original post link
#1HSWS•2018年5月29日 14:17:46
背景:
80後, 無父幹, 15歲出黎做兼職, 大學畢業, 試過輸哂成副身家, 痛定思痛, 而家儲到超過HK$5M, 經歷緊人生so far最低潮, 比呀媽叫唔好自殺.
有人想聽我會加速打, 無就等佢沉.
#15HSWS•2018年5月29日 16:09:40
回番樓上先. 全真人真事, 不含一滴水份. 圖我會盡量諗下點加插.
係, 其實應該5球半到, 靠自己, 有樓有股票.
而家極速打緊, 因為打字真係慢, 唔係想拖住大家. 唔好意思. SORRY SORRY.
#18HSWS•2018年5月29日 16:21:11
//點輸身家？//
輸股票.
#19杯麵•2018年5月29日 16:22:25
有5球半 人生低潮 姐係有病?
#20HSWS•2018年5月29日 16:23:13
//80後 大學畢業 5m
同一般人有乜分别 //
其實無特別, 主要係近排心情真係極度低落, 加上準備進入30歲, 想寫篇文總括一下頭30年.
#21HSWS•2018年5月29日 16:37:14
多少背景.
小弟今年29歲, 就黎30. 細個屋企極窮, 老豆老母做野好辛苦, 6個人, 住300呎唐樓 (我知好過好多人, 盡無冒犯).
想由小六開始寫起, 細個成績極差, 好比心機讀書, 但係讀極都讀唔上, 小六派位, 派左一間極差既中學, 係觀塘區, 男校, 童黨燒屍個間.
個一下, 其實都唔知發生咩事, 因為同九龍塘個間個名好似, 以為自己入左BAND 1名校.
於是, 即刻同老母搵學校, 個日落好大雨, 周圍搵學校面試, 個下既狼狽, 呢一世都記得.
最後搵左一間同區既中學, 都係男校, 一樣BAND 5, 只不過無咁衰咁解.
頭3年, 又係讀極都讀唔上, 老母都有否定自己. 記得有一次, 隔離屋問我讀邊間, 佢聽錯係另一間BAND 1既中學 (觀塘區有兩間官校, 個名好似). 我老母竟然話係, 個一下, 我真係好唔開心, 連自己呀媽都否定左我.
係頭3年, 我真係好勤力溫書, 但係真係讀極都唔係好叻.
有諗過係唔係會考完就要出黎做野.
#22笑死鵝•2018年5月29日 16:37:22
//80後 大學畢業 5m
同一般人有乜分别 //
一般80後點儲五球仲要有樓
資產值過千啦
佢仲要係輸過成副身家
#23HSWS•2018年5月29日 16:38:13
//一般80後點儲五球仲要有樓
資產值過千啦//
Sorry sorry, 表達得唔好, HK$5.5M計埋樓.
#24豐乳慾來•2018年5月29日 16:41:05
靠樓市升值?? 快打
#29HSWS•2018年5月29日 17:45:24
上到中四, 開始睇下間中學既入U率, 唔睇都無事, 一睇, 對上幾年都無人入到大學, 最叻個個都係讀ASSO, 我問我自己, 就算比心機, 入到U既可能性都真係好低.
唔理喇, 都係過左第一關先, 考到會考, 考到中六先. BTW, 我間中學差到, 7分都可以升中六, 大家可以想像到成績有幾差.
同一時間, 岩岩升中四, 我識左一個女朋友, 亦即係我而家既老婆. 容許我打多兩句, 佢係一個又靚讀書又叻既女仔, 好多男仔追, 但唔知點解佢揀左當時既我. 如果我仔女第二時睇到呢到, 我想講你老豆真係好彩.
講番正題, 過左兩年, 好好彩, 比我考到17分, 直升中六, 仲係幾年以黎最高分個個.
#35苦菩提•2018年5月29日 19:58:35
你咁既垃圾學校都有心去溫書 你都算係咁
#37你您李•2018年5月29日 20:24:46
層樓要供完你先有5M喎，如果未供完係-5M
#39HSWS•2018年5月29日 21:14:18
//我識左一個女朋友, 亦即係我而家既老婆//
佢係初戀, 亦係我老婆 而家做人媽媽, 我地兩個細路.
遲D慢慢都會講到.
#40HSWS•2018年5月29日 21:17:27
//他日你自殺死左我都記得你故事 //
係, 呢個係最主要既目的, 到時死Q左, 都有人知道我發生過咩事.
#49HSWS•2018年5月29日 21:34:43
係等放桍既時候, 開始左我第一份暑期工.
幫間補習社派傳單 – 個陣係廿蚊一個鐘, 要洗樓, 要係學校門口幫, 呢樣唔係問題.
最慘係要幫老板娘摺傳單, 個陣無最低工資, 比人壓得好勁, 十蚊一個鐘. 諗番真係好Q低人工.
做左大概兩個月, 跟住就開始派報紙, 個陣頭條日報岩岩出, 30蚊一個鐘, 朝朝每日6點起身, 搭兩個地鐵站派. 同時間, 夜晚加多份兼職做neway buffet bar, 廿幾蚊一個鐘, 比人屌到飛起, 做左一星期, 比人屌得太勁, 嬲嬲地就唔做.
就係咁, 係升中六既暑假, 就開始左我自己搵自己洗自己儲既日子.
#50HSWS•2018年5月29日 21:38:31
//小弟 94，一直都係靠食 SSRI 過活，人愈大愈覺得灰，真係睇唔見自己會有出路
你都算係咁啦，天倫之樂 //
小弟88年, 做會計. 其實我都係好彩, 早大家幾年出世.
千奇唔好灰心, 一定有出路. 天道酬勤.
#51發燒幽靈•2018年5月29日 21:41:51
80後，戶口得五萬，你既人生最低位可能已經高過我人生高位
#52玉桂狗王子•2018年5月29日 21:43:12
老友 仔細老婆嫩 撐住呀
#53Uranium92•2018年5月29日 21:46:40
同樓豬一樣年紀，一樣中六暑假開始打工，但係仲蓄緊錢結婚
#55HSWS•2018年5月29日 22:10:56
//老友 仔細老婆嫩 撐住呀//
多謝!
#57Windbreaker•2018年5月29日 22:18:41
觀塘官立中學 同觀塘功樂官立中學？
#58HSWS•2018年5月29日 22:21:40
做完3個月野, 就正式高考開學, 呢兩年入面, 同前兩年一樣, 讀書讀書, 唔同既係, 呢兩年我有KEEP住上門補習, 去補習社幫人補習, 自己去補習, 兩年黎都係咁過.
係呢兩年入面, 我識左一個對我影響好深遠既人, 佢係我一個英文補習老師, 佢而家仲係BEACON教緊, 佢除左幫到我入大學, 仲教識我點對人. 點樣去講一兩句, 佢以為好小事, 但係人地會記一世既說話. (遲D我會打多D關於佢既野).
最後, 考完哂試, 鬆左一口氣, 等放榜.
#59xda-2•2018年5月29日 22:22:10
講真10 幾年前無學歷出黎做廚房
住屋企8000 個月
做得好升得快好快就兩萬
儲夠首期就買樓(果陣仲要有9 成半按揭)
而家有500 個唔出奇
#60HSWS•2018年5月29日 22:22:53
//觀塘官立中學 同觀塘功樂官立中學？//
YES, 我讀觀功, 人地問我係唔係讀觀中. 我老母竟然答係.
#61莫等待•2018年5月29日 22:24:24
究竟係總資產500萬
定係Cash500萬
定係層樓值500萬
5球野講咩低潮呀
又有老婆有仔女，咩料
咁又係連登仔22歲醫生律師
#62HSWS•2018年5月29日 22:31:15
唔好意思, 講得唔好.
Total assets =HK$13.5m
Total liabilities = HK$8m
低潮唔係剩係錢, 可以健康, 可以家人, 可以事業.
