#1陌樂偈•2017年7月16日 18:51:04
幾個月前，我開始了一個計劃－
「每日迫自己搵一位陌生人傾偈」
我在創意台開了一個Post
用文字紀錄每天的「陌樂偈」經歷
短短一個月，我遇見了精神病患者、馬匹訓練員、
香港小姐、英國領事、懲教署男職員⋯⋯
【練膽大法】我每日迫自己搵一位陌生人傾偈
https://lihkg.com/thread/108799/page/1
很多巴絲也留言為我打氣，叫我繼續堅持下去 #hoho#
經過幾個月的堅持，《陌樂偈》竟然可以出書了！:~(
多謝各位巴打、絲打一直以來的支持！#adore#
出一本書，是我從小到大的心願。
沒想過這個願望，竟會在今年成真。
假如幾個月前有人告訴我：
「你現在開始搵陌生人傾偈，把這些經歷寫下來，半年後就可以出書，森美還會當這本書的推薦人。」
我一定會說：「發神經！」
我沒有正式寫過文章，也沒人讚過我的文筆，
開始寫陌樂偈文章，只是因為我想做這件事。
結果，有幸得到各位陌生人讀者的支持，
幾個月後，明報出版社竟然邀請我出書！
任何事情沒有開始做，就永遠不會知道結果。
希望各位陌生人，也去做自己一直想做的事。
衷心感謝每一位看過陌樂偈文章的巴絲，
沒有你們，就不會有這本書。
這本書收錄了第1-32天的【陌樂偈經歷】，
以及特別收錄了6篇全新的【陌樂偈教室】，
分享我的陌樂偈心得，讓你也能夠傾陌樂偈。
各位親愛的陌生人，
歡迎來書展，搵我傾一場陌樂偈。
書展日期：7月19－25日
明報出版社攤位：
Hall 1C（書刊館）1C-C04-16
大家都是陌路人，不妨傾場陌樂偈！
#2思古#•2017年7月16日 18:54:56
係全部真人真事定點
#3陌樂偈•2017年7月16日 19:00:08
/係全部真人真事定點/
多謝巴打留言！#hoho#
全部真人真事～（除咗4月1號嗰篇）
我文筆冇咁好，作唔到咁多唔同人嘅故事[sosad]
#8紙鸚鵡•2017年7月16日 19:41:46
犀利 未睇過但知道出書一啲都唔容易
我都喜歡寫文 但可以受人支持仲去出書係好難得
恭喜巴打 繼續搵啲好野去寫
#12失業廢青•2017年7月16日 19:56:41
記得個陣第1次睇你開post，覺得你好痴線[banghead]
之後係到諗自己搭車個陣會唔會見到你[sosad]
#15有野震我•2017年7月16日 20:04:56
一定買
見過你
(勿相認)#tongue3#lme
#16陌樂偈•2017年7月16日 21:10:07
/犀利 未睇過但知道出書一啲都唔容易
我都喜歡寫文 但可以受人支持仲去出書係好難得
恭喜巴打 繼續搵啲好野去寫/
多謝巴打支持！#hoho#
我覺得自己唔犀利，只係比較好彩，咁啱俾出版社留意到
我知道有很多人筆文比我、比我更努力，也未有這個機會
希望巴打你，以及其他喜歡寫文字的人
也會繼續努力，寫出更多有意思的文字
現在，已經愈來愈少人喜歡閱讀文字了
但我相信文字依然有它獨有的力量，永遠不會被取代
#17陌樂偈•2017年7月17日 22:04:57
/負皮？傻撚咗？#ng##ng##ng#
連登仔見人搵到錢就踩㗎啦[sosad] 酸呀嘛[sosad]/
其實喺香港，好多作者出書都預咗搵唔到錢
只係希望多啲人可以喺書局見到自己嘅作品
好似我咁，每本書賣$78，只可以分到8% = $6.24
假設唔知點解咁好彩賣到500本，都只係得$3120
但我用咗好長時間，先寫完書入面呢七幾萬字
如果用呢啲時間嚟做M記，一定可以搵到更多錢
#25林一•2017年7月17日 23:13:37
Btw 樓主我有追個post好好睇同埋令我都想咁樣關心/同啲一個人愁愁地嘅人傾計開解佢地
#26科威特賣雨褸•2017年7月17日 23:19:33
有inbox過你講我既經歷O:-)
