AT, [Nov 6, 2017 at 6:33:54 PM]:
…書名：戀文的技術
作者：森見登美彥
書名睇落似係the elements of style之類嘅寫作工具書，但實際上係小說，而且唔係愛情小說，如果要歸類大概要稱之為無厘頭文學。
故事講述主角大學畢業後遠離家鄉進行研究，寂寞難耐又冇事可做，萌生左寫信鍛練寫作技巧嘅念頭。小說分左十二章，全部都係主角寫俾朋友嘅書信。例如第一章教個fd追女仔，但出親都屎橋，愚蠢程度超出常人，感覺似睇緊周星馳笑片；第二章寫強勢學姐，第三章寫補習學生……角色之間互有聯繫，咁多封信拼砌之後得出事情全貌。
雖然基本上冇對話，而且得主角單方面敍述，不過作者9up水平幾高，所以故事都幾生動豐富。另外，主角因應自己位置，寫俾唔同人會有唔同態度、內容取捨，好似佢寫俾妹妹就不斷美化自己，想佢尊敬自己。算係呢本書有趣之處。
PS 呢部用左唔少作者前作《春宵苦短，少女前進吧》neta，有興趣可以睇左先。