(編註)
1. 原post link於此, 誠意鼓勵大家推推post
2. 為利於閱讀, 現只留有心回覆
3. 就史料爭拗卻未見詳盡觀點者亦刪去
4. 回應本blog初衷, 所有圖片均未有include
5. 引用內容以”/”標示
6. 內容太多, 呢邊會分開幾個post
7. 部分引用時事講笑(以”*”標示),編者會盡量加返註解係段尾
致敬 科學怪人巴打 & 所有推post巴打 @LiHKG
(/編註)
Index:
63. 殺局改組 – 康文署、食環署成立/#5
64. 推行高官問責制/#21
65. 香港回歸前後既一系列教育改革/#30
66. 沙士事件/#45
#5科學怪人
63. 殺局改組 – 康文署、食環署成立
先講下香港潔淨局係喺1883年4月成立，當時成立係為咗解決大量中國苦力湧港、居住環境擠迫所造成既公共衛生問題，要起返足夠既廁所同排污系統。1888年5月31日，為咗鼓勵社區參與公共市政，有交差餉既人都有資格選出其中兩名潔淨局成員，成為香港開埠第一次選舉
1935年3月1日，潔淨局改組成為市政局，增加咗非官守成員既人數，進一步鼓勵更多行業專才參與
去到1953年，市政局既職能由公共衛生延伸到房屋方面，為咗喺管治上更加貼地，民選議員陸續增加到1956年既8席，增加咗民主成分
1974年因應新界新市鎮既發展，區域市政局成立並且管豁新界既市政事務
1983年市政局進一步民主化，原本有選舉都係小圈子，而家就擴大到年滿21歲既成人都有資格選出一半既議席；而去到1995年彭定康大玩政改，規定市政區同區域市政局全部議席都由直選產生，違反咗中方希望有一定委任議員既意願，所以殺局基本上係無可避免
回歸之後，特區政府借住禽流感事件乘機削去兩區喺公共環境衛生方面既權力，並且以避免資源重疊作為理由殺局。當時立法局裏面無論係民主黨、民建聯定係自由黨，以致係區域市政局主席劉皇發都表明反對
政府方面認為而家分由兩個市政局去管理相同既事務係浪費公帑之餘，更加會因為職權分散而影響行政效率。之後再喺中央既協調之下，立法會都係以4票之差通過殺局，取而代之係康文署同食環處負責返兩局既市政事務，而區議會並無承繼任何實際市政權力，繼續都只係無實權既地方諮詢機構
#18唔想諗野
/政府方面認為而家分由兩個市政局去管理相同既事務係浪費公帑之餘，更加會因為職權分散而影響行政效率。之後再喺中央既協調之下，立法會都係以4票之差通過殺局，取而代之係康文署同食環處負責返兩局既市政事務，而區議會並無承繼任何實際市政權力，繼續都只係無實權既地方諮詢機構/
所以而家食環先至咁仆街
btw唔係食環署咩
#20科學怪人
/所以而家食環先至咁仆街
btw唔係食環署咩 /
sor 打錯字
標題係啱嫁
btw 如果管治班底係無足夠既民意授權同制衡，任何制度同架構都只會出產你所講果類人
#21科學怪人
64. 推行高官問責制
所謂行政主導，即係話政府高層係由公務員話事同制定政策，喺特區成立既初期就係咁。當時除咗律政司司長梁愛詩之外，所有既司長同局長都係公務員出身。公務員其實即係打份工，理論上唔係衰刑事既話係做錯野都唔炒得，無一個所謂政治承擔既責任
美國行緊果套就叫做政治主導，即係政府最高層都唔係公務員，而係由總統任命既人，大多係相同政黨既人士，任期會隨住總統任期一齊結束，中間衰咗亦都要有政治承擔甚至下台
中共果邊本身一直都係好反對香港行美國果套，唔想破壞行政主導既基礎。可惜喺回歸之後發生既事件令到香港人對特區施政信心盡失:
