，一日3,4餐都得
OB得無穀雞味呢隻糧可接受，而且你都有奶輔助應該ok

罐頭係代替乾糧等貓吸收多啲水，同埋易過消化乾糧，易吸收
但唔係隻隻罐頭都夠營養，例如applaws/kakato呢啲副食罐，只係健康小食，唔可以當正餐
推介NV無穀雞，因為係肉醬嚟細細個開始食會容易習慣，主食罐係肉醬多選擇

由細開始唔好慣左比魚味糧佢食，尤其吞拿魚，搞到咀挑就煩

#262肥美可口•2017年3月29日 15:58:59

//師兄請問呢隻糧有咩唔好/好,係咪都係MSG多?
佢話可以減肥但主人食左3年都超重http://www.royalcanin.hk/product-download/products/cat-products/feline-care-nutrition/light-weight-care//

簡單啲講呢隻糧無肉成分，主要成分只係一堆水解家禽(連咩禽都唔知)蛋白質同粟米穀物
粟米穀物有大量碳水化合物，只係暫時頂肚，比唔到營養隻貓，但就比左好多卡路里，因為貓只係適合分解動物蛋白質同脂肪作為營養
應該有嘅脂肪又唔夠，毛會變差，嚴重啲會有皮屑

一隻食肉嘅貓幾年無肉食好慘

唔好再信嗰啲減肥糧，只係將脂肪降低，用碳水化合物同高纖取代，嗰度都積左好多無用卡路里，高纖會加重腸胃負擔，隻貓又唔夠營養build up肌肉

想減肥認真揾隻健康嘅糧，最好濕糧，易飽肚
控制每日食嘅分量，唔可以餵多先係理想減肥
你可以再search 下點計餵幾多卡路里

#280肥美可口•2017年3月31日 06:08:51
//睇住卡路里，即係跟返佢個個建議？//

每個月減重唔可以多過0.5kg，要慢慢嚟

餵正常體重應該食嘅卡路里分量嘅80%左右
正常計法係貓體重kg x 30再加70=每日需要嘅卡路里

如果你隻貓重5kg就係220kcal
食少過佢就可以減到肥
由220kcal開始每日少啲，去到8成大概176kcal左右

貓糧通常有寫明每kg有幾多卡路里，除番需要嘅卡路里就知要比幾多g隻貓食

例如3800 kcal/kg，每g就有3.8kcal
220/3.8=每日58g左右乾糧

#284肥美可口•2017年4月8日 18:33:24
//想問下貓貓唔肯食罐頭啲肉點算
次次開罐頭我都會加少少水 佢每次都勁開心
但係次次都lum完啲汁就算 唔肯再食
我唔知佢係唔識食肉定點但係雞柳又識
不過都唔太肯食
佢至愛都係食乾糧 食緊formm

同埋想問點樣幫貓貓習慣返定時開飯
之前放開長糧 驚佢半夜餓
依家愈嚟愈大隻 想幫佢轉返 //

你比開咩罐頭食，貓可以好咀挑
呢度絲打有隻港女貓係某隻牌子只食某隻味
堅持餵罐係好事，試多啲唔同牌子唔同味，應該揾到隻啱食

餵長糧都可能係其中一個貓唔食罐因素
平時口痕就有嘢食，未試過等飯食滋味
（我兩個女都會嘈我比嘢食，佢地知我唔理佢就收聲，所以餐餐一定清晒唔會剩）

你狠心啲唔擺糧過夜就ok
貓貓有食嘢唔會餓親嘅

#291肥美可口•2017年4月26日 23:04:47
//oven baked 無穀物糧好唔好
正常歲半貓應該食幾多？
我餵幾多佢食幾多 成個金魚肚咁 //
得雞味嗰款好啲 魚味都高碳水化合物
不過始終對OB成分嘅硫酸鈣有啲保留，因為建築材料有用到，唔知長期食會唔會搞到有結石
間中當轉口味應該ok

乾糧係難飽肚啲，包裝有寫餵食分量，唔理嘅話肥左好難減番

#295肥美可口•2017年4月29日 15:15:01
//想問問煮生肉有啲咩要注意?
係咪營養唔夠?///

生肉要連骨頭（一定要生骨，熟骨唔餵得）同內臟，通常用攪拌機變成肉醬，一次過整定幾日嘅量

如果得肉（無論生定熟）就要另外加supplement, 有隻叫TC feline咁上下嘅綜合營養粉好啱用，計晒比例，又唔洗續款加

其次就係買現成生肉糧 不過如果擔心急凍嗰啲唔識處理易生蟲就揀冷凍脫水嗰啲，成本最貴但最方便

#296肥美可口•2017年4月29日 15:16:21
//想轉ANNAMAET
買開個間冇 大家係邊個網站買貓糧 //

暫時買開呢幾間
PetdogHK, petpethome, hktv

#299肥美可口•2017年5月15日 09:54:30
//有兩隻貓，一隻十幾歲老貓，一隻七八歲咁上下
細個隻前排有尿石
想問下應該食咩糧好d？
細個隻唔食濕糧
唔好太貴，平均$4x 一磅有無介紹？
謝謝//