由day1開始一士有睇你FacebookO:-)
恭喜你呀出書喇#hoho#
#28陌樂偈•2017年7月19日 15:51:43
/連登仔：你打幾隻字好辛苦呀？我叫你打㗎咩 宜家有錢收就要插啦 借呢個地方搵錢/
多謝巴打曲線支持#adore#
To 某部分連登仔：
打字唔算辛苦，但真係好花精神時間心機
咁又真係冇人迫我打，所以都冇人迫閣下買書
各位依然可以上網免費睇
#34天才小釣手•2017年7月19日 19:15:37
/連登仔：你打幾隻字好辛苦呀？我叫你打㗎咩 宜家有錢收就要插啦 借呢個地方搵錢/
#no# 但呢個post 正負皮既風向唔係咁喎
創意台屌親個啲都係發”youtuber”夢既人#hoho#lme
仲有個最近既”即刻駁咀”#sosad#lme
#35陌樂偈•2017年7月19日 21:05:06
/有睇第一個po#hoho#
有諗過會唔會係街撞到你[sosad]/
多謝巴打#hoho#
我遇過一位巴打～
嗰次我一開口，對方就問：「你係咪有上連登？」:O
我呆咗，個感覺真係好神奇 [sosad]
希望有日喺街度撞到你～#good#
#42難分真與假•2017年7月19日 23:07:05
/負皮？傻撚咗？#ng##ng##ng#
連登仔見人搵到錢就踩㗎啦[sosad] 酸呀嘛[sosad]/
On9 出書搵到幾多錢呀[sosad] 主要都係想完左個夢想咋
#45陌樂偈•2017年7月20日 16:03:27
【書展見面＋傾偈＋簽書會】
日期：7月21日（星期五）
時間：6:00PM ~ 7:00PM
地點：明報出版社攤位
Hall 1C（書刊館）1C-C04-16
聽晚去書展嘅巴絲，唔買書都冇所謂
歡迎嚟搵我傾返場陌樂偈～ #hoho#
#46Kotoko•2017年7月20日 16:16:38
其實我都好中意睇你D文
但係本書設計到咁令我覺得有D失望
巴打恕我直言 唔係好明封面隻卡通雞同內文有咩關係，仲要用埋可愛字體
明明內文幾高質但見到封面即刻覺得廉價左，冇曬購買意慾
如果個公仔對你有特別意義我道左歉先
#48飯爸巴（餵奶）•2017年7月20日 17:14:13
正評支持，提材好特別
見到書會買本
#51緋荔榭少年•2017年7月20日 18:24:49
如果見得番果d人 有冇諗過請番佢地食餐飯
今晚過黎買#hoho#
#52人民幣傢伙•2017年7月20日 18:29:21
/好似我咁，每本書賣$78，只可以分到8% = $6.24
假設唔知點解咁好彩賣到500本，都只係得$3120
但我用咗好長時間，先寫完書入面呢七幾萬字
如果用呢啲時間嚟做M記，一定可以搵到更多錢/
食水咁撚深xx(
白痴一問
唔可以自己出架咩
一定要經出版社？？
#55陌樂偈•2017年7月20日 22:15:38
/其實我都好中意睇你D文
但係本書設計到咁令我覺得有D失望
巴打恕我直言 唔係好明封面隻卡通雞同內文有咩關係，仲要用埋可愛字體
明明內文幾高質但見到封面即刻覺得廉價左，冇曬購買意慾
如果個公仔對你有特別意義我道左歉先/
巴打，多謝你中意睇我啲文，亦多謝你嘅意見#hoho#
隻公仔同個封面，都係由一位同我由細玩到大嘅設計師設計
我自己睇完之後就好中意，所以都冇諗過叫佢改
至於本書同隻「浸住啲醬嘅雞」有咩關係
巴打可以試下讀呢3個字出嚟－「陌樂偈」
再一次多謝你嘅支持#hoho#
#56陌樂偈•2017年7月20日 22:20:12
/正評支持，提材好特別
見到書會買本/
多謝巴打支持 #adore#
而家 三聯、商務、中華 都有得賣
怕迫嘅話唔一定要去書展買都得
不過書展買有8折（明報攤位）
都歡迎巴打聽晚嚟傾下偈#hoho#
#57陌樂偈•2017年7月20日 22:25:37
/得一日炸？！#scared#lme
我聽日要返(學)啊，好大機會尼唔到 tim #pain#lme