1997-1998 禽流感瞞報事件
1998新機場啟用大混亂事件
2000居屋短樁事件
2000年八萬五已不存在風波
喺現行既框架下，再爆多幾多鑊都好，公務員都只係打份工，令到社會輿論開始要求問責制
中央方面對於政治主導既概念都開始軟化，原因在於過往其他政策局長都係under政務司司長既公務員，有一個問題係會聽政務司(陳方安生)講隨時多過聽特首（董建華）講，形成分庭抗禮。1999年陳方安生正值花甲之年需要退休，正好就係諗下點樣改變既好時機，令到特首可以集權，更加重要既係咁做為董建華連任鋪路
1999年6月28日，董建華委任醫管局既行政總裁楊永強出任衛生福利局局長，成為咗回歸後第一個唔係公務員，以合約制外聘既政策局長。香港發展出自己果套既高官問責制度，既唔會好似英國咁由議員出任主要官員，又唔會好似美國咁每屆換哂差唔多所有主要官員
喺香港既問責制度下，大致有以下既改變:
1. 司、局長唔再係公務員，任期跟返委任佢既特首
2. 特首有權委任任何佢屬意既人選出任司局長，有關人士唔再一定係公務員出身
3. 公務員體制之中原有既局長職級改稱為常任秘書長，自此常秘成為香港最高級既公務員
4. 原本既公務員變身問責官員之後，當作退休處理長糧同福利
高官問責制原意係好，不過好衰唔衰，喺制度實施一年之內發生兩件大事，嚴重打擊新班子既民望同問責制既形像:
1. 2003年3月財爺梁錦松喺財政預算案之中大幅調高汽車首次登記稅，不過傳媒就挖到佢喺一個月之前買咗部凌志房車。梁錦松捐返個差額雙倍畀福幼，可惜了唔到事
董伯伯認為佢只係無心之失，無須下台
2. 2003年3月起香港受到SARS衝擊，楊永強局長被指刻意隱瞞疫情，並且未能採取有效措施導致疫症喺淘大爆發
董伯伯唔單止唔炒楊局長，仲委任佢做非典專家委員會主席
由此可見，喺司局級官員做唔到野、做錯野既情況下，董伯伯都無按照問責制既精神炒咗相關官員，反而仲喺言行上維護佢地，令到高官問責制喺當時名存實亡
#22最佳樓主角
記得當時楊永強有個廣告左cut右cut再接先出到街最後仲要播咗幾次就收起咗
#23科學怪人
/記得當時楊永強有個廣告左cut右cut再接先出到街最後仲要播咗幾次就收起咗/
唔太明
#24吉田朱里.
當年喺電台大大聲話沙士冇社區爆發
#25最佳樓主角
/記得當時楊永強有個廣告左cut右cut再接先出到街最後仲要播咗幾次就收起咗/
/唔太明/
好似SARS嗰時播，拍到pat屎咁
#27科學怪人
/當年喺電台大大聲話沙士冇社區爆發 /
唔想影響旅遊業呀嘛
#28科學怪人
一開始反對，之後
#29科學怪人
/好似SARS嗰時播，拍到pat屎咁/
搵唔搵得返？
#30科學怪人
65. 香港回歸前後既一系列教育改革
王永平回歸前做港英既教育統籌司、回歸之後又做教統局局長，算係教育改革既其中一個牽頭人。佢自己就指出香港喺其他方面既制度都可以五十年不變，唯獨是教育一定要變
1. 母語教學
首先本身無論係升學定係就業，學識英文都係會有優勢，所以以前香港主要都係英文中學為主。1967年英中對中中既比例仲係2.6:1，去到1980年已經變成7.2:1。1982年國際顧問團已經指出要平時喺屋企唔講英文既中國學生返到學校用英文學習，一定會令到學生側重死記硬背，影響到其他科目既學習
1989年9月開始，所有設18班以上既官立同資助中學都增加多一位中文科既學位教師，希望加強學校既中文教育，不過當時都仲係容許學校自決用中文定係英文授課，只不過喺指引上講明唔建議中英混用去教同一科