唔係醫生律師.
#64老婆好大波•2018年5月29日 22:37:26
我諗80後唔知叫好算定唔好彩
冇70後仲食到尾水咁易上位
但係真係冇90後成長環境咁混亂
同樓主咁上下經歷, 不過好彩過你小小
唔騎劫啦
樓主繼續啦
#69HSWS•2018年5月29日 23:18:44
就係咁，係日溫夜溫既情況下，比我考到一個幾好既成績，入左城大會計。
係到，我想借位講一件事。
個陣我未知自己升唔升到大學，我個英文補習老師以經叫我大學黎幫佢做助教，我即刻答佢，下我未必入到u架喎。但佢好肯定咁答我，信我一定得。
係year2個年，知道要去半年overseas internship，佢又係第一時間同我。去啦，我地等你番黎。
到我搵到份grad job，又係佢，同我講放心做，做得唔開心，番黎幫佢手。
到我差不多畢業，講起grad trip，撞正2010 world cup，佢知我鐘意踢波，話我幫左佢咁多年，請我去。當然我無要到。
我真係好好好好好彩，係成長路上有一個咁相信自己既人。佢比到信心我自己，教左我做人點對人。教左我唔好怨天尤人。教左我力求上進。k, 多謝你!
講番正題，係呢三年入面，我幫佢做助教，自己又出去幫人補習。日做夜做，有時學都唔番。就係咁，儲左差不多十萬蚊畢業。
用電話打，唔知有無錯格式。有錯唔好屌。
#70HSWS•2018年5月29日 23:21:54
//靠老婆會發達//
盡不靠人，無父幹，無軟飯。
靠既係靠老婆呢15年黎既扶持。
同靠老母呢30年黎既照顧。
#73HSWS•2018年5月30日 00:13:37
其實我本意係想打篇文, 講呢30年見過既人, 聽過既野.
但大家覺得慢, 其實我唔想, 一黎做野唔可以打咁多, 二黎我打字真係慢. 咁我好快打個SUMMARY.
HK$5.5M, 有HK$1.4/5M係買樓賣樓賺番黎. 有HK$2.5M係而家既樓既升值. 另外有百幾係搵番黎儲番黎.
26歲結婚, 27歲生第1個, 28歲生第二個.
#77HSWS•2018年5月30日 00:17:32
//犯太歲啫//
我老母有D信風水, 佢都係咁講.
我將件事同朋友講, 佢地都屌我, 覺得好小既一件事. 但在我黎講, 係一件好大既事.
#84吾系甘開心牙•2018年5月30日 00:47:44
真人真事有興趣
頂住阿你 首抽咁辛苦你都行過黎 過埋呢關人生又去到另一個高潮
老婆同你又候生 已經有兩仔女 又有資產係手
唔好諗咁多令自己唔開心 學識放鬆下
#85程蝶衣•2018年5月30日 00:57:51
兩個小朋友仲咁細你捨得錯過佢地嘅成長咩
有個陪伴咗自己咁多年嘅老婆仲要由最純個時期開始到家下你又捨得留低佢咩
巴打點都好 你要加油 佢哋會係你嘅動力
#87xda-2•2018年5月30日 01:17:08
//兩個小朋友仲咁細你捨得錯過佢地嘅成長咩//
唔知你有無小朋友， 如果得翻小朋友作生存動力其實好撚灰
#88程蝶衣•2018年5月30日 01:25:45
//唔知你有無小朋友， 如果得翻小朋友作生存動力其實好撚灰//
仲有老婆仔嘛
因為成日聽老母講我地係生存動力 唔捨得掉低 所以先仲生存緊 所以我會咁講 不過其他人點諗可能唔同
#90擲公字•2018年5月30日 01:45:50
同為80後 讀書唔成 中5畢業
年幾前儲落嘅錢搞小生意失敗 要問緊女友借錢食飯
一年時間搵左1.8M 以為自己離成功好近
可惜可以好突然咁好似咩都無晒打回原形咁
同樣經歷緊一個難關..
雖然好驚
但我知道呢個係過程黎
所以樓主一齊加油
#94自己一個不開心•2018年5月30日 02:56:51
都有少少用既
但個個人都唔同
其實係咪得香港先咁公式要幾多歲就要有d咩?
大不了咪一世都唔結婚痴屋企囉
#98HSWS•2018年5月30日 05:40:33
//希望你分享下股票心路歷程同埋咁多年黎既人工變幅 //
多謝你。
我而家打哂出黎，唔想比大家覺得我係拖。
買股票，買細傾股，畢業輸哂十萬，痛定思痛，跟曾淵滄買大blue chips, 高位試過贏3，40萬，又係貪勝不知輸，輸番哂。
人工，做會計。
第一年11k, 打後18k, 25k, 33k, 40k, 51k, 58k, 62k，計埋bonus, 而家約70k一個月。
#100HSWS•2018年5月30日 06:03:39
//你咁既垃圾學校都有心去溫書 你都算係咁//
岩岩睇番個留言，想澄清下，我間母校，其實唔係咁差，係成績真係唔好，讀書風氣唔好，但我都多謝入面既老師教過我既，幫過我既。
之前有同d老師傾過番去義教，但最後唔成事。
所以，想講既係，我真係多謝我母校。
#108HSWS•2018年5月30日 08:25:44
//加埋物業先5m其實唔多
你full pay 就另計 //
同意。所以篇文既重點其實係總結頭30年既事情。
如果係full pay 就千2萬啦。
準備番工，搭車寫多篇。
#110一連鳩頂•2018年5月30日 08:34:19
成撚日係到錢錢錢
連登仔好撚煩啊
反而想聽樓主對會計既睇法
有咩咁吸引
點解可以係差d既環境之下
有動力 有方向咁考到
#112我唔賣比你•2018年5月30日 08:35:54
我等緊你話俾呢度 d 小朋友聽
點解做人唔係搵到錢有閪屌(excuse me)就一定開心
By the way 做人除咗死同繼續受苦
永遠都仲有其他路
唔一定要放棄一切
可能放棄一部份已經足夠令你有力量再去尋找快樂
最後請考慮尋求專業人士協助
#117HSWS•2018年5月30日 09:03:42
上文講到係大學儲落十萬。
加多一句，係岩岩升year 3個陣已經搵到份grad job，所以係個一刻，基本上我都無咩望，開始唔點讀書，日日都做兼職，連first hon都無埋。
最衰係走去買細價股，8079，8078，一下過輸左幾萬。
記得有一次，去補習前買幾萬蚊8079，補完習出黎睇一睇，無左一半。心諗，我係唔係din左。
同時其實我都買大股，2038，一買，佢就11定12連跳，又無左幾萬。
玩下玩下，差不多輸哂，得番萬幾蚊，重新起步，去做我第一份工。
個一下，痛定思痛，同自己講，唔好再玩呢d野。
雖然輸哂大學既搵番既錢，但係大學個3年，見到補過我既學生，鍾意左會計經濟，揀左條我一樣既路，見到兩個學生，入埋同我同firm，做同事，個感覺都幾神奇。
#121HSWS•2018年5月30日 09:14:05
//成撚日係到錢錢錢
連登仔好撚煩啊
反而想聽樓主對會計既睇法//
會計睇法呢個好好idea, 遲d開一篇寫呢樣野。唔好意思，要拖一陣。
動力其實係黎自我老母，我知佢好想佢既仔女入大學，我一定要佢好自豪同人講呢個係我個仔。
同埋仲有一個心願，就係要買層樓比佢。
我諗野係直線思維，每一個時間只能做一樣野。我諗我老婆就係欣賞我呢樣野。
雖然講就講29 30歲，其實都係80後。但我個人無娛樂，無（士）好，唔打機，唔鐘意去旅行，無ig，無snapchat，Facebook極度inactive. 岩岩睇番對上一次post相上Facebook 係2年半前個仔出世
#123HSWS•2018年5月30日 09:23:02
//我等緊你話俾呢度 d 小朋友聽
點解做人唔係搵到錢有閪屌(excuse me)就一定開心
最後請考慮尋求專業人士協助//
多謝你！
其實我係極度極度唔開心，好低落，對自己好失望。但我無想過去死。
比著以前既我，可能真係會咁諗。因為我好執著，對自己既學業事業睇到好重。
我搬左出黎住3年，我老母開始同我無好close咁傾計佢先咁講。
有個朋友叫我唔好將件事帶番屋企，講得好岩，所以我先想打d總結出黎傾下計。
好多謝大家一齊睇。
#126我唔賣比你•2018年5月30日 09:35:23
你人生唔 balance 其實好難開心
Social – Work – Leisure 唔平衝個人會好易空虛
情緒好易唔穩定
你做人其實為乜？
#128HSWS•2018年5月30日 09:59:42
//你人生唔 balance 其實好難開心//
其實都唔係咁極端, 我耐唔耐都會出去飲野, 每星期都會踢一次波, 只不過真係唔係好岩打機, FB, IG, etc.
