睇完之前有巴打開個post講窮人向唔到上流個post..真係好感慨
自己係教幼稚園..一入行就去左間屋村到無得再屋村既學校道教..班入面十個有九個都係租公屋..淨返一兩個就住附近居屋或私樓..其實你由個幾歲人仔已經睇到佢地既分別….
［有感而發］無錢窮撚真係諗清楚要唔要生仔 原post
#1肥熊貓•2017年7月11日 20:57:42
睇完之前有巴打開個post講窮人向唔到上流個post..真係好感慨
自己係教幼稚園..一入行就去左間屋村到無得再屋村既學校道教..班入面十個有九個都係租公屋..淨返一兩個就住附近居屋或私樓..其實你由個幾歲人仔已經睇到佢地既分別
不過我一開始都同自己講..佢地小朋友姐..我都希望佢地有個快樂童年唔會日日都補習又上十個興趣班
咁佢地當然無乜邊個有上興趣班..而每日放學活動都係出面公園玩
因為我間學校係全日制學校..可以比多少少錢就留耐d重包埋晚餐..小朋友係八點就可以返學..最晏七點半先走..你無睇錯..一個兩歲人仔..可以一日差唔多十二個鐘留係學校..我當佢返到屋企..父母重會比下野佢食..加埋沖涼洗頭再玩一陣..頂多十點都要訓啦
你會發現依班小朋友對住父母既時間少之有少
有部分家長真係生活逼人..所以先至逼不得已要自己既仔女日日返學既時間重多過大人返工
但慢慢我地做老師既..只會有種你唔想照顧佢..點解要生佢既感覺..上面講到學校有得比多少少錢（$20內）就可以留耐d包埋食飯..因為我地老師都無可能返十二個鐘工..所以我地都係輪班..試過有好多次..我地係見到個d比左錢留係學校既小朋友既父母..係樓下商場行逛..食野..都唔上去接佢地既小朋友
個下我地真係會問..依班人有幾愛佢地生出黎既小朋友
可能你會覺得..會唔會講得太誇張呀..買完野先接佢有乜問題..肯定係你班老師唔鬼想做野..想快d放工（無論佢早過7點半走個老師都無得早走）..但如果你見到班小朋友見到父母終於黎接佢地幾咁開心個樣..你真係唔明佢班父母點解忍心..咪接左佢先一齊行..一齊食野唔得架咩
#8肥熊貓•2017年7月11日 21:21:17
好啦..咁全日制學校除左一至五朝八晚七點半外
星期六當然都係開放既..學期初既時候我地已經同家長講星期六學校係開放..但如果無特別需要..其實都唔洗返學..因為係唔會有堂上..返黎只係玩玩具同睇電視
如果有人照顧佢..不如留返係屋企..我地咁同家長講當然唔係依班老師又唔撚想返工..因為無論返左一個同一百個我地都係要跟更表返工
星期六係好撚多小朋友返黎..你話係咪完全無人照顧..唔係囉..有d呀媽係家庭主婦..因為覺得我交左學費(政府資助後其實有部分係一蚊都唔洗出)當然唔好蝕..又有早餐午餐食..打風都帶佢返學啦
又有部分家長唔想個小朋友係屋企阻住哂..試過有個呀爸話自從無左工人(依個已經係依道算做有錢d既一家）..所以星期六佢地要清潔屋企..所以佢地既小朋友唔可以係屋企阻住..果個你個仔黎架..係屋企咁阻住你不如唔好生呀
#11usernotfound•2017年7月11日 21:32:05
認同
窮人生仔真係苦了下一代
#12肥熊貓•2017年7月11日 21:33:03
星期六呢都有得比少少錢留係學校耐d..但就無平日一至五留咁耐..最多留到三點半..咁星期六佢地比錢留係學校做咩呢..就係訓教啦
所以呢..都唔多人會選擇既..但偶然都有既..可能一個月入面有一至兩個星期有人留低
試過有次 有個k3小朋友星期六留低..咁我就八卦問下佢呀爸呀媽呢 佢話呀媽返工
呀爸同朋友行山 依d父母你話邊道搵..平時已經日日將個女留到七點先放學..星期六就放佢係學校..自己同朋友去行山 我明日日返工係好辛苦..但小朋友係你自己要生既..生佢出黎唔該付返少少責任呀屌你..你自己就去玩..個女就留係學校
#14肥熊貓•2017年7月11日 21:39:37
/認同
窮人生仔真係苦了下一代/
記得好耐之前重讀緊大學我同我男朋友講 無錢真係唔好生仔..唔係盞害左佢一世
個陣佢重話我..咁窮人依世都唔洗生啦
但幾年之後 當我開始催佢幾時結婚呀 日日對住學校d小朋友我都想要一個既時候
佢竟然同返我講未儲夠錢 唔可以結住..唔可以生住..未夠錢養佢
出到黎做野 真係會令人諗野都成熟左同埋比依個社會令你睇到現實