一路去到1997年3月，政府開始強制學校只有證明到教師同不少於85%既學生有足夠能力使用英語既情況下，先至可以申請繼續使用英語授課，否則就喺英文堂以外既科目都需要用母語，政策喺1998/99學年起收既中一生開始生效。不過因為只有少數既傳統名校同地區名校(全港114間)獲批准繼續用英文教，有評論就認為當局既措施有標籤效應。有教育學者更加質疑咁樣係限死咗學生學英文既機會，認為要學好英語先至可以維持競爭力。終於去到2010年9月，教統局孫明揚局長宣佈微調政策，容許中文中學去到中四以上自行決定教學語言
2. 三三四學制
香港曾經係英國既殖民地，學制都自然承襲咗英國制度，5年中學、2年預科再加3年大學。喺依個制度下，考生要接受兩次公開考試既洗禮，所以當中造成既考試壓力一度受到批評
依樣野其實早喺1986年已經由香港大學學生會提出，當中經過咗廿幾年漫長既討論同諮詢，去到2009/2010學年終於正式改制
咁公開試果度就變咗得返中學文憑考試，除咗一take過決定升學命運之外，喺課程上同過往會考、高考都有唔同:
1. 過往考生評級係用A到F作為評級，文憑試改用1到5級，個目的係要減輕標籤效應，因為過往印象之中考A就係精英、考F就係辣殺
壞處: 叫法唔同姐，換湯不換藥
2. 過往係用拉Curve既方式做評核，即係將各級成績派比指定數目既考生；文憑試就以水平參照形式評級，即係不論人數，只要考生達到某個指定分數就可以獲得某個評級，避免學生能力因為整體表現而被高/低估
壞處: 果年出得太易/太難既話就會出現集體高/低分
3. 為咗減少「一試定終身」同鼓勵持續評核，校本評核既比重增加到30%
壞處: 老師都係人，難免會主觀地對個別學生有所喜惡
4. 加入必修既通識科，希望訓練學生既獨立思考同對社會既觸覺
壞處: 通識科既評分標準都有設定，限制咗學生既思維框架，陶傑試考肥佬唔通代表陶傑無sense？
另一方面，三年制既大學比較偏向專才化，學生淨係可以側重學習自己本身既專業；四年大學既話就可以將第一年定為基礎年，果年傾向著重通識教育同加強語文基礎，亦都通過副修去維持學生學習同選科上一定既彈性
#31長期病患者
97 後最 on9 嘅教育改革就係母語教學同 334
母語教學令到香港人英文水平大幅下降
小弟係中中出嚟
上到 u 先知自己同英中嘅差距好大
最基本 英中嘅人識嘅 vocab 多中中嘅好多
中中上到大學 可以話堂堂都上英文堂咁
仲有 334 令到香港偏去通才多過專才
以前 AL 數理屎啲嘅可以淨讀文科
寫字屎嘅可以去讀理科
334 根本無呢支歌仔唱
中英數通識計分比重太重
仲有最 on9 嘅普教中都未講
#32科學怪人
/97 後最 on9 嘅教育改革就係母語教學同 334
母語教學令到香港人英文水平大幅下降
小弟係中中出嚟
上到 u 先知自己同英中嘅差距好大
最基本 英中嘅人識嘅 vocab 多中中嘅好多
中中上到大學 可以話堂堂都上英文堂咁
仲有 334 令到香港偏去通才多過專才
以前 AL 數理屎啲嘅可以淨讀文科
寫字屎嘅可以去讀理科
334 根本無呢支歌仔唱
中英數通識計分比重太重
仲有最 on9 嘅普教中都未講 /
社會上的確有過普教中既呼聲
以我所知當時既教改並無接納成為廣泛政策，普教中亦都只係個別學校既校政
所以無特別講
#33科學怪人
btw 我記得巴打你講過你係CU人，CU好似某d course 可以揀用廣東話授課？