第一次係旅行係21歲, YEAR3畢業, 但生活開始Stable落黎同埋仔女出左世, 而家一年去兩次旅行到, 黎緊去俄羅斯, 一圓睇世杯既夢想. 你講得岩, 好彩有個世杯, 個人先有D動力.
#129鼻敏感好辛苦•2018年5月30日 10:02:24
支持樓主 好有毅力
唔洗理啲人講要加速啦 跟返自己嘅節奏打出嚟
啲人又唔洗返工又唔洗打文淨係識催 我係讀者會想睇樓主自己嘅鋪排多啲 唔洗急
#130Patrick_Star•2018年5月30日 10:12:39
有錢有樓有女有仔女，點解會想自殺
呢到應該好多人因為冇先想死
#131瑞典足球先生•2018年5月30日 10:20:32
有兩個小朋友都捨得死
養樓養兩個 生活壓力好大?
#133事事關心•2018年5月30日 10:36:51
講咁耐 都未到戲肉
我暫時睇到幸福美滿但無病呻吟
#136戚岱岱車婉婉•2018年5月30日 10:52:12
睇完樓主打既野，自卑到想自殺
#138吸血王子•2018年5月30日 10:52:55
//低潮係邊
睇樓主寫既經歷，我覺得佢人生好順利就真。//
每個人既低潮都唔同既
不過暫時睇樓主人生真係幾順利
有好多人 有努力過都未必好似同樓主一樣
例如有貴人幫你一把 同埋有個好既女人係你身邊
我諗有其中一樣我都滿足
同樓主差唔多大 一事無成
最愛既人又無揀自己 嫁咗人
#139載入中…•2018年5月30日 10:58:44
各位唔洗咁快屌住
每個人既目標都唔同, 我諗呢度多數人既目標都係安逸, 所以見樓主物質豐富先屌
樓主既目標已經可能係另外一d野, 始終人望高處, 你一個月60k 唔通個目標仲會只係儲錢過世就算咩
所以唔洗咁快屌住, 肯追落去既咪設身處地諗下樓主煩惱囉
#14033歲（中產）•2018年5月30日 11:03:58
樓主，大家都係80後。不過你28歲已經生小朋友
我30歲先開始定性。 結婚個個亦都唔係拍左7年既女朋友。31歲生第一個，而家老婆有左3個月準備迎接第二個。
#142煩糕•2018年5月30日 11:18:56
雖然咁睇樓主既人生都算好彩，但我又覺得樓主唔係晒命既，佢都係想分享返佢既人生經歷姐
我諗有時真係說者無心，聽者有意。人好多時都會聚焦係自己無既野同不自覺同人比較，我諗我d fd成日都羨慕我有拖拍又話我人生好好多，但我掉返轉諗，我反而覺得我fd仲好過我，佢起碼兄弟姊妹感情好，屋企又有私樓，起碼唔洗擔心將來兩老既生活
我就屋企無樓，都唔知自己有無能力買得起，屋企人年紀又大，真係好大生活壓力，但人地只會見到我好彩既一面，而忽略左佢地自己好彩既一面。
好似我係IG只係兩至三個月po一張合照，都比人話我成日晒命 我心諗日日po個d叫咩
#152路人走過•2018年5月30日 12:12:56
關關難過關關過
有好多事發生左改變唔到，的確冇辦法
唯有接受，成為人生一部分
過多二三十年睇返轉頭
感覺會減輕好多
到時候自己就會有另一番體會
#156屠龍大俠•2018年5月30日 12:33:59
其實番私人工， 拎到 e 個位既人工壓力係大
除左準時出糧 e 個好處， 每日番工都可以係處理屎一般既事務
不過你有兩個細路， 有樓， 有老婆
反抗既機會成本都高
係時候諗 d辦法走出 comfort zone
#161MHI32800M8•2018年5月30日 12:43:20
樓主繼續打 人大左就想睇下其他人既經歷
我year2 升緊year3
上年年頭起開始玩牛熊期 截至上兩星期係31500 放左我隻熊 總共輸左10萬左右 全部自己PT搵返黎
而家要重頭起步好灰 亦無樓主讀account咁前途無量
#166山下智久我男朋友•2018年5月30日 12:52:30
可唔可以講下你老婆係點扶持你
#170新蒲崗•2018年5月30日 12:58:45
樓主我知你好慘
但連登出名係loser集中地(包括我自己)
根本唔會有/好少人明你個狀況 所以你上黎呻都無用 過主罷啦
#176岡本熊 •2018年5月30日 13:28:55
唔明點解個個覺得做會計好 聽親身邊個個都話要捱夜 入big4係做狗 人工低又辛苦
#178二人同行•2018年5月30日 13:31:35
講咗咁耐都仲未睇到有咩低潮。就咁睇起碼學業事業家庭上都唔錯了。我條路同樓主有啲似。讀書好過樓主好多，但事業中間遇到低位，結果到而家，比樓主大幾年，但比樓主搵得更少，仲要無老婆仔女 。
#183岡本熊 •2018年5月30日 13:39:01
//唔明點解個個覺得做會計好 聽親身邊個個都話要捱夜 入big4係做狗 人工低又辛苦//
但中間啲辛酸真係無人知 都唔係個個頂得住
#186脆香雞翼•2018年5月30日 13:41:32
仲以為係好慘情 暫時睇到依家都係好幸福
70k 有愛你老婆 有仔女 有樓 有正常父母 難聽啲講句 呢啲已經好幸福都不滿足
#188HSWS•2018年5月30日 13:43:43
//有錢有樓有女有仔女，點解會想自殺
呢到應該好多人因為冇先想死 //
其實我無打算自殺, 呢個係我老母仲停留緊我係佢個仔既睇法, 但呢3年我地無一齊住, 做左人老豆睇野唔同哂.
我只係極度低落. 極度唔開心.
原諒我真係唔可以打件事出黎, 但我見樓下講得岩, 係一D事業既挫折.
#194HSWS•2018年5月30日 13:52:20
//好似你個年代 或者再早少少果班人 要搵食都係做會計
小弟無知 想知以前做會計係咪=養得起成家？//
我自己覺得, 做會計, 餓你唔死. 係唔係養得起成家就睇黎窮養定富養.
係. 年年升.
但而家頭5年都唔係年年升. 好似愈黎愈難搵食.