好老實講再食乾糧生石嘅機會係100% ，而且本身生過就更加易再有，因為生石個主因係飲唔夠水（貓靠食物吸收水分多，本身唔鍾意飲水，亦無貓會飲得夠），尿太濃，令到結石沉澱。有人係唔信照餵嘅，所以你應該聽過有貓成日翻發

你話唔食濕糧係咪已經試晒香港有得賣嘅罐頭先？嗰度至少幾百款喎 試晒先再比結論都未遲

如果堅持要餵乾糧就每日用針筒餵水，按體重每kg60ml左右，如果4kg就240ml一日，相對問題無咁嚴重
反而咩糧分別不大，如果真係好擔心就盡量揀鈣磷含量低過1.5%，比例要喺接受範圍（個表最右）

#306肥美可口•2017年6月14日 01:36:01
//一直好想幫貓貓食好啲 但唔知點入手
主子依加1歲半 磅過4kg到 但都有個肚腩仔
一直食開乾糧 放長糧 食緊依隻
http://img.eservice-hk.net/upload/2017/06/13/14025255ea1e263abe4df71a3f38b5570f638d.jpg
我媽日日烚一條雞胸肉佢食
想問下邊隻乾糧好 //

好唔得呀呢隻，快啲轉，主成分43%竟然係糙米唔係肉 同老一輩比剩飯啲貓食一樣，但人地係濕糧點都好過呢隻乾糧 唔怪得得個肥字個身無肌肉，隻貓吸收晒啲無用嘅碳水化合物轉晒做脂肪，我隻貓都係4kg但無肚腩

Link 入面有一版講乾糧嘅蛋白質同碳水化合物比例，揀A以上都得，睇自己負擔，但你由呢隻糧轉要好慢先得，驚隻貓食唔慣好嘢會屙

#320肥美可口•2017年6月16日 12:51:32
//因為主人食極都唔肥，佢唔又唔係唔食野，但硬係就肥唔到，好似有少少輕DD咁。
黎緊想比人主人試下半乾濕 (中午乾 晚濕) 或全濕
想問下咁多位有冇濕糧好介紹，或者我咁既做法好唔好?
SORRY 離左題
P.S.依家食緊THRIVE//

幾歲幾重先？唔同種唔同性別體重都唔同，健康有肌肉就得，唔好盲目追求癡肥嗰啲 ，第時你同隻貓都辛苦
同埋食濕糧唔會食到肥，只會身型fit

我隻貓女11個月4kg左右，無腩，諗住到佢1歲cut埋午餐，應該keep住呢個重量

食緊thrive乾？佢隻罐頭都ok呀，無任何增稠劑，價錢唔貴。濕糧易揀好多，揾主食罐，成分避開魚同卡拉膠就得

千其唔好學：想隻貓變肥可以揀高碳水化合物嘅乾糧，通常平嗰啲，碳水化合物比唔到營養之餘重阻礙蛋白質吸收，所以隻貓會愈食愈多。碳水化合物帶嚟嘅卡路里因用唔著會轉晒做脂肪儲存體內，日子耐左你就得到一隻滿身肥膏軟淋淋嘅肥貓，同時你都要儲定睇醫生嘅錢，結石糖尿病脂肪肝等等

#332肥美可口•2017年6月18日 23:27:05

//BTW 想問問，乾糧唔轉都得既意思係一餐乾一餐濕咁？定係NV罐做主糧了?//

財政無問題當然全濕最好，一餐乾一餐濕都可以，每日一次濕糧都幫到隻貓補水，只要唔撈埋乾濕一齊食就得

NV脂肪夠蛋白質豐富，增磅唔錯，雞味重好平 大罐分2餐每日都係22蚊咋 因為如果要加益生菌食，每日兩次咁就唔使一下加好多驚影響口味，同埋每餐都有益菌幫助消化，所以我覺得你呢半個月可以試下全濕先

初初買一罐試下味

#345肥美可口•2017年6月19日 16:58:38
//絲打有無濕糧主食罐介紹?
隻貓食開oven baked 雞肉味無穀物全貓糧
有時會買ciao湯包/kakato副食罐加水俾佢
黎幾個月買咗噴泉式水機佢飲
但佢都好少飲水
另外我隻貓細個會食化毛膏，大咗唔食
轉過幾款都唔食
之後開始種小麥草俾佢，一日兩餐上面剪碎啲草放上面
咁樣食好唔好? 會唔會食太多?
主要係小麥草個頭頂打平剪落黎
thanks //

//小麥草成盆隊俾佢 好易就會食到吐毛 //

屋企得一隻肯原條食
我都係兩三條草咁剪碎，每餐加
食完一盆會隔半個月咁再種嚟食

主食罐揀無卡拉膠同避開魚味就無咪問題
揀幾款輪住食
我就Thrive, canagan, NV, country natural, firstmate, AATU, ziwipeak, animonda絕育配方，weruva雞肉都買過，嚟緊會試nature’s menu
tiki cat 都唔錯

