本書唔太差，但唔算太好睇。本書基本上涵蓋晒伊朗歷史，所以好難要求佢好深入咁每一個時期，但作者都呈到文化歷史如何影響及塑造現代的伊朗人。尤其係最後一章從伊朗的角度去睇翻美國的外交政策同干預對伊朗政權同外交政策的影響，寫得幾好睇同易明。作者係學者同外交家，亦有寫佢同伊朗國王的討論，都有一定價值。
本書有D缺點，其中一樣就係冇地圖，冇地圖對唔熟地方的讀者係好唔方便，一開始以為係譯本問題，點知英文都冇。另外係譯文有一兩部分有少少問題，不過都還好。最後要提一樣野就係英文原版係2009年出，有部分內容未cover晒奧巴馬同侵侵的對伊政策。
如果係想一本過了解現今美國伊朗關係都可以一讀，如果想睇深入少少就要再搵書。
– By Filibuster_HK