會唔會考慮加埸下星期一或者二啊#yeah#lme/
我呢啲冇人識嘅新作者，有一日已經好好了
我會問下出版社，不過唔知佢哋肯唔肯畀我加場
如果各位巴打，真係想同小弟見下面嘅話#adore#
我哋可以約個時間去書展，自己搞多一次見面會#hoho#
#58陌樂偈•2017年7月20日 22:27:03
/之前睇左十日左右覺得幾好睇
不過之後冇追到 估唔到出到書 勁#hoho#/
多謝你覺得幾好睇 #hoho#
我覺得自己係好彩啫，啲文咁啱俾出版社編輯睇到
#59陌樂偈•2017年7月20日 22:29:05
/如果見得番果d人 有冇諗過請番佢地食餐飯
今晚過黎買#hoho#/
哈哈，如果撞得返，我會想送本書畀佢哋
不過萍水相逢，都好難撞得返了:)
多謝巴打買書支持#hoho#
#60新垣結衣:D•2017年7月20日 22:30:11
我都有試過跟你咁樣練膽,一開始搵男人吹水都仲ok,但一同女仔講就會諗好耐食晒螺絲同埋成日dead air,結果好快就收左皮了:-(
#61陌樂偈•2017年7月20日 22:36:17
/食水咁撚深xx(
白痴一問
唔可以自己出架咩
一定要經出版社？？/
其實都唔關出版社事嘅～
以我所知，係書局收得最多錢
香港最值錢嘅都係土地
就好似一套電影咁，大部分票房都係落咗戲院度
至於唔搵出版社出唔出到書？
呢樣我就唔清楚，但今次係出版社主動搵我
所以出書嘅成本全部由出版社畀錢，我$1都唔使出
然後出版社幫手印刷，再同書店傾好晒
所以先可以喺三聯、商務、中華呢啲書局度賣
所以我都好感謝出版社
#64陌樂偈•2017年7月20日 23:10:45
/我都有試過跟你咁樣練膽,一開始搵男人吹水都仲ok,但一同女仔講就會諗好耐食晒螺絲同埋成日dead air,結果好快就收左皮了:-(/
巴打你好勇敢呀！#hoho#
我做咗半年了，而家每日都依然會緊張，特別係同女仔講嘢～
不過已經大膽咗好多了，同人傾偈都叻咗，好少dead air了
巴打有機會再搵人傾下陌樂偈啦～傾得多就會有進步～#good#
溝通技巧，人際關係都會有改善！#hoho#
#67陌樂偈•2017年7月21日 00:11:58
【書展見面＋傾偈＋簽書會】
日期：7月21日（星期五）
時間：6:00PM ~ 7:00PM
地點：明報出版社攤位
Hall 1C（書刊館）1C-C04-16
聽晚去書展嘅巴絲，唔買書都冇所謂
歡迎嚟搵我傾返場陌樂偈～ #hoho#
#69星爆柒頭斬•2017年7月21日 04:00:20
睇過你第一個post，估唔到你堅持到，遲啲買本
#71羊肉卡巴•2017年7月21日 07:51:21
溝女聖經 實戰篇#good#
#74靜啦屌•2017年7月21日 12:27:20
原來出左書 恭喜#love#
#77秋本星•2017年7月21日 15:26:30
支持巴打
剛剛買左本
我都鍾意同人傾計
但唔會諗到逼自己搵陌生人傾計
加油#yup#
#79陌樂偈•2017年7月21日 16:50:37
/溝女聖經 實戰篇#good#/
未必有用，我成日都食檸檬㗎[sosad]
#86西門吹蕭•2017年7月21日 17:52:59
恭喜爸打#hoho#
#88Amlodipine•2017年7月21日 18:39:48
恭喜哂
#96陌樂偈•2017年7月22日 14:19:37
/雖然覺得無啦啦搵個陌生人傾計好無聊
不過都正皮/
我最初都覺得呢個計劃幾無聊，做落先發現好有意思～
多謝巴打正皮支持#adore#
#106大盲西•2017年7月22日 23:52:05
咁而家仲會唔會每日搵陌生人？[sosad]
#108陌樂偈•2017年7月23日 00:03:59
各位陌生人：
我 7月23日（星期日）會喺書展
不過出版社安排唔到位置畀我了