#346肥美可口•2017年6月19日 18:05:46

//如果同budget有冇邊隻推介下？
solid gold全貓糧點同佢邊隻好d? //

SG嘅只有indigo moon 雞肉或者 high protein 雞肉覺得ok，兩個都比FC低碳

成分就大家差唔多，比我會揀SG嗰2款

#351肥美可口•2017年6月20日 11:59:17
//我想問下三個零月貓b想轉食濕糧邊隻啱

佢之前個主人俾RC 佢食 我拎到返嚟即刻轉左SG
佢都ok 鍾意飲水 但係我想俾多啲唔同嘅嘢佢食
感謝 //

絲打有心 細個開始食濕無咁易乾糧上癮

避開卡拉膠同魚味嘅主食罐就得，一般由雞，火雞，鴨開始。兔，鹿，羊新口味亦可一試，不過通常貴，經常轉下口咁就唔怕食厭

真係想比魚就避開吞拿魚，其他魚間唔中開心下

#357肥美可口•2017年6月20日 18:25:57

//其實食魚上癮會點 //

//跟機一問 如果買主食罐就買雞肉味個類會好啲？ //

最主要係吞拿魚太香口，對比其他肉會無味就唔肯食，touchwood病左可以引起貓有胃口，但食慣左連佢都唔食就好煩

本身都講左魚有重金屬問題，人食都有時貓糧好難無，貓咁細隻積得太多身體就易出事

另外魚係普遍致敏源，易令貓敏感，但如果貓食魚上癮，又發現對魚肉敏感，咁就好難轉糧（蛋白質敏感係長年累月計，唔係一時三刻發現，經常轉口味都係避免敏感嘅方法）

同埋魚味糧本身就貴過雞鴨嗰啲，我諗唔明點解要揀

#359肥美可口•2017年6月20日 18:32:57
//餵開rc 乾糧 原來咁差
轉咩乾糧會比較易入口
主人10歲 4kg //

RC食左10年？
咁嘅情況要轉有啲難度，可以試下thrive雞，雞肉比例好高所以好香

反而建議你擔心佢腎臟同尿道問題
平時濕糧多唔多比？每日過晤過2督尿同濃唔濃？

#369肥美可口•2017年6月21日 19:35:45
//我有隻英短食開fromm三文魚
本來D便便都好靚
但之後轉左orijen就日日痾爛
問過醫生應該係太多蛋白質所致
依家轉番fromm
叫做好左但偶爾都係會痾爛同少量血
便便好少會乾身一條條
以我所知依隻蛋白質已經係偏低
有冇介紹邊隻會仲好 //
以前我都會咁諗
但睇多左貓糧成分就覺得唔太可信
隨手一隻罐頭蛋白質都過60%
但你隻貓係咪食左罐頭都痾爛便先
唔係嘅話同蛋白質高低無關
反而係oeijen隻糧有好多蛋白質來源
有機會係受唔住某一種，搞到消化唔到

Fromm我成日聽啲人話貓食左靚便
你睇過成分就知，雖然成分靚，但同時有大量碳水化合物，大麥白飯呢啲難消化貓食左會全部痾番出嚟，屎會成形同硬身
情況就好似煮蒸雞加白飯／南瓜比肚痾貓食一樣，都係用嚟hold住啲屎耐啲同成形，無營養作用

Fromm貴唔貴先？有3-40%成分係對隻貓無用嘅食物 你可以揀隻同Formm一樣係單一蛋白質來源嘅糧但碳水化合物低嘅試下先，轉糧慢慢嚟
Canagan碳水化合物比佢低少少，可以試
Nature’s recipe 雞
Nutram T22

以下碳水化合物好低，轉糧要耐啲適
NV instinct ultimate protein 雞肉
Power of nature 無穀雞肉
Solid gold indigo moon 雞肉
Thrive
Wellness core

#375肥美可口•2017年6月22日 00:50:03
//想問下主食罐大概每日會食幾多罐
同埋每月要幾多錢? //

一歲前都可以一日三餐每次一細罐
每日全濕糧食thrive計，1pack12罐$148可食4日，30日太約千一蚊
大個仔每日2餐就得，740蚊／月

如果食ziwipeak 又唔同講法

#405肥美可口•2017年7月7日 18:42:04
//上網見有隻叫summit10既貓糧勁平，話係歐洲出口天然糧，太平驚賴嘢唔敢買
有冇人聽過?//

平係有原因
蛋白質只係到AAFCO 最低要求
好多營養素比其他糧低成半咁濟
牛磺酸夠膽死得30mg, 搞到我以為自已睇錯，正常1000～1500mg

#425肥美可口•2017年7月8日 14:50:36

//ZP出primal比邊隻好d? 因為zp平成截
汪喵係咩牌子黎 //

//primal你食咩味?
太高 protein會唔會易肚屙 //

Prima火雞同鹿肉，大概一個月一隻味
ZP係風乾，原理上比凍乾保存營養上差啲
同埋加唔到水變肉醬，因為水分重要所以P好啲
ZP買過風乾牛肉，都係當小食

高蛋白唔會痾
因為貓天生消化蛋白質，通常軟便係因為主人無控制餵食份量，尤其低蛋白轉高，舉例一直餵開60g一日，高蛋白糧可能只要40g就得，因為營養已經達標，無減翻份量就會營養過剩，尤其蛋白質比碳水化合物易消化，更快排出體外，腸吸收唔切就軟便