#15リウイ•2017年7月11日 21:40:13
唔係個個窮人父母都係咁嘅
但尼D父母真係pk黎
#16肥熊貓•2017年7月11日 21:45:37
/唔係個個窮人父母都係咁嘅
但尼D父母真係pk黎/
咁當然啦..但生之前真係諗一諗生左出黎邊個照顧佢呢..你又有無時間陪佢呢
真係ok啦覺得無問題我理得你生成隊足球隊呀
但唔好因爲慳個十蚊八蚊又或者日日上連登聽d巴打講中出即飛後搞大人個肚之後焗住負責任..最後唔止害左自己同個女仔..個小朋友咁就一世架啦
#20肥熊貓•2017年7月11日 21:54:09
/拜金拜物質既垃圾社會既「現實」/
只可以怪香港貧富懸殊得太誇張..唔係大家想咁重視物資咁重錢..而係如果你乜都無既時候真係幾歲人已經好似睇唔到佢既將來
#24乖啦唔好喊•2017年7月11日 22:06:50
有好多老豆老母生左個細路出嚟 但又唔想照顧個細路
寧願比錢人 將個仔交比其他人照顧 都唔想自己照顧
#25屎忽比你痕•2017年7月11日 22:14:09
其實，有錢人都無咩時間見仔女
#26肥熊貓•2017年7月11日 22:16:04
講下一個我諗我依世都唔會忘記既小朋友
個小朋友讀k3既女仔黎..短頭髮戴眼鏡..個名男又用得女又用得 因為學校日日都係著運動服
所以我一直都以為依個女仔係一個男仔
有一次依個小朋友問我 點解有人叫佢先生..我諗都唔諗答佢..咁你男仔黎緊係叫你先生 事後諗返起我真係on99
咁我係幾時發現佢係女仔呢 就係有次我係女廁見到佢
之後我即刻返去問我個partner..佢話係呀佢其實女仔黎..不過你唔洗驚訝 佢個陣都係以為佢係男仔黎
而班上面更加有d仆街家長同佢既小朋友講..係學校唔好同依個女仔玩..點解我地會知 因為佢地個d好刻意既行為係好易發現而小朋友都唔會講大話
但係班上面既大部分女仔..都因為佢既外表而唔同佢玩
#28肥熊貓•2017年7月11日 22:20:35
/有好多老豆老母生左個細路出嚟 但又唔想照顧個細路
寧願比錢人 將個仔交比其他人照顧 都唔想自己照顧 /
係 如果唔想理佢..真係唔好生佢出黎害左佢
#31肥熊貓•2017年7月11日 22:23:40
/其實，有錢人都無咩時間見仔女/
1dd啦..我依家無做上面講緊既屋村學校
做緊間都算中產先讀得起既學校
你話做醫生既忙唔忙呀..起碼都大部分時間送到個小朋友返學..有時有d野係睇你想唔想做同做唔做架姐
#32法國大餐•2017年7月11日 22:28:52
睇到有d心酸
得閒而唔理自己仔女既就唔好生啦
#33岩立沙穂•2017年7月11日 22:31:59
越生得多先有越多福利
#34岩立沙穂•2017年7月11日 22:33:45
/睇到有d心酸
得閒而唔理自己仔女既就唔好生啦 /
然後就話自己照顧仔女到心力交瘁
將仔女交比政府照顧
到仔女出身就接佢地返屋企收家用
#35肥熊貓•2017年7月11日 22:37:03
重未講完上面講果個成個男仔既女仔..繼續講
咁你地都應該估到依家d女仔最鍾意仍然係Elsa..唔好問我點解 我無睇過套電影答唔到你地
而佢地個個都會覺得自己係Elsa..港女公主病應該細細個就已經有啦 差在越大個病情越嚴重
咁依班好迷戀elsa既小朋友..係生日會既時候..特別鍾意扮公主返學..其實我想講係好得人驚 重要有d呀媽幫佢地淘左條假髮夾住
個下見到你真係心諗
https://img.eservice-hk.net/upload/2017/07/11/223411_524920fe0ac32d4863510c14c96a4c9c.jpg
為左等大家明白..我係淘寶搵左圖等大家睇下幾咁騎尼
https://img.eservice-hk.net/upload/2017/07/11/223458_926576329fb8dd189078385f0865c5b8.jpg
咁依班當正自己係elsa公主既人士..當然覺得自己同依個男仔樣既女仔好唔同..試過有次..依班小港女對住佢講..我地個個都係公主..但你唔係
個小朋友聽到你話幾hurt..而港女真係咁樣練成
#36肥熊貓•2017年7月11日 22:40:08
/越生得多先有越多福利 /
唔止越生得多越多福利 我係依間學校見過更多為左捰多d資源既手段
依d遲d可以慢慢同你地講..