#197寶寶寶泡泡龍•2018年5月30日 13:55:54
//我自己覺得, 做會計, 餓你唔死. 係唔係養得起成家就睇黎窮養定富養.//
睇睇下你有d似我同學爸爸
但佢係冇乜讀書 大過你我諗十幾年 進修再做會計 做到而家十零萬一個月 有層過千萬樓 2個仔咁 又係d超勤力做足7日既人
樓主加油
#198賭仔•2018年5月30日 13:56:48
90後 細你幾年 打份牛工得30k
之前又係爛賭輸身家 輸左幾十個
依家得返30粒
幾年後有你一半咁成功都好
#2007步之遙•2018年5月30日 13:58:16
//想好快打段字仔求開解但驚騎劫樓主 //
//歡迎.//
90後
窮撚
細個環境ok
但老豆爛賭跟住破埋產
小學中學冇咩朋友
dse後入asso
yr 1 拍拖 yr2 分手
同時一個好親既親人cancer走左
佢走嗰刻都仲問緊我有大學讀未，但我都答唔到佢有
碌碌下叫做入返大學
2年都係冇朋友
宜家打緊份contract 工，前途未明
前排屋企又走多一個老人家
送佢最後一程嗰日我已經唔識喊
覺得人生冇意義
更唔好講女，咁多年追咁多個都係失敗
見到巴打你地我真係好羨慕
究竟有fd叫埋一齊去玩，由fd變女朋友變老婆既感覺係點
#208卡尼。迪布尼•2018年5月30日 14:05:33
大你兩年, 生完小朋友唔係老婆抑鬱反而係自己抑鬱…都覺得自己低潮…完全做唔番以前既自己, 最大落差係無哂所有時間, 好似為左另一個人而生活咁…
#221夢露絲打•2018年5月30日 14:24:30
追哂po
樓主有幾百萬cash、有樓、有靚老婆同仔女、有父母、70k 一個月、無病無痛
家庭 事業 親情 健康 財富 你都有哂
邊撚到低潮？
我見到既係 無病呻吟多啲。
#223二人同行•2018年5月30日 14:31:30
大把人都有事業上嘅挫折。你有無試過返一份你好想做嘅新工，但做咗四個月就因為financial crisis被炒，嗰時個market咩工都無但你又要養家，搵咗幾個月工，跟住被迫做3個月contract,做完後你上司話你做得好，但因為經濟唔好公司都開唔到perm role俾你。最後只能揀一份你做big4時從來無諗過會入嘅公司仔做contract，人工仲要比你離開big4時低，朝不保夕，做咗成年先跳得返去有一份perm job, 結果浪費咗兩年而人工無增長過，其他人開始買樓而自己只能喺失業，contract之間跳嚟跳去。
到而家你當初一齊入big4嘅人而家個個搵緊十萬八萬做CFO,director,SVP,而你嘅人工只及佢地五六成。人地個個早年事業順利早早買樓，而家揸住嘅單位已經坐一望二，而自己只係供咗一個細單位兩年。
明明自己嘅能力應該相若，但發現努力工作下來都係得到咁嘅結果，呢啲先係事業上的挫折吧。
#228HSWS•2018年5月30日 14:36:15
上文講到係買左咩股票, 點樣輸哂D錢.
重新起步, 開始第一份工, 大家講得岩, 係做BIG4, 唔好問邊間, 唔想自爆.
雖然好多人都睇到個POST, 知道係我, 亦都好關心, 好多謝大家.
第一年, 其實都無咩特別, 人工約HK$11K, 比hk$3k 老母, 但成日都有要放NO PAY LEAVE去考試. 跟本儲唔到錢
第一年, 都係日做夜做, senior叫你做咩, 你就做咩, 當然成日比人屌啦. 試過連續一個月1點收工. 但其實好多時係idle standby比senior.
我記得有一次, 比個senior Q我, 我唔識答, 好大壓力, 出去問個客, 問完行番番入房條路, D腳步好重, 我好驚入番去又唔識答, 心跳得好勁. 打左比女朋友傾下點做, 當然佢幫我唔到啦. 但佢就係成日咁樣係身邊陪住我. (可能大家會又會屌我自己無聊, 自己拎黎, 但就係咁, 我好介意人地點睇自己既表現).
呢份工就係咁, 你會極速訓練到諗野, 每件事都會諗多人幾步.
係呢一年, 我識左一個SENIOR, 我地一年有幾次一齊出大陸JOB, 佢之後亦都STANDBY去幫我一件事. 我真心好感動, 唔好屌住, 我會打番哂出黎.
好好彩, 一年時間考完, 但知道自己PASS哂個一下, 個心靈好空虛, 唔知有咩做好, 係無咩技能既情況下, 我決定做番自己鐘意做既野 – 幫人補習.
#233HSWS•2018年5月30日 14:47:03
//大把人都有事業上嘅挫折。你有無試過返一份你好想做嘅新工//
呢位巴打, 見到呢個post, 我都幾心up, 大家同行, 我係好好彩, 未經歷過呢d金融危機.
只能夠講一句加油
#255又點啊•2018年5月30日 15:58:15
睇到呢到剩係覺得巴打好好彩, 成日遇到貴人,
中學時仲要搵到個靚女朋友仲要做埋老婆…
其實挫折位出左未
#260我愛李一桐•2018年5月30日 16:11:04
得罪講句 對大部份人生失敗既連登仔而言 樓主既經歷好值得參考
1.細個小學中學係咪名校唔緊要 識唔識人唔緊要 老豆老母係公屋定窮人都唔緊要
對你而言好簡單：考入大學 入大學讀專科
2.對於未來條路 諗得專注d
你要挨 係專科世界不停做不停比人屌 就會加人工 不停加 總會有錢 比到你唔止基層既生活
3.唔好怨人怨天怨地
無錯你父母差過人 但你都無人咁努力 你平凡唔緊要 入專科不停做 總會挨到。
樓主又係普通人無家底無錢無人脈
到今日有好老婆好生活 全靠佢自己
反觀大部份連登仔：
讀唔成大學既無野好講 呢個真係廢。
讀得成既又唔讀專科 又曬左大學比你向上流既機會
到入大學讀專科喇
又要諗自己係非三大仔 先天輸左
其實肯努力肯努力做野 唔好怕辛苦 你咪就係第二個樓主囉！
#263龜頭爆裂•2018年5月30日 16:27:03
Big 4 60-70k 一個月 淨資產5m唔難wo
你話畢業到而家先20k一個月有5m就話姐
淨係個人工買樓供樓過壓測草首期已經無問題快人好多 贏人幾多條街
#271瑞典足球先生•2018年5月30日 16:59:01
//有幾多人一層樓都無?, 佢人工仲要唔低, 仲有個又靚又好既老婆 //
根本大把人就算冇父母幹幫首期
屋企都有層樓留比佢
佢人工係ok 但供樓再養兩個小朋友
老婆又唔知有冇做野 可能仲要養埋車同比家用
又靚又好嘅老婆呢part駁唔到
#273J行里數•2018年5月30日 17:02:24
又黎其實唔難？
我當樓主每年兩個月bonus，七年人工加埋有4M左右。
衣食住行，養老豆老母，交稅，考牌，交際應酬統統都要錢。樓主仲要結埋婚生左兩個小朋友。
咁都有5M直頭係勁啦。
#274迷失決勝分•2018年5月30日 17:05:07
照睇樓主應該唔會交際應酬，唔買名牌唔去旅行，生活過得好樸素節檢，係呢一代人來講算少數
#279J行里數•2018年5月30日 17:34:16
冇家庭負擔而本身唔大使既話真係唔難。
問題係樓主要養家，而且去到樓主呢個收入多數都有d燒錢愛好，少d定力都好難淨到咁多。
#282單機仔•2018年5月30日 17:38:35
巴打做會計頂到咁多年都好勁 有開工冇收工 我讀書唔叻直頭升職機會都冇乜
#283重識輕誘•2018年5月30日 17:47:56
雖然我個人黎講好buy呢點 但係我記得我睇過啲文獻話 有講比冇講嘅自殺率高啲 不過就樓主黎睇 佢應該唔會嘅
#284三上姿勢優雅•2018年5月30日 17:48:28
樓主個人生online玩得唔錯
唔似我地呢啲咁
#288HSWS•2018年5月30日 17:53:07
我快睇左大家既comment，大家係咁話我老婆靚唔靚，我想講，有邊個會覺得自己另一半係唔靚？
就算佢老左肥左，80歲，180磅，我一樣會同大家講，我娶到個靚老婆。
#289山並•2018年5月30日 17:59:35
人生中有好多貴人 撐住呀兄弟
#297攪肚死走狗攀•2018年5月30日 18:23:40
有老婆支持你又有錢都話想死人生低潮
咁我應該死左一百次
又冇女A0 又冇錢 戶口4位數字
成世人都冇高潮過
#303高普嗲哋•2018年5月30日 18:30:44
任由樓主呢d成功人仕放負，其實好傷害一班真正喺社會中低層掙扎嘅巴絲
連登係失敗者聯盟，搵人傾都睇場合呀
一個中產，有樓有仔女有老婆有事業，走入班乞兒堆中講到自己好慘
咁班乞兒仲有咩生存意義
#309鱷苓膏•2018年5月30日 18:40:04
真係燥.