btw 認同巴打既講法，334某程度係減少咗專一瓣既入大學既機會
所以真係有辣有唔辣
#391000歲（人瑞）
抒發一下我對香港當今局勢嘅睇法，大家要明白一件事，即使你唔去掂政治，政治都會去主動搵你
唔好負評我
共匪詭計多端！當今世上萬惡之源！究竟香港嘅未來應該點樣去行？誠然港獨原意係好，而且亦係對香港人最好嘅選擇，但係共匪實在太強大，文武兼備，要五毛有五毛，要槍有槍，要炮有炮，我哋必須考慮到自己究竟有冇足夠力量成功令香港獨立，抑或只係流於理想之中，以宜家大部分香港人嘅生活水平，究竟有幾多人願意為對抗中共而犧牲自我？肯定有，但亦係少數。
大家請睇下中華民國，由1949年失去大陸江山以嚟，仍堅守到台澎金馬至今近七十載！證明消滅共匪仲存有希望！如果台灣識做嘅話，就應該持續強化軍備，準備他日同共匪決一死戰！收復大陸河山！
大家，都面對住共匪唔同形式嘅迫害！樓價貴，學位少，每日150腥移民，人口爆炸，以至中國人公民質素低下，全部都係共匪一手造成！共匪不擇手段意欲摧毀香港本土文化，但以宜家民主化嘅中華民國絕對冇可能做出比肩共匪嘅惡行！
請大家支持香港回歸中華民國！匯聚全港民意向臨時首都台北之總統府請願！與其等到2047年等死，不如回歸中華民國！咁對香港亦未嘗係好選擇！況且中華民國先係正統中國，法理上中華民國亦有《南京條約》正本，絕對有權收回香港！共匪必須被消滅！我笑住睇班五毛橫屍街頭！
中華民國萬歲！
正統中國萬歲！
三民主義萭歲！
反對共匪（陸獨），反對台獨，中華民國先係中國正統！
共匪必須被消滅！中華民國將會再次統一中國！請大家支持香港回歸中華民國！中華民國先係中國嘅未來！中華民國先係香港嘅未來！
本人再一次請大家支持香港回歸中華民國！中華民國萬歲！
#40科學怪人•
不過現實真係唔好睇到台狗咁高
比港豬更加怕死
睇SARS果陣香港醫護人員係咁中招都仲前赴後繼，堅持專業
台狗話要封閉醫院只收sars病人已經又話依樣又話果樣
要而家既佢地流血打仗？不了
#41游大輝
教改果2個政策係極累事，搞到香港學生嘅整體英語能力大跌，而且又令到入大學嘅學生水平急降包括我在內
真係好做唔做
#42長期病患者
/btw 我記得巴打你講過你係CU人，CU好似某d course 可以揀用廣東話授課？/
咁你都認到我
CU 某啲通識科都可以用廣東話教
但到本科 course 根本就無可能
因為一定有中國人一齊上
#43科學怪人
/教改果2個政策係極累事，搞到香港學生嘅整體英語能力大跌，而且又令到入大學嘅學生水平急降包括我在內
真係好做唔做 /
個政策原意係班「教育專家」係見到唔少中學都係中夾英，即係所謂「英文課本、粵語教授」
加上好多唔係教英文科既先生英語水平都未如理想
擔心會變成英文又教唔掂、學科又學唔掂既情況
對於中中大部分既學生嚟講係德政
殊不知衍生出少數有能力入U既中中學生(#metoo)上到大學既銜接問題同整體英語水平下降問題
於是孫九招2010年做既微調 算係攞返個平衡
#44浪子回頭
中共就係想搞死你香港教育，334改制只係想香港跟中國果套，母語教學搞到學生英文更差，搞死你英文，再用普通話人溝淡你
#45科學怪人
66. 沙士事件
2003年2月10日，香港本地報章開始報導廣東省出現一種不知名既怪病，都以奪命怪病、病毒性肺炎等既名稱命名
