29 Dec 2019 by 咖哩嗱好友 source
首先，如果你唔太想記，甚至連睇都無時間睇，請你記住兩句說話！
心裡：「警察講既每一句說話每一隻字都帶有目的，和應隨時會害死自己」
口裡：「我無野講」
— 好警察壞警察（Good cop / bad cop）
２個警察審你，Ａ扮壞人，Ｂ扮好人，
Ａ會狂兇你，侮辱你，鬧你，得罪你全家人，
Ｂ會保護你，哄你，扮你朋友，想得到你信任，
你心裡自然覺得Ｂ係好人，所以會向Ｂ自作招供，然後自己坐監。
— 身同感受式
１～２個警察審你，事先查你底，套用你既以往經歷作故仔，
令你感覺自己有「相同經歷同路人」，覺得佢可以信得過，
然後閒談中因傷心事而情緒漸失自作招供，然後自己坐監。
— 囚徒困境
有多個被捕人士，輪流或同時間各自隔離獨自一人受審，
警察將混合多種方式針對唔同被捕人士，
如：向Ｙ講：「Ｚ已認罪，你無事你走得啦」，然後因懷手足兄弟情而自爆，
向Ｙ講：「Ｚ已認罪，你認左有幫佢，我幫減你少少刑啦」，然後自爆，
向Ｙ講：「Ｘ，Ｚ都指證係你做，你認左佢就減你少少刑」，然後自爆，
向Ｙ講：「佢地全部都認曬罪，見佢地認罪幫下佢地減刑，你呢？」然後自爆，
綜合黎講就係運用「唔知其他手足口供」既情況用各方面撬你把口，一開口就自己坐監。
— 各種不合理對待
冷氣室，焗爐室，污髒房，唔比食飯，唔比睇醫生，唔比見律師等，
呢啲大家聽得多，但係警察眼中，呢啲只係一種審訊既方式，
被捕人士因受不住困係惡劣環境或自身久佳狀況，想走出去，繼而自爆，
換黎兩日安樂，十年坐監。
— 精神侮辱式
女既話你係雞，男既話你係鴨；一直以侮辱既說話傷害你既精神，
直至令你既精神崩潰，令你精神錯亂期間亂咁講野，話中可能自爆，
然後自己坐監。
— 密室隔離式
獨自隔離你一人，四面密封，牆無隙縫，
隨時間過去，令你自然產生焦慮感及抑鬱感，
加上現今人人機不離手，無人傾計無機傍身令人更加焦慮，
最後因為忍唔住想走出去，繼而自爆，然後自己坐監。
— 兇惡靠嚇式
唔定時唔定候，無神神兇你，
如威嚇搞你家人，搞你朋友，知你住邊，知你幾時做乜做乜，叫你醒定啲，
令你對「未知的恐懼」產生害怕既感覺，繼而覺得「與其驚一世，不如坐十年」，
繼而自爆，然後自己坐監。
— 唔比你訓式
顧名思意，唔比你訓覺，你一開始想訓或者訓無耐就叫醒你，
循環多次後，令你唔夠訓精神錯亂而亂講野亂簽野，
或最後敵不過睡意，繼而自爆，然後自己坐監。
以上係自己唸到既各種「非物理暴力」既方式去搓你入罪，「物理暴力」方式我就唔列舉了，因為
全．部．都．係．一．樣．無．人．性
////// 以下係其他人嘅回應 //////
#45
人地揾錢方法就係拉人
拉得愈多，告入得愈多就愈多OT
你俾人拉咗後嘅每一句說話
都係佢地揾錢嘅方法
#53
千祈唔好諗住俾人拉完就坐硬 乜都認曬搏減刑
事實上因為證據不足當庭釋放嘅case有好多
但係你48個鐘一認左就一定坐硬
就算想講野、想認罪
留返法庭同法官講講 同律師商量完先好講
更加唔好同狗理論辯論 贏左口舌之快但你要坐十年
#64
漏左一隻，先食屎再食砂糖再食屎式
比班前線犬暴力拉之後，入到個個都好聲好毛，等你有個 警察其實都唔係咁壞，都有好警察 既念法
#93
自己睇路 唔好問乜就答乜 第一份口供錯既野 律師都救你唔到
和理shop鳩拉背後既目的
#115
會問有前設既假設性問題
eg 問你點解要打爛d野呀？
點答都死，除左我無做過/我無野講
因為答左=應左有做再比埋原因，直接上庭見
#210
聽過，
1）會熄燈，好暗，一嘈又凶你，叫你唔好講嘢，完全唔敢出聲。
2）班狗查袋嘅時候，開始大聲數入面有咩，然後無啦啦話有把刀，明明就無帶刀。然後另一隻狗就衝出嚟凶：「咩啊！屈你啊？吓！」
3）一開始係臨時羈留室，特登是旦叫一個人上去臭格，分開隔離，唔會話俾你聽咩事，特登做到你個case好嚴重咁。
4）等咗好耐先落口供，成日要等，落完口供之後，啲狗「無意」令你知道，要最後處理因為好嚴重，不停靠嚇。
#246
仲有一個情況都好易奶野，就係
臭格都有臥底狗，你以為同你一齊被拉就係手足，唔一定架，呢招真係好易中，一間臭格可以有五六隻鬼，唔知嘅就易中招，feel 到唔妥嘅又會令你懷疑人生
#302
//比畜牲瘋狂毆打 可以點做//
首先佢要打你，點都可以打你