可唔可以開估有幾低潮, 綠帽定有病?
唔想知你奮鬥史, 有幾成功呀真心.
我地期望有
70% 講低潮
數到而家100%係哂命, 點睇落去.
#313高普嗲哋•2018年5月30日 18:46:11
入post我都係諗住睇下有咩事安慰下樓主
中產當然有中產煩惱，我明
點知一路追 都係 曬 曬 曬 曬 曬 曬 曬 曬 曬 曬 曬 曬
講成13頁都係曬自己有幾多人工
老婆有幾好
有仔有女有樓
一邊睇，一邊見到有巴打入嚟覺得自己廢，出返去
根本樓主目的就係
曬命！
有錢人我識唔少
中產fd都多
但無一個似樓主咁賤
#315禪與摩托車•2018年5月30日 18:49:02
//一個中產，有樓有仔女有老婆有事業，走入班乞兒堆中講到自己好慘
咁班乞兒仲有咩生存意義 //
乞兒既死活有人care 又點解要care
睇下樓豬點樣重新定義人生低潮好過睇班辣殺搵幾萬蚊人工就以為自己發左達好過啦
#316鱷苓膏•2018年5月30日 18:49:35
根撚本就big4群撚埋啲上流人士, 人比人, 小小嘢就牙痛咁聲. 係大撚把人叻過你勁過你幸福過你, 但你有幾撚慘呀你老母? 衰啲講句, 絕症你都有錢住私院, 死都死得風光過人啦. 低潮定貪心識唔識分
我係連登都好少講人老母, 今次真係躁
#327HSWS•2018年5月30日 18:56:04
我絕對同意大家, 所以我收筆喇. 唔寫喇.
多謝大家既留言同支持.
我會繼續答大家關於會計既問題.
#330HSWS•2018年5月30日 18:59:39
//唔明點解個個覺得做會計好 聽親身邊個個都話要捱夜 入big4係做狗 人工低又辛苦
但中間啲辛酸真係無人知 都唔係個個頂得住 //
係, 心理壓力真係好大, 我升職個到, 生哂濕疹, 到而家都斷唔到尾, 最慘係, 個仔女都有.
#336HSWS•2018年5月30日 19:04:02
//97年
Asso讀會計但讀唔成
前路好撚迷茫
個人都好冇方向 //
條條大路通羅馬, 如果大家覺得我係成功人仕係到扮哂野, 咁我就想講, 你只要專注做每一件事, 就一定無問題.
我有個學生, 個陣問我去OVERSEAS定ASSO, 我同佢講, 如果你讀得ASSO, 你條路好清楚, 辛苦兩年, 上番去, 一定得. 當然之後佢好比心機. 而家入左BIG4.
#338HSWS•2018年5月30日 19:05:53
//我見到既係 無病呻吟多啲。//
有病, 之前照到粒野, 做手術, 請左兩個月病假.
#340Chill人•2018年5月30日 19:07:54
樓主除咗事業更上一層樓，家庭美滿之外仲有無咩理想/夢想？
#341HSWS•2018年5月30日 19:11:12
//睇到呢到剩係覺得巴打好好彩, 成日遇到貴人, //
其實遇唔遇到貴人, 好睇你點睇, 可能同一句說話, 唔同人聽, 有唔同效果.
又或者可能人地一句野都唔會講, 但你已經係人地身上學到好多野, 幫到你.
可能有D1999, 中文拎E, 唔好意思.
#346HSWS•2018年5月30日 19:14:29
//照睇樓主應該唔會交際應酬，唔買名牌唔去旅行，生活過得好樸素節檢，係呢一代人來講算少數 //
睇下係咩, 朋友吹水食飯會去, 做野SHOW FACE, 多數唔去, 生活係過得好樸素節檢, 最貴係西裝皮鞋個D.
#352C+273.15•2018年5月30日 19:22:56
樓主可以講多d
唔好理班其他人
當講下一個勵志故事比想聽既人聽
#354藝文ching•2018年5月30日 19:23:50
一句 做gym la 清 真係會有新體會 又discipline 又healthy lifestyle
#355淨空•2018年5月30日 19:27:32
//唔明點解個個覺得做會計好 聽親身邊個個都話要捱夜 入big4係做狗 人工低又辛苦//
人工升得快係事實 有幾多工三四年就過30k?
#361老婆好大波•2018年5月30日 19:36:36
Big4 嚟講, 樓主咁上下啦
不過唔知你上左神枱未
唔係應該做到仆街
小心身體
利申: 老婆做過big4
#370高普嗲哋•2018年5月30日 19:55:34
想分享就唔好咁多廢up
打篇長文略略交代成長歷程同依家遇到乜低潮
之後再慢慢詳細咁講啦
你想分享，話第日留俾仔女睇，但又唔敢講
咁多人問你又喺到遊花園
我比較擔心你仔女長大後唔願同你溝通
你睇，成個post都係你主渡
觀眾又齊，舞台又齊
呢個都係訓練你表達內心感受嘅經歷嚟
你呢到識分享識表達自然出去現實世界都搵到可以傾訴嘅人
#379挫敗那時記住嗎•2018年5月30日 20:14:57
你係 80 後
我又係 80 後
你黃金十幾年 全程都算有貴人輔助, 年年加人工加到 70K 有樓有家庭有事業
我就低潮足咁多年, 近三年更加係地獄咁過, 日日自責 日日自我折磨 …
同想睇下你依家遇到咩「低潮」, 你同我講竟然唔講落去 ?
痴撚線
#380漫漫•2018年5月30日 20:16:05
好多人都好激動
雖然樓主經過份工嘅洗禮應該唔care
但可唔可以等佢慢慢打 有曬30年嘅故事唔係仲好睇咩？
定係覺得自己差太遠想快啲睇人仆街
到最後原來係想話最近便祕好耐痾唔出屎先屌都未遲呀
btw 打咁多其實想留個名
ps. 最近都好sad
#381焦糖布甸燉奶•2018年5月30日 20:16:08
樓主咪理d小學生啦
你一開始係為左紀錄自己既野而寫
唔係為左氹個班on9仔
成班人剩係識得睇人地風光個邊話你曬命
#394讓我看看看•2018年5月30日 20:38:17
巴打 停一停
自殺前請比個機會自己
生命未必好似你諗咁負面
一次 再一次去嘗試 睇吓生命另一面
無野係絕對
#398醉夢人生•2018年5月30日 20:43:36
想好似樓主咁其實好難
你一定要細個開始覺得人地睇自己唔起
覺得屋企累到自己咩都唔係
跟住不斷揾方法向上爬
然後到有d 成就之黎去連登分享自己本身幾差， 再靠自己實力去到唔錯既位
#399挫敗那時記住嗎•2018年5月30日 20:45:03
跳出 comfort zone
好撚發奮架啦
未轉工之前 , 份工做左 5 年, 係我做得最有自信既 5 年, 但可以人工低到離罩
我話要辭職, 先肯推薦我畀佢地部門升職, 但因為已經收到 offer , 唔想失信於人, 所以無留低
點解原來跳出 comfort zone 就係跳左入地獄
#400鱷苓膏•2018年5月30日 20:46:41
//我又唔覺得曬命
唔通要鬥慘成班垃圾圍哂爐先叫好？//
卒到閪爛都未開波喎, 前戲會唔會太長呀青.
