scroll dowm for sourcce links
28 Jul 2019
(代朋友Post, 朋友係急症室醫生，以前亦做過內科)
醫生：發夢被捕時,有病不要上警車
大家好，我係一名急症室醫生。
有幾類病徵，可能代表你身體有暗病，大家好好記住
如果你發夢時咁唔好彩被捕，俾警察捉住左，而你咁岩又係呢個時候病發，你身邊又有記者影住(如果冇記者我諗佢地唔會理你)，你係有權要求白車送你去醫院，唔好上警車！
當你去到醫院，而你係因為以下呢幾類病徵去急症室，我地好大機會會收你上病房進一步檢查, 因為醫生好擔心會睇漏暗病, 所以佢地多數會檢查清楚先俾你出院
當你上到病房，係會有警員坐係你床邊看守你，而你亦都開始被警方拘留。當時間愈黎愈接近４８小時 ，而你身體又唔適合出院，佢地滿４８小時後落唔到案控告你就要徹離病房。(愈近48小時, 警會愈黎愈急, 係咁催醫生俾你出院, 你唔舒服係有權唔出院)
記住，以下呢Ｄ症状可大可小，大家認住病發個樣係點！
1. 抽搐 (Seizure / Convulsion)
又稱發羊吊，通常會：
a四肢抽搐
b反白眼
c失去意識
2. 心口痛 (Chest Pain)
a 心口中間好似俾大石壓住咁, 左邊膊頭痛埋一份
(痛到面容扭曲, 一隻手放係手口面前)
b 呼吸困難
c 暈眩
可以係心臟有事, 嚴重既心絞痛患者痛常會:
3. 失去意識 (Loss of Consciousness)
暈左, 四肢軟哂, 可以有好多原因, 包括但不限於:
a 心律不正
b 腦既病灶
一句講哂, 唔好上警車, 唔好去警署, 上左去左你就仆街
***************************
***************************
***************************
28 Jul 2019
醫院朋友想提大家，狗點解可以拉到義士!
幫朋友po:
我係港島一間龍頭醫院做醫護，呢幾日返工，處理左幾位義士入院，令我好想提醒下各位義士。
元朗發生既野，應該有好多義士受傷，我鼓勵受傷的人，最好都係要求醫。求醫的時候，以下的tips請各位義士記住啊!
A&E入院時：
1. 唔好比個登記處的文職大到你。冇身份證，唔緊要，職員會比個number 你，例如AE xxxxxxx，可以照見急症室醫生同入院
2. 同分流站的護士，你可以要求確保私隱的情況之下，先講野，因為醫院有警崗，同埋你唔知有冇便衣偷聽到。唔係想令大家唔信醫護，而係班警犬太狡猾。最重要係，你只需講你的傷勢，其他時、地、人，全部不需要講。如果佢問，你可以唔答，話唔清楚之類，因為你講既野，係會入medical record。總之唔好比機會將來班警犬利用黎入你，或者chok你。下面會解釋原因。
3. 見醫生的時候，醫生係想醫好你的傷勢，所以，相同原則，你只需講你的傷勢，例如棍傷就棍傷。比邊個的棍打傷，係邊度打傷你之類，其他不必要的資料，醫生係唔需要知道的。之前都有醫生講過，病人所講的事，我們全部相信，所以你話係同fd玩曲棍球整親，咁我們就寫曲棍球整親；你話跌親，就係跌親。各位聰明的義士，自己諗清楚係點整親啦。如果佢懷疑咩都好，千奇唔好食誠實豆沙包。
回應第2點，呢度順便解釋點解警犬有機會利用醫院拉人：
所有病人講的野，基本上都要入medical record，先唔計警犬有冇方法爆入系統睇你資料，如果你係見醫生的時候，講左你去左元朗，比警犬打你之類的資料，就會係medical record度紀錄左。
警犬係可以先拉人，後搜證。如果你不幸比警犬拉左，佢一申請到法庭手令黎醫院拎晒你的medical record黎睇，咁你當日同醫生講的野，就會比警犬知道。
所以，千奇唔好食誠實豆沙包。
千奇唔好食誠實豆沙包。
千奇唔好食誠實豆沙包。
（很重要，要講3次）
4. 有d好心的醫生同事，會轉介其他服務比你，提醒你，不必要的服務，諗清楚係咪真係需要。因為一接受左轉介，等於多幾個部門知道你的資料，同埋愈多人問你野，你個故事就愈容易出破綻。
一般醫生係做轉介前，會問你係咪比consent(同意)，你絕對可以話唔consent，唔同意。
如果醫生貴人事忙，唔記得左問你係咪同意喎，到果位allied health黎到的時候，你可以直接講返：我唔需要呢個服務/我唔consent，唔洗覺得唔好意思，要保障自己啊
有d同事會問你點解唔要service, 你照答返唔需要/唔想，就得架啦。
由於我們有既定程序，有d問題，象徵式都要問的。我係醫院夢遊見到果位義士呢，一開始佢講左個故事冇提過反送中受傷的，我心裏面覺得佢都醒目啊，點知，後來唔知係咪因為覺得拒絕我們，會唔好意思，問左幾條問題，佢就誠實豆沙包啦。以下純粹舉例：問義士點樣受傷，佢話受傷當日，係同某個反送中組織的人一齊，仲講左幾個fd的名。（咁樣會牽連埋其他去過反送中的兄弟架）
我們同事呢，就想幫你既，但係義士你咁爆響口，我點保護你啊？你咁答條問題，我們有機會寫低，我驚將來比班警犬拎到你的medical record，就有合理懷疑你去過反送中。
更重要係，如果警犬捉左你，拎住你係醫院講出黎的fd的名字， 佢就可以先捉埋你班fd，再搜證。
利申：
之前唔知幾多個medical staff見過義士，亦唔知其他staff有冇落過record，所以，各位義士，記得只講傷勢好啦!!