但一定唔可以講野，一隻字都唔好講，其次可以試下扮驚，反利用佢心理，扮到好驚佢咁，佢可能會用番Good cop Bad cop呢招，咁你起碼可以過得好少少
#311
要有咁嘅心理準備：
入咗去你當呢48 Or更長嘅時間自己係機械人，無論幾痛苦都照食，唔可以自爆。自爆就係咁先。
你唔會係第一個咁痛苦，亦都唔會係最後一個，自爆放棄前諗下死去嘅手足，被失蹤嘅手足，諗下出去後要做啲報復。
自爆放棄就無以後，就等於一世輸俾黑警，咁做乜仲光復香港，時代革命？
#380
有朋友深夜被捕，POPO話警署冇CID，轉左兩間警署，最後等十八小時先落口供
亦有朋友中午被捕，等三個小時就落口供
#397
敏感起上黎對親人都無野講，有啲呀爸呀媽就真心想自己仔女番屋企，叫個仔女講出黎快快啲番屋企仲好啦，呢啲父母又唔係話佢蠢，只可以話真情流露，但唔太識玩
#451
以下為係醫院遊歴，習得popo chok 料心法，在此分享
白車上見聞
第一招:
疲勞轟炸 係車上chok你料，不斷問你咩事，chok到你傻，就好似層壓式推銷咁，不斷疲勞轟炸。
第二招:
大鳩你:係白車上面條友chok 唔到料，就call左個大啲嘅大鳩你，話你再講唔到咩事，就只可以聽對家講嘅嘢，對你可能不利。你唔講個人資料就話你拒絕提供資料，想用激將法。
第三招:
傷你自尊，話你浪費大家嘅時間，快啲講完對大家有好處，唔好阻住佢地做嘢，又話你扮嘢。又話你去醫院無用㗎，最後咪又係警察做返嘢。
白色高㙮篇
除咗車上三招，仲有其他流派，特此紀念。
第一招: gd cop bad cop, 有經驗嘅popo會大鳩你，話你再唔合作，就拉鳩你，講啲罪名嚇怕你，然後就話要向大sir請，跟住就另外一個 popo就同你講，啦已經幫你爭取到最好㗎啦，機會過咗就冇，唔係唔想幫你，大家都唔想咁麻煩，都係想件事好姐，個d廢話啦。 總之好仔唔當差。
第二招: 講道理，同你講話你依家咩都唔講你好蝕底，陣間又要被錢啲律師賺，你不如早啲講好啲。
我唔係針對邊個，不過佢哋又唔讀書，佢哋講嘅道理真係尸吊都廢鳩事。
第三招:數量壓制，popo見你咩到唔講，就會開始call 馬，務求被壓力你。嚇你等你驚，要你快撚啲認左佢。佢哋可以由1個唔夠講，到2個，再到4個，之後9個咁招呼你。但千祈唔好比佢哋大到，好似上面講，一怕一講，本身唔使坐，最後監都有得你坐。
#474
班狗會用任何形式叫你開電話
1.影相
2.通知你屋企人你被拉
3.熄機
4.打電話
5.攞資料
仲有佢哋會扮好人向你攞料 (我可以講之前有人講佢哋返到去嘅態度好好係真嘅)
佢哋扮同你傾計嗰陣會特登搵啲嘢跣你
eg.你見到我哋嗰陣有冇同返你啲手足講?
好似上面嗰條咁，你話有啫係認為你有份
如果識心理學嘅人，應該知道要扮跟佢思路，實際上永遠都打唔中佢要嘅紅心，等佢覺得你合作，但係佢又搵唔到料chok你，先唔使受咁多苦
但係普通手足如果心思唔夠細密，用依個方法好易中伏，所以盡量唔好講嘢，問你咩都唔好答，(唔suggest嘅係你可以扮關心佢，問下佢平時做嘢辛唔辛苦，但係關於你被捕嘅所有嘢都唔好答) 我冇嘢講
#498
仲有打既全部都未講
比如
打頭打面
証物袋笠頭
用警棍尾打
推落樓梯
等等
#531
1.我係商業罪案調查科既 岩岩唔夠人先黎幫下手既姐
2. 橫掂你都係唔講野架啦 一陣律師黎你都係唔講 不如依家同你錄埋口供
Btw : 我無野講 依句野係要講出口 唔係坐係到唔出聲就得
#556
幾難食既飯都要食，最多食多幾啖白飯。有被就cum, 唔好理污唔污糟。其餘時間一定係訓覺，唔訓都合埋眼休息。
會問家庭背景，父母做咩，問你工作/讀書背景，你都無責任答佢，無野問就送你返入去訓覺。
#588
更怕其中一件蟔警扮同你frd「關心香港、關心國際政治同關心國際關係史絕對係好事，我地差人都一樣好關心香同國時事。不同政見好正常同係民主社會既表現，但唔可以用暴力襲擊不同政見既人」云云
#605
所有狗都係仆街
從來冇白警嘅存在
手足咪撚比佢地呃到
#787
最賤喺鎖你入倉時入面有另一人主動扮晒同你同一原因被鎖入去，跟你同一立場一齊鬧黑警，然後套你講嘢漏口風
#843
記住香港無白警
因為白警應該阻止黑警影衰警隊
so far 冇人咁做,姐係3萬個都係冚家產
全部全家生cancer 死