就睇下最後用幾多篇幅講成就, 幾多篇幅講所謂低潮.
連登大把有錢人成功人士, 買車買樓豪遊坐first class, 出post分享大家咪又跪又拜, 一路葡萄一路鄧佢高興. 因為人地開宗名義係曬, 符合期望呀. 明唔明個分別.
#405紫薯拉絲•2018年5月30日 20:50:55
樓主應該覺得自己係中產
然後見到自己冇得再向上流
同上流人士差距太大又有頭家養而唔開心
好似到左樽頸咁
但偏偏連登仔就大多都係低層人士
中產既車尾燈都見唔到
所以樓主上多啲連登啦
見到多啲失敗人士個人都開心啲
利申:
25歲20k
好葡萄樓主
#406挫敗那時記住嗎•2018年5月30日 20:51:58
發奮 就係你不甘現狀
而拎出勇氣去改變
咩叫做 轉工就唔可以叫發奮 ?
你真係垃圾一名 同你講野都哂鳩我
#407挫敗那時記住嗎•2018年5月30日 20:53:13
社會上有種人 專係用 錢 , 學歷 , 乜鳩資格 去評價人地既努力
不撚知所謂
#412挫敗那時記住嗎•2018年5月30日 20:59:33
//畀我就唔會 challenge 人地 何為發奮//
你都仲唔撚明
你為「發奮」落左門檻呀 柒頭
你依啲人肯定係嗰啲 咩都講「target 」 , 咩都講資格 , 咩都叫「利益」
典型 地產狗 保險狗 銀行狗 嗰啲心態
你學下「貼地」先出嚟講道理啦
仲有 , 依度無人否定樓豬嗰啲唔叫 「發奮」
依度只有你一個人去 JUDGE 人地係咪 「發奮」
都唔明你做乜鳩野
#421我的志願係廢青•2018年5月30日 21:17:58
咁就斷尾？
就咁睇樓主個心都幾脆弱
仲諗住睇下人哋嘅分享嚟警醒自己
曬命咪曬命囉，唔通下下同非洲人鬥慘先可以開post咩
同埋睇唔出樓主有幾曬命mode，只係on9在一開頭就講話人生幾低潮但又鋪排咁耐
自動自覺打埋落去啦，唔撚想變成你問我答
#424HSWS•2018年5月30日 21:25:24
睇左大家d comments, 如果大家唔岩聽，覺得我哂命，其實大家都無謂為左呢d無聊人哂時間。
另外有人話我嬲，我完全無。只係我平時諗野打野係搭車同食飯時候。如果大家覺得我講廢話既話，我先無謂再打落去。
因為我都係而家先知，寫一篇野係好累。當然可能係我廢啦。
#425HSWS•2018年5月30日 21:28:23
岩岩收工，飯都未食。文筆1999，因我唔係揸筆搵食，請見諒。
#429醉愛日乳•2018年5月30日 21:33:44
睇完reply 真係覺得連登仔/香港人無得救
難得一個出生草根但而家有頭有面嘅人
唔怕被起底
分享自己一路過嚟條路點走
個個淨係睇到樓主而家有咩
而唔睇佢付出幾多先擁有今日嘅一切
淨係眼紅一啲比自己好嘅人
唔去睇下可以從人哋嘅經驗學到咩，從而改變現狀
令自己成長進步
樓主唔駛理佢哋
好希望你可以繼續分享自己嘅經驗
令有心人得到啲啟發
#432HSWS•2018年5月30日 21:38:17
日日都有 太多事情 就算你幾well prepared 好多野都唔到你控制。
同個客日嘈夜嘈 或者咩都靠哂你 你老細叫你接job 你既下屬比唔到你想要既野你。
聽起上黎好似好on9, 但身在其中，就好無奈。
#436酒囊飯袋•2018年5月30日 21:45:34
好一句 天道酬勤
未睇到你低潮位，唔知有幾低，不過我呢d未歷經過高潮既，可能體會唔到
#439吳浩康•2018年5月30日 21:47:28
加油樓住 打埋佢 我當緊故仔咁聽 唔好理世俗嘅眼光 就比個故事繼續落去 我淨係可以講 總有人憎人富貴厭人貧 但係我相信你嘅岀發點唔係晒命 你有你嘅低潮 可能外人睇你有樓 有錢 有工作 有老婆就好幸福 但係我相信你嘅心結並唔係金錢上or伴侶上嘅問題 加油 樓主 仲有你嘅小朋友等緊你去陪伴住佢成長嘅每一刻 每一秒
#441HSWS•2018年5月30日 21:48:58
//巴打
同唔同意際遇很重要？
讀書有人照，去旅行都可以有人請
做野又有人照，未讀完話有工等緊樓主做
條女就乜都幫
總結樓主係人生贏家//
唔好意思，想澄清下。
讀書- 我真金白銀比錢補習，邊個照我？
旅行-我無要到
做野-邊個照我？
其實我覺得呢d係雙向，你有努力，人地先信你。
#443Janice衛蘭•2018年5月30日 21:52:30
成班戇鳩睇又未睇晒，見到人搵70k一個月就酸撚到，問人低潮係邊
人生唔撚係淨係得錢錢錢啊？
健康有問題唔撚比係低潮既，家庭破碎唔比係低潮既，駁駁駁，屌，睇撚到燥。
BTW樓主加油啊！仔細老婆嫩
#447HSWS•2018年5月30日 22:00:07
我由頭到尾都無話過我屋企累我，相反，我無打出黎。我知道我老母咩都比哂我地。
但你岩，我真係每一日都諗緊點向上爬。
#453HSWS•2018年5月30日 22:07:45
//你為「發奮」落左門檻呀 柒頭//
其實都好同意。我以前睇左一篇文，對我影響好深。
內容大既係有兩個人，一個做廿幾年，一個做幾年。最後升職係做幾年個個。於是廿幾年個個問點解。
如果同一件事 做廿幾年都係個件事，其實係好有問題。
睇完我都明人生一定不停增值。
打完出黎，應該都一定比人屌。係到先講唔好意思。
#454挫敗那時記住嗎•2018年5月30日 22:08:12
//而我明點解佢撐樓主啦，因為樓主一開始講，佢有5m＄＄
一貫正常人見高拜見低踏典型 //
exact7ly , 咪話我話 , 我睇左好多連登仔分享佢地各自既經歷 / 成功故事
都一定有個現象 , 就係成個post 兩個極端
一堆負面撚, 一堆正面撚
但嗰堆正面撚呢 好撚奇怪架喎, 總係好鍾意千方萬計 「接近」「成功人士」
又話乜乜乜不如 TG 傾呀, 又支持乜柒乜柒
根本好多人都係想從中 R 著數 , or 想同人地做 Friend , 等自己多支「明燈」
依啲咁撚虛偽既野, 真心做唔出
#466HSWS•2018年5月30日 22:15:18
最緊要critical thinking
無一個人講野，你絕對可以challenge你既上司 包括老闆。但當然你要對件事well prepared啦。
每一件事情諗都幾步。你講a，人地可能問番你b,c,d 你要諗下點答。
Multitasking, time management 個d就基本啦。
#484本無物•2018年5月30日 22:32:12
同樓主差唔多環境
希望冇人知我係邊個
我就90後
入左最垃圾既band3學校啲人吸毒打交
本身都自己都係0份天才
偶爾比中學老師串就高中爆seed
最後擦邊入左中六
多得一個英文老師先full cert畢業
但唔好彩又撞左dse
同等成績本來入到水泡科
但入左asso先升到大學
自問唔係努力 冇咩專注力 同你就係呢一點唔同
大學識到個好叻既女朋友 好賢淑又會陪住我既女人
最後入到間好少少既公司
有兩三個月都係6 days per week
老細睇重我 但我覺得冇人生
升職本應唔係問題 上associate 過50k都唔難
但我唔想被定形
家下轉左工 希望有新挑戰
轉工前有玩動物證 輸過幾萬
但玩玩下覺得唔好玩 停左手
加油樓主
#489謝安肥•2018年5月30日 22:41:45
樓主做會計，好容易比社會system影響咗，認為system就係自己嘅容身之處。加上樓主本身嘅性格影響，可能對自己嘅要求好高或者睇得自己好低，少少失誤都會覺得好大件事。
個人認為低潮無分高低，冇話邊個嘅低潮對於其他人嚟講已經好好。因為局外人唔係自己，冇得攞嚟比。重點係自己處事嘅態度，同一件事唔同人有唔同諗法。我相信樓主都識諗，唔好放棄，好多人等緊你講埋你嘅經歷㗎。
又想講下，而家樓主都未講完個故事，已經有好多人覺得樓主曬命，用哂粗口鬧樓主咁。而家香港人嘅質素就係咁？如果每個人講嘢前可以用心思考下，相信可以更深入討論到樓主單嘢。
利申 90後絲，讀藝術，平時中意諗嘢
#502一萬三筒三索•2018年5月30日 23:12:04
big4 個個捱到五勞七傷
識諗果d 一早走左
樓主應該健康問題多
不過冇辦法一直累積落黎
錢都買唔到
#503HSWS•2018年5月30日 23:14:19
//樓主點解一直喺big 4?
