Belladonna of sadness (original:哀しみのベラドンナ, 中譯:悲傷的貝拉朵娜)係非常早期嘅anime。用依家嘅眼光，最remarkable係佢由手塚治虫嘅動畫公司製作，山本暎一執導。Errr，約略涉獵過早年漫畫scene嘅我必須要講，手塚治虫漫畫之神個名係後來加俾佢，同埋只可以套用係主流漫畫；真正應該點名果位，係協助作畫嘅林靜一。西方世界想係近代中國搵oriental beauty，佢地只會搵到表面係女人戲實則depict封建制度嘅作品，變左China Study；而林靜一真正將成個舞台交左俾女人—-老實講我係睇唔明的—-佢筆下嘅女人迷人程度超乎想象。另一位美術監督深井国，翻查Wiki佢同拓植義春住埋一齊fd過打band… 成個60-70年代大師級譜系出晒黎。
言歸正傳，本身我對手塚治虫嘅anime冇乜興趣(網上嘅簡介完全冇提林靜一個名，如果知有佢份我一早睇左)，但見到我好欣賞嘅漫評人形容呢出戲”grotesque yet brilliant”，又好想睇睇…… 終於，係冇交電話費俾人cut電話同上網，而老公又ot到深夜果陣睇左。以下係睇戲筆記。
當年(1973)似乎未有真正意義嘅anime，畫面唔係每秒24格嘅motion picture，大部份時間係一卷長長嘅靜止水彩畫，鏡頭由一個scene移去下一個scene。水彩用色簡直係一絕，唔似其他果個年代嘅anime同電影配色，相信2016年將佢數碼化及後製嘅公司Cinelicious都付出唔少心血。故事嘅講述我會形容為minimal(因為近排呢個字好hit)，只有為數唔多嘅對話，輔以零碎歌詞同旁白。我最鍾意一幕，Jeanne一個人洗擦身體。前一刻仲係絕色水彩，下一秒變左灰暗失真粗顆粒畫面，明明好靜，又好似聽到white noise一樣Jeanne心入面各種聲音蠢蠢欲動。到呢一刻我回想起都唔sure係咪真係有加background noise。
劇情就咁講出黎好似寓言咁簡單。有強權作惡但仇恨元素缺席，迴避左一般男人戲果種「復仇之路」格局。世界觀相當完整，有代表God and the Authority嘅the Lord，以及企係對立面嘅Satan，有善良而平庸又怕事嘅丈夫，仲有最重要嘅主角Jeanne—-佢只係一個擁有出眾美貌嘅普通人。佢受到Satan庇佑，但唔係得到力量隨心所欲想點就點—-Satan只係救佢免於一死，and excites her。
一面睇一面覺得Jeanne好adorable，但搵唔到用邊一個普世價值字眼足以形容。直到尾聲，班村民—-大部份時間默默飾演background decoration—-終於表露不滿，畫面展示Liberty Leading the People&預示the start of French Revolution ，我先諗到，可以形容Jeanne嘅字眼係「自由」，both mentally and physically。哪怕明知要招致厄運，依然忠於自己。
(！， 肯定係中文世界太多噪音將呢個字眼同大陸嘅「電子監控、新彊集中營」對立，令我唔記得左佢本身係點解。)
Jeanne指嘅原來係聖女貞德(French: Jeanne d’Arc)。我事前唔知。四両撥千斤咁掃除左一d性別定位，好聰明。
必須要提到入面大量disturbing sex scenes，仲有一場rape scene。d情緒表達得好accurate。好在細個on99走去睇獵奇漫畫，再disturbing都完全免疫。講開又講，寫女人寫得好嘅作品，基本都包含大量sex scenes，簡直係指定動作。(唔好聯想到村上春樹，佢唔識寫女人的)
據說本片係面向Art students嘅作品，唔知係佢地眼中出戲會係點樣? Other than that，我唔推薦冇睇開anime或者漫畫嘅人睇呢出戲。我覺得佢嘅吸引力唔太universal。
完!
– by Lee source
1/2019