#37Fukase•2017年7月11日 22:42:04
呢d老豆老母唔死都無撚用
希望第時比仔女放喺老人院無人探
#38肥熊貓•2017年7月11日 22:43:37
/睇到有d心酸
得閒而唔理自己仔女既就唔好生啦 /
係 當你望到佢地幾恨父母黎接放學個樣先心酸
重要佢地未讀幼兒園之前..有部分已經讀緊嬰園
姐係話野都未識講..行都未識行個陣..已經有近十個鐘留係嬰園
佢地既童年真係咁渡過
#40我老闆好撚型•2017年7月11日 22:47:58
以前我讀上午校，返學放學都係交比保母，
一星期都唔知有冇3 日見到父母架
都係咁過
由開頭就期待，到最後wfc
佢地冇咩點接過我放學
但對細佬完全唔同，重男輕女
#41幻影•2017年7月11日 22:51:12
好撚慘，而家啲人生仔都係為左打卡影相 成日話咩帶佢地去呢度旅行去邊度玩 但湊佢果個永遠都係婆婆公公 工人姐姐，而個細路根本唔需要去啲咩地方，只係要父母同佢地一齊既時間。
以前啲人生仔一係為左增加生產力一係為左延續優質基因，而家阿豬阿狗都生，生完又唔教唔理，淨係俾錢佢上堂，都唔知生黎做乜。
好認同你講既野，請繼續加油。
#42我老闆好撚型•2017年7月11日 22:52:56
/好撚慘，而家啲人生仔都係為左打卡影相 成日話咩帶佢地去呢度旅行去邊度玩 但湊佢果個永遠都係婆婆公公 工人姐姐，而個細路根本唔需要去啲咩地方，只係要父母同佢地一齊既時間。
以前啲人生仔一係為左增加生產力一係為左延續優質基因，而家阿豬阿狗都生，生完又唔教唔理，淨係俾錢佢上堂，都唔知生黎做乜。
好認同你講既野，請繼續加油。/
為左滿足虛榮心，用完就掉返比老師
跟手屌你教得差
#43全車加速•2017年7月11日 22:54:48
冇兩層樓比個仔…我都唔會生…香港真係困難模式
#45肥熊貓•2017年7月11日 22:55:32
/呢d老豆老母唔死都無撚用
希望第時比仔女放喺老人院無人探/
老人院好貴架依家
#46肥熊貓•2017年7月11日 22:56:42
/以前我讀上午校，返學放學都係交比保母，
一星期都唔知有冇3 日見到父母架
都係咁過
由開頭就期待，到最後wfc
佢地冇咩點接過我放學
但對細佬完全唔同，重男輕女 /
所以真係唔係話有無時間..而係如果佢想
點都會抽到時間出黎
#47CommonUser•2017年7月11日 22:58:41
有少少題外話 想知絲打畢業之後 同班個啲多唔多人轉行
#48真連登仔•2017年7月11日 22:59:09
好多仆街父母諗住生細路養兒防老 養細路果筆錢用黎自己洗分分鐘仲好
生著唔識教佢 或者生左個曳仔 佢第時怨鳩你真係大家都冇癮
#50肥熊貓•2017年7月11日 23:00:33
/好撚慘，而家啲人生仔都係為左打卡影相 成日話咩帶佢地去呢度旅行去邊度玩 但湊佢果個永遠都係婆婆公公 工人姐姐，而個細路根本唔需要去啲咩地方，只係要父母同佢地一齊既時間。
以前啲人生仔一係為左增加生產力一係為左延續優質基因，而家阿豬阿狗都生，生完又唔教唔理，淨係俾錢佢上堂，都唔知生黎做乜。
好認同你講既野，請繼續加油。/
肯帶佢去玩帶佢旅行我覺得真係算係咁架啦 起碼放假都同佢一齊過同肯花錢係佢地身上
雖然好多人會話咁細個帶完去旅行都唔記得架啦