喺書展又想搵小弟傾偈／簽名嘅巴絲
可以喺呢個Post留個言
我哋約個時間、地點，傾返場陌樂偈～
#hoho#
#109陌樂偈•2017年7月23日 00:05:11
/咁而家仲會唔會每日搵陌生人？[sosad]/
有，依然會有少少緊張 [sosad]
#111豚妹•2017年7月23日 00:07:18
琴日去書展經過見到巴打
真人都幾青靚白淨#love##love##love#:P
#112大盲西•2017年7月23日 00:09:52
/有，依然會有少少緊張 [sosad]/
好勁[sosad] 會唔會特登搵多d 靚仔靚女[sosad]
#113陌樂偈•2017年7月23日 00:10:37
/琴日去書展經過見到巴打
真人都幾青靚白淨#love##love##love#:P/
巴打有冇過嚟搵我傾偈？[sosad]
#115陌樂偈•2017年7月23日 00:15:17
/好勁[sosad] 會唔會特登搵多d 靚仔靚女[sosad]/
會盡量每日搵唔同類型嘅人
不過其實通常都唔多選擇
要單獨一個人、冇講緊電話、冇瞓緊覺、
附近冇乜人，我先會搵佢
#118泡沫花火•2017年7月23日 00:18:23
恭喜巴打#good##hoho#
#128池昌旭老婆•2017年7月23日 00:57:08
由你啱啱開始寫個陣已經有睇，估唔到依家出埋書，恭喜哂先！不過應該黎唔到買簽名版:-( ，遲下去書局望下先:-(
#136陌樂偈•2017年7月23日 01:27:18
/由你啱啱開始寫個陣已經有睇，估唔到依家出埋書，恭喜哂先！不過應該黎唔到買簽名版:-( ，遲下去書局望下先:-(/
多謝你咁耐以前就已經開始睇#adore#
我都估唔到有機會出書，多謝各位陌生人嘅支持～#hoho#
經「陌樂偈特派專員」實地考察（即係我自己）
證實三聯、商務、中華、大眾，已經有得賣了
#140豚妹•2017年7月23日 01:33:57
/經「陌樂偈特派專員」實地考察（即係我自己）
證實三聯、商務、中華、大眾，已經有得賣了/
我之前係你岩岩開post個陣已經live左
不過無留過言:D:D:D
完全估唔到會出書
個日一經過見到即刻呆左咁同朋友話： 啊 呢個我係連登睇過佢個故啊
之後個職員就走埋黎話買書可以簽名bilibala [sosad][sosad][sosad]
#148泰極熊•2017年7月23日 01:46:32
好似有好趣咁！！其實你點解會有呢個idea~~有咩觸發到你
#151哎呀咬呀哎呀•2017年7月23日 01:56:33
恭喜巴打#hoho#
#152肥婆見到肉•2017年7月23日 02:12:54
好鍾意睇#love#
巴打加油#hoho#:P
#153你睇我唔到吹啊•2017年7月23日 02:15:19
幾得意加油
#154好撚急屎•2017年7月23日 02:23:50
平時碌facebook見到你個page出post都會特登撳入去睇
恭喜巴打出書#hoho# 唔去書展，過兩日落商務睇下有無:P:P
#155A0真毒不解釋•2017年7月23日 02:40:18
而家先知你開左新post，想問呢度仲會唔會繼續更新
#156華府迷途小書僮•2017年7月23日 03:47:13
突然醒起外國有個ig都係咁
每日都了解一個陌生人既人生
張個故事同張相post 上ig
有時會分幾張相講個個人
有無人知可以搵番比我:~(
好想睇番一個清潔工既故事:~(
#157陌樂偈•2017年7月23日 13:38:24
/好似有好趣咁！！其實你點解會有呢個idea~~有咩觸發到你/
多謝支持！#hoho#
巴打可以去之前個Post，或者「陌樂偈」Facebook
睇睇我寫嘅第一篇文章#hoho#
#164陌樂偈•2017年7月23日 13:42:45