廣東當局對依隻怪病一開始係採取封鎖消息既態度，所以大陸網民都係估估下，有d消息話死得5個，有d又話已經死咗幾十個。佢地通過互聯網同手機短訊獲知唔同既訊息，以訛傳訛之下反而搞到人心惶惶。當時有傳言話用白醋燻蒸房間係可以殺菌、食中草藥板藍根就可以預防肺炎，大陸人就一窩蜂咁四出搶購
最慘既係，消息傳到入香港之後，一眾港豬竟然相信白醋同板藍根既「神奇功效」並且開始搶購。衛生署署長陳馮富珍得悉傳媒既報導之後多次嘗試聯絡廣州市同廣東省衛生當局去了解事件，可惜都係聯絡唔到，唯有轉而向北京衛生部求助。2月11日，北京衛生部證實廣東省爆發「嚴重急性呼吸系統綜合症」(SARS)
陳馮署長召開新聞簡報會，指香港方面流感同呼吸道感染病症方面都未見有不尋常既情況，並且表示衛生署會密切監察情況。衛福局局長楊永強回答記者問題果陣多次表示市民無須恐慌，指出「日日都會有肺炎發生」，強調健康人士小心個人衛生就可以預防患上肺炎，睇唔到會有「控制唔到既肺炎喺香港出現」
2月21日，廣東省既醫科退休教授劉劍倫嚟香港出席親戚既婚禮，住喺香港京華國際酒店911號房。第二日佢覺得身體唔舒服，去廣華醫院求醫，之後轉咗去深切治療部。大陸果邊特登打電話去廣華，建議廣華考慮搵專家去診治佢，廣華就邀請港大微生物教授何柏良等嚟診視，證實劉患上咗嚴重非典型肺炎，最終劉都係喺3月4日證實不治
另外，劉劍倫感染咗佢既妹夫同酒店7個住客，再輾轉搞到3月10日疫情喺威爾斯親王醫院爆發。當日威院8A病房工作既7個醫生同4個護士同時請病假，搞到院方要即時關閉病房、唔收病人同唔准探訪。第二日，威院請病假既同事已經去到50人，當中23個被評估須要即時入院
事態嚴重，3月12日威院8樓被劃為禁區，醫護人員被分為不潔同潔淨小組，前者負責照顧患上非典型肺炎既病人，後者就照顧其他病人
不過喺3月14日，楊永強喺新聞簡報會當中繼續賴，依然強調香港並無爆發肺炎，促請傳媒唔好發放不實訊息令到全世界誤以為香港有爆發，認為咁樣對香港好不利
3月26日疫情終於開始喺淘大花園E座爆發，一共有15個案，喺傳媒既監察同報導之下，楊局長無得再賴，政府先至開始採取更嚴厲既衛生措施阻止沙士喺社區大規模爆發
3月29到4月6日，政府宣佈全港學校停課，之後再延長停課令到4月尾，唔少學校唯有將測驗卷當假期功課派畀同學做，不過包括本人在內既小學雞喺依段假期其實只係喺屋企打CS同AOE度日
3月30日淘大既個案增加到190宗，E座需要徹底清洗同所有居民被強制隔離十日；至於所有同沙士患者有密切接觸既人都要強制隔離10日，仲要每日去衛生署醫療中心報導並接受檢查；抵港同離港人士全部需要量度體溫，有異常既全部唔准出入境；喺宣傳方面，政府要求市民戴口罩，並且用1:99 稀釋漂白水清潔家居同倒喺水管系統既U型聚水器當中
喺疫情爆發期間，政府被指反應緩慢、做事又慢半拍，於是香港民間都各出奇謀自救。商台節目風波裏的茶杯當時就由鄭經翰主持，節目通過同學生、議員、官員等既對話同質詢去跟進疫情處理
有醫護人員投訴醫管局認為手術口罩已經可以提供足夠保護，拒絕向醫護人員提供性能更好，可以有效防止空氣傳染既N95口罩，鄭經翰就喺節目之中發起「一人一口罩」籌款運動，目標籌得14萬港元嚟買每個7蚊既N95口罩，即時得到汪明荃捐10萬支持；之後鄭經翰又建議「一人一個橙」行動，首富李嘉誠答應向5萬名醫護人員捐出100萬個美國金山橙，等佢地可以享用20日
因為鄭經翰真係做到實事，而節目係喺早上7點到10點播，所以佢被稱為「十點前特首」
另外4名工程師以so sick 網站發放受沙士襲擊既樓宇名單，逼到政府肯自動自覺公開，亦都係體現民間力量