但如果你地見到小朋友去完旅行之後..係喊住話唔要返學 你就知個幾日佢地有得全日對住自己父母係幾咁開心
#51殺戮都市•2017年7月11日 23:00:40
大陸喱係唔會理你，佢地會繼續生繼續claim綜援
得閒嘆下茶湊下仔屌下西咁又過一日
你唔生佢地生
佢地只會教佢地個仔投親建制派
佢地個仔只會講清狗語
窮人唔生仔->輸入外來種->港人絕種
https://lihkg.com/thread/313717/page/1?ref=ios
– 分享自 LIHKG 討論區
#52我老闆好撚型•2017年7月11日 23:02:49
/肯帶佢去玩帶佢旅行我覺得真係算係咁架啦 起碼放假都同佢一齊過同肯花錢係佢地身上
雖然好多人會話咁細個帶完去旅行都唔記得架啦
但如果你地見到小朋友去完旅行之後..係喊住話唔要返學 你就知個幾日佢地有得全日對住自己父母係幾咁開心/
細個見住佢地成日嘈交，一d 都唔中意留係屋企
所以我好中意返學
係一個乖乖學生
#53肥熊貓•2017年7月11日 23:03:25
/有少少題外話 想知絲打畢業之後 同班個啲多唔多人轉行 /
我d同學比較特別 我諗近半都有做幼師
唔講咁多廢事自爆
但幼師依行流失率極高 所以就算年年大把人不論ive定ied..bu畢業..fresh grad 都好易搵工
#54CommonUser•2017年7月11日 23:05:03
/好多仆街父母諗住生細路養兒防老 養細路果筆錢用黎自己洗分分鐘仲好
生著唔識教佢 或者生左個曳仔 佢第時怨鳩你真係大家都冇癮/
我諗新少少班80後父母 應該冇咗養兒防老個概念
成日覺得佢地係當玩模擬市民養仔
#55肥熊貓•2017年7月11日 23:05:59
/冇兩層樓比個仔…我都唔會生…香港真係困難模式/
望住我依家教緊班小朋友 再望返之前屋村學校個班
已經唔係贏在起跑線上..人地根本一開始已經係終點等緊
#56肥熊貓•2017年7月11日 23:08:05
/我諗新少少班80後父母 應該冇咗養兒防老個概念
成日覺得佢地係當玩模擬市民養仔 /
我都覺得依家既人應該無依個概念先生佢地出黎
但唔敢包老左無錢之後走去問d仔女追債咁話自己養左你幾多年點供書教學
#58肥熊貓•2017年7月11日 23:17:15
/望住我依家教緊班小朋友 再望返之前屋村學校個班
已經唔係贏在起跑線上..人地根本一開始已經係終點等緊 /
/講埋呢家有錢果班小朋友係點丫
有咩分別/
小朋友黎講 醒個d可以得個兩歲把口已經講野好叻..d口吻好似大人咁
重未計佢地對住我就講廣東話..對住英文老師就講英文
試過有次我分緊茶點..有個小朋友過黎叫我幫佢掛書包
：呀X老師呀..你可唔可以幫我掛書包
：你自己去試下掛先啦
：下..你依家好忙咩
:都真係幾忙架 你自己去試下先啦
#59食m榮少•2017年7月11日 23:22:23
想聽多D分享
細個周圍同人講大個一定要生小朋友
覺得得意又好, 人生必經又好 總之好想日後有機會就生BB
但近呢幾年見到好多老豆老母又唔識教
D小朋友壓力大過大人返工
香港讀書環境又越黎越走偏
慢慢開始對生仔呢樣嘢好卻步
小朋友時期好得意所以會想生
但諗到10-20年後個仔問我做咩生佢出黎我真係唔識答..