有無邊個grade 嘅時候好想去外面闖？
點解又選擇留底？//
岩岩升SEN搵過工, 最後揀左去第二間BIG4.
岩岩升M最辛苦, 好想走, 但唔甘心自己頂唔順, 無走.
玩完兩年, 知道個玩法.而家安定左落黎.
點解留底, 主要係有D我想要既野未拎到.
#504淨空•2018年5月30日 23:14:26
比人屌幾句就話唔畫 唔怪得你咁易睇唔開
你永遠滿足唔到任何人
係度開post想唔比人屌 你會唔會天真左少少呢?
係男人就寫落去啦
#518狗也不理•2018年5月30日 23:37:30
好多謝樓主你既文，你令我更相信我自己選擇既路。我做左幾年野，但因為人工同career path，而選擇入big4，我黎緊會上conversion，但身邊好多人叫我唔好入。
我想問係你係如何挨過無限ot既人生？健康&女朋友關係兩方面？
其實我好想可以繼續睇你寫落去，你會唔會想係其他平台寫落去？例如寫blog？
請原諒我覆得1999，做左cd rom咁耐，你令我第一次上水同俾like，請你加油繼續頂落去，你老婆同仔女一定會以你為榮！
#533艾斯派古達•2018年5月31日 00:51:25
想知樓主作為一個已上岸人士嘅政治取態係點，藍絲立場？定無立場？
你嘅social circle嘅取態又係點，或多或少有影響到你？
#543不含化學成份•2018年5月31日 03:06:34
其實 連登仔有冇諗住睇一睇題目先屌鳩人
人地個題目係紀錄30年發生既野
一班葡萄撚沖曬出黎
又話5m唔係乜野大不了
聽到人地有樓有老婆有仔女就羨慕妒忌恨咁
剩係想聽人地既仆街野
想係連登搵到人慘過自己黎抬高自己 ?
發現前面冇咩大風大浪就屌曬鬼咁
屌 咁篇野叫我的低潮人生算啦
睇好題目先入黎啦
屌搞到樓主唔再寫 你地最開心 可憐我地冇得睇
自己返屋企幻想人地點樣慘過你地打飛機啦
#544物慾•2018年5月31日 04:23:29
頂 樓主都未入正題就俾人問候
人地已經心煩仲要俾你地班撚屌煩
不過樓主eq夠高
我估你應該係有病然後咩咩咩
但如果你仲選擇工作唔係去休息係因為你好愛你屋企人而你都取捨左
所以都係睇開d Enjoy Life
#548HSWS•2018年5月31日 09:44:07
我睇左大家既留言，見到有人有興趣其實真係好感動。
我都好想打落去，我係真係想留一點後，第二時我突然死左，失憶，絕症，我仔女知道老豆做過咩。
有人建議試下寫blog，我要搵個平台先，因為唔係好識路。
另外，我見有人好against我。比個機會澄清幾樣野。
第一，可能文筆差，諗到咩就寫咩，另到大家覺得我哂命，我絕對無咁既意思。呢排發生左d事，我只係想寫低我上半生，見過聽過 對我有影響既事同人。
第二，我睇番我寫既野，我從來都無比較過咩野，可能我唔識表達，另到大家有咁既interpretation. 我由到尾只係講自己。
第三，我唔想寫，唔係因為我嬲。係因為出一篇文比我想像中累好多好多，平時搭車係訓覺，而家係寫文。如果大家覺得我哂命，我寧願抖下好過。
最後，呢個唔係一個遵理廣告，我唔想自己寫野影響到人。
#549電光毒撚鑽•2018年5月31日 09:57:07
睇到呢個位
就知其實人生真係無咩需要怨
唔係因為樓主咁正面
係因為連登真係廢物垃圾集中地
中學生唔識野唔在講
讀唔成書果堆再加自己爛泥扶唔上壁既
好似樓主呢d係現實世界中先叫正常既人
上黎打篇野9up下都會俾人起鋼
證明堆loser係現實中輸到幾勁先會要係網絡執成功感
#552傷春悲冬•2018年5月31日 10:23:26
睇到樓主話返工比老闆Q 答唔出 好焦慮…
想問樓主，當時有無懷疑自己既能力? 有無不自覺同其他叻既同事比較?
同埋你既焦慮係咪包括表現唔好會比公司踢走?
我仲讀緊書，讀書會有實習，但過程中會好沮喪，因為自己表現好差，又唔夠其他人醒目…成日係度諗將來搵唔搵到工
搵到之後又可唔可以保住份工….
唉
btw 我覺得樓主既分享本意係紀錄自己..正如樓主所說，無玩ig,FB… 呢度係佢諗到既一個平台去分享自己既前半生。
樓主願意回答唔同人既疑問已經好好.
可能人生睇落比其他人順利，但無人可以judge你既睇法同感受…
我相信每一個有咁唔開心既心情既人，都需要理解同聆聽…
樓主仲後生，希望你可以身體健康，好好陪伴你既家人，發掘更多人生的可能性。
加油
#554瘋鳥•2018年5月31日 10:34:48
//我睇左大家既留言，見到有人有興趣其實真係好感動。//
我都覺得開post寫野好難。我好多年前都試過想寫低自己發生過咩野事，結果寫到咁上下就爛尾。後來出左黎做野，成日都衝動再寫過一次，但係我知又係9成機會爛尾，所以都費事開始。d人覺得你晒命，只係因為佢地經歷得唔夠多，生活得唔夠好先至會咁諗，你唔使理佢地，網上總有一班人需要靠踐踏其他人黎羅成就感。
#555俾貓打係咪家暴•2018年5月31日 10:50:12
連登仔真係好撚垃圾
人哋嘅故仔，佢鍾意點講咪點講，你唔鐘意咪唔好睇
依家又要話人哋晒命，覺得低潮唔夠勁就唔寫
俾人咁屌邊有人想寫啊？家陣收咗你錢寫故啊？一定要滿足你要求嘅？看得自己這麼高
#558吉村小音朗•2018年5月31日 11:20:57
未追晒post, 都忍唔住留左言先, 本身覺得連登太多小學雞, 討論質素低下, 見到呢個post d reply更加印正到呢點
btw樓主加油,呢個世界永遠都係有苦自己知, 外人通常都只會睇到人地外在美好既一面, 唔會理對方背後經歷,付出過d乜, 但關關難過關關過, 你可以行到呢步已經好唔容易, 仲有老婆仔女, 絕對唔可以冧, 低潮每個人都經歷過, 事後睇返其實都係得啖笑, 無須太過在意
#565HSWS•2018年5月31日 19:28:59
//想知樓主作為一個已上岸人士嘅政治取態係點，藍絲立場？定無立場？
你嘅social circle嘅取態又係點，或多或少有影響到你？//
我係樓主但唔係已上岸人士.