香港電腦商會主辦既電腦節原定2003年5月1日喺深水埗腦場附近既街道舉行，不過因為沙士既關係押後到5月15日。當時香港疫情未消失，仲喺世衛既旅遊警示名單當中，加上當時經濟低迷、人人怕病、市面死氣沉沉，商會仲要繼續搞依d 吸引人流聚集既展銷活動，理論上真係等死
不過意外出現咗，正正係因為之前2個月d 人少出街洗錢，儲起咗既消費力竟然係一次過爆發出嚟，亦都令到香港電腦節聲明大噪同成功上位，做就咗03年之後一年大搞兩次電腦節既傳統(03年原位搞兩次、04年起街展、會展各一次)，體現咗民間經濟自救
#47天然矮
沙士真係證明政苦係on9嘅最好例子
#48科學怪人
/不如樓主開個平台放哂d文落去 咁d人唔洗揾得咁辛苦麻
fb or ig都好 /
有諗過好似講故台班人咁開FB 專頁/紙言
不過我覺得學術Post 性質唔同，重點唔在於我講既野，而係巴絲之間既交流同討論
佢地都畀咗唔少好既建議同補充
所以我個人係希望大家係可以抽多少少時間逐個留言去睇哂
如果咁都覺得辛苦，咁我日日寫咪
我唯一會留既係tg: lihkgherit
一路都想搞多d 建築文物導賞團同歷史分享
#49吉田朱里.
楊永強真係高質到
#50科學怪人
/沙士真係證明政苦係on9嘅最好例子/
無辦法，禽流感單野受唔到教訓
班官又唔想影響到旅遊業
#51長期病患者
/個政策原意係班「教育專家」係見到唔少中學都係中夾英，即係所謂「英文課本、粵語教授」
加上好多唔係教英文科既先生英語水平都未如理想
擔心會變成英文又教唔掂、學科又學唔掂既情況
對於中中大部分既學生嚟講係德政
殊不知衍生出少數有能力入U既中中學生(#metoo)上到大學既銜接問題同整體英語水平下降問題
於是孫九招2010年做既微調 算係攞返個平衡/
其實我覺得咁樣教都無乜問題
最少接觸到嘅英文一定多過全中教
語言係需要浸出嚟 唔係一個禮拜上幾個堂英文堂就教
#52科學怪人
/其實我覺得咁樣教都無乜問題
最少接觸到嘅英文一定多過全中教
語言係需要浸出嚟 唔係一個禮拜上幾個堂英文堂就教/
對此當時王永平仲有一招:
駐校NET (Native-speaking English Teacher)
喺98/99學年同母語教學同步實施
每間學校都有一個鬼佬英文先生
希望補足返因爲母語教學所導致既英文水平下降，做返個語境
好想知巴打點睇
#53長期病患者
/對此當時王永平仲有一招:
駐校NET (Native-speaking English Teacher)
喺98/99學年同母語教學同步實施
每間學校都有一個鬼佬英文先生
希望補足返因爲母語教學所導致既英文水平下降，做返個語境
好想知巴打點睇/
一間學校閒閒哋幾百個至一千個學生
成間學校得1-2個 net teacher
好多時都係一至兩個禮拜得一堂英文堂係由 net teacher 教
邊會有成效
#54科學怪人
/一間學校閒閒哋幾百個至一千個學生
成間學校得1-2個 net teacher
好多時都係一至兩個禮拜得一堂英文堂係由 net teacher 教
邊會有成效 /
其實真係好過無咁解
一個禮拜一堂，一班咁多學生
#55科學怪人
/楊永強真係高質到 /
你瞞住我，我亦暪住我，太合襯
#61張繼聰相繼失聰
/沙士真係證明政苦係on9嘅最好例子/
刻意隱瞞、反應慢半拍
#63科學怪人
/刻意隱瞞、反應慢半拍/
不過果位事後仲上咗神枱
#65張繼聰相繼失聰
跟住樓主係咪會講05 wto conference?