利申: 窮撚
#61鈺瑩•2017年7月11日 23:24:51
人大咗先發覺其實好多人生仔但唔鍾意細路
有啲會落咗佢, 有啲真係覺得對住個細路係受罪
有啲咪搵個工人湊自己乜都唔理, 到星期日自己湊返就講到要咗佢條命咁
#62食屎狗狗•2017年7月11日 23:25:17
我細個都讀全日制幼稚園
成日都好想留係學校食埋晚飯
因為覺得晚飯好好味，又可以玩耐啲
#63杞憂•2017年7月11日 23:25:28
/小朋友黎講 醒個d可以得個兩歲把口已經講野好叻..d口吻好似大人咁
重未計佢地對住我就講廣東話..對住英文老師就講英文
試過有次我分緊茶點..有個小朋友過黎叫我幫佢掛書包
：呀X老師呀..你可唔可以幫我掛書包
：你自己去試下掛先啦
：下..你依家好忙咩
:都真係幾忙架 你自己去試下先啦 /
有錢果啲細路真係講野成日串串貢咁 我本來suppose屋企有錢既話老豆老母應該都有番咁上下教育程度有修養 點解會出啲咁既細路
#65肥熊貓•2017年7月11日 23:34:20
/想聽多D分享
細個周圍同人講大個一定要生小朋友
覺得得意又好, 人生必經又好 總之好想日後有機會就生BB
但近呢幾年見到好多老豆老母又唔識教
D小朋友壓力大過大人返工
香港讀書環境又越黎越走偏
慢慢開始對生仔呢樣嘢好卻步
小朋友時期好得意所以會想生
但諗到10-20年後個仔問我做咩生佢出黎我真係唔識答..
利申: 窮撚/
係 好同意依家小朋友好大壓力
個陣重係屋村學校..我一開始咪話班上面除左絕大部分讀公屋..都有d係有錢少少既..佢地放個小朋友黎讀pn班(姐係2歲班）係想佢地黎學自理各方面既野..等佢地可以考到好d幼稚園
個陣我地班有個小朋友考到間好出名既幼稚園..家長日佢個媽媽同我講 你都知我個小朋友下年讀個間架啦
所以我地都好緊張..但係呢..要比圖片佢睇..佢先識讀個圖既英文..就咁比個字佢..姐係apple咁佢就唔識啦..點樣可以教到佢認字
我個下真係想派打膠比佢..佢先得個兩歲你咪撚咁痴線啦好無
重要其實個小朋友已經好叻架啦..但就因為佢呀媽知道佢入到名校開心到癲左咁日谷夜谷佢
所以佢雖然得個兩歲我地都覺得佢壓力大到神經衰弱咁..唔小心賴尿已經係學校喊到癲左
同埋最緊要既係 你入到個間幼稚園..你小學都唔會入返到個間架啦..你又唔係住中西區..錢又真係無乜 對比起住個區既人士..重要你個小朋友係依道就叻..入到去就什麼都不是架啦
點解唔比佢有個快樂童年..要逼到佢兩歲已經咁
#66肥熊貓•2017年7月11日 23:38:02
/我細個都讀全日制幼稚園
成日都好想留係學校食埋晚飯
因為覺得晚飯好好味，又可以玩耐啲 /
我細個都係 放學個陣見到d同學可以係學校訓教..都好想留低一齊訓
#67edwinewo•2017年7月11日 23:39:11
好反對d人讀長全日制，放學返去真係要沖涼訓。如果逼於無奈要比小朋友讀真係唔應該生….
#68食m榮少•2017年7月11日 23:39:20
/係 好同意依家小朋友好大壓力
個陣重係屋村學校..我一開始咪話班上面除左絕大部分讀公屋..都有d係有錢少少既..佢地放個小朋友黎讀pn班(姐係2歲班）係想佢地黎學自理各方面既野..等佢地可以考到好d幼稚園…../
睇字都覺得個小朋友好慘..
你生佢出黎點解唔係錫佢係逼佢
#69肥熊貓•2017年7月11日 23:43:08
/有錢果啲細路真係講野成日串串貢咁 我本來suppose屋企有錢既話老豆老母應該都有番咁上下教育程度有修養 點解會出啲咁既細路 /
我上面講個小朋友唔係串架 只係佢有個句講個句..