另一個因素係本身消化系統差，食開高碳糧習慣逼啲屎留喺腸耐啲先痾，通常屎都成型。但轉高蛋白糧即少左hold屎成分，所以去得好快，但腸胃無好過 呢個時候食翻消化酵素再配合下益生菌會有改善

#428肥美可口•2017年7月8日 20:13:18
http://www.petdoghk.com/petfood/cat/raw-barf/primal/primal/primal-freeze-dried-feline-turkey-formula-14oz.html

我係呢隻，一包有45-47舊，一餐2舊剪碎加暖水
如果屋企有位放急凍嗰隻重好
食前12個鍾擺下格解凍
又平啲

#488肥美可口•2017年7月24日 16:16:10
//兩個月大貓貓諗住買NV Thrive Canagan 三隻罐加乾糧 應該要點分配好 一罐75g分早晚兩餐？晏就食乾糧？同埋每次食罐再加少少水咁？ //

75g係細罐裝，我係一餐用
想慳就分兩餐但要補乾糧，分開食，食完濕隔一陣食乾

加幾多水睇你比幾多濕糧，貓仔唔過1kg每日只要60ml水就夠，一罐75g罐頭都已經有60ml水，所以只要達標就唔洗加水，直接比罐，如果分兩餐，又另外補乾糧，就要加水，買個小型量杯 加幾多水都知，好有用

#489肥美可口•2017年7月24日 16:19:06
//琴日係 RSPCA拎左隻貓女返黎12個星期大, 佢地餵開hills所以我都係佢地到買左包, 但見頭幾頁巴打們都話唔掂?
https://holland.pk/jifdeac
餵緊依隻, 但可能岩岩黎, 食野飲水都唔多//

呢隻係好差，買左唔緊要，轉糧都需要舊糧溝新糧，喺食晒舊糧前揀好新糧轉就得

#508肥美可口•2017年7月27日 10:36:59
//樓主你食果隻係咪即係”Wellness CORE 火雞拼鴨肉配方﹙無穀物)”粉紅色果隻呀 //

//無食好耐啦
WC剩係食過一包原味橙袋//

//咁你宜家食邊隻呀 //

早餐主食罐，牌子間唔中轉口味：thrive, canagan，汪喵，NV，ziwipeak，AATU
午餐vital essential 脫水生肉粒，乾食
晚餐脫水生肉糧加水：primal, 汪喵

VE隻脫水肉粒夠大有咬口，平時當小食又得
一比呢個我隻貓會煲住水咁食

而家嘅心態係關心點令隻貓飲夠水多啲，講真如果你一日比到一餐濕糧，配WC係最化算（剩係原味同火雞ok），好過其他貴價糧，例如orijen

#524肥美可口•2017年8月4日 18:52:40
//睇開op個表買糧，thrive三文魚成日無貨，加埋貓有腸癌易敏感，按醫生指示要食鹿／鴨／火雞／兔一類，轉左fromm隻兔加鴨糧，唔知個成份如何？

罐頭試緊ZP，但都唔知佢幾快食厭先麻煩，之前CANAGAN同THRIVE已經厭左 //

Formm係幾重碳水化合物嘅糧之一，平均都過3成，而且乾糧又有多添好物，好多無謂植物水果香料，唔肯定對 cancer 有無影響，我覺得食物種類愈簡單，腸胃負擔愈少

Nature’s variety instinct 都有上面啲口味
最近亦試緊台灣隻汪喵罐同脫水糧，都有鹿肉，口感係好水嘅肉泥，呢兩隻都無任何膠質，好啱腸胃唔舒服嘅貓食

#528肥美可口•2017年8月5日 12:00:07

//試過長濕糧，但計好數癌貓好快餓到四點叫醒我，同時細貓唔阿食，依家都係1/3 cup 乾糧加一罐罐頭做一餐，咁就無食剩

ZP似乎就已經fail，又唔食了

應該試邊隻乾糧好？其實依家貓醫院都唔太當佢係癌貓，反而係當IBD咁去Maintain。平時佢都只係食胃酸藥，類固醇同雲芝，發現同切左瘤同部分小腸近三年，都無做任何化療，純粹係食物度落手//

咁『你的貓』獸醫呢篇好啱你睇，佢建議食生肉

任何有關腸病嘅都唔應該再食高碳水化合物嘅嘢，對條腸係負擔，如果唔可以起身餵多餐，一係試下vitals essential 比小量隻脫水生肉粒代替乾糧，比乾糧大些小，有營養又健康啲，我平時都買嚟當餐之間小食。

係得呢幾隻主食罐無任何膠質 唔食唔得喎

https://img.eservice-hk.net/upload/2017/08/05/115800_b11e0afebe93f46f91856a9125c0c7b4.jpg