03沙士之後政府仲搞咗維港巨星匯，一鑊粥
情況重衰過暴動後70年代為粉飾太平而舉辦嘅香港節（頭兩屆成功、之後反應冷淡而收皮）
回想起sars 期間電視新聞報導每日感染人數逐日增加，由最初得個知字，到高峰期越睇越心寒，香港成為疫埠，最得人驚係唔知道幾時會完，覺得香港應該玩撚完
#68游大輝
/於是孫九招2010年做既微調 算係攞返個平衡/
就算英中，果陣時讀啲數理科啲老師都係中英夾雜咁教，除非有副校長黎睇堂，果時先會用全英文教，但係發現啲老師嘅英文又唔係差喎，就係唔知點解上堂果陣唔肯用全英文教
#69游大輝
/其實我覺得咁樣教都無乜問題
最少接觸到嘅英文一定多過全中教
語言係需要浸出嚟 唔係一個禮拜上幾個堂英文堂就教/
英文好靠興趣，無興趣你就唔肯接觸，唔接觸就學唔到英文，所以根本逼唔黎。全英教學個好處係比啲學生接觸到英文而慢慢浸出嚟，如果連接觸嘅機會都無的話係好難要求佢地搞得掂英文的
#70游大輝
/對此當時王永平仲有一招:
駐校NET (Native-speaking English Teacher)/
小學果陣好鍾意同個澳洲 net 吹水，覺得同佢講完野之後個人會放鬆左，升中之後都會間唔中返小學搵下佢講下當時面對緊嘅問題，然後又會得到啲好唔同嘅意見同解決方法。有 Net 嘅好處係唔單只比學生一個機會同啲 native English speakers 講野學英文，仲可以接觸到外國人嘅諗法，思維模式，可以話係比啲細路一個機會去見下外面嘅人。不過好可惜有好多中小學生，甚至有啲大學生都好抗拒同人用英語對話，我見無論果陣讀中學定小學都好，都無乜見過啲學生會同啲 net 傾計，依個 policy 真係好靠學生嘅自發性，成效未必如想像般大，不過叫做有好過無咁囉
#71游大輝
/一間學校閒閒哋幾百個至一千個學生
成間學校得1-2個 net teacher
好多時都係一至兩個禮拜得一堂英文堂係由 net teacher 教
邊會有成效 /
聊勝於無啦，咁對某啲 active 同埋肯主動踏出第一步嘅學生黎講係有益處嘅
#73游大輝
/回想起sars 期間電視新聞報導每日感染人數逐日增加，由最初得個知字，到高峰期越睇越心寒，香港成為疫埠，最得人驚係唔知道幾時會完，覺得香港應該玩撚完 /
都唔怕自曝年齡喇，當時我得4歲，讀緊幼稚園，一開始話停課仲好開心，但後來每日開收音機聽到果日有幾多人確診同埋死左真係好驚 成日都會怕自己會唔會染到 sars 會唔會死 好記得果陣嘅諗法係我得4歲好細個唔想咁快死 直到依家講返起 sars 都會好灰，希望以後香港唔會再發生啲咁嘅災難啦
有班仆街仲話想香港黎多次 sars 等樓價大跌，我真係要屌班仆街嘅老母
#74科學怪人