/而家先知你開左新post，想問呢度仲會唔會繼續更新/
會～#hoho#
我直接喺呢個Post貼文好嗎？
#165陌樂偈•2017年7月23日 13:49:02
/突然醒起外國有個ig都係咁
每日都了解一個陌生人既人生
張個故事同張相post 上ig
有時會分幾張相講個個人
有無人知可以搵番比我:~(
好想睇番一個清潔工既故事:~(/
有陌生人Send過畀我睇，係唔係光光定頭嘅男人？
但我一時都唔記得咗個名[banghead]
#166陌樂偈•2017年7月23日 13:57:22
《陌樂偈》第33天－帶著魔法小提琴的街頭音樂家
一位滿頭白髮的外藉男子，在街上演奏著小提琴
他的小提琴非常特別，吸引了我的目光
那是一個散發著紫色光芒的透明小提琴
偶爾，有路人經過，沒有人停下來欣賞他的演出
但他依然閉起雙眼，陶醉地演奏著自己的音樂
我站在旁邊，聽他演奏著一首如夢似幻的樂曲
他的身旁，有一部播放著伴奏音樂的錄音機、
一個打開了的行李箱，內有一疊印有他樣子的CD
和一張卡，用中文介紹他來自法國，還寫著一句
「帶著他的魔法小提琴走遍世界的街頭音樂家」
他剛演奏完一首樂曲
機會來了～陌生人！
錄音機發出了一句普通話「下一首」
我心想，他真的是法國人嗎？
我走過去跟他說：「Bonjour!（法文你好）」
他也回了我一句標準的「Bonjour」
然後按揨了錄音機
我問他懂不懂英文，他說懂
然後，開始跟他進行英文陌樂偈
（以下內容由英文翻譯成廣東話）
「你個小提琴好特別，係咪你自己整㗎？」
「唔係，我喺深水埗買嘅」
他的答案令我意想不到
「呢個小提琴同普通嘅小提琴咩分別？」
「冇咩分別㗎，識發光囉」
他的答案再一次令我意想不到
他繼續說：
「我鍾意佢比較細，方便我攞去唔同地方」
「呢個係咪你最鍾意嘅小提琴？」
「係，去到邊都帶住佢，好似我嘅好朋友咁」
開始跟他傾偈前，沒有人願意為他停下來一秒鐘
跟他傾了一會，已經有幾位路人停下來留意他
一位小姐更走過來跟他買了一隻CD
不知道是巧合，還是人類總是羊群心理
沒人理會的音樂，那就不值得欣賞
有人圍觀的音樂，就是出色的表演
今時今日，互聯網上也有同樣的情況
點擊率高的作品，自然會得到更多人的欣賞
點擊率低的作品，難以吸引路過的網民留意
我問及他的過去，他演奏街頭音樂已經30年
30年前，他在法國只是一個普通的木匠
工作非常艱苦，一個星期要工作60小時
放假時，他會到歐洲不同的國家進行街頭表演
慢慢他認為，演奏音樂才是他最喜歡的工作
於是他辭去工作，到世界各地演奏街頭音樂
「喺香港做街頭音樂，同其他地方有咩分別？」
「香港人比較忙，好少人會停低聽我嘅音樂
反而中國比較好，啲人比較得閒，啲嘢又好食
我個錄音機都係喺嗰度買，但就容易俾人趕走
台灣同韓國，都係一個好適合嘅表演地方」
「歐洲呢？」
「歐洲以前好好，而家有好多窮人去咗嗰度
街上面有好多乞衣，好難搵到地方表演」
「你會留喺香港幾耐？」
「我而家長住喺香港，因為喺香港識咗我老婆
雖然我都想去其他國家，但我老婆想我留喺度」
「可唔可以話我知，你點認識你太太？」
「我嚟到香港，喺街頭表演，佢俾我嘅音樂吸引到
然後佢過嚟同我傾偈，最後交換咗聯絡方法」
他熱愛的音樂，使他們兩個人相遇，然後相愛
「你想唔想出名？」
他笑著說：「我已經好出名」
我嚇了一跳！
難道他是我不認識的世界知名音樂大師？
「I am sorry! I don’t know~」
他拿出手提電話，展示了一些報導
原來有香港媒體訪問過他
「你想唔想更加出名，例如全世界嘅人都識你？」
「I don’t care（我冇所謂）」
這時候，又有路人過來，放下一張紙幣在行李箱內
他感激地說了句Thank You，然後繼續和我傾偈
「你做街頭音樂搵唔搵到錢？」
「OK，夠我生活，我唔需要有好多錢」
除了街頭表演，也有人邀請他出Show