#543肥美可口•2017年8月8日 21:51:29
//https://img.eservice-hk.net/upload/2017/08/07/202224_2fbf3b649ce1594bbb5c4d305f32d415.jpg
屋企2隻貓b都係食呢隻
一隻無痾爛屎 一隻成日痾
轉邊隻好 //

好似求其一包個post提過嘅都好過佢

屙爛嗰隻係咪確保無生蟲？
係嘅最其本就餵主食罐加益生菌調理腸胃
最好停所有乾糧，唔得嘅最少都早晚濕糧
因為乾糧嘅碳水化合物同纖維令大便硬身，會在錯覺以為隻貓無事，搞到腸胃愈嚟愈差營養唔吸收，好易病
（我隻貓因為抗生素屙爛，搞左個半月先好番 ）

當腸道細菌平衡番就唔會屙爛，好番後就間唔中食益生菌當保健，如budget 有限到時先轉番乾糧，盡量keep一餐係濕

#544肥美可口•2017年8月8日 21:56:15
//貓仔屙軟便姐係代表咩？食緊wellness //

腸胃差 最common 係條腸壞菌多過好菌，所以試左主食罐加益生菌先，開蓋後記得放雪櫃

#550肥美可口•2017年8月9日 08:53:59

//https://img.eservice-hk.net/upload/2017/08/09/002921_8bf08c4f466348c1991180c663085fe0.jpg
https://img.eservice-hk.net/upload/2017/08/09/002921_51ba456a468bb05f918f1abfae40d0fa.jpg
其實我有藥滅寄生蟲 但係唔知咁細隻食唔食得 //

我都有比杜蟲藥但一樣中

所以嗰陣係比醫生驗屎，因為細貓抵抗力差好易原生寄生蟲感染，即梨型蟲，球蟲，滴蟲嗰類，中。普通藥殺唔死，要配合抗生素同日日洗盆消毒

#551肥美可口•2017年8月9日 09:26:52
//同埋想問問一日痾幾次屎正唔正常 //

原因好多
啲屎咩型，乾硬定濕軟？
軟身（未至於爛）：餵食過量，腸胃弱消化不良，糧差難消化
如果係好爛唔成型，小心腸胃炎／結腸炎
硬身：糧有好多消化唔到嘅成分（穀物豆薯纖維）所以屙番出嚟，比較少見係咁

#552肥美可口•2017年8月9日 09:39:37
//益生菌係邊買？//

寵物店有，holistic blend 係消化酵素加益生菌，方便但貴啲，dr goodpet 就分開嚟賣，百零蚊

消化酵素（mix左幾種酵素）好啱食乾糧嘅貓，因為食物中嘅天然酵素破壞晒，本身乾糧又難消化，貓又無消化澱粉嘅酵素，所以增加胰臟分泌酵素嘅負擔，長遠易患胰臟炎

全濕食罐頭唔洗成日食，可以睇需要分開比
生肉糧就無需要消化酵素

#555肥美可口•2017年8月10日 22:57:14
//之前睇左呢個post
本身食緊nature protection
跟住轉左evo
因為見nature protection 唔好就直接轉左evo
主子就痾爛屎 keep住
見佢咁就停左evo俾番nature protection佢
都keep住爛
之後睇醫生話可能腸胃敏感 又可能係低蛋白轉高蛋白
開左10日藥 而家食完就一半有形一半仲爛
有冇巴絲試過係咁
利申 主子2餐濕糧 中間先俾d乾糧
唔知關唔關屋企有人搬左過黎住事//

你完全skip左轉糧過程咁夠薑
同埋營養差咁遠你唔會分量比一樣掛？
食多過需要就會排番多餘嘅出嚟
無影響胃口屙爛嘅話補充消化酵素同益生菌就得
同埋補翻多啲水分

#586秦國幻茶•2017年8月14日 13:37:24
//個post太長慢慢追緊
但我地醫生話貓食乾糧就得所以我地一直大部分時間餵乾糧 因為會對牙齒好啲
有時會比肉碎 或者罐頭佢地（好少）
所以想問淨你餵乾糧得唔得
貓貓都飲幾多水下 （自己覺得 有無standard咩哪多）
佢依加兩歲//

好多醫生都話食乾糧好d 又話會對牙齒好d
有d聽到我話餵罐 就屌我叫我餵RC
但其實食乾糧同濕糧都要刷牙
濕糧D肉碎會攝係牙la個度 搞到蛀牙
如果怕刷牙可以買d唔洗刷既牙gel/牙石粉
飲水既話通常係40~60ml/kg
最好都係係食個度加埋 就一定飲夠

#587肥美可口•2017年8月14日 18:31:18
//但我地醫生話貓食乾糧就得所以我地一直大部分時間餵乾糧 因為會對牙齒好啲//

我個醫生話我餵罐頭遲啲隻貓就生腎石添
信佢就真係害死貓
而且我唔會為左啲牙犧牲個膀胱，腎，肝，胰臟
最多勤啲擦牙

#600肥美可口•2017年8月17日 19:33:16
//有冇更經濟實惠既plan?
ziwipeak 14oz我見平過wellness 12oz 唔知有冇睇錯
好似絲打你咁做法但每隔兩日餵一次罐得唔得,唯有督佢飲多D水
爬完文都怕唔夠水
不過點都想比主人試下唔同既野了解下佢D喜好//