/回想起sars 期間電視新聞報導每日感染人數逐日增加，由最初得個知字，到高峰期越睇越心寒，香港成為疫埠，最得人驚係唔知道幾時會完，覺得香港應該玩撚完 /
香港無成為過疫埠
旅遊警示姐
差好遠
網上放假料果個14歲靚仔拉咗
#75科學怪人
/小學果陣好鍾意同個澳洲 net 吹水，覺得同佢講完野之後個人會放鬆左，升中之後都會間唔中返小學搵下佢講下當時面對緊嘅問題，然後又會得到啲好唔同嘅意見同解決方法。有 Net 嘅好處係唔單只比學生一個機會同啲 native English speakers 講野學英文，仲可以接觸到外國人嘅諗法，思維模式，可以話係比啲細路一個機會去見下外面嘅人。不過好可惜有好多中小學生，甚至有啲大學生都好抗拒同人用英語對話，我見無論果陣讀中學定小學都好，都無乜見過啲學生會同啲 net 傾計，依個 policy 真係好靠學生嘅自發性，成效未必如想像般大，不過叫做有好過無咁囉 /
依個啱，資源就擺喺度，係睇你肯唔肯用
#76科學怪人
/都唔怕自曝年齡喇，當時我得4歲，讀緊幼稚園，一開始話停課仲好開心，但後來每日開收音機聽到果日有幾多人確診同埋死左真係好驚 成日都會怕自己會唔會染到 sars 會唔會死 好記得果陣嘅諗法係我得4歲好細個唔想咁快死 直到依家講返起 sars 都會好灰，希望以後香港唔會再發生啲咁嘅災難啦
有班仆街仲話想香港黎多次 sars 等樓價大跌，我真係要屌班仆街嘅老母 /
SARS咁得人驚，所以之後MERS政府學精咗，有理無理捉哂去隔離先
#77張繼聰相繼失聰
/香港無成為過疫埠
旅遊警示姐
差好遠
網上放假料果個14歲靚仔拉咗/
係喎
我都被洗咗腦
#821000歲（人瑞）
其實沙士正正體現咗共匪嘅仆街之處，而直到今日仍然冇變過一分一亳！共匪必須被消滅！
#84plancktime•6 個月前
/抒發一下我對香港當今局勢嘅睇法，大家要明白一件事，即使你唔去掂政治，政治都會去主動搵你 /
軍事上，打杖死好多人。
而且受限國制條約，台灣發展唔到核武，大陸可以發展核武。
所以中華民國唔可能靠軍事反攻大陸。
最好用文攻，令大陸好似蘇聯咁collapse。所以大陸出最賤最cheap最拿渣招數，就係整中共國家防火牆城，google都踢走。
目前香港人好反對蝗蟲，可能都係大陸招數。令香港人反蝗，大陸有藉口唔俾咁多大陸人黎香港，避免佢地接觸反共信息。
#85plancktime
/軍事上，打杖死好多人。
而且受限國制條約，台灣發展唔到核武，大陸可以發展核武。
所以中華民國唔可能靠軍事反攻大陸。
最好用文攻，令大陸好似蘇聯咁collapse。所以大陸出最賤最cheap最拿渣招數，就係整中共國家防火牆城，google都踢走。
目前香港人好反對蝗蟲，可能都係大陸招數。令香港人反蝗，大陸有藉口唔俾咁多大陸人黎香港，避免佢地接觸反共信息。/
長遠再搵藉口2047後消滅兩制