最重要係，你只需講你的傷勢，其他時、地、人，全部不需要講。如果佢問，你可以唔答，話唔清楚之類，因為你講既野，係會入medical record。
***************************
***************************
***************************
28 Jul 2019
我係急症室醫生
，教你發夢受傷點樣睇醫生。
記住你同文員登記，如果唔俾身分證而俾佢留難，就話：「我唔記得身分證號碼，而家無帶係身，我要睇醫生，麻煩你開unknown id，我家人會拎證比我後補。」
多數佢會將你個身分證換成UX#######，一間間急症室唔同，可應係UH/UM/UY諸如此類。同時你每次睇都會有一個AE號碼，務必要記住個號碼。登記UX#時，地址電話9/唔填都ok。
正常你一世人點都睇過公立，電腦入面你身分證嘅紀錄除咗有病歷，仲會有個人資料包括地址同埋緊急聯絡人資料，所以如果俾黑心嘅人見到而供你出去係好麻煩（當然我相信絕大部份醫護係唔會，我講緊其他有可能喺現場做嘢嘅人）。
睇醫生除左要獲得治療，仲係有驗傷嘅作用。正常情況非發夢如你比人打而又報咗警，警察會即場請醫生填一張驗傷報告，報告上面係要有病人同意同簽名醫生先會填。一般醫生未必會核對簽名係唔係真確，而且好多時d警察會起個病人走左先比張form醫生，你係可以主動醫生表明你願意/唔願意比資料。正常情況下，呢份報告係比警察用嚟拉打人果個同埋決定落咩charge，例如少少損咗瘀咗就普通襲擊，爆江斷骨就嚴重傷容他人身體。
睇完醫生，無論有無報警，你係有權自己申請醫療報告，尤其係如果你係純粹路過，有好強烈不在場證據，返屋企途中無啦啦俾人摳，又或者好似7警咁有明顯使用不必要武力行私刑，呢份報告就成為反告警方嘅證供。
如果你有反告嘅意圖，你記得個AE號碼就可以申請。如果你係用unknown id（UX#），一般來講好難證明份報告係你嘅。你可以選擇：睇完晒醫生，離開之前返去急症室，係周圍無警察時向登記文員出示身分證同埋你張籌update你病歷上資料，咁就可以避免現場比人圍同拉。
如果都係好怕比人篤魁，而又有反告嘅打算，可以唔咁做，照搵律師幫手拎報告，但當日一定要自己影低傷勢，要有樣，等告起上嚟多啲證據。記住，急症室現場醫生唔一定可以睇到晒所有傷勢，尤其係皮外傷，多數注意力去左處理左比較危險嘅傷勢，如果佢有漏，你可以禮貌地提佢，穩陣起見點都自己影埋相，返到屋企先影，醫院附例唔比影相架。
當然，如果你係單純睇醫生，咁睇完就走得，乜都唔好講，唔好update ID，無必要唔好覆診。
有關受傷嘅原因時間地點，之前都有人解釋過。醫生只係大概需要知道你點整親，例如仆親，俾人用硬物打，俾利器整親，俾不知名飛行物擊中，原因係評估你傷勢。地點唔重要。而時間唔係唔重要，而係唔需要太準確，即係你話今日就可以，唔一定要講幾點。記住你唔需要講大話，你只需要講最少嘅內容就得，但吹要有個譜，舉例如果傷口耐過24小時，多數係唔會即刻聯針架！
以上講法係假設你唔想比任何人追究到，唔想有機會喺急症室比現場警察拉，咁下面就唔需要睇落去。除非警察亂咁gup，醫護人員係唔會同警察講任何你嘅資料架！
如果係唔係夢遊，而係住客落樓比警察打，又或者警察圍毆你，你想告警察，而你份醫療報告上面寫嘅時間地點，或受傷機制同你嘅證供有出入，係有機會出問題。記住，醫療報告並唔能夠證明你點受傷，只能夠提供證據作邏輯推論，例如你同官話比人用棍摳，但報告傷勢係狗咬，咁證供同傷勢唔吻合就好有問題。如果你話比棍摳，而又有鏡頭影到事發經過，所以證據吻合，告得入機會係大啲。
我有問話律師朋友，你同醫生講嘅「時間」同「地點」同「事發經過」而寫咗落報告，並唔能夠證明你真係在場或者唔在場，又或者作為受傷原因嘅絕對證據，法官係會參考晒所有野去判。例如，如果你無同醫生講係比警察打，但有鏡頭影到，其實都告得入。調返轉如果你講左，但無其他證據，個官都有可能參考報告嘅內容去判斷你係唔係真係俾警察打。
如果你已經俾人拉左，打死都要求去睇醫生，因為有報告先有可能反告。如果你走得甩但要睇醫生，你就認真思考下你想點樣睇醫生最好。無論如何，影低所有傷勢，第時一定有用。