但有錢既家長呢..有d會覺得自己個小朋友係完美..咩都幫佢諗藉口
試過同個家長講 你個小朋友搶完人野再掟落垃圾桶望住人笑喎 佢就hehehe..佢同緊佢玩姐..佢唔係蝦佢架 佢係屋企都咁玩架
我幾想同佢講..下次不如我放你小朋友落垃圾桶再hehehe咁笑..然後話我同緊佢玩呀
#70edwinewo•2017年7月11日 23:45:36
其實做家長都好矛盾，而家我個小朋友都係讀緊happy school，想佢有快樂童年。但其實一直都會擔心佢升小點好，因為happy school 一樣都好多人爭。而學校要喺一個短短嘅面試入面揀學生，其實都係睇d好實質嘅能力。
我想佢開心，但都要比佢上興趣班提升競爭力….所以香港小朋友點會唔大壓力？
#71肥熊貓•2017年7月11日 23:46:03
/好反對d人讀長全日制，放學返去真係要沖涼訓。如果逼於無奈要比小朋友讀真係唔應該生…./
我做過之後都唔明點解要有長全日..話就話照顧雙職父母既仔女 但連自己生計都未搞得掂就不如諗清楚係咪真係要生佢出黎
#72肥熊貓•2017年7月11日 23:47:07
/睇字都覺得個小朋友好慘..
你生佢出黎點解唔係錫佢係逼佢 /
我都唔知上面講個小朋友依家點 但可以肯定既係佢既父母一定癲左繼續日日谷佢
#75肥熊貓•2017年7月11日 23:51:55
/其實做家長都好矛盾，而家我個小朋友都係讀緊happy school，想佢有快樂童年。但其實一直都會擔心佢升小點好，因為happy school 一樣都好多人爭。而學校要喺一個短短嘅面試入面揀學生，其實都係睇d好實質嘅能力。
我想佢開心，但都要比佢上興趣班提升競爭力….所以香港小朋友點會唔大壓力？/
係 我之前都同個fd講過雖然大家細個都無乜人理..日日放學就睇電視咩興趣班都無上..有個快樂童年
但當你考得差個陣..父母都係會屌到你上天花板..同埋嚴重起上黎打你 所以諗返起童年並唔係想像中咁快樂
但如果有得簡..我地會想細個條路辛苦少少..起碼大個之後有機會易行d
我覺得你安排興趣班比你既小朋友最緊要佢有興趣 唔好逼佢上一d佢唔鍾意既就ok..
#77強黃哥•2017年7月11日 23:54:29
之前實習都有件趣事
個陣幼稚園要同班細路做評估
其實都係考番功課做過既野
有個女仔佢本身幾叻
但班主任教個陣佢冇聽所以唔識做
其實啲評估成績都冇咩大不了
點知同完佢老母講
第二日放學佢好撚認真咁講左堆野
：家長 ：班主任
：我尋晚同佢傾左好耐架喇 唔係佢冇聽書 係佢隔離個小朋友嘈住佢唔比佢聽囉
：…… 其實唔緊要既 下次再努力呀
明撚明坐佢個女隔離個個小朋友有自閉唔會講野
利申 幼教仲未grad
#78肥熊貓•2017年7月11日 23:54:47
各位聽日再傾 我訓教啦
有乜想知想問都可以講..睇下我答唔答到
其實今日已經比平時晏左好多訓教
#80嘻嘻傻仔•2017年7月11日 23:59:13
咁個男仔頭小朋友後來點？
留名支持繼續打
#81熊貓寶寶•2017年7月11日 23:59:30
/留名 黎緊讀PGDE 想睇下d經歷/
/你讀邊間 ft定pt/
pt 夜校
我而家有教興趣班同play group ，但都睇得出屋企條件好同唔好既小朋友係有分別
不過而家最煩係暑假混左班，見到堆K2 K3 不停蝦個K1 BB仔
#84肥熊貓•2017年7月12日 00:04:37
/之前實習都有件趣事
個陣幼稚園要同班細路做評估……/
D家長癲起上黎係好痴線 所以評估表成績表係要好小心咁去做
#85肥熊貓•2017年7月12日 00:05:16
/咁個男仔頭小朋友後來點？
留名支持繼續打 /
個男仔頭重有好多野可以講 聽日繼續
真係要訓