他又用電話，展示了一些公開表演的照片給我看
例如是商場表演、嘉年華表演等等
「喺街邊玩音樂同出Show，邊樣搵得多啲錢？」
「Um… 差唔多」
「冇人停低聽你嘅音樂嗰陣，你有咩感覺？」
「我冇乜所謂，我會繼續演奏自己鍾意嘅音樂」
做一份自己熱愛的工作，真是一件非常幸福的事
「你咁耐以嚟最開心嘅經歷係咩？」
他思考了一會，然後說：「可能係識到我老婆」
「你好愛佢？」
他會心微笑地說：「係，佢都好愛我」
「恭喜你哋搵到對方」
當年，他勇於追尋自己的夢想
結果，成就了他一生中最愉快的經歷
他繼續思考著說：「因為我條命已經好長
所以一時之間，好難諗到邊個經歷最開心
或者你下次再見到我，我會有第二個答案
但係如果而家要我答你，就係識到我老婆」
「希望有機會再遇到你，然後再問你呢條問題」
「Um…又可能係我第一次嚟香港嗰陣
我覺得呢度好靚，係一個好國際化嘅城市
喺呢度可以見到唔同國家嘅人，啲人又好Nice…」
這時候，一位漂亮的女孩在我身後經過
他的目光像雷達一樣，追蹤著那位女孩
呆呆地說：「而且街上面有好多靚女……」
法國人果然是比較多情
另一位路過的女孩，過來詢問他關於CD的事
他竟然回答：「唔好意思，我同呢個男仔傾緊偈」
我只是一個運吉的陌生人
沒有留下金錢，沒有購買他的CD
他依然願意付出寶貴的時間，專注地跟我傾偈
為免打擾他做生意，我馬上說：
「我要走喇，好多謝你同我傾偈！
聽完你嘅經歷，我會更努力去追尋自己嘅夢想
Nice to Meet you!（好高興認識你）」
「Nice to meet you too!」
下次，當你遇到街頭音樂人
不妨停下來，欣賞一下他的音樂
又或者過去，跟他傾一場陌樂偈
如果，他是一位拿著魔法小提琴的外國人
你可以放心地跟他說一句「Bonjour」
他一定很樂意跟你傾偈
我們互相握手，沒有交換聯絡方法，就此告別
離開時，我還聽到如夢似幻、像魔法般的音樂
我們都是陌路人，就這樣傾了一場街頭陌樂偈
#168陌樂偈•2017年7月23日 14:07:00
其實之前第1個post沈咗，我開過第2個Post
但幾乎冇人留言同正評，我以為連登已經冇乜人想睇:-(
原來重有咁多巴絲等緊我出文，好對唔住～ :~(
希望各位巴打睇完每篇文，可以留低一兩隻字，講下你嘅感受
就算唔想留言，都請你撳一下篇文下面，正評或者負評嗰粒制
等我知道連登依然有巴絲睇緊我貼出嚟嘅文 #adore#
多謝各位巴絲嘅支持 #hoho#
#169陌樂偈•2017年7月23日 14:09:17
各位陌生人：
我今日（星期日）會喺書展
不過出版社安排唔到位置畀我了
喺書展又想搵小弟傾偈／簽名嘅巴絲
可以喺呢個Post留個言
我哋約個時間、地點，傾返場陌樂偈～#hoho#
#171陌樂偈•2017年7月23日 17:14:45
各位陌生人
出版社今晚加開一場見面會給我們！
【書展見面＋傾偈＋簽書會】
日期：7月23日（星期日）
時間：7:00PM ~ 8:00PM
地點：明報出版社攤位
Hall 1C（書刊館）1C-C04-16
#172陌樂偈•2017年7月23日 17:56:32
突發！今晚加開一場見面會！
【書展見面＋傾偈＋簽書會】
日期：7月23日（星期日）
時間：7:00PM ~ 8:00PM
地點：明報出版社攤位
Hall 1C（書刊館）1C-C04-16
#173陌樂偈•2017年7月23日 19:44:20
啱啱搵我簽名嘅巴打你好#bye#
多謝你嘅支持！#hoho#
希望你會堅持寫作，加油！#good#
#174藍色薑餅人•2017年7月23日 20:41:45
加油巴打#hoho#
緊張嘅陌生人上
#175陌樂偈•2017年7月23日 23:46:27
/加油巴打#hoho#
緊張嘅陌生人上/
多謝絲打#hoho#
其實我都好緊張……[sosad]