聽完 Irwin 推介睇咗韋勒貝克（Michel Houellebecq) 嘅《誰殺了韋勒貝克》（Le carte et le territoire / the map and the territory)，如果對藝術展、法國、人與人同社會距離、老病死有興趣嘅，呢本書應該好合口味，有Art 底嘅應該會有更深嘅理解同評價，唔怪得推介俾Noir，我都唔敢review 啲乜
除咗用文字虛構出幾個展覽同畫作好有趣外，作者都幾鋒利咁批判現化商業社會同藝術嘅關係、現代社會同有錢人嘅品味、倚賴現代科技而忽略基本等等。呢啲描寫係絕對尤重法國，預想咗將來法國嘅發展，藝術又以咩形態生存。
另外，幾中意佢對距離嘅描寫，處身喺社會裡面，人係孤獨嘅個體，同家人、愛人疏離，同愛人再親密原來都有不觸及嘅話題，反覆嘅遠離同靠近……氣氛好蒼白、淡如水
再強調，呢本嘢個譯名係好有問題，明明叫《地圖與版圖》（好似同Alfred Korzybski 有關），但因為作者寫自己比人剁碎咗就搬嚟做書名，仲要劇透咗內容……明明唔係推理小說🤔所以可忽略標題，拎上手睇睇
– By Mo
7/2017