你係睇錯左 wellness 係12磅裝，1磅有16oz，即係ziwipeak 1磅都無，佢係生肉脫水糧，唔同一般乾糧㗎

Wellness 要揀core無穀系列，配搭thrive（一pack買）／nature’s variety instinct 雞主食罐係比較化算嘅組合，但成日食同一款糧有機會引致過敏，所以揀多幾隻唔同價位牌子口味組合會好啲

一日半罐會好過兩日一罐，計好飲水量唔夠就灌水嘞唯有（睇貓，有貓唔鍾意灌水 ）

#605肥美可口•2017年8月17日 23:22:31
//白痴咁問多樣，食唔晒d 濕糧放雪櫃到第二日有冇太大問題？//

要用盒分裝，第日食用暖水開就得，最多擺24小時
有啲貓會唔食隔夜飯 如果佢唔食就算啦

#653肥美可口•2017年8月28日 15:18:22
//oven baked如何？//

剩係得無穀雞肉ok
但係接近60蚊一磅，我情願買thrive
同level嘅又有幾個平過佢
Wellness core（$41）
Nutrience subzero ($43)
Formm grain free ($35)
EVO ($37)
Holistic blend grain free($34)
Nutram grain free ($47)

#657肥美可口•2017年8月29日 11:42:04
//樓主你好
屋企有兩隻主子 其中一隻個腎差差地 (抽血返黎之前高normal range少少 宜家落返normal range)
宜家食緊RC fibre response 同WELLNESS CORE罐頭
想轉糧 WELLNESS CORE乾糧適唔適合?
驚唔岩隻腎病貓貓食 //

而家crea幾多？唔過140 umol/L (1.6mg/dL)都唔使擔心，最主要係補充足夠水分，腎要靠水維持健康，我建議係全濕食嘅
另外wellness 得signature 系列無卡拉膠，一係轉牌子

乾糧因爲蛋白質濃縮，只要飲唔夠水食靚糧可能傷腎，食差糧傷肝／胰

如果無辦法一定要食乾糧，最好揀低磷，Wellness 唔適合，好似core 原味 都有1.63%磷

反而以下呢幾隻都可以試下
Oven baked 無穀雞 1.1%磷
Nutrience 無穀／subzero 1%磷
Nutram T22/T24 1%磷
Merrick 鴨肉 0.9%磷
Annamaet 無穀 1.17%磷
Wildfield 1.2%磷

同埋要控制乾糧分量，唔好餵多過需要，因為用唔晒嘅蛋白質廢物（磷）要腎排走，只要腎功能開始衰退就唔可以令腎過勞。同埋每日確保隻貓飲夠水，如果放棄全濕食必要時要用針筒灌水

#661肥美可口•2017年8月30日 16:02:35
//主子係街貓黎 佢大約6-7歲左右 養左佢3個月左右
佢體重由岩岩開始3.3KG
1個月後變左3.8
再過兩個月後(姐係今日) 變左4.3KG

都叫做勉強摸到肋骨 但唔想佢再肥

同埋一開始睇醫生既時侯 佢腎指數(Crea)係1.6
果陣係餵緊兩餐濕糧

但醫生就主張餵乾糧 所以轉餵左 朝早乾(carat)夜晚濕

之後最近再睇醫生 Body Check多次 腎指數就變左(Crea)2.4 (已經叫NORMAL既最高)

佢仲SUGGEST我用RC乾糧 可以控制到佢個腎

究竟應該點做(一日餵幾多同食D咩最好)先可KEEP住佢瘦返DD 又對個腎好
求教 //

醫生識做 好地地濕糧轉乾連個腎都差埋，再順利成章同佢買處方糧

指數變到咁差應該同隻日本味精糧有關 真係差過食偉加
IRIS有講如果crea 係1.6-2.8 mg/dL，要再睇埋尿濃度（USG）正常為1.02-1.04，大過嘅話好大機會IRIS腎2期，腎功能剩 25-33%，由於貓只需要約25%腎功能，所以身體唔會有明顯徵兆，但你唔可以再比佢差落去了

食濕糧每日兩餐，每餐75g主食罐唔會肥好多，另外揀罐揀啲無咁高蛋白（40%以下），可以高脂肪，同低磷（1%以下）同埋溝下熟蛋白落罐，熟蛋白係少數優質蛋白質但極低磷，腎貓恩物

