1 Nov 2019 by 點心餃子大王 source
聽日唔會同大家一齊，但都希望大家平平安安，下面嘅內容全部都係翻譯自呢本指南：
PDF
重點：唔好同啲唔會做足安全措施嘅人講啲唔安全嘅嘢！！！
做任何嘢之前嘅基本保護功夫：
唔使課金：
Whatsapp用2FA
Telegram用2FA
Telegram用Passcode Lock
用Sim Pin
用太空卡開Telegram account（有啲SIM唔使錢都可以收SMS）
Email 用PGP encryption (雖然正常唔會用Email講啲咩敏感嘢)
同其他人講用任何敏感嘅嘢嘅時候（例如發夢日期，約記者訪問嘅時候，行動細節），用 AES-256 encryption。因為一定要有key先可以解密，你可以同每個人訂立一條獨一無異嘅key，噉樣一定唔會畀人解密到你哋講嘅內容（唔好on99用唔安全嘅方法講同傾條key）。
https://aesencryption.net/
要課金：
整Infrared cap（防紅外線CCTV）
用VPN
用Faraday bag（定期放電話入去，阻止部電話發出任何信號，包括GPS、Bluetooth、Wifi、Cellular。噉樣唔使拆電同SIM，都可以防止畀人追蹤你嘅行蹤）（買唔到可以自製，自己Google吓）
——
懷疑畀人跟蹤/監察
喺呢啲時候，你可以做以下嘅嘢去檢查身邊嘅人，睇吓有冇人跟蹤你。下面嘅方法全部都係針對Physical surveiliance：
基本觀察(1)：行去對面馬路，觀察本身喺你行嗰邊行嘅人。
基本觀察(2)：行車行嘅相反方向，畀你有機會觀察車上面嘅人。
忽然上落車（全部）：上車之前記住同你一齊上車嘅人，再下一個站忽然落車，睇吓有冇唔自然嘅人跟住你。
忽然上落車（巴士）：如果搭巴士，重要留意同喺巴士附近嘅車，睇吓有冇車一直跟住部巴士（香港右軚，記得坐右邊, 望右邊啲車。）。因為巴士嘅路線係固定嘅，跟你嘅人可以預先係其他地方等你，所以你要記住上車嘅時候，附近啲車嘅車牌，睇吓落車之後見唔見到佢哋。
Double Back: 扮唔記得攞嘢，離開一個地方再返翻去，畀機會你觀察身後面唔自然嘅情況。
突然U-turn兩次：第一次記住你後面有咩人，第二次再忽然轉身，睇吓有冇唔自然嘅人
入𨋢：畀機會你好自然噉觀察後面所有人，又逼跟你嘅人再行近啲你
入𨋢（II）：搭𨋢去高位，可以幫你觀察下面，睇到多啲嘢。
Blind Turn：好快噉轉入一個90度角嘅角落頭，再一直望向後。跟蹤你嘅人，為咗搵你嘅行蹤，一係會直接轉過嚟，一係會直行再望過嚟。
緊急停車（校巴專用）：如果懷疑畀人跟蹤，可以忽然停喺公路嘅避車處或者路肩，等跟蹤你嘅人暴露佢自己或者放棄再跟你。
Channelized Terrain：喺窄嘅地形忽然U-turn，例如橋，安全島，可以畀機會你近距離觀察你後面嘅人，睇吓有冇咩唔自然。
變通：用一啲唔自然，正常人唔會行嘅路線，令跟蹤你嘅人曝露。例如搭𨋢上一層，之後再行樓梯落一層。
搵朋友：叫你嘅朋友幫手觀察你附近嘅人。雖然唔一定有機會用呢招，但好有效。
——
擺脫跟蹤嘅方法：
***呢啲擺脫跟蹤嘅方法有個重要前提，就係對家冇追蹤你電話嘅信號。要完全Block你部電話嘅signal，一係熄機拆SIM拆電，一係用Faraday bag
變裝：隨時準備假髮，化妝，著鬆身嘅衫裝假狗（A波變E波；冇肚腩變啤酒肚）
用腳唔用車走：車走嘅路線有限，而且一個roadblock你就玩完。用腳可以入啲好多層、好多出口嘅建築物，例如商場。必要時可以用火警鐘同其他特別情況掩護你自己走路。
不停上落車：忽然落車，最後先上車，所有唔自然同突發嘅行動都可以幫你罷脫跟蹤
***記住，喺確定擺脫咗跟蹤你嘅人之前，千祈唔好返屋企。