政治取態 – 我係好against government policy, 特別係tsa, 雙語教育, 我唔想第二時我個仔女唔識講廣東話.
social circle個方面, 我上面大概有講, 比面派對我多數唔會去, 有時間陪下仔女好過.
好似講得有d on9, 唔知答唔答你想要既野.
#568HSWS•2018年5月31日 19:40:35
//睇到樓主話返工比老闆Q 答唔出 好焦慮…
想問樓主，當時有無懷疑自己既能力? 有無不自覺同其他叻既同事比較?//
有, 每當我否定自己, 我老婆就會出黎屌醒我, 每當我好lost既時候, 佢就會同我share 我生活上每一件事. 會考, 高考, 大學, 做野, 升職, 比人屌.
同同事比較一定有, 但好老土, 最緊要同自己比較, 要好過琴日既自己, 同一件事唔可以錯兩次.
我每一晚沖涼都沖好耐, 諗下個日發生既事, 同第二日有咩要做.
又唔夠其他人醒目…成日係度諗將來搵唔搵到工 -> 你一定要諗多D, 轉多D, 諗下人地點解叫你咁做, 咁做岩唔岩, 你做完D野出黎, 自己睇多幾次, 同諗下人地會點問你,
EVEN而家做左差唔多8年, 我每打一個電話/SEND一個EMAIL出去, 我都諗好耐.
希望幫到你.
#578禮拜一•2018年6月1日 02:35:42
感覺到樓主生活好充實，有目標，起碼知道自己做緊乜
加油 ，想睇多啲你嘅人生片段學下嘢
#580大字燒•2018年6月1日 14:08:43
追故模式追完樓主post
好想睇你繼續寫落去你經歷過d咩
遇到個個老師點幫你
你自已又點規劃人生
見樓主比人屌到停手唔寫真係可惜
難得一個幾高質post
希望樓主唔好理班連登仔寫埋落去
G持樓主做
#583一心絲打•2018年6月2日 00:33:30
睇字都覺得樓主辛苦
邊有哂命，全部有血有肉就真，
事實上大部分香港人好勤力好刻苦，
係真勵志故事
希望樓主繼續寫
#584專業單戀30年•2018年6月2日 01:36:53
一直都想做樓主呢種人
我都係冇父幹冇母幹 讀書唔算差入到U過三嘅
但最仆街係我讀藝術科 聽師兄師姐講fg都係得萬一
仲要日撚日捱屌 日夜顛倒 搞到身體好差
我依家都讀到好大壓力好擔心前途 聽過身邊有中同已經出咗黎做野月入40k 有啲又有big4 intern
係咪一定要讀商先有機 但我好憎商科 中學有take過但完全讀唔掂
但藝術科我好勤力搏哂命去做 反而好似一路將時間心血dum落海 甚至要自己嘔器材錢crew錢出黎
但我啲fd個個都話報政府工喇 考EO hea下又一日
佢地讀得咁輕鬆又識開網店創業投資 父母又買咗層樓俾佢地 完全唔愁衣食
但我死搵爛搵都係儲得5皮野 點解可以咁撚廢…
都唔知將來點買樓…
#590鏡中花水中月•2018年6月2日 11:51:29
上年Grad到依家做左差唔多一年big 4
慢慢好似都適應到份工，應該三年都挨得到
但同屋企人關係好差，女又冇
最常係公司對住個班全部都係啲酒肉朋友
成日都覺得好寂寞好孤單
大學Final year 個時已經有抑鬱症
到依家為止嘗試自殺過好幾次
不過好好彩（或者好不幸）地一係臨尾一刻收手，一係就Fail左
我同樓主有啲唔同，因為好多Ot pay同出差allowance，第一年已經儲到錢
但有錢又如何
我已經唔知點樣可以令自己嘅人生變得快樂
#591像大海愛著浪花•2018年6月2日 22:10:01
曾幾何時，我都覺得同事係做唔到朋友，或者交唔到心。但係宜家做咗年幾兩年，發現batchmate真係好重要，冇佢地真係捱唔到落去，無論係公事定私事，互相support好重要，希望你都搵到可以互相扶持嘅同事！加油
#595鏡中花水中月•2018年6月2日 22:52:55
公事都冇得點Support
私事…… 同啲同事嘅關係未深入到咁
可能我太毒，完全同啲同事深交唔到
每次有啲咩social活動呀飯局happy hour呀，對住成班人飲飲食食
大家都嘻嘻哈哈，好似大家都好鐘意咁樣圍威喂
但其實我真係覺得好撚厭惡
寂寞，好可怕
成堆人係身邊但都仲感到寂寞，更可怕
入Firm頭幾個月我都咩活動呀飯局都去
依家就完全不了
#600HSWS•2018年6月3日 11:13:09
//我已經唔知點樣可以令自己嘅人生變得快樂 //
認真 我覺得你可以試下同同事傾下。
我自己有咩事都會同同事傾，大家同一行，你經歷過我相信你同事都可能經歷過。當然啦，大前提係你要分得開邊個係真朋友。
如果你真係有嚴重既抑鬱，你要諗諗岩唔岩做上去。
因為我都幾肯定你將來會遇到更大既挫折同壓力。
#604鏡中花水中月•2018年6月3日 13:54:10
//如果你真係有嚴重既抑鬱，你要諗諗岩唔岩做上去。
因為我都幾肯定你將來會遇到更大既挫折同壓力。//
好似同所有同事都格格不入咁
平時話題都離唔開吃喝玩樂
但其實自己明明對依啲野唔係咁熱衷
都唔知點開口搵人傾
抑唔抑鬱都唔太關工作事
做Audit應該係現階段最適合自己嘅工作
我諗我未必有巴打你咁叻做到咁多年
（去到M grade好似已經唔係講肯唔肯挨，而係有冇能力multi tasking, 有冇能力應付到唔到chur你嘅partner同埋班班唔知會唔會亂放放飛機嘅手下 ）
但應該可以做到拎到牌嘅
#609活著的最寂寞•2018年6月3日 20:57:16
繼續啦樓主 貼出黎就緊係有人支持有唔鐘意
你自己都識話人人諗野都唔同
我都做左幾年野 人工低你一大截 好想睇下其他人既故事 睇下點先可以上位
所以唔好俾佢停啦
#615azitate•2018年6月5日 19:02:16
巴打捱到去SM真係好犀利
自己背景同巴打差唔多, 屋企無錢, 讀埋啲屋邨野雞中學, 好彩都叫做碌到個degree出黎
雖然唔係acct/BBA畢業, 但入過去Big4 Advisory做過幾年. 講wok點都唔夠做你地做audit辛苦, 不過大家點都體會過夾住係中間果種難受
自己唔係做consultant果類人, 能力又唔夠其他人好, 同埋又唔捱得, 所以係senior已經番去自己果行度做番in house position
見巴打有家室都可以捱到上去, 又咁錫阿媽, 我覺得自己是零 成日埋怨點解首抽會咁差
加油, 祝你可以走過低潮同埋攞到自己想要既野
#618ElkieChong•2018年6月5日 19:24:11
btw又話總結30年
頭12年飛左
之後5年得幾句