唔可以再食乾糧啦，身體不能脫水
你隻貓4.3kg重每日要飲到170-260ml水

#664肥美可口•2017年8月31日 12:20:04
//其實長遠想停乾糧，可唔可以推薦有邊啲supplements要加，唔該晒樓主//

咁推薦你睇蘇菁菁嘅「貓咪這樣吃最健康」有基本概念先，佢都有簡單食譜可試下

除左肉，要有鈣（骨粉／蛋殻粉），脂肪酸（三文魚油），牛磺酸，維他命礦物質（綜合營養粉／動物肝，心臟），少量纖維
比例每個餐單都唔同，要自做下功課了

#669肥美可口•2017年9月3日 20:09:58
//岩岩隻14歲老貓去完body check，獸醫話佢CREA到200，算係腎病既第二期，仲驗左有胰臟炎

本身一直食乾糧（老貓糧），獸醫就開左隻處方腎病濕糧：Royal Canin Renal (with chicken)

想問下呢隻濕糧成份如何？ 主人好似唔係好食得慣，食得好慢⋯ 諗緊好唔好轉同牌子既吞拿魚濕糧//

腎病要控制磷，胰臟炎要低碳水化合物，重可以配合消化酵素減輕胰臟負擔

RC不嬲都差，但佢隻腎濕糧係有效果同埋極方便，前題係隻貓肯食，如果貓貓唔食都可以喺佢肯食嘅濕糧中加入熟蛋白稀釋磷含量
另外除左RC, Animonda INTEGRA都有出腎罐，可以睇下隻貓食唔食

吞拿魚真係到隻貓乜都唔肯食先出動，驚本身重金屬污染對個肝唔好

#731肥美可口•2017年9月14日 09:39:23
// 益生菌有無牌子推薦？通常係咪200幾蚊有交易？
Thanks //

食物消化率問題 foodfurlife 有做到實驗食副產品罐同生肉糧屙屎嘅分別，愈天然愈少屎
http://www.foodfurlife.com/what-is-digestibility-and-why-does-it-matter.html
益生菌嘅話蘇菁菁有講過最好有呢幾隻，乳酸桿菌 （Lactobacillus)，雙棲桿菌 ( Bifidobacterium )，鏈球菌 ( Streptococcus )，腸球菌 ( Enterococcus )再加埋益菌生 (Prebiotics)更好，我喺買開嘢嗰間得dr goodpet有其中兩種菌同益菌生 好多都剩係得乳酸菌或者其他菌

#736肥美可口•2017年9月16日 15:23:39
//屋企兩隻主人，之前一直比開RC baby cat

一隻5個月大，RC乾糧完全唔食
每日一罐Thrive 雞/火雞

另一隻4個月大，乜Q都食 (比緊低敏乾糧)
但成日痾，兩隻都食緊蟲藥，以免互傳

兩隻對ZP既鹿，牛罐無乜興趣
對NV雞同thrive就扯晒

想幫佢地轉乾糧+食濕糧 我見有低敏配方既？
但如果兩隻食唔同糧會唔會爭食
同埋有無邊隻乾好介紹一下//

低敏無用架 一嚟好少幼貓食物敏感，通常持續食同一樣嘢幾個月到幾年，同時連帶皮膚敏感，痕同紅腫

幼貓大多數係寄生蟲引起爛屎，其次係腸胃發育未完好受唔到某啲食物，先搞掂蟲嗰到再食益生菌調理下腸胃

兩隻可以食同一樣，我係幾隻牌子輪流食，因為只係午餐同零食用，偏好細包裝 （thrive, devoted, ziwipeak, Vital essentials, wellness core）
記得高蛋白糧要控制餵食份量，唔好營養過剩痾翻出嚟，到時一樣爛屎

#740肥美可口•2017年9月17日 14:20:00
//前幾日佢地屙血又肚屙 帶左佢地睇獸醫
話兩隻都有腸胃問題 其中一隻有輕微脫水
開左7日既藥(益生菌+杜蟲+抗生素)同hills腸胃罐頭
我想問食藥期間d屎偏綠色係咪正常？
因為佢地都屙左兩日偏綠既屎 唔軟唔硬咁
同埋hills罐頭食哂之後點樣比佢適應食幼貓糧？
依個case真係想餵幼貓糧可以有咩牌子一試？merrick？
如果係診所配rc幼貓糧好唔好？（聽講診所既rc好d?）
好驚佢地細細個腸胃比我整壞左
Sorry 好多問題 實在好擔心//

首先你要冷靜啲 貓仔細屙爛唔奇，加上又要食抗生素你預2個月調理先會正常翻（醫生驗左大便有蟲？用到抗生素啲蟲好煩，要每日熱水洗盆托地，否則殺唔死蟲卵會不停感染）
我嗰隻又係抗生素杜蟲期間啲屎偏綠，食完藥再驗屎已經無蟲
https://img.eservice-hk.net/upload/2017/09/17/133954_28505d271297dd53a21514bfd60eee69.jpg

食嘢方面清淡有營養就得，thrive/canagan純雞肉主罐，間中加啲魚油補充omega脂肪酸同幫助消化。腸胃差要cut乾糧，難消化成份雜

益生菌唔知醫生開邊隻比你，粉狀係最好，嗰時醫生係比針筒型膏狀比我，因有大豆油我無用到，自己另外買，食抗生素時益生菌要食比正常量多一倍，我係每餐加入罐食，完左療程就比翻正常份量

我就唔推薦RC 同埋唔使執著幼貓糧，成分唔見得得別好

#769肥美可口•2017年9月24日 18:10:46
//主子轉緊糧軟便左3日，唔知屙水但d 屎係一pat, 會痴屎忽，新：舊係1:1 x5 日，少食多餐呢個方法可唔可以改善到 同埋要停罐罐？//

新糧太多會刺激腸胃，尤其本身腸胃就麻麻唧貓
正路係9:1, 8:2咁加上去

不過你都試左幾日，腸胃適應緊，轉嚟轉去重衰，照去都得，小食多餐ok
罐係邊種？如果係有膠質嗰啲就停左佢，無膠可加埋益生菌照食

#811肥美可口•2017年9月28日 11:34:14
//想問下肥美可口巴打
我新手養貓 之前咩都唔識去寵物店俾個老闆昆左買natural core既幼貓糧 仲話無穀 睇完個list想買wellness core 原味幼貓糧 （唔係2017版） 但去過勝利道同其他寵物店都係得2017版

肥美巴知唔知邊度有得買 上網睇都好似唔見有
如果唔係有無推薦邊隻糧？ 因為我見就算list 既 a+都可能有味精 //

無味精要脫水生肉糧嗰啲啦
始終係澱粉成型嘅食物，肉又高温處理又乾，要靠啲味引隻貓食 一係試下thrive（用gravy～肉汁），devoted （用stock～上湯）呢啲用其他代替味精

Core幼貓可以睇背面 guaranteed analysis ，crude fat係12%定18%，18%就買得過

#815肥美可口•2017年9月29日 18:37:11
//咁evo 全貓糧巴打覺得可以嗎 依家隻貓大概2個月
另外睇spreadsheet見灰質 高過10%有咩影響？ //

可以但唔好揀魚味（其實最好咩牌都唔好揀魚 ）
呢款魚味糧嘅鈉好高，多過一般牌子成倍

灰質即係礦物質，對健康又飲夠水嘅貓無影響，係生過結石或者一日屙唔到3次尿嘅貓要留意，吸收過多易生尿石

#870肥美可口•2017年10月20日 18:17:02
//我想問下點解purina proplan幼貓糧係紅色唔建議食？因為個list度寫個蛋白質都算高，碳水化合物又算低。

呢隻糧我隻b女而家食緊，我乾撈濕撈埋罐咁俾佢食。雖然佢其實都唔係好吼，個衰女包成日淨係lam哂d罐罐同水淨番哂d乾糧

我琴日問個獸醫如果食完呢包purina想轉第二隻乾糧邊隻好，個醫生介紹hills同royal canin, 話呢兩隻做哂研究係最好，雖然我明眼人一看就知係因為呢兩隻佢診所有代理賣 點知返來睇下呢個list就見到呢兩隻連埋purina都係紅色不建議食

所以想請教下邊隻幼貓糧推介？我隻b女3個月 //

寵物食品界三巨頭 只可以話佢地有好多錢請打手賣廣告搞贊助

除左睇蛋白質碳水化合物，重要睇成分，如果red左一定係用左動物副產品，粟米，多數唔講明用咩防腐劑，將唔值錢／人唔要嘅嘢撈埋整出嚟賣到好貴

我無買過幼貓糧，啲貓由細到大都係食開全貓糧，無論罐定乾 食過wellness core, thrive, devoted, nutrience subzero,性價比wellness core唔錯

#894肥美可口•2017年10月25日 13:47:09
//Sorry 最近轉糧好煩惱所以問到1999。
想轉呢隻，請問呢隻好唔好？
如果唔係幾好有無對老貓好啲嘅糧推薦？//

睇下你信邊派
有啲會認為老左腎功能差要低蛋白質，唔運動又要低脂（但呢班人會忽略左碳水化合物，當佢唔存在咁）

另一啲認為正因為老左代謝差左需要更多蛋白質維持肌肉，所以應該食優質蛋白質食物但份量少啲

我係支持第二個睇法，而且因年紀大更加要照顧腎臟所以轉糧不如轉濕糧最好

canidea 我覺得剩係得無穀elements好，其他都係太高碳水化合物，有啲重多過蛋白質，明明貓係食肉

PS蘇菁菁節錄，買本睇下
https://img.eservice-hk.net/upload/2017/10/25/134358_f1c55af88a193f46a31c217080857eb6.jpg

#901肥美可口•2017年10月25日 18:06:18
//有咩糧係少啲蛋白質又健康？thanks!!//

你少嘅定義係幾多？
我著重碳水化合物比重，所以蛋白質(dry matter)低過40%就算低了，其實高蛋白餵食分量係比低蛋白少㗎，好似ziwipeak 風乾肉佢建議嘅每日份量係一杯仔，同一罐canagan差唔多 你每日到底比左幾多g乾糧隻貓食，會唔會真係比多左佢消化唔切？
https://img.eservice-hk.net/upload/2017/10/25/180445_bcdfbf733f973fa1aa5271e53a48d0ab.jpg